သြဂုတ် ၇ ၊ ၂၀၁၄
M-Media
– ၁၉၇၅ ခုနှစ်မှ ၁၉၇၉ ခုနှစ်အထိ ကမ္ဘောဒီယားနိုင်ငံအား အုပ်စိုးခဲ့သော ခမာနီအစိုးရမှ ထိပ်သီးခေါင်းဆောင် နှစ်ဦးအား လူသားထုအပေါ် ကျူးလွန်ခဲ့သော ရာဇ၀တ်မှုအတွက် ကမ္ဘောဒီးယား တရားရုံးက ထောင်ဒဏ် တစ်သက်တစ်ကျွန်း ချမှတ်ခဲ့သည်ဟု သိရသည်။
ကမ်ပေါချား ကွန်မြူနစ်ပါတီမှ ဒုတိယအတွင်းရေးမှူး အသက် ၈၈ နှစ်အရွယ်ရှိ Nuon Chea နှင့် ဒီမိုကရက်တစ် ကမ်ပေါချားနိုင်ငံ၏ သမ္မတအဖြစ် ဆောင်ရွက်ခဲ့သော အသက် ၈၃ နှစ်အရွက် Khieu Samphan တို့ ဖြစ်ကြပြီး လူသားထုအပေါ် ကျူးလွန်သည့် ရာဇ၀တ်မှု၊ လူမျိုးဖြုတ်သတ်ဖြတ်မှု၊ လူသတ်မှု၊ နိုင်ငံရေးနှင့် ပတ်သက်၍ ငြှင်းပန်းနှိပ်စက်မှုနှင့် အခြားသော လူမဆန်သည့် လုပ်ရပ်များအတွက် အပြစ်ရှိကြောင်း တွေ့ရှိရ၍ ကုလမှကျောထောက်နောက်ခံပြုထားသည့် အထူးခုံရုံးမှ ယနေ့တွင် စီရင်ချက် ချမှတ်ခဲ့ခြင်းဖြစ်သည်။
အသက် ၈၈ အရွယ်ရှိပြီဖြစ်သည့် Nuon Chea ကို “နံပါတ် ၂ အကို” ဟု ခေါ်ဆိုပြီး အသက် ၈၃ နှစ်အရွယ်ရှိ Khieu Samphan ကို “နံပါတ် ၄ အကို” ဟု ခေါ်ဆိုသည်။
ခမာနီအစိုးရ အုပ်စိုးစဉ်အတွင်း အတင်းအဓမ္မ အလုပ်စေခိုင်းမှု၊ ငတ်မွတ်ခေါင်းပါးမှု၊ သတ်ဖြတ်မှု၊ ပဒေသရာဇ်လူ့အဖွဲ့အစည်းပေါ်ပေါက်ရန် ရည်ရွယ်သော အစိုးရ၏ အစွန်းရောက် ပေါ်လစီများတွင် ညှာတာမှုကင်းမဲ့စွာ သတ်ဖြတ် သုတ်သင်ခဲ့မှုများကြောင့် ကမ္ဘောဒီးယား လူဦးရေ၏ လေးပုံတစ်ပုံဖြစ်သော လူဦးရေ ၁.၇ သန်းမှာ သေဆုံးခဲ့ရသည်။
ထိုသေဆုံးမှုအတွက် အာဏာရှင် ခမာနီအစိုးရတွင် တာဝန်ရှိသူဟု ယူဆထားပြီး ကုလမှ ကျောထောက်နောက်ခံပြုထားသည့် ကမ္ဘောဒီးယား အထူးခုံရုံး ECCC မှ စစ်ဆေးလျက်ရှိနေကာ ယခုအချိန်အထိ ခမာနီခေါင်းဆောင်သုံးဦးကို အပြစ်ပေးထားနိုင်သည်။
