စက်တင်ဘာ ၁၈ ၊ ၂၀၁၄
M-Media
နောက်ဆုံးမိနစ်ဂိုးနဲ့ အနိုင်ရ တဲ့ ဘိုင်ယန်၊ ရိုမား၊ ပေါ်တိုတို့ ဂိုးမြူးခဲ့ပြီး ဘာစီလိုနာ သုံးမှတ်ရခဲ့တဲ့ ချန်ပီယံလိဂ် အုပ်စုအဖွင့် ကြာသာပတေးနေ့ပွဲစဉ်များ
– ချန်ပီယံလိဂ် ကျန်တဲ့အုပ်စုလေးခုရဲ့ အုပ်စုအဖွင့်ပွဲစဉ်တွေကိုတော့ ဒီနေ့မနက်မှာ ကစားခဲ့ပြီး ဘိုင်ယန်မြူးနစ်၊ ရိုးမားနဲ့၊ ဘာကာတို့ အနိုင်ရခဲ့ပါတယ်။
အုပ်စု E
ဘိုင်ယန်မြူးနစ် ၁-၀ မန်စီးတီး
ရိုးမား ၅-၁ CSKA
ဂျာမန်မြေပေါ်မှာကစားခဲ့တဲ့ အုပ်စုအဖွင့်ပွဲမှာတော့ ပရီးမီးယားလိဂ်ချန်ပီယံ မန်စီးတီးတို့ နောက်ဆုံးမိနစ်ရောက်မှ အသည်းကွဲခဲ့ရပါတယ်။
ယခင်တွေ့ဆုံခဲ့တဲ့ပွဲတွေမှာ ရလဒ်ပိုင်းရော ခြေစွမ်းပိုင်းပါ အသာရခဲ့တဲ့ ဘိုင်ယန်တို့ ဒီနေ့ပွဲမှာလည်း မန်စီးတီးကို အသာရခဲ့ပါတယ်။ မန်စီးတီးနည်းပြ ပယ်လီဂရီနီ ပွဲပယ်ပြစ်ဒဏ်ခံနေရတာကြောင့် လက်ထောက်နည်းပြ ရူဘန် ကော်စီလက်စ်က အသင်းကို ကြီးကြပ်ခဲ့ပါတယ်။ ပွဲချိန်အတွင်းမှာ ဂိုးရနိုင်တဲ့ အခွင့်အရေးတစ်ချို့ ဘိုင်ယန်တို့ရပေမယ့် အနိုင်ဂိုးကိုတော့ မိနစ် ၉၀ မှ ရရှိခဲ့တာဖြစ်ပြီး ဘိုအာတင်းက သွင်းယူပေးခဲ့တာပါ။ ဒီဂိုးဟာ သူ့ရဲ့ ချန်ပီယံလိဂ် ပထမဆုံးဂိုးလည်းဖြစ်ပါတယ်။
သုံးနှစ်အတွင်း ချန်ပီယံလိဂ်ကို ပထမဆုံး ၀င်ရောက်ယှဉ်ပြိုင်ခွင့်ရခဲ့တဲ့ ရိုးမားတို့ ရောမမြေမှာ CSKA မော်စကို ကို ဂိုးပြတ်ခြေပြတ်နဲ့ အနိုင်ရခဲ့ပါတယ်။ ရိုးမားဟာ ပွဲအစပိုင်းကတည်းက တောက်လျှောက်တိုက်စစ်ဆင်ခဲ့ပြီး ပထမပိုင်းမှာတင် ၄ ဂိုးပြတ်ခဲ့တာပါ။ ဂါဗင်ဟို အကောင်းဆုံး ခြေစွမ်းပြနိုင်ခဲ့ပြီး အသင်းအတွက် အနိုင်ဂိုး ၂ ဂိုး သွင်းယူပေးနိုင်ခဲ့ပါတယ်။
အုပ်စု F
အေဂျက် ၁-၁ ပီအက်စ်ဂျီ
ဘာစီလိုနာ ၁-၀ APOEL
ပြင်သစ်ထိပ်သီး ပီအက်စ်ဂျီတို့ ဟော်လန်မြေမှာကစားခဲ့ရပေမယ့် အိမ်ရှင်အေဂျက်ကို ဖိအားပေးနိုင်ခဲ့ပါတယ်။ ပွဲအစကတည်းက ကစားပုံကောင်းခဲ့တဲ့ ပီအက်စ်ဂျီတို့ ၁၄ မိနစ်မှာပဲ ဦးဆောင်ဂိုးရခဲ့ပြီး ကာဗာနီက သွင်းယူပေးခဲ့တာပါ။ နောက်ပိုင်းမှာလည်း ပီအက်စ်ဂျီတို့ ဂိုးထပ်ရနိုင်မယ့်အခွင့်အရေးတစ်ချို့ ရခဲ့ပေမယ့် ဂိုးအဖြစ် ပြောင်းလဲနိုင်ခြင်းတော့ မရှိခဲ့ပါဘူး။ အေဂျက်အတွက် အဖိုးတန်ချေပဂိုးကိုတော့ ၇၄ မိနစ်မှာ ရခဲ့တာဖြစ်ပြီး ရှိုနီကသွင်းယူပေးခဲ့တာပါ။ ဒီပွဲရဲ့ အကောင်းဆုံး ကစားသမားဆုကိုတော့ ပီအက်စ်ဂျီ တိုက်စစ်မှူး အီဗရာဟီမိုဗစ်က ရရှိခဲ့ပါတယ်။
