စက်တင်ဘာ ၂၄ ၊ ၂၀၁၄
M-Media
-နှင်းဆီခင် ရေးသည်။
ဒုတိယအရွယ်ဆိုတာက ပညာပြီးပညာရှာလာသမျှကို လက်တွေ့ဘ၀မှာ အသုံးချတဲ့အချိန်ကာလလို့ ဆိုရမှာပါ။ ပထမ အရွယ်တုန်းကတော့ မိဘတွေရဲ့ လမ်းညွှန်မှုနှင့် စာပေပညာကို သင်ယူခဲ့ကြရတယ်။ ဆယ်ကျော်သက် အရွယ်ကနေ နှစ်ဆယ်ဝန်းကျင်နား နီးလာတော့ ကိုယ့်ဘာသာသင်ယူ တတ်မြောက်ချင်ဇောနှင့်ပဲ ပညာရပ်တွေ၊ နည်းပညာတွေကို လေ့လာသင်ယူဖြစ်ကြတယ်။ အနာဂတ်အတွက် ရည်မှန်းချက်ကြီးကြီးထားသူတွေ အထူးသဖြင့် လေ့လာသင်ယူကြသလို ဘ၀အတွက်ရည်မှန်းချက် ခိုင်ခိုင်မာမာ မရှိသူတွေကတော့ ကြိုးစားပမ်းစား သင်ယူလေ့မရှိကြဘူးပေါ့။
ဆိုလိုတာက ပထမအရွယ်မှာ ရတတ်သရွေ့ပညာတွေ အတတ်ပညာနှင့် နည်းပညာတွေနှင့် ကိုယ့်ကိုယ်ဖြည့်ဆည်းလာလိုက်တာဟာ ကိုယ်ပိုင်စွမ်းရည် တစ်နည်းပြောရရင် ကိုယ်ရည်ကိုယ်သွေး မြင့်တက်လာဖို့ ရည်ရွယ်ပါတယ်။ ကောင်းပြီ၊ တစ်စုံတစ်ခုသော အတိုင်းအတာလောက်အထိ အရည်အသွေးတွေပြည့်လာပြီလို့ ယူဆတဲ့အခါ ကိုယ့်ခြေထောက်ပေါ် ကိုယ်ရပ်တည်နိုင်ဖို့ ကြိုးစားလာတာ သဘာဝပဲပေါ့။
တချို့လူငယ်တွေက မိဘ လက်ငုတ်လက်ရင်း စီးပွားရေး လုပ်ငန်းတွေကို ကျွမ်းကျင်အောင် ဆည်းပူးရင်း ကိုယ်ပိုင်ဘ၀ကို တည်ဆောက်ကြတယ်။ တချို့ကျပြန်တော့ အသိပညာ၊ အတတ်ပညာဆိုင်ရာ လုပ်ငန်းတွေမှာ တစ်ထောင့်တစ်နေရာက ပါဝင်နိုင်အောင်ကြိုးစားတယ်။ ဒီတော့ လုပ်ရမှာက ကိုယ့်ရဲ့အရည်အသွေးကိုစစ်ဆေးခံဖို့။ ဒါမှလည်းကိုယ်ဟာ လိုအပ်နေတဲ့ရာထူး တစ်နေရာရာအတွက် အရည်အချင်းပြည့်မီသူတစ်ယောက် ဟုတ်မဟုတ်ဆိုတာသိနိုင်မှာကိုး။
မဖြစ်မနေရင်ဆိုင်ရတာက လူတွေ့ စစ်မေးခြင်းဆိုတဲ့ အင်တာဗျူး။ တချို့ ရာထူးတွေကတော့ အသိပညာကို ဆန်းစစ်ဖို့ ရေးသားဖြေဆိုပြီးမှ လူတွေ့စစ်ဆေးလေ့ရှိတယ်။ တချို့ကျပြန်တော့ တိုက်ရိုက်တွေ့ပြီးမှ လူတစ်ယောက်ရဲ့ အရည်အချင်းကိုသာမက၊ ပြောဟန်ဆိုဟန် အမူအရာ စတာတွေကို အကဲခတ်လေ့လာမယ်။ ဘယ်လိုပဲဆိုဆို အင်တာဗျူးဆိုတာ လူငယ်တွေရဲ့ကောင်းမွန်တဲ့ အနာဂတ် တစ်ခုကို ဦးတည်နေတာတော့ အသေအချာပါပဲ။
