အောက်တိုဘာ ၂၈၊ ၂၀၁၃
M-Media
လူမျိုးရေးခွဲခြားမှုများနှင့်ပက်သက်ပြီး ပြင်းထန်သောအပြစ်ပေးမှုကို ဖီဖာဥက္ကဌ အလိုရှိ
ဘောလုံးအသင်းများ၏ ပရိတ်သတ်များ လူမျိုးရေးခွဲခြားမှုများပြုလုပ်ပါက ထိုအသင်းအား ပြိုင်ပွဲမှထုတ်ပယ်ပစ်ရန် ကမ္ဘာ့ဘောလုံးအဖွဲ့ချုပ် ဖီဖာဥက္ကဌ ဆပ်ဘလတ္တာက အလိုရှိနေသည်။
ထိုကဲ့သို့သောမှတ်ချက်မှာ ရုရှားတွင် မန်စီးတီးအသင်း လူမျိုးရေးခွဲခြားမှု ကြုံခဲ့ရပြီးနောက်ပိုင်းတွင်ထွက်ပေါ်လာခြင်းဖြစ်သည်။ စီအက်စ်ကေအေမော်စကိုအသင်းနှင့် မန်ချက်စတာစီးတီးအသင်းတို့ ယှဉ်ပြိုင်ကစားခဲ့သည့် ချန်ပီယံလိဂ်ပွဲတွင် စီအက်စ်ကေအေ ပရိတ်သတ်များက မန်စီးတီးကစားသမား ယာယာတိုးယေးအား လူမျိုးရေး ခွဲခြားသော ကြွေးကြော်သံများဖြင့် လှောင်ပြောင်ခဲ့ပြီးနောက် ဥရောပဘောလုံး အဖွဲ့ချုပ် ယူအီးအက်ဖ်အေက စီအက်စ်ကေအေအသင်း၏ လာမည့်ဥရောပပွဲစဉ်တွင် ပရိသတ် မပါဘဲကစားရန် ပြစ်ဒဏ်ချမှတ်ခဲ့သည်။
သို့သော်လည်း ဆပ်ဘလတ္တာအနေဖြင့် ထိုကဲ့သို့အပြစ်ပေးမှုမှာ လုံလောက်မှုမရှိဟုပြောကြားခဲ့ပြီး လူမျိုးရေးခွဲခြားမှုအတွက် ပိုမိုပြင်းထန်စွာ အပြစ်ပေးရန်အတွက် ဆော်သြခဲ့သည်။ ထို့ပြင် ပရိတ်သတ်မပါဘဲ ကစားစေခြင်း၊ နိုင်ငံများ၏ ဘောလုံးအဖွဲ့ချုပ်များကို ဒဏ်တပ်ခြင်းများမှာ ဘောလုံးလောကမှ လူမျိုးရေးခွဲခြားမှုအား အမြစ် ပြတ် သုတ်သင်နိုင်မည် မဟုတ်ကြောင်း၊ ထို့ကဲ့သို့ လူမျိုးရေး ခွဲခြားမှုများကို ပြုလုပ်ခဲ့သည့် အသင်းအား အမှတ်များဖြတ်တောက်ခြင်း၊ ပြိုင်ပွဲမှ ထုတ်ပယ်ခြင်းစသဖြင့် ပြင်းထန်စွာ အရေးယူရမည်ဖြစ်ကြောင်း ဘလတ္တာက ထပ်လောင်းပြောကြားခဲ့သည်။
ယခုနှစ် ဇန်န၀ါရီလကလည်း အေစီမီလန်အသင်းနှင့် အီတလီ အသင်းငယ် ပရိုပက်ထရီယာတို့ ကစားသည့်ပွဲတွင် ပက်ထရီယာအသင်း ပရိတ်သတ်များက အေစီမီလန် အသင်း၏ ကစားသမားများကို လူမျိုးရေး ခွဲခြားမှုများပြလုပ်ခဲ့ဖူးသည်။
