Blog

မန္တလေးမြို့မှ ရှေးဟောင်းသမိုင်းဝင် လင်းဇင်းကုန်း(မွတ်စလင်မ်) သုဿာန်အား ဖျက်သိမ်းမိန့် ရပ်ဆိုင်းပြီး ဆက်လက် ထိန်းသိမ်းခွင့်ပြု

အောက်တိုဘာ ၂၉၊ ၂၀၁၃
M-Media
သုတမောင်

မန္တလေး ။ ။ မန္တလေးတိုင်း၊ အမရပူရမြို့နယ်ရှိ ရှေးဟောင်း သမိုင်းဝင် လင်းဇင်းကုန်း(မွတ်စလင်မ်)သုဿာန်အား စည်ပင်သာယာမှ ဖျက်သိမ်းရန်အမိန့်ထုတ်ထားမှုအား ရပ်ဆိုင်းလိုက်ပြီး ဆက်လက်ထိန်းသိမ်း စောင့်ရှောက်ခွင့် ပြုလိုက်ကြောင်း သိရပါတယ်။

အဆိုပါ သုဿာန်အား လွန်ခဲ့သော ၁-နှစ်ကျော်မှစ၍ ဖျက်သိမ်းရန် စည်ပင်သာယာမှ ထုတ်ပြန်ကြေညာခဲ့ပြီးနောက် သမိုင်းဝင်သုဿာန်နှင့် သာသနိက အဆောက်အအုံများ ဆက်လက် ထိန်းသိမ်းခွင့်ရရှိရန် တင်ပြ တောင်းဆိုမှုများ ရှိခဲ့ပါတယ်။ သို့သော် လွန်ခဲ့သော ၁-လကျော်က ထပ်မံအမိန့်ထုတ်ပြန်ခဲ့သည့် အတွက် အစ္စလာမ်သာသနာဝင်များအနေနှင့် စိတ်မချမ်းမြေ့ဖွယ်များဖြစ်ခဲ့ပြီး ဖျက်သိမ်းခြင်း မပြုရန် ဆွေးနွေး ညှိနှိုင်းခဲ့ကြပါတယ်။

ယခုအခါ မန္တလေးမြို့ရှိ အစ္စလာမ်သာသနာပရမတ္တအဖွဲ့ (KAFTG)မှ ခလီဖွှဟ် ဦးသိန်းဝင်းအောင်သည် သမ္မတရုံးဝန်ကြီး ဦးအောင်မင်းနှင့် ဦးစိုးသိန်းတို့နှင့် ရန်ကုန်မြို့တွင် မတူကွဲပြားသော ဘာသာဝင်တစ်ခုနှင့် တစ်ခုအကြား ငြိမ်းချမ်းစွာ အတူ ယှဉ်တွဲနေထိုင်ရေးဆွေးနွေးပွဲတွင် ရှေးဟောင်း သမိုင်းဝင်သုဿာန်နှင့်ပတ်သက်၍ ရှင်းလင်းပြောပြခဲ့ပြီး၊ သမိုင်းဝင်နေရာအား ဆက်လက် ထိန်းသိမ်းစောင့်ရှောက် ခွင့်ပြုရန် နိုင်ငံတော်သမ္မတ ဦးသိန်းစိန်ထံ မေတ္တာရပ်ခံပေးစာ တစ်စောင်ပေးပို့ခဲ့ကြောင်း၊ ယခုအခါ ၎င်းသမိုင်းဝင် ရှေးဟောင်းသုဿာန်နှင့် သာသနိက အဆောက်အအုံများ၊ ဂူဗိမ္မာန်များအား ဆက်လက် ထိန်းသိမ်းစောင့်ရှောက်ခွင့်ပြုကြောင်း တရားဝင် အကြောင်းပြန်ကြားစာ ရရှိခဲ့ပြီဟု သိရပါတယ်။

အကြောင်းအရာအပြည့်အစုံအား ခလီဖွှဟ်ဦးသိန်းဝင်းအောင်နှင့် ဆက်သွယ်မေးမြန်းပြီး ထပ်မံတင်ပြပေးမည် ဖြစ်ပါတယ်။

