ဇူလိုင် – ၆ ၊ ၂၀၁၄
ကာတွန်း –Artist Lagoon Eain
Blog
-
မန္တလေး သိုးခြုံရပ်ကွက်အား အကြမ်းဖက်သမားများ လှုံ့ဆော်မှုပြုလုပ်ပြီး ထွက်ပြေး
ဇူလိုင် ၅၊ ၂၀၁၄
M-Media
သုတမန္တလေးမြို့တွင် ဖြစ်ပေါ်နေသော အကြမ်းဖက် လုပ်ရပ်များကြောင့် ညမထွက်ရအမိန့် ပုဒ်မ ၁၄၄ ထုတ်ပြန်ခဲ့ပြီး ၂-ညရောက်ဖြစ်သည့် ယနေ့ ဇူလိုင်လ ၅-ရက် ည ၈ နာရီခွဲခန့်တွင် မွတ်စလင်အများစုနေထိုင်ရာ မန္တလေး ချမ်းမြသာစည်မြို့နယ် သိုးခြံရပ်ကွက်အတွင်းသို့ အကြမ်းဖက် လှုံ့ဆော်သူတစ်စု ဆိုင်ကယ် ၃-စီးဖြင့် အော်ဟစ်ဝင်ရောက်လာခဲ့ရာ ရပ်ကွက်ဒေသခံများမှ ၀ိုင်း၍ လိုက်ကြသဖြင့် ထွက်ပြေးသွားကြောင်း သိရပါတယ်။
“ဟုတ်ကဲ့ ကျွန်တော်တို့ တရာဝီ(ဥပုသ်လ ၀တ်ပြုမှု)ပြုလုပ်နေချိန် ဖြစ်သွားတာပါ။ ကျွန်တော်တို့တွေက ဗလီထဲမှာ ဆွလာသ်ဝတ်ပြုနေကြတာပါ။ သူတို့က အော်ပြီး ၀င်လာတော့ ကျွန်တော်တို့လည်း ၀တ်ပြုတာရပ်ပြီး ၀ိုင်းလိုက်ကြတာပါ။ သူတို့ ထွက်ပြေးသွားကြပါတယ်။ ၀င်လာတာကတော့ ဆိုင်ကယ် ၃-၄ စီးပါပဲ။ သူ့နောက်မှာတော့ လူအုပ်ပါတယ်လို့ အပြင်က မြင်တဲ့သူတချို့ ကတော့ပြောတယ်။ သူတို့က ၆၂-လမ်း လမ်းမကြီးဘက်က ၀င်တာမဟုတ်ဘူးဗျ။ အနောက်ဘက် သံလမ်းဘက် လမ်းအသစ်ကနေ ၀င်တာ။ ဟုတ်ကဲ့ လုံခြုံရေးက ခုနကပဲ ရဲတွေတော့ ပတ်နေပါတယ်။ အခုတော့ အေးအေးဆေးဆေးပါပဲ။”ဟု သိုးခြံရပ်မှာ နေထိုင်သူက ပြောပါတယ်။
၎င်းကိစ္စရပ်နှင့်ပတ်သက်၍ သိုးခြံရပ်နှင့် အနီးဆုံးတွင်ရှိနေသည့် ပြည်ကြီး တံခွန်မြို့နယ် ရဲစခန်းသို့ M-Media က ည ၉-နာရီက ဆက်သွယ်စုံစမ်းရာတွင် “ကျွန်တော်တို့က သိုးခြံနားကပဲခင်ဗျာ။ အခုထိတော့ ထူးခြားမှု ဘာမှ မရှိပါဘူးခင်ဗျာ”ဟု ဖြေကြားခဲ့ပါတယ်။
မန္တလေးမြို့တွင် ယခုရက်ပိုင်းအတွင်း ဖြစ်ပွားနေသော အကြမ်းဖက် လုပ်ရပ်များကြောင့် မန္တလေးမြို့ခံများနေဖြင့် စိုးရိမ်ပူပန်မှုများ ရှိနေကြပြီး အကြမ်းဖက်လုပ်ရပ်များ ချုပ်ငြိမ်းသွားစေရန်သာ ဆန္ဒရှိနေကြပါတယ်။
