သြဂုတ် ၁၁ ၊ ၂၀၁၄
M-Media
.သီဟ
ညမထွက်ရအမိန့် ပုဒ်မ ၁၄၄ ထုတ်ပြန်ခဲ့သည့် မန္တလေးမြို့တွင် ယင်းအမိန့်ကို ယနေ့တွင်ပြန်လည် ရုပ်သိမ်းလိုက်ကြောင်းသိရှိရပါတယ်။
လုပ်ကြံလီဆယ်ထားသည့် မုဒိမ်းမှု သတင်းကို အင်တာနက် စာမျက်နှာတွင် စတင်လှုံ့ဆော်ဖြန့်ချိရာမှ ဘာသာရေး အသွင်ဆောင်သည့် အကြမ်းဖက်မှုများဖြစ်ပွားခဲ့သည့် မန္တလေးမြို့ ၇ မြို့နယ်တွင် ဇူလိုင်လ ၃ ရက်နေ့မှ စတင်ပြီး ညမထွက်ရ အမိန့်ပုဒ်မ ၁၄၄ ထုတ်ပြန်ခဲ့ခြင်းဖြစ်ပါတယ်။
သြဂုတ် ၁၁ ၊ ၂၀၁၄
M-Media
– တူရကီတွင် ပြုလုပ်ခဲ့သည့် သမိုင်းတစ်လျှောက် ပြည်သူများမှ ပထမဆုံးရွေးချယ်သော သမ္မတရွေးကောက်ပွဲတွင် လက်ရှိဝန်ကြီးချုပ် အာဒိုဂန်မှာ အနိုင်ရရှိသွားခဲ့သည်ဟု သိရသည်။
မဲပုံး ၉၉ ရာခိုင်နှုန်းကို ယမန်နေ့က ရေတွက်ခဲ့ရာတွင် အာဒိုဂန်မှာ စုစုပေါင်း မဲအရေအတွက် ၅၂ ရာခိုင်နှုန်းဖြင့် အနိုင်ရရှိခဲ့ခြင်းဖြစ်ပြီး ပြိုင်ဘက်များဖြစ်ကြသည့် အစ်ဟ်ဆန် နော့ဂ်လူနှင့် ကာ့ဒ်လူမျိုး ဆလာဟာတင် ဒီမီရန်တက်စ်တို့က ၃၈.၃ ရာခိုင်နှုန်းနှင့် ၉.၇ ရာခိုင်နှုန်း အသီးသီးရရှိခဲ့ကြသည်။
ထိုကဲ့သို့ အနိုင်ရရှိခဲ့ခြင်းက တိုင်းပြည်အား ၁၀ နှစ်ကျော်ကြာ အုပ်စိုးထားခဲ့သည့် အာဒိုဂန်အတွက် နောက်ထပ် ၅ နှစ် ဆက်လက်အုပ်စိုးခွင့်ရမည်ဖြစ်သည်။ အာဒိုဂန်အား သမ္မတအဖြစ် ကျမ်းကျိန်ခြင်းအခမ်းအနားကို ယခုလ ၂၈ ရက်နေ့တွင် ပြုလုပ်သွားမည်ဖြစ်သည်။
နေတိုးအဖွဲ့ဝင်ဖြစ်ပြီး ဥရောပ သမဂ္ဂထဲသို့ ၀င်ခွင့်ရရန် ကြိုးစားနေသည့် တူရကီသမ္မတ ရာထူးကို ယခင်က ပါလီမန်မှ တင်မြှောက်ခြင်းဖြစ်ပြီး ယခုအခါ ပထမဆုံးအကြိမ်အဖြစ် ပြည်သူများက တိုက်ရိုက် ရွေးချယ်တင်မြှောက်ခြင်းဖြစ်သည်။
အနိုင်ရရှိခဲ့သည့် အာဒိုဂန်က မိမိအနိုင်ရရှိခဲ့သည့်နေ့မှာ တူရကီ၏ သမိုင်းဝင်နေ့ဖြစ်ခဲ့ပြီး ဒီမိုကရေစီကို ပြန်လည်ရရှိခဲ့သည့်နေ့ဖြစ်ကြောင်း၊ ယခုရလဒ်မှာ ခေတ်သစ်တစ်ခုကို စတင်ရန် ပထမခြေလှမ်းဖြစ်ကြောင်း၊ မိမိအနေဖြင့် လူ့အဖွဲ့အစည်းအတွင်း ရင်ကြားစေ့ရေးကို ဆောင်ရွက်သွားရန် ကတိပြုပါကြောင်း ယမန်နေ့က မြို့တော်အန်ကာရာရှိ ၎င်း၏ ပါတီဌာချုပ်တွင် ပြုလုပ်ခဲ့သော မိန့်ခွန်းတွင် ပြည်သူများအား ပြောကြားခဲ့သည်။