—————————————-
** M-Media ၏ မူပိုင် သတင်း/ဆောင်းပါးများကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။
စီးပွားဖြစ် ထုတ်ဝေသော Print Media များတွင် ထည့်သွင်းဖော်ပြလိုသူများ M-Media ၏ ခွင့်ပြုချက်လိုအပ်မည်ဖြစ်သည်။
ဆက်သွယ်ရန် [email protected]

October 29, 2013
ပင်လယ်ရေလက်ကြား ကိုဖြတ်ပြီး ဥရောပနှင့် အာရှတိုက်ကို ဆက်သွယ်သော မြေအောက် လှိုဏ်ခေါင်းတစ်ခု တူရကီတွင်ဖွင့်လှစ်

အောက်တိုဘာ ၂၉၊ ၂၀၁၃
M-Media

ဥရောပနှင့် အာရှတိုက် နှစ်ခုကို ဆက်သွယ်ထားသည့် Marmaray မြေအောက် ရထားလမ်းတစ်ခုကို တူရကီနိုင်ငံ၌ ယနေ့တွင် ဖွင့်လှစ်ခဲ့သည်ဟု သိရသည်။

လွန်ခဲ့သော နှစ်ပေါင်း ၁၅၀ အရင်က အော်တိုမန်ပြည့်ရှင် ဆူလ်တန် အဗ္ဗဒူလ် မစစ်က ၎င်း၏ အင်ပါယာကြီးအား ဥရောပသို့ဆက်သွယ်ရန်အတွက် ရေအောက် လှိုဏ်ခေါင်း တစ်ခုဖေါက်လုပ်ရန် ပုံကြမ်းရေးဆွဲခဲ့သော်လည်း ထိုခေတ်အခါက နည်းပညာမဖွံ့ဖြိုးမှုနှင့် ဘဏ္ဍာရေးအခက်အခဲများကြောင့် ဆူလ်တန်၏ စိတ်ကူးမှာ အထမမြောက်ခဲ့ပေ။

သို့သော်လည်း ယခုအခါ Marmaray မြေအောက် ရထားလမ်း ဖွင့်လှစ်နိုင်ခဲ့ခြင်းက ဆူလ်တန်၏ အစီအစဉ်အား အကောင်အထည် ဖော်နိုင်ခဲ့ခြင်းဖြစ်သည်။ ထိုရထား လမ်းအား ယနေ့တွင် ဖွင်လှစ်ခဲ့သော်လည်း ဆောက်လုပ်ရေးလုပ်ငန်းများမှာ အပြီးသတ်ခြင်းမရှိသေးပေ။

၂၀၀၄ခုနှစ်က စတင်ဆောက်လုပ်ခဲ့သော အဆိုပါမြေအောက် ရထားလမ်းမှာ အစ္စတန်ဘူလ်မြို့ အာရှတိုက်ဖက်ခြမ်းရှိ အူစကူဒါမြို့မှ ဥရောပတိုက်ဘက်ခြမ်းရှိ ဖာတီမြို့သို့ မာမာရာ ပင်လယ်ရေလက်ကြား ဖြတ်ကာ ဖောက်လုပ်ထားခြင်းဖြစ်ပြီး ၄၇.၄ မိုင်ရှည်လျားသည်။ ထိုရထားလမ်းမှာ အစ္စတန်ဘူလ်မြို့ရှိ ယာဉ်ကျောပိတ်ဆို့မှုအား ၅ ပုံတစ်ပုံအထိ လျော့ချပေးနိုင်မည်ဖြစ်ပြီး နေ့စဉ် လူပေါင်း ၁ သန်းကျော်ကို သယ်ယူ ပို့ဆောင်ပေးနိုင်မည်ဖြစ်သည်။

Ref : alarabiya

October 29, 2013
ကမ္ဘာအရပ်ရှည်ဆုံး လူသား ဖူးစာရှင်ကို ရှာဖွေတွေ့ရှိပြီ

အောက်တိုဘာ- ၂၉ ၊၂၀၁၃
M-Media

ဟိုးအဝေးအကြီး မိုင်များစွာကို လှမ်းမျှော်မြင်နိုင်သူအဖို့ အချစ်ကိုရှာဖွေရန် မခက်ခဲပေ။
စူလ်တန် ကိုဆဲန် (Sultan Kosen) သည် တူရကီနိုင်ငံသား လယ်သမား တစ်ယောက်ဖြစ်ပြီး၊ အရပ် ၂.၅၁ မီတာ(၈ ပေ ၂ လက်မ) ရှည်၍ ကမ္ဘာအရပ်အရှည်ဆုံးလူသားဖြစ်သည်။