သိုးခြံဖြစ်စဉ်နှင့် တစ်ချိန်တည်းနီးပါးမှာပင် ပြည်ကြီး တံခွန်မြို့နယ် တောင်မြင့် ရပ်ကွက်၌လည်း “ကုလားတွေ ဘာညာ”ဟု ဆဲဆိုကာ ဆူပူမှုဖြစ်စေရန် လှုံ့ဆော်၍ ဆိုင်ကယ်မောင်းပြေးသွားကာ သွားကြောင်း သိရသည်။
-
ပြန်ပေးဆွဲ ခံရသည့် ပါလက်စတိုင်း လူငယ် အသတ်မခံရမီ မီးရှို့ခံရ
ဇူလိုင် ၅ ၊ ၂၀၁၄
M-Media
– ယခုသီတင်းပတ်အတွင်း ဂျေရုစလင်တွင် ပြန်ပေးဆွဲကာ အသတ်ခံခဲ့ရသည့် ပါလက်စတိုင်း ဆယ်ကျော်သက်မှာ တုံးသော အရာဝတ္ထုဖြင့် ဦးခေါင်းအား အရိုက်ခံခဲ့ရပြီးနောက် မသေဆုံးမီ မီးရှို့ခြင်းခံခဲ့ရသည်ဟု အလောင်းအား ခွဲစိတ်စစ်ဆေးမှုများအရ သိရသည်။သေဆုံးသူမှာ အသက် ၁၆ နှစ်အရွယ်ရှိ မိုဟာမက် အဘူကာဒရ် ဆိုသူဖြစ်ပြီး အစ္စရေးက သိမ်းပိုက်ထားသည့် ပါလက်စတိုင်းပိုင် အရှေ့ဂျေရုစလင်တွင် ဗုဒ္ဓဟူးနေ့ နံနက်စောစောပိုင်းက ပြန်ပေးဆွဲခံခဲ့ရပြီးနောက် နာရီအနည်းငယ်အကြာတွင် ခန္ဓာကိုယ်အစိတ်အပိုင်း ၉၀ ရာခိုင်နှုန်းကျော် မီးလောင်နေသော ၎င်း၏ အလောင်းအား တွေ့ရှိခဲ့ရသည်။
ခွဲစိတ်မှုများရ ၎င်း၏ အဆုတ်တွင် မီးခိုးမှိုင်းများတွေ့ရှိခဲ့ရသောကြောင့် ကာဒရ်မှာ မီးရှို့ခံရစဉ်တွင် သေဆုံးခြင်းမရှိသေးဟု မှုခင်းဆေးပညာရှင်များက သတ်မှတ်ခဲ့ကြသည်။ ကာဒရ် အသတ်ခံရမှုနှင့် ပတ်သက်၍ တရားခံအား ရဲတပ်ဖွဲ့က တရားဝင်အတည်မပြုနိုင်သေးသော်လည်း ပြီးခဲ့သည့် သီတင်းပတ်များက ပျောက်ဆုံးသွားခဲ့သည့် ဂျူးလူငယ်သုံးဦးအတွက် လက်စားချေသည့်အနေဖြင့် အစ္စရေးရှိ ဂျူးများက သတ်ဖြတ်ခဲ့ခြင်းသာဖြစ်မည်ဟု ယုံကြည်နေကြသည်။
ကာဒရ်၏ အလောင်းအား ခွဲစိတ်စစ်ဆေးမှုကို တဲလ်အဗီးမြို့ရှိ အဘူကာဘီရ် မှူခင်းဆေးပညာအသင်းက ပြုလုပ်ခဲ့ခြင်းဖြစ်ပြီး အစ္စရေးရဲတပ်ဖွဲ့ ပြောရေးဆိုခွင့်ရှိသူ မစ်ကီ ရိုဆန်ဖဲလ်ဒ်ကမူ ထိုတွေ့ရှိချက်အတွက် မှတ်ချက်ပေးရန်ငြင်းဆိုခဲ့သည်။
Al Jazeera
-
