ဒီဇင်ဘာ ၁၆ ၊ ၂၀၁၄
M-Media
Z.Y ရေးသည်။
လူတစ်ယောက်အောင်မြင်ဖို့ဘာတွေလိုအပ်ပါသလဲ။ ကြိုးစားအားထုတ်မှု၊ အချိန်၊ ငွေ၊ ပေါင်းသင်းဆက်ဆံရေး၊ စန်းနဲ့ကြော်ငြာအားတွေလား၊ အထောက်အပံ့နဲ့ အရှိန်အဝါလား၊ အတိအကျ ဘယ်အရာက အဓိကလည်းဆိုတော့ ပြောရခက်ပါသည်။ သို့သော် ဒီနေ့ခေတ်တွင်တော့ အောင်မြင်မှုရဖို့အတွက် ဘာမှကြိုးစားအားထုတ်မှု မရှိ၊ ငွေကုန်ကြေးကျလည်း မများ၊ အချိန်လည်း သိပ်မကုန်စေဘဲ တခြားတစ်ယောက်ရဲ့အရှိန်အဝါ အထောက်အပံ့ကိုယူကာ ကြော်ငြာ အားကောင်းပစ်နေကြသည်ကို တွေ့ရ၏။
ဥပမာဆိုရလျှင် အဖေသရုပ်ဆောင်၊ သားသရုပ်ဆောင်၊ အမေကဘာဒါကြောင့် သား သမီး ကဘာလိုက်လုပ်ကြသည်ပေါ့။ ပြသာနာမဟုတ်ပါ။ အရှိန်အဝါ အထောက်အပံ့ကိုယူကာ တကယ်ကြိုးစားကြသော သူများကိုတွေ့ရသည်။ ဟုတ်သည် ကိုယ့်အဖေ၊ အမေ၊ အစ်ကို၊ အစ်မ အောင်မြင်နေသည်ဆိုသည်မှာ ထိုင်နေရင်းရလာသည်မဟုတ်ဆိုတာကို နားလည်ထားသူတွေကတော့ တကယ်ကြိုးစားကြသည်။ တစ်ချို့က ဖြေရာနင်းကာအောင်မြင်ကြသလို တချို့ကတော့ စန်းမတောက်သဖြင့် အောင်မြင်မှုနည်းကြသည်ပေါ့။
တချို့ကျတော့ အောင်မြင်နေသူ၏ အရှိန်အဝါကိုယူကာ ကိုယ့်ကိုကိုယ် နာမည်ကြီးအောင်ကြိုးစားအားထုတ်မှုမှ မလုပ်ဘဲ လိုချင်တပ်မက်နေကြသည်လည်းရှိ၏။ ထိုအရာသည်လည်း ပြသာနာတော့ မရှိလှသေး။ အဲ….. မပြည့်သောအိုးများက ဘောင်ဘင် လှုပ်သောအခါတွင်တော့ မြင်ရကြားရတာက ပြသာနာရှိလာသည်။
နာမည်ကြီးသောသူ တစ်ဦး၏ ညီတစ်ယောက်ဆိုပါတော့။ ဘာမှသာ မဖြစ်သေး တကယ့် ကမ္ဘာကျော်နေသူလို ကိုယ့်ကို ကိုယ် မာန်တက်ပြနေတာမျိုးရှိ၏။ ဒါမျိုးကျတော့ ကြည့် မကောင်းဘူးဟုထင်သည်။ သူမာန်တက်သလိုမျိုး သူ့အစ်ကိုမှာ မာန်တက်ခွင့်ရှိသည်။ ဒါပေမယ့် အစ်ကို လုပ်သူကပြည့်သူဆိုတော့ ရေပွက် တစ်ချက်တောင် မထချေ။ လောကကြီးမှာ ဒီလိုလူမျိုးတွေရှိနေပါလားဆိုတာကို အကောင်းဆုံး ယှဉ်ကြည့်လို့ရသည့်အတွက်တော့ ကျေးဇူးကြံဖန်တင်ရပေမည်။