ဒါကြောင့် အင်တာဗျူးရဲ့ အခြေခံသဘောတရားကို မသိမဖြစ် သိအောင်ကြိုးစားလေ့လာဖို့လိုတယ်။ စစ်မေးသူတွေဟာ (တစ်ဦး၊ နှစ်ဦး၊ ဒါမှမဟုတ် သုံးလေးဦး) စစ်မေးခံ ရသူရဲ့ ကိုယ်ပိုင် အရည်အသွေးကို တဒင်္ဂ အချိန်ကလေး အတွင်းမှာ အကဲခတ်လေ့လာလေ့ ရှိကြတယ်။ ကိုယ့်ရဲ့ပြောပုံဆိုပုံနှင့် ကိုယ်ဟန် အမူအရာက ကိုယ့်ကိုကိုယ်ယုံကြည်မှု ရှိမရှိ ဆိုတာကို အသေအချာဖော်ပြနေတယ်။ ဒီတော့ အလုပ်ခန့်ချင်သူတွေ စိတ်ကြိုက်ဖြစ်အောင် ကိုယ့်ဘက်က အရည်အသွေးပြည့်ဝနေဖို့က အင်တာဗျူးရဲ့ လိုရင်းအချက်ပါပဲ။ ဒါဟာ ၀န်ထမ်းအသစ် ရွေးချယ်ခန့်အပ်ခြင်းရဲ့ သော့ချက်တစ်ခုလို့ဆိုနိုင်တယ်။
ဆိုပါစို့။ ကိုယ်စစ်မေးခံရမယ့် အင်တာဗျူး အတွက် (သက်ဆိုင်ရာ ရာထူး)နည်းပညာ၊ အတတ်ပညာဆိုင်ရာတွေကို လိုလေးသေး မရှိပြင်ဆင် သွားမှာတော့ သေချာတယ်။ အဲဒီမှာ မဖြစ်မနေလေ့လာထားသင့်တာကတော့ ကိုယ်အလုပ်လျှောက်တဲ့ဌာန (ကုမ္ပဏီ) ဆိုင်ရာ အသေးစိတ်အချက်အလက်တွေကို သိနိုင်သမျှ သိအောင်လုပ်ဖို့ပဲပေါ့။ ကုန်ထုတ်လုပ်မှုတွေ၊ ၀န်ဆောင်မှုဌာန (ကုမ္ပဏီ) ရဲ့အနာဂတ်ရည်မှန်းချက်နှင့် ဆောင်ရွက်ပြီးစီးမှုတွေ စသည်ဖြင့် အတတ်နိုင်ဆုံး သိနိုင်အောင်လေ့လာထားသင့်တယ်။ အထူးသဖြင့် အဲဒီဌာနရဲ့ လျာထားတဲ့စီမံကိန်းတွေအကြောင်းပေါ့။
တကယ်တော့ စာတစ်အုပ်ရဲ့တန်ဖိုးကို မျက်နှာဖုံးကို ကြည့်ရုံမျှနှင့် မသိနိုင်သလို လူတစ်ယောက်ရဲ့ အရည်အသွေး အစစ်အမှန်ကို အချိန် တခဏလေး အတွင်းမှာတွေ့မေးရုံနှင့် မသိနိုင်ပါဘူး။ ဒါပေမဲ့ လျှောက်ထားသူရဲ့ စာရွက်စာတမ်း အထောက်အထားတွေရယ်၊ ပြောပုံဆိုပုံ၊ ဟန်ပန်အမူအရာတွေက အနီးစပ်ဆုံး အရည်အသွေးကိုတော့ ဖော်ပြနိုင်စွမ်းရှိတယ်လေ။
တွေ့မေးခံရသူဟာ အရည်အချင်းတွေ ဘယ်လောက်ပဲပြည့်နေတယ်ဆိုဆို ရုပ်ပိုင်းဆိုင်ရာ အချက်အလက်တွေကလည်း ကျေနပ်စရာ ရှိဖို့လိုပြန်ရော။ သေသပ် သပ်ရပ်တဲ့ ၀တ်စားဆင်ယင်မှု၊ ယဉ်ကျေး ပျူဌာမှုတွေဟာ တွေ့မေးသူတိုင်း နှစ်သက်သဘောကျတဲ့ အချက်အလက်တွေကိုပဲဆိုတာ သိထားသင့်တယ်။