AFP
သြဂုတ် ၁၁ ၊ ၂၀၁၄
M-Media
– သတင်းစာနာရေးကြော်ငြာတွင် ခင်ပွန်းဖြစ်သူ၏ အမည်အား ဖော်ပြထားခြင်းကြောင့် အသက် ၄၂ နှစ်အရွယ် အမျိုးသားတစ်ဦးအား လိင်တူစိတ်ဝင်စားသူဟု သတ်မှတ်ကာ ဖလော်ရီဒါရှိ ခရစ်ယာန်ဘုရားကျောင်းမှ ဈာပန အခမ်းအနား မကျင်းပပေးခဲ့ဟု သိရသည်။
သေဆုံးသူမှာ ဂျူလီယို အီဗန့်စ် ဆိုသူဖြစ်ပြီး New Hope Missionary နှစ်ခြင်း ဘုရားကျောင်း၌ ဈာပနအခမ်းအနား ကျင်းပရန် အချိန်အနည်းငယ်အလိုတွင် ၀တ်ပြုရန် စုဝေးနေကြသည့် ပရိတ်သတ်များက သတင်းစာမှ နာရေးကြော်ငြာအား တွေ့ရှိခဲ့ပြီး အဆိုပါ ဘုရားကျောင်းမှ ဘုန်းတော်ကြီးအား စောဒက တက်ခဲ့သောကြောင့် ဈာပနအခမ်းအနား ပြုလုပ်ခြင်းကို ငြင်းပယ်ခဲ့ခြင်းဖြစ်သည်။
“ကျမ်းစာအရတော့ (ဒီပုဂ္ဂိုလ်ကို) ကျွန်တော်တို့ ဘုရားကျောင်းမှာ လက်ခံပြီး ၀တ်ပြုဆုတောင်းပေးတာဟာ အမှားတစ်ခုပါ။ တစ်ဦးတစ်ယောက်ရဲ့ ဘ၀နေထိုင်မှုပုံစံကို ရှုတ်ချတာမျိုး မဟုတ်ပေမယ့် ဘုရားသခင် ဘက်တော်သားဖြစ်တဲ့ ကျွန်တော်ဟာ စည်းမျဉ်း စည်းကမ်းတွေကိုတော့ လိုက်နာရပါမယ်” ဟု အဆိုပါ ဘုရားကျောင်းမှ သင်းအုပ်ဆရာ တီ ဒဗလျူ ဂျန်ကင်က ပြောကြားခဲ့သည်။ ထို့ပြင် လိင်တူစိတ်ဝင်စားသူတစ်ဦးအား ၀တ်ပြုဆုတောင်းပေးခြင်းမှာ ဘုရားသခင်၏ အမျက်တော်ရှမည်ဟုလည်း ၎င်းက ထည့်သွင်းပြောကြားခဲ့သည်။
အီဗန့်စ်၏ မိခင်ဖြစ်သူကမူ သူမ၏သားမှာ အဆိုပါ ဘုရားကျောင်းတွင်ပင် နှစ်ခြင်း ခံထားသူဖြစ်ပြီး နှစ်ခြင်းခံပွဲတွင် မိသားစုဝင်များ ဆွေမျိုးများလည်း တက်ရောက်ခဲ့ကြောင်း၊ သားဖြစ်သူ ဈာပနာအား ယခုကဲ့သို့ ငြင်းပယ်လိုက်ခြင်းမှာ သေဆုံးသူ၏ ဂုဏ်သိက္ခာကို ငြင်းပယ် လိုက်ခြင်း ပင်ဖြစ်ကြောင်း ပြောကြားခဲ့သည်။
အီဗန့်စ်၏ ခင်ပွန်းဟုဆိုသူ ကန်ဒဲလ် ကပ်ပါကလည်း မိမိတို့နှစ်ဦး၏ ဆက်ဆံရေးမှာ ၁၇ နှစ် ကြာမြင့် ခဲ့ပြီးဖြစ်ပြီး ပြီးခဲ့သည့် နှစ်က မေရီလန်းတွင် လက်ထပ်ခဲ့ကြောင်း၊ မိမိတို့ နှစ်ဦး၏ ဆက်ဆံရေးကို ဖုံးကွယ်ထားစရာ မရှိကြောင်း ပြောကြားခဲ့သည်။