မြောက်ကိုရီးယားအပေါ် ပြုလုပ်ထားသည့် ပိတ်ဆို့မှုအချို့ကို ဂျပန်လျှော့ပေါ့မည်
ဇူလိုင် ၅၊ ၂၀၁၄
M-Media
– စစ်အေးခေတ်က ပျောက်ဆုံးခဲ့သည့် ဂျပန်နိုင်ငံသားများအရေး ဆွေးနွေးမှုများပြုလုပ်ပြီးနောက် မြောက်ကိုရီးယားအပေါ် ပြုလုပ်ထားသည့် ပိတ်ဆို့မှုအချို့ကို ဂျပန်က လျော့ပေါ့မည်ဟု ၀န်ကြီးချုပ် ရှင်ဇိုအာဘေးက ယနေ့တွင် ပြောကြားလိုက်သည်။ဂျပန်နှင့် မြောက်ကိုရီးယားမှ တာဝန်ရှိသူများ တရုတ်နိုင်ငံ ဘေဂျင်း၌ ပြုလုပ်ခဲ့သည့် အဆိုပါ ဆွေးနွေးမှုအတွင်း ၁၉၇၀ ပြည့်နှစ်များနှင် ၁၉၈၀ ပြည့်နှစ်များတွင် ပျောက်ဆုံးသွားခဲ့သည့် ဂျပန်နိုင်ငံသားများအား ရှာဖွေရန် စုံစမ်းမှုများ ပြန်လည်ပြုလုပ်ပေးမည်ဟု မြောက်ကိုရီးယားက ကတိပြုခဲ့သည်။
ဂျပန်ဘက်ကမူ ထိုပျောက်ဆုံးမှုမှာ ဂျပန်စကားနှင့် ယဉ်ကျေးမှုများကို သင်ယူရန် မြောက်ကိုရီးယား သူလျှိုများက ပြန်ပေးဆွဲခဲ့ခြင်းကြောင့်ဖြစ်သည်ဟု ပြောဆိုထားသည်။
ဂျပန်မှ လျော့ပေါ့မည့် ပိတ်ပင်မှုများတွင် မြောက်ကိုရီးယားနိုင်ငံသားများအား ဂျပန်နိုင်ငံအတွင်းသို့ ၀င်ရောက်ခွင့်တားဆီးပိတ်ပင်ထားခြင်း၊ လက်ငင်းငွေသား ယန်း ၁ သိန်း (ကန်ဒေါ်လာ ၁၀၀၀) ထက် ပိုမိုယူဆောင်လာပါက အာဏာပိုင်များအား သတင်းပို့ရခြင်းနှင့် မြောက်ကိုရီးယား သင်္ဘောအချို့အား ဂျပန်ဆိပ်ကမ်းများ၌ ဆိုက်ကပ်ခွင့် ပိတ်ပင်ထားခြင်းတို့ ပါဝင်မည်ဖြစ်သည်။
ထိုကဲ့သို့ ပိတ်ဆို့မှု လျော့ပေါ့ခြင်းကို မနက်ဖြန်တွင် ဂျပန်ကတ်ဘိနတ်က တရားဝင်ကြေညာမည်ဖြစ်ပြီး မြောက်ကိုရီးယားကလည်း ပျောက်ဆုံး ဂျပန်နိုင်ငံသားများအား ရှာဖွေရေးအတွက် စုံစမ်းရေးကော်မတီကို ဖွဲ့စည်းမည်ဖြစ်သည်။
ဂျပန်နှင့် မြောက်ကိုရီးယားနိုင်ငံတို့မှာ တရားဝင် သံတမန်အဆက်အသွယ်မရှိဘဲ နှစ်နိုင်ငံ ဆက်သွယ်ရေးမှာ ဆယ်စုနှစ်ပေါင်းများစွာ အေးစက်ခဲ့သည်။
AFP
-
ဘာသာပေါင်းစုံပါဝင်သည့် စုပေါင်းဝါဖြေပွဲတစ်ခုကို တောင်အာဖရိက မွတ်စလင်များ ပြုလုပ်
ဇူလိုင် ၅၊ ၂၀၁၄
