အောက်တိုဘာ ၂၃ ၊ ၂၀၁၄
M-Media
သူရမင်းမင်း ရေးသည်။
အမျိုးဘာသာကာကွယ်ရေးဆိုတဲ့ အရေခွံခြုံပြီး ရွေးကောက်ပွဲနီးလေ မွတ်စလင် မုန်းတီးရေး အရှိန်တိုးမြင့်လေ လုပ်လာတဲ့ အောင်ဇေယျတု ဂျာနယ်မှာ အစ္စလာမ်ဘာသာကို ပေါ်တင်စော် ကားထုတ်ဝေလာပါတယ်။ စော်ကားတဲ့ထဲမှာ အစ္စလာမ်ဘာသာဝင် မွတ်စလင်တွေ အသက်တမျှ ချစ်ခင် တန်ဖိုးထား တဲ့ ရှေ့ ဆောင်လမ်းပြ တမန်တော် မုဟမ္မဒ် ကို မဟုတ်မမှန် အချက်တွေသုံးပြီး တမင် ဂုဏ်သ ရေဖျက်ဖို့ ကြိုးစားထားပါတယ်။ အောင်ဇေယျတုဆောင်းပါးရှင်ဟာ တမန်တော် မုဟမ္မဒ် လို နှစ်ပေါင်း ၁၄၀၀ ကျော်သည့်တိုင် ကမ္ဘာကျော် ကျော်ကြား လွှမ်းမိုးမှုရှိဆဲ ပုဂ္ဂိုလ် အ ကြောင်းရေး ရာမှာ မုဟမ္မဒ် ရဲ့ ဘ၀အကြောင်း နဲနဲတောင်လေ့လာခဲ့ပုံ မရပါဘူး။
ကမ္ဘာကျော် ပုဂ္ဂိုလ် တစ်ယောက်အကြောင်းကို ပေါက်လွတ်ပဲစား အဆင့်လောက် ဆောင်းပါးရေး ဖို့ အတွက် မွတ်စလင်မုန်းတီးရေး အပေါစား စွပ်စွဲချက်တွေသာဖတ်ပြီး မြန်မာပြည်သူတွေကို အမုန်းမီးတိုက်ဖို့ သက်သက်သာ ရေးထားတာကိုတွေ့ ရပါတယ်။ ခုလို အပေါစားဆောင်းပါး တွေနဲ့  ခြားနားစွာ ကမ္ဘာ အသိအမှတ်ပြု သမိုင်းပညာရှင်တွေနဲ့  အထ္တုပတ္တိ စာရေးဆရာ (biographer) တွေက မုဟမ္မဒ် ကို သူရဲကောင်း၊ ရှေ့ ဆောင် (role model)၊ ခေါင်းဆောင် အဖြစ် အသိအမှတ်ပြုကြပါတယ်။ ဒါကို မုန်းတီးရေးသမားတွေက သိပုံတောင်မရပါဘူး။
ကမ္ဘာကျော် The First Muslim (ပထမဆုံး မွတ်စလင်) စာအုပ်ရေးသားတဲ့ ဂျူးလူမျိုး လက်စလီ ဟက်ဇလတွန် က မုဟမ္မဒ် ဟာ သမိုင်းသက်တမ်းတလျှောက် လွှမ်းမိုးမှု အရှိဆုံး ပုဂ္ဂိုလ်ဖြစ်တယ်လို့  Huffington Post ဆောင်းပါးမှာရေးပါတယ်။ သူ့ ရဲ့ စာအုပ်ဟာ ဖတ်သင့်တဲ့ စာအုပ်ဖြစ်ကြောင်း The New York Times, Seattle Time,San Francisco Chronicle, Major History တို့ က မှတ်ချက်ပေးပြီး အဲ့ဒီစာအုပ်ဟာ ကမ္ဘာတခွင့် စာဖတ်သူတွေ က ကြယ် ၅ ပွင့်အနက် ၄ ပွင့် နဲ့  ၅ ပွင့် မှတ်ချက် ပေးကြပါတယ်။
နိုင်ငံတကာစံနှုန်းနဲ့  ရေးတဲ့စာအုပ်ကို နိုင်ငံတကာ စာဖတ်သူတွေက ကြိုက်နှစ်သက်ကြပါ တယ်။ အောင်ဇေယျတုလို အပေါစား ဆောင်းပါးလောက်နဲ့ ပြည်သူတွေကို အမုန်းမီးလောင် တိုက်သွင်းဖို့  ဖန်တီးထားတဲ့ ဂျာနယ်ကသာ အချက်မှားတွေနဲ့ သာ တမန်တော် မုဟမ္မဒ် ကို ဂုဏ်သရေ ဖျက်တာပါ။
