News @ M-Media

Blog

  • ဂျာမနီနိုင်ငံ ဟမ်းဘာဂ့်မြို့၌  အစ္စလာမ် ရုံးပိတ်ရက်များကို အသိအမှတ်ပြု

    ဂျာမနီနိုင်ငံ ဟမ်းဘာဂ့်မြို့၌ အစ္စလာမ် ရုံးပိတ်ရက်များကို အသိအမှတ်ပြု

    သြဂုတ်၊ ၁၅၊ ၂၀၁၂

    ဟမ်းဘာဂ့် မြို့တော်ဝန် Olaf Scholz

    ဂျာမနီနိုင်ငံ၌ ဟမ်းဘာဂ့်မြို့ (Hamburg)ဟာ အစ္စလာမ်ရုံးပိတ်ရက်များကို ပထမဆုံး အသိအမှတ်ပြု ကျင့်သုံးသော မြို့ဖြစ်လာပါတယ်။ မွတ်စလင် အလုပ်သမားများ၊ ကျောင်းသားများ ပွဲတော်ရက်များမှာ အနားယူခွင့် ရရှိမှာဖြစ်ပြီး အစိုးရကျောင်းများတွင်လည်း အစ္စလာမ်သင်ခန်းစာများ ပို့ချမှာဖြစ်ပါတယ်။

    ဂျာမနီနိုင်ငံ လူဦးရေ ၈၂-သန်းအနက် ၄-သန်းမှာ အစ္စလာမ်ဘာသာဝင်များဖြစ်၍ ထက်ဝက်ခန့်မှာ ဂျာမနီနိုင်ငံသား ခံယူရရှိထားသူများဖြစ်ပါတယ်။ မွတ်စလင်ဦးရေ တစ်သိန်းခွဲခန့်ရှိတဲ့ ဟမ်းဘာဂ့်မြို့ (Hamburg)အတွက် ဒီဆုံးဖြတ်ချက်ဟာ သမိုင်းဝင်ဖြစ်စဉ်ပါပဲ။

    ဟမ်းဘာဂ့်မြို့ (Hamburg) အစ္စလာမ်လူမှုသိုင်းဝိုင်းကောင်စီမှ ဒေနီယလ် အဘဒင် (Daniel Abdin) က ဒီမြောက်ပိုင်းပြည်နယ်ရှိ  အစိုးရကျောင်းများတွင်လည်း အစ္စလာမ်သင်ခန်းစာများ ပို့ချခြင်းဟာ အခြားသော ပြည်နယ် ၁၅-ခု အတွက် အချက်ပေးစစ်ဂနယ်တစ်ခုဖြစ်ကြောင်း ပြောပါတယ်။

    ဟမ်းဘာဂ့်မြို့မှ Fazle Omar ဗလီဝတ်ကျောင်းတော်

    သူက ဆက်လက်ပြီး ပြောကြားရာမှာ ဒီတိုးတက်မှုဟာ ဂျာမနီနိုင်ငံမှာ အစ္စလာမ်သာသနာကို အသိအမှတ်ပြု လက်ခံခြင်းရဲ့ အရေးကြီးတဲ့ ခြေလှမ်းပဲလို့ သိရပါတယ်။

    လာမယ့်နှစ်မှာ စတင် ကျင့်သုံးမှာဖြစ်ပြီး ဒီလိုဖြစ်မြောက်ဖို့ ကြိုးပမ်းအားထုတ်နေတာ ၅-နှစ်ရှိပြီ ဖြစ်ကြောင်းလည်းသိရပါတယ်။

    လင်းယုန်နက် (ခြင်္သေ့မြို့တော်)

    ကိုးကား

    http://www.reuters.com/article/2012/08/15/us-germany-islam-idUSBRE87E0XV20120815

     