သူသည် သူ၏ဘ၀ကြင်ဖော်ကို ရှာဖွေတွေ့ရှိရန် မာဗီ ဒီဘို (Merve Dibo) အား ဆုံးစည်းမိချိန်အထိ နှစ်ပေါင်း ၃၀ ကျော်ဖြတ်ခဲ့ရသည်။ သူမသည် အရပ် ၁.၇၃ မီတာ(၅ ပေ ၆ လက်မ) သာရှိပြီး သူနှင့်နှိုင်းစာသော် အလွန်ကိုသေးငယ်လွန်းနေ၏။

“ ယခုတော့ ကျွန်တော် ကိုယ်ပိုင်မိသားစုနဲ့ ကိုယ်ပိုင်ဘ၀ကို စတင်နိုင်ပါပြီ ဖြစ်ပါတယ်။ ကျွန်တော့်အရွယ်အစားနဲ့ဘက်ညီတဲ့ မိန်းကလေးတစ်ဦးကို ရှာမတွေ့နိုင်အောင်ကျွန်တော်ဟာ ကံမကောင်းခဲ့ဘူး၊သို့ပေမယ့် ကျွန်တော့်အတွက် သင့်တော်တဲ့သူကိုတော့ရှာတွေ့ပါပြီ ” ဟု ဒီဘို နှင့် စေ့စပ်ထားပြီဖြစ်သော ကိုဆဲန်က UK သတင်းစာ The Daily Mail သို့ ပြောကြားခဲ့သည်။

တူရကီတွင် ကိုဆဲန်သည် ကျော်ကြားစာရင်းဝင်သည့် လူတစ်ယောက်အလားဖြစ်နေပြီး၊ နိုင်ငံတောင်ပိုင်း မာဒင်မြို့(Mardin)တွင် ကျင်းပပြုလုပ်မည့် သူ၏ မင်္ဂလာအခမ်းအနားသို့ နိုင်ငံရေးသမား များစွာကိုလည်း ဖိတ်ကြားထားခဲ့သည်။ ဒီဘိုနှင့်လက်ထပ်မည့် ယင်းမင်္ဂလာပွဲတွင် သူသည် ကြီးမားသော ရိုးရာဝတ်စုံနှင့်ဖိနပ်ကို ဆင်ယင်မည် ဖြစ်သည်။

သူ၏ နောက်ထပ်အကြီးမားဆုံးရည်ရွယ်ချက်ကတော့ သူ့ကိုယ်ခန္ဓာ ၀င်ဆန့်နိုင်သည့်ကားတစ်စီးအတွင်း သူ၏ အသစ်စက်စက်ဇနီးလေးဖြင့် အတူတကွမောင်းနှင်စီးနိုင်ရန်ဖြစ်၏။

ကိုဆဲန်သည် ဦးနှောက်အောက်ခြေအကြိတ် ထိန်းချုပ်မှုဖရိုဖရဲဖြစ်သည့် ဝေဒနာကိုခံစားနေရပြီး၊ ၄င်းကြောင့် ဟော်မုန်းကြီးထွားမှု အဆမတန်တိုးမြှင့်လာခြင်းဖြစ်သည်။ ထိုဦးနှောက်အကြိတ်တွင်းမှ ဆဲလ်များပျက်စီးမှုကြောင့် သူ့အား ယင်းအခြေအနေသို့ ရောက်သွားစေခဲ့သည်။ ဆရာဝန်များက အဆိုပါ အကြိတ်ရှိပျက်စီးဆဲလ်များကို ဖယ်ရှားပြီးသည့်တိုင် သူ့အရပ်အမောင်းမှာ ဆက်လက် ဆန့်ထွက်နေခဲ့ပါသည်။ သူ၏မိသားစုသည် သာမန်အရပ်အမောင်းသာရှိသူများဖြစ်ကြသည်။