အီဗန့်စ်မှာ ဖြစ်ပွားမှုနည်းသည့် ခန္ဓာကိုယ်တွင်းအင်္ဂါများ ပျက်စီးသည့် Amyloidosis ရောဂါကို လွန်ခဲ့သည့် လေးနှစ်ကတည်းက ခံစားခဲ့ရခြင်းဖြစ်ပြီး ထိုရောဂါဖြင့်ပင် ကွယ်လွန်ခဲ့သည်။
ref_advocate
သြဂုတ် ၁၁ ၊ ၂၀၁၄
M-Media
.သီဟ
စာရေးဆရာ ဦးဘုန်း(ဓာတု)၊ စာရေးဆရာမ မသီတာ(စမ်းချောင်း) နှင့် ဘလောဂ်ဂါ နေဘုန်းလတ် တို ဦးဆောင်ပါဝင်သည့် ဆွေးနွေးပွဲ တရပ်ကို မန္တလေးမြို့ ရတနာပုံ စူပါစင်တာမှာ ပြုလုပ်မှာဖြစ်ကြောင်းသိရပါတယ်။
ဆွေးနွေးကြမယ့် ခေါင်းစဉ်ကတော့ ခွဲခြားမှုကင်းသော အနာဂတ်မျိူးဆက်ဆီသို့ဖြစ်ပြီး အပြည်ပြည်ဆိုင်ရာလူငယ်များနေ့ အထိမ်းအမှတ် အဖြစ် ကျင်းပ ပြုလုပ်တာဖြစ်ပြီး သြဂုတ်လ ၁၂ ရက် (အင်္ဂါနေ့) နံနက် ၁၀ နာရီမှ ၁၂း၃၀ နာရီ အထိကျင်းပပြလုပ်မှာ ဖြစ်ပါတယ်။
ကျင်းပ ပြုလုပ်မယ့် နေရာက MRCCI Ballroom၊ လေးလွှာ၊ ရတနာပုံစူပါစင်တာ။ ၃၅လမ်းနှင့် ၇၈လမ်းထောင့် ဖြစ်ကြောင်းသိရှိရပါတယ်။
Photo Via- Harry Mdy
သြဂုတ် ၁၀ ၊ ၂၀၁၄
M-Media
ဂါဇာကမ်းမြှောင်အား အစ္စရေးက ကျူးကျော်တိုက်ခိုက်မှုကို ဆန့်ကျင်သော ဆန္ဒပြပွဲများကို သြဂုတ်လ ၉ ရက်နေ့က ကမ္ဘာတစ်ဝှမ်းတွင် ပြုလုပ်ခဲ့ကြသည်ဟု သိရသည်။
လန်ဒန်မှ ပဲရစ်အထိ၊ တီဟီရန်မှ ကိပ်တောင်းအထိ မြို့ကြီးများတွင် ပြည်သူထောင်ပေါင်း များစွာတို့မှာ စုရုံးခဲ့ကြပြီး အစ္စရေး၏ ကျူးကျော်တိုက်ခိုက်မှုကို ရှုတ်ချခဲ့ကာ၊ ပါလက်စတိုင်း ပိုင်းနက်များဖြစ်သည့် ဂါဇာကမ်းမြှောင်နှင့် အနောက်ဘက် ကမ်းခြေတို့အား သိမ်းပိုက်ထားမှုကို အဆုံးသတ်ပေးရန် တောင်းဆိုခဲ့ကြသည်။ ထို့ပြင် ပါလက်စတိုင်းများဘက်မှ ရပ်တည်ပေးရန်အတွက်လည်း နိုင်ငံတကာ အသိုင်းအသိုင်းအား တောင်းဆိုခဲ့သည်။
ကျူးဘား သမ္မတဟောင်း ဖီဒယ်လ် ကက်စရိုကလည်း ပါလက်စတိုင်းများကို ထောက်ခံပြီး၊ ကုလ၏ ဆုံးဖြတ်ချက်ကို လေးစားရန်နှင့် ပါလက်စတိုင်းပိုင်နက်များအား ကျူးကျော်မှုကို အဆုံးသတ်ပေးရန် အစ္စရေးအား တောင်းဆိုခဲ့သည့် ကြေညာစာတမ်းတစ်စောင်ကို ဟာဗာနာတွင် လက်မှတ်ရေးထိုးခဲ့သည်။