  • မြန်မာအစိုးရ သဘောထား မလေးရှား ၀န်ကြီးချုပ်ဟောင်း အကောင်းမြင်

    မြန်မာအစိုးရ သဘောထား မလေးရှား ၀န်ကြီးချုပ်ဟောင်း အကောင်းမြင်

    သြဂုတ်၊ ၁၅ ၊ ၂၀၁၂

    RFA-မြန်မာပိုင်း

    ရိုဟင်ဂျာ မူဆလင်တွေကို နိုင်ငံတကာ လူ့အခွင့်အရေး စံချိန် စံညွှန်းတွေနဲ့အညီ လက်ခံရေးနဲ့ ပတ်သက်ပြီး မြန်မာ အစိုးရ ခေါင်းဆောင်တွေဟာ အိမ်နီးချင်းနိုင်ငံတွေနဲ့ ကမ္ဘာ့နိုင်ငံတွေရဲ့ သဘောထားအမြင်တွေကို နားထောင်လိုစိတ် ရှိပါတယ်လို့ မလေးရှား ၀န်ကြီးချုပ်ဟောင်း မဟာသီယာ မိုဟာမက်က အကောင်းမြင်စကား ပြောကြားလိုက်ပါတယ်။

    မလေးရှား ၀န်ကြီးချုပ်ဟောင်း ဒေါက်တာ မဟာသီယာမိုဟာမက်ကို ၂၀၀၈ ခုနှစ်က ကုလသမဂ္ဂ အထွေထွေညီလာခံတွင် စကားပြောဆိုနေစဉ် တွေ့ရပုံ။ Photo-UN

    ကွာလာလမ်ပူမြို့တော်မှာ မနေ့က သတင်းထောက်တွေနဲ့ တွေ့ဆုံရာမှာ – လက်ရှိ မြန်မာခေါင်းဆောင်တွေဟာ အရင် ခေါင်းဆောင်တွေနဲ့ ရပ်တည်ချက် သဘောထားချင်း မတူညီဘူးဆိုတာ မြန်မာနိုင်ငံမှာ ဖြစ်ပေါ်နေတဲ့ ဒီမိုကရေစီ ပြုပြင် ပြောင်းလဲရေး ဖြစ်စဉ်က ပြသနေပါတယ်။

    ရိုဟင်ဂျာတွေကို လက်ခံရေး လုပ်ငန်းစဉ်ဟာ အချိန်အတန်ကြာ ယူရမှာဖြစ်ပေမဲ့ နောက်ဆုံးမှာတော့ မြန်မာအစိုးရဟာ ရိုဟင်ဂျာတွေကို လက်ခံလာမှာပါလို့ မလေးရှား ၀န်ကြီးချုပ်ဟောင်း မဟာသီယာ မိုဟာမက်က ပြောသွားခဲ့ပါတယ်။

  • ငယ်ဘ၀ ဒဏ်ရာများ

    ငယ်ဘ၀ ဒဏ်ရာများ

    မောင်လူငယ်

    ကျနော်သည် ဒီအကြောင်းကို မပြောချင် မရေးချင်ဘဲ မေ့ထားခဲ့သည်မှာ နှစ်ပေါင်း ၂၀ ကျော်ခဲ့ပြီးဖြစ်သည်။ မေ့ချင်သော်လည်း မေ့မရသည် မှာ ကျနော်အသက် ၃၀ ရောက်သည်တိုင်ပင်ဖြစ်သည်။


    ထို့နေ့ရောက်တိုင်း ကျနော်ရင်မှာ ငိုမိသလို မမေ့နိုင်သော ဒဏ်ရာများလည်း အဟောင်းမှ အသစ် အသစ် ပြန်ဖြစ်ရသည်။ ကျနော် အသက် ၅ နှစ်သားအရွယ်တွင် မြန်မာသမိုင်းတွင် အထူးခြားဆုံးဖြစ်သော် ၈၈၈၈ အရေးအခင်းနှင့် ကြုံတွေ့ခဲ့ရသည်။ အသက် ၅ နှစ်သားဆိုတော့ နည်းနည်း သိတတ်နားလည်သောအရွယ်ဖြစ်သလို ဦးနှောက်ဖွံ့ဖြိုးမှု ကောင်းသောအရွယ်ပင်ဖြစ်သည်။ ကျနော်သည် ထိုစဉ်အရွယ်တွင် မိခင်ဘက်မှာ အဘိုးအဘွားများနှင့် အတူနေခဲ့ရပြီး အဘိုးအဘွားများ လက်ပေါ်တွင် ကြီးပြင်းခဲ့ရသည်။ ကျနော်မိဘများသည် စကားမပြောတတ် နားမကြားသူများဖြစ်ကာ မွေးစဉ်က ကျနော် နားကြားသော်လည်း စကားပြောတတ်အောင် သင်ပေးခဲ့သူမှာ ကျနော် အဘွားနှင့် ကျနော်အဒေါ်ပင်ဖြစ်သည်။