စာရေးဆရာမ လက်စလေက ထောက်ပြတဲ့ အချက်တချို့ ကတော့
မိဘမဲ့ကလေးမှ တက်ကြွလှုပ်ရှားသူသို့  –
မုဟမ္မဒ် ဟာ မိဘမဲ့ကလေး ဘ၀ကနေ ကမ္ဘာကျော် ပုဂ္ဂိုလ်ဖြစ်လာတယ်။ သူ့ အဖေဟာ မုဟမ္မဒ် ကို သူမိခင် ကိုယ်ဝန်ဆောင်တဲ့ အချိန်က ဆုံးသွားတယ်။ မွေးပြီးချင်း အမေနဲ့ ခွဲနေ ရတယ်။ အသက် ၅ နှစ် မှာ မိခင်ဆီပြန်လာပြီး တစ်နှစ်ကြာတော့ မိခင်လည်း ဆုံးသွားတယ်။ မိဘ၊ ဆွေမျိုးအသိုင်း အ၀ိုင်းရှိဖို့  အရေးကြီးတဲ့ အဲ့ဒီအချိန်ခါက အသိုင်းအ၀ိုင်းမှာ မိဘမဲ့ကလေး မုဟမ္မဒ် ဟာ ချောင်ထိုးခံရတယ်။ မိဘမဲ့ သူ ဆင်းရဲကလေးအဖြစ် နေထိုင်ခဲ့ရပြီး ကုလားအုပ် ထိန်းအဖြစ် အလုပ်လုပ်ခဲ့ ရတယ်။ ငွေကြေးဥစ္စာ ဂုဏ်ပကာသနရှိသူတွေ၊ အာဏာရှိသူတွေရဲ့  ဖိနှိပ်မှုကို ချို့ တဲ့သူတွေ ခါးဆီးခံရတာကို မျက်မြင်ကိုယ်တွေ့ ဖြစ်ပြီး ချို့ တဲ့တဲ့လူတွေဖက်က မခံမရပ်ဖြစ် ပြီး အဲ့ဒီအချိန်က ဥစ္စာနဲ့ ပါဝါရှိတဲ့ အုပ်ချုပ်သူလူတန်းစားကို ပြန်ပြီး အာခံခဲ့တဲ့၊ ခုခေတ်စကား နဲ့  ပြောမယ်ဆိုရင် တက်ကြွ လှုပ်ရှားသူ (activist) ပုဂ္ဂိုလ် ဖြစ်တယ်။
Occupy လှုပ်ရှားမှုစတင်သူ
မက္ကာကို အုပ်စိုးတဲ့ လူကုန်ထံတွေရဲ့  ဖိနှိပ်မှု၊ အာဂတိပျက်ချစားမှု၊ သွေးစုတ်မှုတွေကို တော်လှန်တဲ့ တော်လှန်ရေးသမားဖြစ်တယ်။ စာရေးဆရာမ လက်စလေအဆိုအရ မုဟမ္မဒ် ဟာ အခုခေတ်စားနေတဲ့ Occupy လှုပ်ရှားမှု (Occupy Wall Street, Occupy Seattle, Occupy Hong Kong) စတဲ့ ဆန္ဒပြမှုတွေလို လုပ်ရပ်မျိုးစတင်ခဲ့တဲ့ ပုဂ္ဂိုလ်ဖြစ်တယ်။
အစ္စလာမ် မထွန်းကားသေးတဲ့ ၇ ရာစု မက္ကာမှာ နယ်ဝေးသွား ကုန်သွယ်မှုက အဓိက စီးပွား ရေးတစ်ခုဖြစ်တယ်။ တဖွဲ့ နဲ့  တဖွဲ့ ၊ တအုပ်စုနဲ့  တအုပ်စု အပြန်အလှန် ဦးသူစား၊ ကြီးနိုင်ငယ် ညှင်း လောကမှာ ဆင်းရဲတဲ့လူတွေဖက်က ရပ်တည်ပြီး ဓနချမ်းသာသူနဲ့  အုပ်ချုပ်သူ လူတန်းစား တွေရဲ့  ဖိနှိပ်မှုကိုအံတုပြီး ဖိနှိပ်တဲ့ လူမှုရေး၊ စီးပွားရေး၊ အုပ်ချုပ်ပုံစနစ်တွေကို တွန်းလှန်ဖို့ ကြိုးစားတဲ့ တော်လှန်ရေးသမားဖြစ်ပါတယ်။
အမျိုးသမီး အခွင့်အရေး စတင်တောင်းဆိုသူ
၇ ရာစု အာရပ်လောကမှာ သမီးမိန်းကလေးထက် သားကိုပဲ ဦးစားပေးပါတယ်။ အဲ့ဒီခေတ် စီးပွားရေးအရ သားသာလျှင် ခရီးရှည်သွား စီးပွားရေး၊ စစ်မက်ရေးရာတို့ မှာ အားကိုးရပြီး မိန်း ကလေးဆိုရင် အားကိုးရာထက် မိဘက ၀န်ထုပ်ဝန်ပိုးဖြစ်ရပါတယ်။ အဲ့ဒီအတွက် သမီး မိန်းကလေးဆိုရင် သတ်ပစ် တတ်ကြပါတယ်။