သူ၏ရှည်လျားသောအရပ်အမောင်းကြောင့် နောက်ပြောင်မှုကိုခံရသော်လည်း ယခုသော် ကိုဆဲန်က သူ့အရပ်အမောင်းနှင့်ပတ်သက်၍ ဂုဏ်ယူကြောင်း ပြောကြားနေပေသည်။ ကိုဆဲန်သည် လက်ဖဝါး အလျား ၂၇.၅ စင်တီမီတာ နှင့် ခြေဖဝါး အလျား ၃၆.၅ စင်တီမီတာဖြင့် Guninness World Record ၌ ကမ္ဘာ့လူထူးဆန်းတစ်ဦးအဖြစ် စံချိန်တင်မှတ်တမ်းဝင်ခဲ့သည်။

Ref:Al Arabiya

—————————————-
** M-Media ၏ မူပိုင် သတင်း/ဆောင်းပါးများကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။
စီးပွားဖြစ် ထုတ်ဝေသော Print Media များတွင် ထည့်သွင်းဖော်ပြလိုသူများ M-Media ၏ ခွင့်ပြုချက်လိုအပ်မည်ဖြစ်သည်။
ဆက်သွယ်ရန် [email protected]

October 29, 2013
၂၀၁၃ နိုဝင်ဘာမှ စပြီး မီတာခများ ဈေးတက်ပြီ

အောက်တိုဘာ- ၂၉
M-Media
သတင်း- KK

၂၀၁၃ ခုနှစ် နိုဝင်ဘာလမှ စတင်ပြီး မီတာခများ တိုးမြှင့်ကောက်ခံမည် ဖြစ်ကြောင်း လျှပ်စစ်စွမ်းအင် ၀န်ကြီးဌာ၊ ရန်ကုန်မြို့ လျှပ်စစ်ဓါတ်အားပေးရေး အဖွဲ့က ထုတ်ပြန်ကြေညာလိုက်သည်။ ဓါတ်အားထုတ်လုပ်မှု ကုန်ကျစရိတ်နှင့် ဓါတ်အားဝယ်ယူမှု ကုန်ကျစရိတ်များ ကာမိစေရန် မီတာ တယူနစ် နှုန်းထားများကို ပြင်ဆင် သတ်မှတ်ကြောင်း ကြေညာချက်မှာ ဖော်ပြပါရှိသည်။

ပြင်ဆင်သတ်မှတ်လိုက်သည့် ဓါတ်အားခ နှုန်းထားများမှာ အောက်ပါအတိုင်းဖြစ်သည်။

(က) အများပြည်သူ (အိမ်သုံး)
————————————-
(၁) ၁ ယူနစ်မှ ၁၀၀ ယူနစ်အထိ ၃၅ ကျပ်
(၂) ၁၀၁ ယူနစ်နှင့်အထက် ၅၀ ကျပ်

(ခ) အများပြည်သူ (စက်မှု၊ စီးပွားရေး၊ တစ်လုံးတစ်ခဲတည်း၊ယာယီ)
———————————————————————
(၁) ၁ ယူနစ်မှ ၅၀၀၀၀ ယူနစ်အထိ ၁၀၀ ကျပ်
(၂) ၅၀၀၀၁ ယူနစ်နှင့်အထက် ၁၅၀ ကျပ်

(ဂ) အစိုးရဌာန
——————–
(၁) ရုံးသုံး ၅၀ ကျပ်
(၂) စက်မှုသုံး ၁၀၀ ကျပ်

အထက်ပါနှုန်းထားများ အတိုင်း ၂၀၁၃ ခုနှစ် နိုဝင်ဘာတွင် တိုးမြှင့်ကောက်ခံမည်ဖြစ်ပြီး ၂၀၁၃ ခုနှစ် ဒီဇင်ဘာ ငွေတောင်းခံလွှာများတွင် စတင်ပါရှိမည်ဟု ကြေညာချက်မှာ ဖော်ပြပါရှိသည်။

ကိုးကား-သတင်းနှင့်စာနယ်ဇင်းလုပ်ငန်း

October 29, 2013
တစ်ပါတ်အတွင်း သိပ္ပံနှင့် နည်းပညာ သတင်းများ (M-Media Tech ကဏ္ဍ)

