ဧပြီ ၁၄၊ ၂၀၁၄
M-Media
– ဆော်ဒီအာရေဗျနိုင်ငံ၏ ကာကွယ်ရေးအသုံးစားရိတ်မှာ အရှေ့အလယ်ပိုင်းတွင် အမြင့်ဆုံးဖြစ်သည်ဟု လေ့လာမှုများအရ သိရသည်။
၂၀၁၂ ခုနှစ်မှစ၍ အရှေ့အလယ်ပိုင်းနိုင်ငံများမှာ ကာကွယ်ရေးအသုံးစားရိတ်များကို ပိုမိုသုံးစွဲလာခဲ့ပြီး ဆော်ဒီ၏ ကာကွယ်ရေးအသုံးစားရိတ်မှာ ၂၀၁၃ ခုနှစ်တွင် ကန်ဒေါ်လာ ၆၇ ဘီလီယံရှိခဲ့သည်ဟု စတော့ဟုမ်း နိုင်ငံတကာ ငြိမ်းချမ်းရေးသုတေသနအဖွဲ့၏ မှတ်တမ်းများကဆိုသည်။
ထိုပမာဏမှာ ၂၀၁၂ ခုနှစ် အသုံးစားရိတ်ထက် ၁၄ ရာခိုင်နှုန်း ပိုခဲ့ပြီး ယူကေ၊ ဂျပန်နှင့် ပြင်သစ်တို့ကိုကျော်တက်ခဲ့သည်။ ဆော်ဒီ၏ ကာကွယ်ရေးအသုံးစားရိတ်မှာ ၁၀ နှစ်အတွင်း နှစ်ဆကျော်ရှိလာပြီး၊ ရုရှား၊ တရုတ်နှင့် အမေရိကန်တို့ပြီးနောက် ကမ္ဘာပေါ်တွင် ကာကွယ်ရေးအသုံးစားရိတ် စတုတ္ထအများဆုံး နိုင်ငံဖြစ်လာခဲ့သည်။
၂၀၁၃ ခုနှစ် အရှေ့အလယ်ပိုင်းနိုင်ငံများအားလုံး၏ ကာကွယ်ရေးအသုံစားရိတ်မှာ ၂၀၁၂ ခုနှစ်ကထက် ၄ ရာခိုင်နှုန်း လျော့ကျခဲ့သည်ဟု အဆိုပါ သုတေသနအဖွဲ့က ဆိုသည်။ ဘာရိန်နှင့် အီရတ်နိုင်ငံတို့၏ ၂၀၁၃ ခုနှစ် ကာကွယ်ရေးအသုံးစားရိတ်များမှာ ၂၆ နှင် ၂၇ ရာခိုင်နှုန်း အသီးသီးတိုးလာခဲ့ပြီး အီရန်၊ ကာတာ၊ ဆီးရီးယားနှင့် ယူအေအီးနိုင်ငံတို့၏ ၂၀၁၃ ကာကွယ်ရေးအသုံစားရိတ် အချက်အလက်များကိုမူ ရရှိခဲ့ခြင်းမရှိချေ။