လူမျိုးရေးခွဲခြားမှုများနှင့်ပက်သက်ပြီး ပိုမိုပြင်းထန်သည့် အပြစ်ပေးမှုများပြုလုပ်ရန်အတွက် ဖီဖာ၏ လူမျိုးရေးခွဲခြားမှုဥက္ကဌနှင့် ဖီဖာဒုတိယဥက္ကဌတို့ ယမန်နေ့က တွေ့ဆုံခဲ့ကြပြီး အမှတ်ဖျက်တောက်ခြင်း၊ တန်းဆင်းစေခြင်းစသည့် ပြစ်ဒဏ်များပေးရန်အတွက် ဆွေးနွေးခဲ့ကြသည်။
alarabiya
____________________
Indian Grand Prix ကားမောင်းပြိုင်ပွဲတွင် ဂျာမန်ကားမောင်းသမား စီဘက်စတီယန် ဗက်တဲလ် ဗိုလ်စွဲ
အိန္ဒိယနိုင်ငံတွင် ကျင်းပပြုလုပ်ခဲ့သည့် Indian Grand Prix ကားမောင်းပြိုင်ပွဲတွင် ဂျာမန်ကားမောင်းသမား စီဘက်စတီယန် ဗက်တဲလ်က အနိုင်ရ ဗိုလ်စွဲခဲ့သည်ဟု သိရသည်။
Red Bull အသင်း၏ အသက် ၂၆ နှစ်အရွယ်ကားမောင်းသမား ဗက်တဲလ်မှာ ပြိုင်ပွဲတွင် တစ်နိုင်ငံတည်းသား မိုက်ကယ် ရှူးမိတ်ကာနှင့် အာဂျင်တိုင်း ကားမောင်းသမား ဂျူအန် မန်နျူယဲလ် ဖန်ဂီယိုတို့နှင့် အဓိက ယှဉ်ပြိုင်ခဲ့ရပြီး အနိုင်ရရှိခဲ့ခြင်းဖြစ်သည်။
Idiand Gand Prix ချန်ပီယံနှစ်ကြိမ်ဖြစ်ထားသည့် ဖာရာရီအသင်း၏ ကားမောင်းသမား အလွန်ဆိုမှာ အဆင့် ၁၁ နေရာမှသာပန်းဝင်နိုင်ခဲ့သည်။ ယခုပွဲတွင် ဗိုလ်စွဲခဲ့မှု မှာ ဗက်တဲလ်၏ ဂရင်းပရီပြိုင်ပွဲ ခြောက်ခုဆက်တိုက် ဗိုလ်စွဲနိုင်ခဲ့ခြင်းလည်းဖြစ်သည်။
cnn
____________________
Valencia Open တင်းနစ်ပြိုင်ပွဲတွင် ယူဇနီ ဗိုလ်စွဲ
စပိန်နိုင်ငံ ဗလင်စီယာမြို့တွင် ကျင်းပခဲ့သည့် Valencia Open တင်းနစ်ပြိုင်ပွဲတွင် ရုရှားတင်းနစ်သမား မီခေးလ်ယူဇနီက အိမ်ရှင်တင်းနစ်သမား ဒေးဗစ်ဖာရာကို အနိုင်ယူကာ ဗိုလ်စွဲနိုင်ခဲ့သည်ဟု သိရသည်။