M-Media
ရမသွာန် ဥပုသ်လ၏ ဓလေ့ထုံးတမ်းများကို အခြားသော လူ့အဖွဲ့အစည်းအား မျှဝေလျက် ဘာသာပေါင်းစုံမှ အဖွဲ့များပါဝင်သည့် စုပေါင်း ၀ါဖြေပွဲတစ်ခုကို တောင်အာဖရိကနိုင်ငံ ဂျိုဟန်နစ္စဘတ်တွင် ပြီးခဲ့သည့် သီတင်းပတ်က ပြုလုပ်ခဲ့သည်ဟု သိရသည်။တောင်အာဖရိက အာရဗ်လူ့အဖွဲ့အစည်းများအသင်းမှ ဦးဆောင်ကာ Pan-African စီးပွားရေးဖိုရမ်၏ ပူးပေါင်းပါဝင်မှုဖြင့် အစ္စလာမ်ဘာသာဝင်များစုရှိရာ Mayfair ဒေသ၌ ကျင်းပပြုလုပ်ခဲ့ခြင်းဖြစ်ပြီး အစ္စလာမ်၊ ခရစ်ယာန်နှင့် ဟိန္ဒူဘာသာဝင် ၂၀၀ ကျော် တက်ရောက်ခဲ့ကြသည်။
“မွတ်စလင်တွေနဲ့ အခြားဘာသာဝင်တွေအကြားမှာ ညီညွတ်မှုဖန်တီးဖို့ ဒီဘာသာပေါင်းစုံ ၀ါဖြေပွဲကို ကျင်းပရခြင်းဖြစ်ပါတယ်” ဟု အာရဗ်လူ့အဖွဲ့အစည်းများ အသင်း ဥက္ကဌ အဘ်ဒီစလာမ် ဟဘီဘာလာ အဟ်မဒ်က Anadolu သတင်းအေဂျင်စီသို့ ဇူလိုင် ၁ ရက်နေ့တွင် ပြောကြားခဲ့သည်။
စုပေါင်းဝါဖြေပွဲပြီးနောက် အခမ်းအနားသို့ တက်ရောက်လာသည့် အစ္စလာမ်ဘာာသာဝင် မိုဟာမက် ဇာကီနှင့် ခရစ်ယာန်ဘုန်းတော်ကြီး ဖရန်စင်း ပူမီ၊ မာမာ မူကွာဇီတို့က လူအဖွဲ့အစည်းအတွင်း စည်းလုံးညီညွတ်မှုနှင့် မေတ္တာတရားများ ပြန့်ပွားလာရန် ဆုတောင်းပတ္ထနာပြုခဲ့ကြသည်။
တက်ရောက်လာသူများကမူ အဆိုပါ ဘာသာပေါင်းစုံ စုပေါင်းဝါဖြေပွဲအား ချီးကျူးခဲ့ကြပြီး အနာဂတ်တွင် ထိုကဲ့သို့ အခမ်းအနား မျိုးကို ပြုလုပ်ပေးရန် တောင်းဆိုခဲ့ကြသည်။
“မတူညီတဲ့ ကျွန်တော်တို့ရဲ့ ယုံကြည်မှုတွေကို ဘေးဖယ်ထားပြီး လွတ်လွတ်လပ်လပ် အပြန်အလှန်အကျိုးပြုနိုင်တာ၊ စားသောက်နိုင်တာနဲ့ အတူတကွ ဆုတောင်းနိုင်တဲ့အတွက် ကျွန်တော် ၀မ်းသာပါတယ်” ဟု အခမ်းအနားသို့ တက်ရောက်လာသူ နိုမာတန်းဒို ပရီစီလာက AA သတင်းဌာနသို့ ပြောကြားခဲ့သည်။
တောင်အာဖရိကတွင် စုစုပေါင်း လူဦးရေ ၄၅ သန်းရှိပြီး ၁.၅ ရာခိုင်နှုန်းမှာ အစ္စလာမ်ဘာသာဝင်များဖြစ်ကြသည်။
Ref:OnIslam & News Agencies