    ဆူးလေးဘုရားလမ်းနှင့် အနော်ရထာလမ်းဒေါင့်တွင် ကျနော် ဘိုးဘွားအိမ်တွင် ကျနော်နေကာ သူငယ်တန်းကို အမက ၅ ကျောက်တံတား (ပန်းဆိုတန်းလမ်း) တွင် စတင်ကျောင်းတတ်ခဲ့ရသည်။ ညနေ ခေါင်းလောင်းထိုး ကျောင်းဆင်းချိန် ကျနော်သည် ၃၃လမ်းရှိ အဒေါ်အိမ်သို့သွားကာ ကျနော်အမနှင့် ဆော့ကစားလေ့ ရှိသည်။ လူကြီးများ၏ စကားဝိုင်းတွင် ၀င်ရောက် နားထောင်လောက်အောင် ကျနော်သည် နားမလည်ခဲ့ပါ။ တခု တော့ ကြားမိတာကတော့ (မဆလ)၊ ကလေးပီပီ ကျနော်ကြားရသော အရာကို နားမလည်ဘဲ ကျနော်အန်တီကြီးကို မေးမိသည်။ မဆလာဝယ်ပြီး ဘာလုပ်မလိုလဲတဲ့ သားကို ကျွေးမလိုလား လို ပြောလိုက်တော့ လူကြီးများက ပြုံးရယ်ကြလေသည်။

    ကျနော် အဘိုးမှာ စာရေးဆရာ ၁ဦးဖြစ်ကာ ထို့စကားဝိုင်းတွင် ဦးဆောင်ဆွေးနွေးလေသည်ကို ကျနော်မှတ်မိလေသည်။  ကျောင်းတက်သောအချိန်မှာ တိုတောင်းကာ ကျောင်းကို ပိတ်လိုက်ရပြီး ဆူးလေရှိ ဘိုးဘွားအိမ်တွင် ကျနော်သာ အချိန်ကုန်နေလေသည်။ ကျနော် မိခင်မှာ  ကျနော်ညီကို မွေးပြီးစ ၆လသားအရွယ် နို့တိုက်နေချိန်ဖြစ်ကာ ကျနော် အား မကြည်အားနိုင်ချေ။ ပျင်းပျင်းနှင့် အိမ်ရှေ့တံခါးနားတွင် ထိုင်ကာ ဟိုဟို ဒီဒီကြည်သော့ လူအအုပ်အုပ် အထွေထွေ ဥပဒေဟို သွားလာနေပြီး လူအုပ်ကြီး များသထက် များလာနေသည်ကို တွေ့မိသည်။