ဗိုလ်လုပွဲအား ယမန်နေ့က ကျင်းပပြုလုပ်ခဲ့ပြီး ၁ နာရီနှင့် ၂၃ မိနစ်ကြာမြင့်ခဲ့သော အဆိုပါပွဲစဉ်တွင် ယူဇနီမှာ Valencia Open ချန်ပီယံသုံးကြိမ်ဖြစ်ခဲ့ဖူးသည့် ဖာရာအား ၆-၃၊ ၇-၅ ဖြင့်အနိုင်ရရှိခဲ့ပြီး ယခုနှစ် ဒုတိယမြောက် ATP ဖလားအား ဆွတ်ခူးနိုင်ခဲ့သည်။
“ကျွန်တော့်ကိုကူညီပေးခဲ့တာတွေနဲ့ ပွဲတွေမှာ ဗိုလ်စွဲနိုင်ခဲ့တာတွေအတွက် ကျွန်တော့်အဖွဲ့ကို ကျွန်တော်ကျေးဇူးတင်ပါတယ်။ ကျွန်တော့်အတွက်တော့ ဒီသီတင်းပတ်ဟာ ကောင်းမွန်တဲ့ သီတင်းပတ်ပါပဲ။” ဟု ယူဇနီက ပွဲအပြီးတွင် ပြောဆိုခဲ့သည်။
skysports
____________________
ဖက်ဒါရာအား အနိုင်ယူကာ ATP Swiss Indoors ဖလားအား ပေါ်ထရိုဆွတ်ခူး
ဆွစ်ဇလန်နိုင်ငံ ဘေဆယ်မြို့တွင် ကျင်းပပြုလုပ်ခဲ့သည့် ATP Swiss Indoors တင်းနစ်ပြိုင်ပွဲဗိုလ်လုပွဲတွင် အာဂျင်တိုင်း တစ်နစ်သမား ဒလ်လ်ပေါ်ထရိုက အနိုင်ရဗိုလ်စွဲသွားခဲ့သည်ဟု သိရသည်။
ဗိုလ်လုပွဲစဉ်ကို ယမန်နေ့က ကစားခဲ့ခြင်းဖြစ်ပြီး နိုင်ခြေအဆင့် ၁ ရှိ ဂျူအန်မာတင် ဒလယ်လ်ပေါ်ထရိုမှာ ကမ္ဘာ့ အဆင့် ၆ ဆွစ်တင်းနစ်သမား ရော်ဂျာဖက်ဒါရာနှင့် ယှဉ်ပြိုင်ခဲ့ရခြင်းဖြစ်သည်။ ၂ နာရီနှင့် မိနစ် ၂၀ ကြာမြင့်ခဲ့သည့် အဆိုပါပွဲတွင် ပေါ်ထရိုမှာ ခက်ခက်ခဲခဲ ယှဉ်ပြိုင်ခဲ့ရပြီး ၇-၆၊ ၂-၆၊ ၆-၄ ဖြင့်အနိုင်ရရှိခဲ့ခြင်းဖြစ်သည်။
ယခုပွဲအနိုင်ရရှိမှုမှာ ပေါ်ထရိုအနေဖြင့် ဖက်ဒါရာအား သုံးကြိမ်မြောက် အနိုင်ရရှိခဲ့ခြင်းဖြစ်ပြီး ယခုနှစ်ရာသီ ၄ ခုမြောက်ဖလားအား ဆွတ်ခူးနိုင်ခဲ့ခြင်းလည်းဖြစ်သည်။
skysports
____________________
WTA Championship တင်းနစ်ပြိုင်ပွဲတွင် ဆရီနာ ဗိုလ်စွဲ
အစ္စတန်ဘူလ်တွင်ကျင်းပပြုလုပ်နေခဲ့သော WTA ရာသီပိတ်ပွဲစဉ်ဖြစ်သည့် WTA Championship တင်းနစ်ပြိုင်ပွဲတွင် အမေရိကန်နာမည်ကြီးတင်းနစ်မယ် လက်ရှိချန်ပီယံ ဆရီနာဝီလီယံက အနိုင်ရ ဗိုလ်စွဲခဲ့သည်ဟု သိရသည်။