လန်ဒန်ပြည်သူများမှာ BBC ရုံးချုပ်သို့ ပထမဆုံး ချီတက်ခဲ့ကာ အစ္စရေးကို အသားပေးရေးသည့် တစ်ဖက်သတ် သတင်းဖော်ပြမှုများအတွက် ဆန္ဒပြခဲ့ကြသည်။
ထို့နောက် အစ္စရေး၏ လုပ်ရပ်များအား ဆန့်ကျင်သည့် ကျွေးကျော်သံများကိုလည်း ကျွေးကျော် ခဲ့ကြပြီး အစ္စရေးအား လက်နက်ရောင်းချနေမှုကို ပိတ်ပင်ရန်လည်း အစိုးရအား တိုက်တွန်း ခဲ့ကြသည်။
ဥရောပတွင် ဂျူးလူ့အဖွဲ့အစည်းနှင့် မွတ်စလင်လူ့အဖွဲ့အစည်းအများဆုံးရှိသည့် ပြင်သစ်နိုင်ငံ ပဲရစ်မြို့တွင်လည်း ထိုကဲ့သို့သော ဆန္ဒပြမှုများကို ပြုလုပ်ခဲ့ပြီး၊ ဂျာမနီနိုင်ငံ ဘာလင်မြို့တွင်လည်း လူပေါင်း တစ်ထောင်ကျော် စုဝေးခဲ့ကာ ဆန္ဒပြမှုနှစ်ခုကို သီးခြားစီ ပြုလုပ်ခဲ့ပြီး မြို့လည် ရင်ပြင်တွင် အဆုံးသတ်ခဲ့သည်။
ပြင်သစ်၊ ဂျာမနီနှင့် ဗြိတိန်တို့မှ နိုင်ငံခြားရေးဝန်ကြီးများ သောကြာနေ့က ပူးပေါင်း ထုတ်ပြန်သောကြေညာချက်တွင် ဂါဇာအား အစ္စရေးက ကျူးကျော်တိုက်ခိုက်မှု ချက်ချင်းရပ်ရန် တောင်းဆိုခဲ့သည်။
အစ္စရေး၏ လူမဆန်သောတိုက်ခိုက်မှုများကို ဆန့်ကျင်ရာတွင် အာဖရိက၏ ဒီမိုကရေစီ အထွန်းကားဆုံး တောင်အာဖရိက နိုင်ငံလည်း ပါဝင်ခဲ့ပြီး မြို့တော် ကိပ်တောင်းတွင် အစ္စရေးအား ဆန့်ကျင်သော ဆန္ဒပြပွဲများကို ယမန်နေ့က ပြုလုပ်ခဲ့ပြီး လူမျိုးရေး ခွဲခြားမှု ဦးဆောင်ဆန့်ကျင်သူ ဘုန်းတော်ကြီး ဒက်စမွန် တူးတူးလည်း ပါဝင်ခဲ့သည်။
“ပါလက်စတိုင်းနိုင်ငံ လွတ်မြောက်ဖို့၊ အရှက်ရခြင်း၊ နှိပ်စက်ငြှင်းပမ်းခံရခြင်းနဲ့၊ အစ္စရေးရဲ့ တရားမဲ့တဲ့ ပေါ်လစီတွေကနေ ပါလက်စတိုင်းပြည်သူတွေ လွတ်မြောက်ဖို့အတွက် လုပ်ဆောင်တာဟာ ဘယ်တော့မှရပ်တန့်မယ့် ကိစ္စမဟုတ်ပါဘူး။ ဘာ့ကြောင့်လည်းဆိုတော့ ဒါဟာ တရားမျှတတဲ့ ကိစ္စတစ်ခု ဖြစ်တာကြောင့်ပါပဲ” ဟု တူးတူးက ပြောကြားခဲ့သည်။
တစ်လကျော်ကြာကြာမြင့်နေပြီဖြစ်သည့် ဂါဇာဒေသအား အစ္စရေး၏ တိုက်ခိုက်မှုအတွင်း သေဆုံးသူ ပါလက်စတိုင်း အရေအတွက်မှာ ၁၉၀၀ ကျော် ရှိသွားပြီဖြစ်ပြီး ဒဏ်ရာရသူမှာ သောင်းနှင့် ချီရှိပြီဖြစ်ကာ အိုးအိမ်စွန့်ခွာ ထွက်ပြေးရသူမှာ တစ်သန်းနီးပါး ရှိလာပြီးဖြစ်သည်။
FB တွင် ဓါတ်ပုံများ ကြည့်ရန် http://goo.gl/mWViht