ဘာစီလိုနာကတော့ အိမ်ကွင်းမှာ သက်တောင့်သက်သာကစားခဲ့ပြီး APOEL ကို ပီကေးရဲ့ ၂၈ မိနစ်ဂိုးနဲ့ အနိုင်ရခဲ့ပါတယ်။ ဒါပေမယ့် ဂိုးသွင်းခွင့် အများအပြားရခဲ့ပြီး ၁ ဂိုးသာသွင်းနိုင်ခဲ့တဲ့ ဘာစီလိုနာရဲ့ တိုက်စစ်ကတော့ မေးခွန်းထုတ်စရာဖြစ်ခဲ့ပါတယ်။
အုပ်စု G
ချယ်ဆီး ၁-၁ ရှော်လ်ကာ
မာရီဘိုး ၁-၁ စပို့တင်း လစ္စဘွန်း
မော်ရင်ဟိုရဲ့ချယ်ဆီး စတမ်းဖို့ဒ်ဘရစ်မှာ ကစားခဲ့ရပေမယ့် ရှော်လ်ကာကို အသာရခြင်းမရှိပါဘူး။ ပရီးမီးယားလိဂ်ဂိုးသွင်းစက် ဒီယေဂိုကော်စတာ အရန်ခုံမှာ ထိုင်ခဲ့ရပြီး ၂၀၁၂ ချန်ပီယံလိဂ်ဗိုလ်ပွဲမှာ အဆုံးအဖြတ်ပယ်နယ်တီကန်သွင်းပေးခဲ့တဲ့ ဒရော့ဘာက ပွဲထွက်လာခဲ့ပါတယ်။ ဒဏ်ရာကြောင့် အဓိက ကစားသမား ၈ ယောက်လောက်အထိ မပါဝင်နိုင်တဲ့ ရှောလ်ကာရဲ့ ကစားပုံကတော့ ချီးကျူးစရာဖြစ်ခဲ့ပါတယ်။ ဖာဘရီဂက်စ်ရဲ့ ၁၁ မိနစ်ဂိုးနဲ့ ချယ်ဆီးတို့ ဦးဆောင်ခဲ့ပေမယ့် ဟော်လန်တိုက်စစ်မှူး ဟန်တယ်လာက ၆၂ မိနစ်မှာ အဖိုးတန်ချေပဂိုး သွင်းယူပေးခဲ့ပါတယ်။
ပေါ်တူဂီကလပ် စပို့တင်းတို့ကတော့ အဝေးကွင်းမှာ အသာရခဲ့ပေမယ့် ပွဲပြီးကာနီး နာကျင်အချိန်ပိုမှာ ပေးလိုက်ရတဲ့ ဂိုးကြောင့် သရေတစ်မှတ်နဲ့သာ ကျေနပ်ခဲ့ရပါတယ်။ ပွဲဟာမြိုင်ခဲ့ပြီး စပို့တင်းတို့ ဂိုးသွင်းခွင့်တော်တော်များများရခဲ့ပေမယ့် ဦးဆောင်ဂိုးကို မိနစ် ၈၀ မှ ရခဲ့တာဖြစ်ပြီး မန်ယူကစားသမားဟောင်း နာနီက သွင်းယူပေးခဲ့တာပါ။
အုပ်စု H
ဘီဘာအို ၀-၀ ရှက်တာဒိုးနက်
ပေါ်တို ၆-၀ BATE ဘိုရီဆော့ဗ်
ပေါ်တိုကတော့ ချန်ပီယံလိဂ် မျက်နှာသစ်အသင်း BATE ကို အိမ်ကွင်းမှာ ဂိုးပြတ်ခြေပြတ်နဲ့ အနိုင်ယူနိုင်ခဲ့ပါတယ်။ ပေါ်တိုအတွက် ဂိုးတွေကိုတော့ ဘရာဟီမီက ဟက်ထရစ်၊ မာတီနက်ဇ်၊ အက်ဒရီယန်လိုပက်ဇ်နဲ့ အဘူဘာကာရ်တို့က တစ်ဂိုးစီ သွင်းပေးခဲ့တာပါ။
ဘီဘာအိုနဲ့ ရှက်တာဒိုးနက်တို့ရဲ့ပွဲမှာတော့ ဧည့်သည်တို့ ဘောလုံးပိုင်ဆိုင်မှု အသာရခဲ့ပါတယ်။ ဒါပေမယ့် နှစ်သင်းစလုံးဂိုးသွင်းခွင့် အချို့ရခဲ့ပြီး အသုံးမချနိုင်ခဲ့တာကြောင့် ဂိုမရှိသရေနဲ့သာ ကျေနပ်ခဲ့ရပါတယ်။