ယမန်နေ့က ကျင်းပခဲ့သည့် ဗိုလ်လုပွဲတွင် ၀ီလီယံမှာ တရုတ်တင်းနစ်မယ် လီနာနှင့် ယှဉ်ပြိုင်ခဲ့ရခြင်းဖြစ်သည်။ ၀ီလီယံမှာ လီနာအား ပထမပွဲငယ်တွင် ၆-၂ ဖြင့်ရှုံးနိမ့်ခဲ့သော်လည်း ဒုတိယပွဲငယ်တွင် ၆-၃ ဖြင့်လည်ကောင်း၊ တတိယပွဲငယ်တွင် ၆-၀ ဖြင့်လည်းကောင်း အသီးသီးအနိုင်ရရှိခဲ့ပြီး ချန်ပီယံဘွဲ့ကို ကာကွယ်နိုင်ခဲ့သည်။
“ဒီနှစ်ဟာ သိပ်ကိုရှည်ကြာတဲ့နှစ်ပါပဲ။ ကျွန်မသိပ်ကို စိတ်လှုပ်ရှားမိပြီး ဒီလိုကျော်ဖြတ်နိုင်လိမ့်မယ်လို့မထင်ထားပါဘူး။ ကျွန်မအနိုင်ရသွားတာကို ကျွန်မ မယုံကြည်နိုင်ပါဘူး။ အရမ်းမောပန်းနေပါပြီ။ ကမ္ဘာ့အဆင့် ၁ အဖြစ် ရာသီကိုဆုံးသတ်ရပြီး WTA ၄၀ ခုမြောက်ဖလားကို ဆွတ်ခူးရတာဟာ ထူးခြားတဲ့ အချိန်ပါပဲ” ဟု ၀ီလီယံက ပွဲအပြီးတွင် ပြောကြားခဲ့သည်။
ယခုပွဲဗိုလ်စွဲနိုင်ခဲ့မှုမှာ ယခုနှစ် တင်းနစ်ရာသီတွင် ၀ီလီယံ၏ ၁၁ ကြိမ်မြောက် ဗိုလ်စွဲနိုင်ခဲ့ခြင်းလည်းဖြစ်သည်။
skysports
____________________
တောရက်စ်ရဲ့နောက်ကျဂိုးနဲ့ အိမ်ကွင်းမှာအောင်ပွဲခံခဲ့တဲ့ ချယ်ဆီး၊ အဆင့်လေးသို့ တက်လှမ်းလာနိုင်ခဲ့တဲ့ တော့တင်ဟမ်နဲ့၊ ဆန်းဒါးလန်တို့ အနိုင်ရရှိခဲ့ကြသည့် ပရီးမီးယားလိဂ်ပွဲစဉ် ၉ ဆူပါဆန်းဒေးပွဲစဉ်များ
ပရီးမီးယားလိဂ်ပွဲစဉ် ၉ လက်ကျန်ပွဲများအဖြစ် ယမန်နေ့က လေးပွဲကစားခဲ့ရာ မော်ရင်ဟို၏ချယ်ဆီး၊ တန်းဆင်းဇုန်မှ ဆန်းဒါးလန်းအသင်းနှင့် စပါးအသင်းတို့ အနိုင်ရရှိခဲ့ကြသည်။
ချယ်ဆီး ၂-၁ မန်ချက်စတာစီတီး
စတမ်းဖို့ဘရစ်ခ်ျတွင်ကစားခဲ့သည့် ယခုပွဲမှာ အကြိတ်အနယ်ရှိခဲ့ပြီး တိုက်စစ်မှူး တောရက်စ်၏ နောက်ဆုံးမိနစ်နောက်ကျဂိုးဖြင့် အိမ်ရှင်ချယ်ဆီးအသင်းက အနိုင်ရရှိခဲ့ခြင်းဖြစ်သည်။