နောက်ထပ်ကြုံရသူ တစ်ဦးကျတော့ ကိုယ်ပိုင်မီဒီယာထောင်ကာ စာရေးဆရာဘွဲ့ခံ၊ ပညာအလုပ်တွေ ထပ်တိုးလုပ် ဗီဒီယိုရိုက်မယ်ဆိုလား သီချင်းဆိုပြီဆိုလားလုပ်ရဲ့။ ဝါသနာပါသည်ဆိုတာကိုတော့ နားလည်ပေးနိုင်ပါသည်။ သို့ပေမယ့် ပါရမီမပါဘဲဝါသနာသက်သက် ကျော်ကြားချင်ယုံ သက်သက်နဲ့တော့ မလုပ်သင့်ဟုထင်ပါသည်။
အင်း တစ်ခါတစ်လေတော့လည်း မကြားချင်သော အသံများကို ကြားရသော အခါများလည်းရှိသည်။ အောင်မြင်သော အိမ်ထောင်ဘက်၏ အရှိန်အဝါကိုသုံးကာ ကိုယ့်ကိုယ်ကို ကြော်ငြာနေသောအသံများပင်။ ကိုယ့်ကိုယ်ကို ကြော်ငြာတာက ပြသာနာ မဟုတ်သော်လည်း ကိုယ့်အိမ်ထောင်ဘက်အောင်မြင်နေတာပဲ။ ကိုယ်ကတော်လို့ ကိုယ်က ကွန်ထရိုးပေးထားလို့စသဖြင့် ကိုယ့်ကိုကိုယ်ဖော်မသူတော်လုပ်နေတာကြတော့ သိပ်မမိုက်တော့။
ဘာကြောင့်များ ကိုယ့်အိမ်ထောင်ဘက်ကို နလပိန်းတုံးလိုဖြစ်အောင်ပြောနေရတာလဲ။ ကျွန်တော်လည်းနားမလည်တော့။ တကယ်အသုံးကျသူ၊ အဖိုးတန်သူ၊ ပြည့်ဝသူဆိုပါက ထိုသို့သောအပြုအမှု၊ ပြောစကားများကို ကျူးလွန်လိမ့်မည် မဟုတ်ဟု ကျွန်တော် ရဲရဲကြီး ယုံကြည်ပါသည်။
လောကကြီးတွင် “ကြက်တူရွေးကတော်တော် မယ်ဘော်ကကဲကဲ” ဆိုသော စကားပုံအတိုင်း နေထိုင်ကျင့်သုံးနေသော လူတွေဘယ်လောက်များရှိနေပြီလဲ။ ယခုကျွန်တော် ကြုံတွေ့ဖူးသော ထိုသူများကဲ့သို့ပင် မိတ်ဆွေတို့၏ ပတ်ဝန်းကျင်တွင်လည်း “မယ်ဘော်” များကိုတွေ့ဖူးလ်ိမ့်မည်ဟု ထင်ပါသည်။
အချုပ်အားဖြင့်ဆိုရသော် ကျွန်တော်ကိုယ်တိုင်လည်း ဘာ မမဟုတ်သည့်တိုင် အပြုသဘောဝေဖန်ထောက်ပြခြင်းသာဖြစ်ပါသည်။ ကြက်တူရွေးထက်ကဲသောမယ်ဘော်များလည်း ဖတ်မိကြားမိပါက ဒေါသနမပွားကြဘဲ တတ်နိုင်သလောက်ဆင်ခြင်နိုင်ပါစေဟု တောင်းဆိုပြုလိုက်ပါသည်။ ဘာပဲပြောပြော ရေးစရာအကြောင်းဖန်တီးပေးသော “မယ်ဘော်” များကိုလည်း ဤနေရာမှပင်ကျေးဇူးတင်ပါကြောင်း ပြောကြားလိုက်ရပါသည်ခင်ဗျား။
Z.Y