တွေ့မေးသူတွေရဲ့ အမေးတွေကိုဖြေဆိုရာမှာ တုံးတိတိကြီးဖြေတာထက် နာခံဖွယ်ရာ ဖြစ်အောင်ယဉ်ကျေးချိုသာစွာ ဖြေဆိုဖို့လိုအပ်သလို၊ အမေးတစ်ခုအတွက် လိုရင်းမရောက်နိုင်အောင် ချဲ့ကားသွယ်ဝိုက်ပြီး ဖြေဆိုနေတာမျိုးတွေကိုလည်း ဆင်ခြင်သင့်တယ်။
ဦးဆုံးအမေးခံရတဲ့ မေးခွန်းတွေဟာ လုပ်ငန်းနှင့်လုံးဝမပတ်သက်ဘဲ၊ စိတ်သက်သာရာရရုံ အလျှာပသလ္လာပ မေးဖြေတာမျိုးလေးတွေဖြစ်တတ်တယ်။ အဲဒီလိုအခါမျိုးတွေမှာ ယဉ်ကျေးပျူဌာဖြေတတ်ဖို့ အရေးကြီးဆုံး။ ဒါမှလည်း ရှေ့ဆက်မေးမယ့်မေးခွန်းတွေအတွက် အနေမခက်ဘဲ ရှောရှောရှူရှူ ဖြေသွားနိုင်မှာပါ။
အင်တာဗျူးဖြေဆိုဖို့ ကြောက်ရွံ့စိုးရိမ်စိတ်တွေဟာ တဖြည်းဖြည်းလျော့ပါးသွားမှာတော့ အသေအချာပါပဲ။ ကိုယ်တင်ပြတဲ့ စာရွက်စာတမ်းအထောက်အထားတွေဟာ တိကျမှန်ကန်ပြီး သပ်သပ်ရပ်ရပ်နှင့် စနစ်ကျဖို့လိုတယ်။ သက်ဆိုင်ရာကဏ္ဍအလိုက်ခွဲထားပြီး ဖိုင်တွဲထားနိုင်ရင် ပိုပြီးအဆင်ပြေတယ်။ ဆိုပါစို့ ကိုယ့်ရဲ့ပညာရေး အထောက်အထားတွေ၊ အကျင့်စာရိတ္တအတွက် ထောက်ခံချက်တွေ၊ ကိုယ်ရေးအချက်အလက်တွေ စသည်ဖြင့် သီးခြားစုစည်းပြီးမှ ဖိုင်တွဲထားရင် တွေ့မေးသူက တောင်းဆိုလာတဲ့အခါဗျာများပြီး ရှာနေစရာမလိုဘဲ အလိုက်သင့်တင်ပြနိုင်မှာပါ။
အင်တာဗျူး ကာလတစ်လျှောက်လုံးမှာ မေးလာသမျှတွေကို စိတ်တည်ငြိမ်အေးချမ်းမှုအပြည့်နှင့် (မျက်နှာချင်းဆိုင်ပြီး) ဖြေဆိုနိုင်ဖို့လည်း အရေးကြီးတယ်။ ဒါဟာ ကိုယ့်ကိုကိုယ်ယုံကြည်မှုရှိတယ်ဆိုတဲ့ သဘောပဲလေ။
အင်တာဗျူးပြီးစီးသွားတဲ့အခါ ကျေးဇူးတစ်ကြောင်းကို ရိုရိုသေသေပြောဆိုရမှာဖြစ်သလို၊ အီးမေးလ်၊ ဖက်စ်စတာတွေနှင့်လည်း ကျေးဇူးတင်ကြောင်း အမှတ်တရအကြောင်းကြားပေးပါ။ ဒါဟာ လျှောက်ထားသူတွေအကြားမှာ ကိုယ့်ရဲ့ယဉ်ကျေးဖွယ်ရာ သိတတ်မှုကိုဖော်ပြနေတာမို့ ကိုယ့်ရဲ့ နာမည်လေးကို တွေ့မေးသူတွေမှာ မှတ်မိသွားစေမှာတော့ အသေအချာပါပဲလို့…..။
နှင်းဆီခင်