ချယ်ဆီးအသင်းမှာ ရှော်လ်ကာအသင်းအား ၃ ဂိုး ဂိုးမရှိဖြင့်အနိုင်ရရှိခဲ့သည့် ပွဲမှလူစာရင်းအား ၁ နေရာသာအပြောင်းအလဲလုပ်ခဲ့ပြီး မန်စီးတီးအသင်းအား ရင်ဆိုင်ခဲ့သည်။ မန်စီးတီးအသင်းတွင်လည်း အသင်းခေါင်းဆောင် ဗင်ဆင့် ကွန်ပနီ ဒဏ်ရာကြောင့်မပါဝင်နိုင်ခဲ့သောကြောင့် နောက်ခံအတွင်းလူနေရာတွင် ဒီမစ်ချယ်လီက တာဝန်ယူကစားခဲ့သည်။
ချယ်ဆီးအသင်းအတွက် ဦးဆောင်ဂိုးကို ၃၃ မိနစ်တွင်ရရှိခဲ့ပြီး စကာရယ်လ်က သွင်းယူပေးခဲ့ခြင်းဖြစ်သည်။ ပထမပိုင်း ကျန်ရှိနေသာမိနစ်များတွင် ချယ်ဆီးအသင်းကသာ ပွဲကိုစိုးမိုးထားနိုင်ခဲ့ပြီး ပထမပိုင်းပြီးဆုံးချိန်တွင် ချယ်ဆီးက ၁ ဂိုး ဂိုးမရှိဖြင့် အနိုင်ရရှိခဲ့သည်။
ဒုတိယပိုင်းအစ ၄၉ မိနစ်တွင်ဧည့်သည်မန်စီးတီးအသင်းတို့ ချေပဂိုးရရှိခဲ့ပြီး နာဆရီ၏ ဖြတ်တင်ဘောမှတစ်ဆင့် အဂူရိုက သွင်းယူပေးခဲ့သည်။ နောက်ပိုင်းတွင် နှစ်သင်းစလုံး ဂိုးသွင်းခွင့်အနည်းငယ်ရခဲ့သော်လည်း ဂိုးအဖြစ်မပြောင်းလဲနိုင်ခဲ့ဘဲ မိနစ် ၉၀ တွင်မှ ချယ်ဆီတို့ အဖိုးတန်အနိုင်ဂိုး ရရှိခဲ့ပြီး တိုက်စစ်မှူးတောရက်စ်က မန်စီးတီးဂိုးသမား ဂျိုးဟတ်၏ အမှားကို အပိုင်အသုံးချနိုင်ခဲ့ခြင်းဖြစ်သည်။
ယခုပွဲအနိုင်ကြောင့် ချယ်ဆီးအသင်းမှာ ၉ ပွဲကစား ရမှတ် ၂၀ ဖြင့် လီဗာပူးလ်အသင်းနှင့် အမှတ်တူ ဂိုးကွာခြားချက်ဖြင့် အဆင့် ၂ နေရာတွင်ရှိနေသည်။
……………………………………………
စပါး ၁-၀ ဟားလ်စီးတီး
ယခုနှစ်ရာသီတွင် ရလဒ်ကောင်းများရရှိနေသည့် စပါးအသင်းမှာ အိမ်ကွင်းတွင် ဟားလ်စီးတီးအသင်းအား အနိုင်ကစားနိုင်ခဲ့သည်။ သို့သော်လည်း အလွယ်တကူ အနိုင်ရရှိခဲ့ခြင်းမဟုတ်ဘဲ ဟားလ်စီးတီးအသင်းမှာ စပါးအသင်းအား ဒုက္ခပေးနိုင်ခဲ့သည်။
စပါးအသင်းအတွက်တစ်လုံးတည်သောအနိုင်ဂိုးကို မိနစ် ၈၀ တွင် အငြင်းပွားဖွယ်ပင်နယ်တီမှ တစ်ဆင့် စပိန်တိုက်စစ်မှူး ဆိုလ်ဒါဒိုက သွင်းယူပေးခဲ့ခြင်းဖြစ်သည်။
…………………………………………
ဆန်းဒါးလန် ၂-၁ နယူးကာဆယ်
