ဒီဇင်ဘာ ၂၇၊ ၂၀၁၄
M-Media
– နေ့စဉ်ရက်ဆက် မိုးသည်းထန်စွာ ရွာသွန်းနေမှုကြောင့် မလေးရှားနိုင်ငံတွင် ရေကြီးမှုများ ဖြစ်ပေါ်ခဲ့ပြီး ယခုနောက်ဆုံး နီဂရီဆမ်ဘီလန်ပြည်နယ်တွင်ပင် ရေကြီးနေသည်ဟု သိရသည်။
နီဂရီဆမ်ဘီလန်ပြည်နယ်မှာ ရေကြီးမှုဒဏ်ကို ခံစားရသည့် ၈ ခုမြောက် ပြည်နယ်ဖြစ်လာခဲ့ပြီး ဒီဇင်ဘာ ၂၇ ရက်နေ့ နံနက်ပိုင်းအထိ ထိုပြည်နယ်မှ လူပေါင်း ၃၀၀ ကျော်မှာ ကယ်ဆယ်ရေးစခန်းများသို့ ရောက်ရှိနေကာ နိုင်ငံတစ်ဝှမ်း ရေကြီးမှုကြောင့် ကယ်ဆယ်ထားရသူ အရေအတွက်မှာ ၁၃၂၆၈၄ ဦးအထိ ရှိလာပြီဖြစ်သည်။
အခြား ပြည်နယ်များဖြစ်သည့် ကလန်တန်း၊ တရန်ဂါနူ၊ ပါဟန်း၊ ဂျိုဟိုးနှင့်
ပဲရက်ပြည်နယ်များတွင် ရေကြီးမှုအခြေအနေမှာ ဆိုးရွားနေပြီး ပဲရ်လစ်နှင့်
ကဒါ့ဟ်ပြည်နယ်များတွင် အခြေအနေမှာ အနည်းငယ်တည်ငြိမ်လာပြီ ဖြစ်သည်။
ကလန်တန်းပြည်နယ်မှာ ရေကြီးမှုဒဏ်ကို အဆိုးဝါးဆုံးခံရသည့် ပြည်နယ်ဖြစ်ပြီး လူပေါင်း ၅၅၉၆၀ မှာ ကယ်ဆယ်ရေးစင်တာများတွင် နေထိုင်နေရသည်။ မိုးများမှာ ယခုအချိန်အထိ အချို့ပြည်နယ်များ၌ ဆက်လက် ရွာသွန်းနေသည်။
ရေးဘေးသင့်ပြည်သူများအတွက် ကယ်ဆယ်ရေးလုပ်ငန်းများကို အစိုးရအပါအ၀င် လူငယ်အဖွဲ့အစည်းများ၊ စေတနာ့ဝန်ထမ်း အဖွဲ့များစွာက အင်တိုက်အားတိုက် လုပ်ဆောင်နေသည်။ ၀န်ကြီးချုပ် နာဂျစ်ရာဇတ်ကလည်း ယနေ့နံနက်ပိုင်းတွင် ကလန်တန်း ပြည်နယ်သို့ သွားရောက်ခဲ့ပြီး ရေဘေးသင့်ပြည်သူများအား အားပေးခဲ့သည်။
Ref : channelnewsasia, newsstraittime
Leave a Reply
You must be logged in to post a comment.