    ရှေ့တန်းတွင် ၀ါးလုံးရှည်ပေါ်တွင် အလံကို ပြောင်းပြန်လှန်ပြီး ထောင်ကာ ကိုင်ဆောင်ချီတက်ကြသည်။ ထူးခြားသည်ကား လေးထောင့်အကွက် မှန်ဘောင်တွင် လူ ၁ဦးပုံကို ကိုင်ထားသူနှင့် အလံကို ပြောင်းပြန်လှန်ထားခြင်းမရှိဘဲ နဂိုအတိုင်းကိုင်ထားသူများ အပြင် နောက်တွင် လူအုပ်ကြီးက ချီတက်နေကြသည်။ ကျနော်သည် ဓာတ်ပုံထဲက လူကို မသိပါ။ စစ်ဝတ်တန်ဆာနှင့်မျက်နှာ တည်ငြိမ်ရင်ကျက်ပုံကြောင့် ကလေးပီပီ သိလိုစိတ်ဖြစ်မိသည်။ နောက်တွင် သိရသည်မှာ အမျိုးသားခေါင်းဆောင်ကြီး မြန်မာပြည်လွတ်လပ်ရေးအတွက် အသက်စွန့်သွားခဲ့ရသော ကိုအောင်ဆန်းဖြစ်ကြောင့် သိရသည်အပြင် အလံကို မူလအတိုင်းထားကိုင်ခြင်းသည် ၁၉၄၇ အလံဖြစ်ကြောင်းလည်း သဘောပေါက်မိသည်။ လူအုပ်ထဲတွင် ကျနော်သဘောကျမိသည်မှာ ကချင်လွယ်အိတ်ကလေးနှင့် ကျောင်းသားများပင်ဖြစ်သည်။ ငယ်ရွယ်သောမျက်နှာများဖြင့် နဖူး ခေါင်းစည်းထားပြီး လက်ပတ်အနီရောင်၊ ၀ါစိမ်းရောင် ပတ်ကာ လူအုပ်များကို ဦးဆောင်နေသည်ကို အားကျမိသည်။ ပြောနေသော အော်သံ၊ ဟစ်ကြွေးသံများကို မှတ်သားထားမိသည်မှာ ဒီအသက်အရွယ်ရောက်သည်တိုင်ပင်ဖြစ်သည်။ အသံတွေကတော့ “တပါတီ အလိုမရှိ ဒီမိုကရေစီ ချက်ချင်းပေး၊ မရရင်ချ ရရင်ချ၊ သားသတ်သမား စိန်လွင်” ဟု ဟစ်ကြွေးကာ ပျံ့လွင့်နေသည်မှာ ကျနော်ပင် စိတ်ဓာတ်တတ်ကြွလာသည်။

    ကြည်နေတုန်းမှာ ပင် ကျောင်းသားကြီး တယောက်က ကလေး ဘာလုပ်နေတာတုန်း၊ ဘာလိုချင်လဲ ဟု မေးတော့ ကျနော်က “ဒေမော်ခဝေကီ” လိုချင်တယ်လို့ မပီမသ ပြောလိုက်တယ်။ သူက သဘောကျပြီး သူ အဖော်တွေကို ဟေ ဒီမှာ ကလေးက ဒီမိုကရေစီတဲ့ လိုချင်တယ်တဲ့။ ကျနော်ကို ၀ိုင်းမြှောက်ပြီး ချီပိုးနေတယ်။ ကျနော်ကို အကိုကြီးနဲ့ လိုက်မလား သွားကြည်မယ် ကလေး လို့ပြောတော့ ကျနော်လည်း လိုက်သွားတယ်။ အိမ်က စိတ်မချလို အဖော်ပါ ထည့်ပေးလိုက်တယ်။ ဆူးလေနဲ့ မြို့တော်ခန်းမဆိုတာ နီးနီးလေးပါ။ လူကြီးတွေ စိတ်ပူတာလဲ သဘာဝကျပါတယ်။ အဲဒီမှာ လူအုပ်တွေကလည်း အများကြီး လူမျိုးဘာသာတောင် မရွေးဘူး။ အော်သံတွေကလည်း အတူတူဘဲ။ “’ဒီမိုကရေစီ ချက်ချင်းပေး”တဲ့။ လူအုပ်ကြီးနဲ့ မျက်နှာချင်းဆိုင်မှာ အစိမ်းရောင် ဖျော့ဖျော့လေး ဆင်တူဝတ်ထားတဲ့ သူတွေ အများကြီးဗျာ။ သူတို့မျက်နှာတွေကလည်း ရန်ဖြစ်တော့မယ် မျက်နှာအတိုင်းဘဲ။ ကိုင်ထားတာကလည်း ကျနော်ဆော့တဲ့ သေနတ်နဲ့ အတော်ကို တူတယ်ဗျာ။ ကျနော်သေနတ်ကတော့ အတော်သေးတယ်။ ထူးတာက ကျနော်သေနတ်မှာ ဓားမတပ်ထားဘူးဗျာ။ သူတို့ထဲက ပခုံးမှာ အစက်ကလေးနဲ့ သူက ထွက်လာပြီး ဘဲနှုတ်သီးလိုလို လန်နေတဲ့ဟာကို ပါးစပ်မှာ တေ့ထားပြီး ပြောပြောနေတယ်။ ဘာတွေပြောမှန်းတောင် မသိဘူး။