အောက်တိုဘာ-၂၉ ၂၀၁၃
M-Media
စုစည်းတင်ဆက်သူ- daythanix

Google ရဲ့ Project Shield

သတင်း website အသေးစားများ၊ ရွေးကောက်ပွဲ website များ၊ လူ့အခွင့်အရေး website များကဲ့သို့ အသေးစား website များအတွက် Google က သူတို့ကိုယ်တိုင် သုံးတဲ့ DDoS ကာကွယ်ရေးစနစ်ကို အသုံးပြုပြီး ဒီ website လေးတွေရဲ့ အချက်အလက် ကို Google ဆက်သွယ်မှုက တစ်ဆင့် စီးဆင်းစေခြင်းနဲ့ ကာကွယ်ပေးသွားမည့် အစီအစဉ်ကို မိတ်ဆက်လိုက်ပါတယ်။ https://projectshield.withgoogle.com/ ဖြစ်ပါတယ်
————————————————————–

တစ်ကိုယ်ရေသုံး လေသန့်စက်

Electrolux Design Lab ရဲ့ နည်းပညာသစ်ပြိုင်ပွဲမှာ ရုရှနိင်ငံက Alexandr Kostin ရဲ့Hand Tree design concept ဆုရသွားပါတယ်။ ဒီလိုလက်မှာပတ်ထားရုံနဲ့ ပါတ်ဝန်းကျင်က လေထုကို သန့်စင်သွားနိုင်မယ်ဆိုရင် ကမ္ဘာ့လေထုကိုတောင် သန့်စင်သွားနိုင်မှာ ဖြစ်ပါတယ်။ Hand Tree လို့ နာမည်ပေးထားသလိုပဲ လေထုထဲက ကာဗွန်ဒိုင်အောက်ဆိုက်ကို စုပ်ယူပြီး အောက်ဆီဂျင်ကို ထုတ်လွှတ်ပေးမှာ ဖြစ်ပါတယ်။

————————————————————–

ကမ္ဘာနဲ့ လ အကြား မြန်နှုန်းမြင့် ဆက်သွယ်ရေး နာဆာစမ်းသပ်

စက်တင်ဘာလအတွင်းက လွှတ်တင်ခဲ့တဲ့ လသို့သွားတဲ့ အာကာသယာဉ် LADEE နဲ့ ဆက်သွယ်ရာမှာ လေဆာ နည်းပညာသစ်နဲ့ ပို့လွှတ်စမ်းသပ်ခဲ့ပါတယ်။ download speedsကတော့ 622 Mbps ရှိပြီးတော့ upload rate ကတော့ 20 Mbps ရှိပါတယ်။ မြန်မာနိုင်ငံရဲ့ ပျမ်းမျှ အင်တာနက် ဆက်သွယ်မှု အမြန်နှုန်းကတော့ 256 Kbps သာရှိပါတယ်။

————————————————————–

Sony Smart watch 2 အသစ် ကို ထုတ်ဖေါ်ပြသ

Sonyက Smart watch 2 လက်ပတ်နာရီကို အရင်အပါတ်က ဈေးကွက်ကို ထုတ်ဖေါ်ပြသလိုက်ပါတယ်။ ဒေါ်လာ ၂၀၀ လောက်နဲ့ ရောင်းမယ့် ‘ဒီနာရီကို Android version အနည်းဆုံ 4.0 Ice Cream Sandwich သုံးတဲ့ မည်သည့် ဖုန်းနဲ့မဆို တွဲပြီးသုံးနိုင်ပါတယ်။ ဖုန်းနဲ့ ဆက်သွယ်မှုအတွက် bluetooth 3.0 ကို အသုံးပြု ထားပါတယ်။

————————————————————–

LG ရဲ့ ကွေးညွတ်ထားတဲ့ မျက်နှာပြင်နဲ့G Flex

၆လက္မ မျက်နှာပြင်ရှိတဲ့ ကွေးညွတ်ထားတဲ့ မျက်နှာပြင်နဲ့ ဖုန်းကို LG က ထုတ်ဖေါ်ပြသလိုက်ပါတယ်။ အရင်အပါတ်ကလည်း Samsung က ကွေးညွတ်ထားတဲ့ မျက်နှာပြင်နဲ့ ဖုန်းတစ်မျိုး ထုတ်လုပ်ခဲ့ပါတယ်။ Samsung ရဲ့ ဖုန်းက လက်ဖဝါးထဲမှာ ကိုင်တွယ်လို့ ကောင်းအောင် ဘေးဘက်တွေ ကွေးထားတာ ဖြစ်ပြီး LG ရဲ့ ဖုန်းကတော့ မျက်နှာနဲ့ အဆင်ပြေနိုင်အောင် အထက်အောက် ကွေးညွတ်ထားပါတယ်။

October 28, 2013