စက်တင်ဘာ ၃၀ ၊ ၂၀၁၄
M-Media
– ကင်ဆာရောဂါသည် အမျိုးသမီးတစ်ဦးအား မသေသေးဘဲ မြေမြှုပ်တစ်ခု ပြီးခဲ့သည့် ကြာသာပတေးနေ့က ဂရိနိုင်ငံ အေသင်မြို့တွင် ဖြစ်ပွားခဲ့သည်ဟု သိရသည်။
အသက် ၄၅ နှစ်အရွယ် ကင်ဆာရောဂါသည် အမျိုးသမီးအား သေဆုံးသည်ဟု ယူဆကာ မြေမြှုပ်ပြီးနောက်ပိုင်း ၁ နာရီခန့်အကြာတွင် အုတ်ဂူအတွင်းမှ အော်သံများ၊ ထုရိုက်သံများကို သုသာန် ဝန်ထမ်းများက ကြားရသည့် အတွက်ကြောင့် ပစ္စည်း ကိရိယာများကို ယူကာ သွားရောက် တူးဖော်ခဲ့ကြသည်။
သို့သော်လည်း ထိုအမျိုးသမီး၏ အသက်အား မကယ်တင်နိုင်ခဲ့ဘဲ တူးဖော်ခဲ့ပြီးနောက် ထိုအမျိုးသမီးမှာ အသက်ရှူကြပ်သည့် ဝေဒနာကြောင့် သေဆုံး ခဲ့ကြောင်းကို တွေ့ရှိခဲ့ရသည်ဟု ပြောကြားခဲ့သည်။
ရဲတပ်ဖွဲ့ကမူ ဆရာဝန်များက မည်သည့် အတွက်ကြောင့် အဆိုပါ အမျိုးသမီးအား သေဆုံးကြောင်း အတည်ပြုခဲ့သည်ကို စုံစမ်းစစ်ဆေးလျက်ရှိနေသည်။
သို့သော်လည်း အခင်းဖြစ်ပွားရာ နေရာသို့ရောက်ရှိကာ အဆိုပါ အမျိုးသမီးအား စစ်ဆေးခဲ့သည့် ဆရာဝန်ကမူ ထိုအမျိုးသမီးမှာ နာရီအနည်းငယ် အရင်က သေဆုံးခဲ့ခြင်းဖြစ်သည်ဟု ဆိုသည်။
“ကျွန်တော်ကတော့ ဒါကိုမယုံပါဘူး။ နှလုံးအလုပ် မလုပ်တာကို စမ်းသပ်တာ အပါအ၀င် စမ်းသပ်မှု အများအပြားကို ကျွန်တော်တို့လုပ်ခဲ့ပါတယ်။ သေပြီးတောင့်လာတဲ့ အခြေအနေမျိုးမှာ လူတစ်ယောက်ဟာ အော်တာ၊ ဒီလိုမျိုး အခေါင်းကို ထုတာမျိုး လုပ်တယ်ဆိုတာ မဖြစ်နိုင်ပါဘူး” ဟု ဒေါက်တ ခရစ်စီ မတ်စီကိုဒီက Greek TV သို့ ပြောကြားခဲ့သည်။
အုတ်ဂူအတွင်းမှ အဆိုပါအမျိုးသမီး၏ အော်သံကို သုဿာန်နားတွင် နေထိုင်သူများနှင့် ထိုအနီးအနားတွင် ကစားသူ ကလေးငယ်များကလည်း ကြားခဲ့ကြသည်ဟု ဆိုသည်။ ထိုအဖြစ်အပျက်အတွက် သေမှုသေခင်းအရာရှိများက အလောင်းအား စစ်ဆေးမှုများကို ပြုလုပ်မည်ဖြစ်သည်။
မိသားစုဝင်များကမူ ထိုအမျိုးသမီးအား ကုသပေးသည့် ဆေးရုံကို တရားစွဲဆိုရန် စဉ်းစားနေကြောင်း ပြောကြားခဲ့သည်။
ref_mirror