အဲ့ဒီလို ခေတ်သမယမှာ မုဟမ္မဒ် မှာ သမီး ၄ ယောက်ရှိပါတယ်။ သားကတော့ မွေးကင်းစပဲ ဆုံးပါးသွားပါတယ်။ သမီး ၄ ယောက် ဖခင်မုဟမ္မဒ် ဟာ အာရပ်တွေရဲ့  ကျားမ ခွဲခြားမှုကို စိန် ခေါ်ခဲ့ပါတယ်။
ကျားဝါဒကြီးစိုးခဲ့ အဲ့ဒီခေတ်မှာ အသက် ၂၅ နှစ်အရွယ် မုဟမ္မဒ် ဟာ အသက် ၄၀ အရွယ် မုဆိုးမ ကို လက်ထပ်ခဲ့ပါတယ်။
ကုန်သွယ်မှု အချက်အခြာကျတဲ့ မက္ကာမှာ အခုလို စီးပွားရေး တရားမျှတဖို့  (Economic Justice)၊ လူမှု ရေးတရားမျှတမှု (social justice) ရှိဖို့ တောင်းဆို လှုပ်ရှားမှုကို မက္ကာက လူကုန်ထံတွေနဲ့  အုပ်ချုပ်သူတွေက လက်မခံနိုင်ပါဘူး။ သူတို့ ကို စိမ်ခေါ်တဲ့ မုဟမ္မဒ် ကို ရန်သူအနေနဲ့  မြင်ပြီး ဆန့် ကျင်နှောက်ယှက်ကြပါတယ်။
အကြမ်းမဖက် တော်လှန်ရေးသမားမှ တော်လှန်ရေးသမားသို့ 
မုဟမ္မဒ် ဟာ ပထမ ၁၂ နှစ် တိုင်တိုင် မဟတ္တမ ဂန္ဒီစတိုင် အကြမ်းမဖက် ဆန္ဒပြတဲ့နည်း (passive resistance) ကို သုံးခဲ့ကြောင်း စာရေးဆရာမ လက်စလေက ဆိုပါတယ်။ ကုရ်အာန် ကျမ်းစာက လမ်းညွန်တဲ့အတိုင်း ရန်မူတိုက်ခိုက်မှုကို ငြိမ်းချမ်းရေး စကားဖြင့်လည်းကောင်း၊ လျစ်လျူရှုဖြင့်လည်းကောင်း သွေဖီခဲ့ပါတယ်။ ခုနှစ် ၆၂၂ ရောက်ပြီး သူ့ အပေါ် တိုက်ခိုက်မှုတွေ ဆိုးရွားလာမှ မက္ကာမြို့ ကလေ မဒီနာကို ပြောင်းရွေ့ ပြီး လက်နက်ကိုင်တော်လှန်ရေး စတင်ခဲ့တာဖြစ်တယ်။
ရန်သူတွေကို ဆက်ဆံရာမှာ အစ္စလာမ်မတိုင်မှီ အာရပ်လောကက ရက်စက်တဲ့ တိုက်ခိုက်မှုတွေ၊ ကြမ်းကြုတ်မှုတွေကို တားမြစ်ပြီး ကုရ်အာန် ကျမ်းစာ လမ်းညွန်သလို တရားမျှတဲ့နည်းလမ်း၊ မိမိကိုယ်ကို ကာကွယ်တဲ့နည်းလမ်း (self defense)၊ တရားတဲ့စစ်၊ ၁၉၄၈ ဂျီနီဗာ ကွန်ဗန်းရှင်းပါ စစ်သုံ့ပမ်းများ ကာကွယ်သည့် စံနှုန်းလို စံနှုန်းတွေနဲ့ အပြင် ချို့ တဲ့လူတွေကို ညှာတာ စောင့်ရှောက်တဲ့ စံနှုန်းတွေ၊ အမျိုးသမီး၊ မုဆိုးမနဲ့  အကာအကွယ်မဲ့နေတဲ့ အမျိုးသမီးတွေကိုကာကွယ်တဲ့ စံနှုန်းတွေကြောင့် ထောက်ခံမှု တရှိန်ထိုး ရရှိလာပြီး ဒီနေ့ တိုင် ကမ္ဘာပေါ်မှာ လွှမ်းမိုးမှုအရှိဆုံး ပုဂ္ဂိုလ်အဖြစ် အသိအမှတ်ပြု ခံရတာပဲဖြစ်ပါတယ်။
** ဖော်ပြပါ ဆောင်းပါး မှာ M-Media ရဲ့ အာဘော်မဟုတ်ဘဲ ဆောင်းပါးရှင်ကောက်နှုတ်တင်ပြသော စာအုပ်ရေးသူရဲ့ အာဘော်မျှသာဖြစ်ပါသည်။
