နိုဝင်ဘာ- ၁၁ ၂၀၁၃
M-Media
စုစည်းတင်ဆက်သူ- daythanix
သိုရီယမ် နျူကလီယား စွမ်းအင်
စွမ်းအင်သုတေသန ကုမ္ပဏီ တစ်ခုဖြစ်တဲ့ Laser Power Systems က သုတေသန ပြုလုပ်နေတဲ့ သိုရီယမ် ဒြပ်စင်သုံး အသေးစား နျူကလီယား စွမ်းအင်ထုတ်စက် လေးများဟာ လျှပ်စစ်ကားများကို ကားသက်တမ်း တစ်လျှောက် နောက်ထပ် လောင်စာ ထည့်ရန် မလိုဘဲ သုံးစွဲနိုင်စေလိမ့်မယ်လို့ ဆိုပါတယ်။ သိုရီယမ် ဟာ ယူရေနီယမ်ထက် ပေါများပြီး ဓါတ်ရောင်ခြည် အန္တရာယ် နည်းပါးပြီး ထိန်းသိမ်းရ လွယ်သူသဖြင့် သုတေသန များပြုလုပ်လျက် ရှိပါတယ်။
−−−−−−−−−−−−−−−−−−−−−−−−−−−−−−−
အိန္ဒိယ၏ အင်္ဂါဂြိုဟ်သွား အာကာသယာဉ်
နိုဝင်ဘာလ ၅ ရက်နေ့က လွှတ်တင်ခဲ့တဲ့ အိန္ဒိယရဲ့ အင်္ဂါဂြိုဟ်သွား အာကာသယာဉ်ဟာ အခုချိန်မှာ ကမ္ဘာပါတ် လမ်းကြောင်းထဲက ထွက်ခွာဖို့ အဆင့် ၆ ဆင့်ရဲ့ ပထမဆုံးအဆင့် ဒုံးအင်ဂျင်ကို မောင်းနှင်လိုက်ပါတယ်။ အင်္ဂါဂြိုဟ်ပါတ်လမ်းထဲကို ရောက်ရှိဖို့ ရက်ပေါင်း ၃၀၀ ခရီးနှင်မှာ ဖြစ်ပါတယ်။
−−−−−−−−−−−−−−−−−−−−−−−−−−−−−−−
လူ၏ဆီးမှ စွမ်းအင်ထုတ်မည်
West of England နဲ့ Bristol တက္ကသိုလ်က သုတေသီတွေဟာ ဆီးကနေ စွမ်းအင် ထုတ်ယူဖို့ ကြိုးစားနေပါတယ်။ လူရဲ့နှလုံးလို လုပ်ဆောင်တဲ့ ကိရိယာကနေ ဆီးကို microbial fuel cell ထဲကို ဖိသွင်းပေးပြီး ဘက်တီးရီးယားတွေက ဆီးကို ဖြိုခွဲရာမှာ လျှပ်စစ်ဓါတ်အားထွက်လာတယ်လို့ ဆိုပါတယ်။ အခုထိတော့ ထွက်လာတဲ့ လျှပ်စစ်အား နည်းတဲ့အတွက် သုတေသနကို ဆက်လက် လုပ်ဆောင်နေတယ်လို့ သိရပါတယ်။
−−−−−−−−−−−−−−−−−−−−−−−−−−−−−−−
ရုရှ အိုလံပစ်မီးရှုးတိုင် အာကာသထဲ ထွက်
ရုရှနိုင်ငံမှာကျင်းပမယ့် အိုလံပစ်ပွဲတော်ရဲ့ မီးရှုးတိုင်ကို နိုင်ငံတကာအာကာသစခန်းသို့ ပို့လိုက်ပြီးနောက် မီး မထွန်းညှိပဲ အာကာသစခန်း အပြင်ကို ယာဉ်မှုးများက သယ်ဆောင်ပြခဲ့ကြပါတယ်။
−−−−−−−−−−−−−−−−−−−−−−−−−−−−−−−−−−−
ဥရောပ အာကာသ အေဂျင်စီ ရဲ့ အာကာသယာဉ် ကမ္ဘာမြေသို ကျဆင်း
Gravity field and steady-state Ocean Circulation Explorer လို့ ခေါ်တဲ့ မြေဆွဲအားနှင့် သမုဒ္ဒရာ စီးဆင်းမှု လေ့လာရေးယာဉ်ဟာ ၁.၁ တန် လေးပြီး တနင်္လာနေ့ မနက် မှာ ကမ္ဘာမြေသို ကျဆင်း လာမှာ ဖြစ်ပြီး တစ်ခုလုံးရဲ့ ၅ပုံ၎ပုံဟာ လေထုထဲမှာ လောင်ကျွမ်းသွားပြီး ကျန်အပိုင်းများကတော့ သမုဒ္ဒရာထဲကို ကျဆင်းမှာ ဖြစ်ပါတယ်။
−−−−−−−−−−−−−−−−−−−−−−−−−−−−−−−−−−−−
Kindle Fire HDX
Amazon ကပြီးခဲ့တဲ့ ကြာသပတေးနေ့က tablet အသစ် Kindle Fire HDX ကို စတင် ရောင်းချလိုက်ပါတယ်။ Apple iPad air ကို ယှဉ်ပြိုင်နိုင်တဲ့ ဒီ8.9 လက်မ tablet ကို $379 နဲ့ ရောင်းချမှာ ဖြစ်ပါတယ်။