၈ ပွဲကစားပြီး တစ်မှတ်သာရရှိထားသည့် ဆန်းဒါးလန်းအသင်းမှာ ယခုပွဲတွင် နယူးကာဆယ်အသင်းအားအနိုင်ရရှိအောင်စွမ်းဆောင်နိုင်ခဲ့သည်။
ဆန်းဒါးလန်း၏ အလင်းရောင်ကွင်းတွင်ကစားခဲ့သည့် ယခုပွဲတွင် ဦးဆောင်ဂိုးကို ပွဲအစ ၅ မိနစ်မှာပင် ဆန်းဒါးလန်းအသင်းက ရရှိခဲ့ပြီး စတီဗင်ဖလက်ချာက သွင်းယူပေးခဲ့သည်။ ဒုတိယပိုင်း ၅၇ မိနစ်တွင် ဧည့်သည် နယူးကာဆယ်တို့ ချေပဂိုးရရှိခဲ့ပြီး ဒီဘောက်ချီက သွင်းယူပေးခဲ့ခြင်းဖြစ်သည်။
သို့သော်လည်း ပွဲပြီးကာနီး ၈၄ မိနစ်တွင် အိမ်ရှင်တို့အနိုင်ဂိုးရရှိခဲ့ပြီး ဒုတိယပိုင်းတွင်မှ လူစားဝင်လာသည့် ဖေဘီယို ဘိုရီနီက သွင်းယူပေးခဲ့သည်။
……………………………………..
ဆွမ်ဆီး ၀-၀ ၀က်စ်ဟမ်း
ဆွမ်ဆီးအသင်း၏ အိမ်ကွင်းလေဘာတီတွင် ကစားခဲ့သည့် ယခုပွဲတွင် မည်သူမျှ ဂိုးသွင်းယူနိုင်ခြင်းမရှိဘဲ ဂိုးမရှိသရေကျခဲ့သည်။
ပရီးမီးယားလိဂ်ပွဲစဉ် ၉ ပွဲအပြီးတွင် အာဆင်နယ်အသင်းက ၂၂ မှတ်ဖြင့် ဇယားအားဦးဆောင်နေပြီး ချယ်ဆီး၊ လီဗာပူးလ်တို့က အမှတ် ၂၀ စီဖြင့် ဒုတိယနှင့် တတိယနေရာတွင်ရှိနေသည်။ တော့တင်ဟမ် ဟော့စပါးအသင်းမှာ ၁၉ မှတ်ဖြင့် အဆင့်လေးနေရာတွင်ရှိနေပြီး လက်ရှိချန်ပီယံမန်ယူအသင်းမှာ ၁၆ မှတ်ဖြင့် အဆင့် ၈ နေရာတွင်ရှိနသည်။
နော်ဝစ်ခ်ျ၊ ဆန်းဒါးလန်းနှင့် ခရစ္စတယ်ပဲလေ့စ်အသင်းတို့မှာ ၈မှတ်၊ ၄မှတ် ၃မှတ်စီဖြင့် တန်းဆင်းဇုံတွင် အသီးသီးရှိနေကြသည်။
____________________
** M-Media ၏ မူပိုင် သတင်း/ဆောင်းပါးများကို အွန်လိုင်းမီဒီယာများတွင် မည်သူမဆို လွတ်လပ်စွာကူးယူဖော်ပြနိုင်ပါသည်။ ကူးယူဖော်ပြသူများအနေဖြင့် M-Media မူရင်းလင့်ခ်ကို ထည့်ပေးဖို့ မေတ္တာရပ်ခံအပ်ပါသည်။
စီးပွားဖြစ် ထုတ်ဝေသော Print Media များတွင် ထည့်သွင်းဖော်ပြလိုသူများ M-Media ၏ ခွင့်ပြုချက်လိုအပ်မည်ဖြစ်သည်။
ဆက်သွယ်ရန် [email protected]