    ကျောင်းသားကြီးက ကျနော်ဆီကို လာပြီး ထပ်မေးတယ် ဘာကိုလိုချင်လဲ ဒီမိုကရေစီ နောက်ပြီး ချောကလက်ပေးလိုပြောတာဘဲ။ ကျောင်းသားကြီးက ဝေးဟေးဟေးလို လက်ခုပ် ဖြောင်းဖြောင်းတီးနေပြီး သူက မြေပဲအချိုတောင့် ပေးတော့ ကျနော်စားတယ်။ နောက်တော့ ကျနော် တသက် မမေ့နိုင်တဲ့ ဖြစ်ရပ်လေးက အဲဒီမှာ ဖြစ်ခဲ့ပါတယ်။ ကျနော်ကို မုန့်လေးပေးတဲ့အကိုကြီးက ပေးပြီး ခြေလှမ်း ၃၊ ၄လှမ်း လျှောက်တာ ဒီအချိန်မှာ စစ်တပ်က ပစ်လိုက်တာ မုန့်ကျွေးတယ် အကိုကြိးရဲ့ ရင်ဝကို မှန်ပြီးနေရာမှာတင်လဲသွားတယ်။ အဖြူရောင် အင်္ကျီပေါ်မှာ အနီရောင်တွေ တဖြည်းဖြည်း လွှမ်းလာသလို အကိုကြီးရဲ့ မျက်လုံးက ကျနော်ကို ကြည်နေပြီး လူအုပ်ကြီးက အလဲလဲ အကွဲကွဲဖြစ်ကာ ကျနော်ကို ချီပြီး ပြေးလာသလို ကျနော်အိမ်ကိုလည်းအရောက်ပို့ပေးတယ်။

    ကျနော်တောင် ကလေးပီပီ ငိုမိတယ်။ အကိုကြီးရဲ့ မျက်လုံးတွေက ပြောနေတာက ဘယ်တော့မှ မမေ့ပါနဲ့တဲ့။ ဘိုးဘွားများကို ကျနော်မေးမိတယ်။ သား သေနတ်က ပစ်လိုက်တိုင်း  ရောင်စုံမီးဆလိုက်တွေ ထွက်ပြီး ဟို အစိမ်းရောင်ဝတ်တဲ့သူက ပစ်လိုက်တာ သားကို မုန့်ပေးတဲ့ အကိုကြီး ရင်ဝမှာ အနီရောင်တွေထွက်လာတာ ဘာလို့လဲလို မေးတော့ ဘိုးဘွားတွေက ဘာမှမပြောနိုင်အောင် မျက်နှာမှာ စိတ်မကောင်းဖြစ်တဲ့အမူအရာကို မြင်ရသလို အကိုကြီးရဲ့လဲကျသွားတဲ့ပုံစံဟာ ဒဏ်ရာတခုလို့ ဒီအရွယ်ရောက်တဲ့အထိ ဘယ်လိုမှ မမေ့နိုင်ခဲ့ပါ။ ကျနော်ကဲ့သို့ ကြုံတွေ့ခဲ့ရသူများလည်း ကျနော်ကဲ့သို့ ဖြစ်မည်ကို ခံစားမိပါသည်။

    နိဂုံးချုပ်ဆိုရသော် ကျနော်သည် ထို့ကဲ့သို့သောဖြစ်ရပ်များ ထပ်မံပေါ်ပေါက်လာမည်ကို ကျနော်စိုးရိမ်မိသည်။ မည်သူကိုမျှလည်း မမုန်းသလို ကျနော်အား မုန့်ကျွေးခဲ့သော ကျောင်းသားကြီး၏ လဲကျနေသောပုံစံပေါင်းများစွာကို မမြင်တွေ့လိုတော့သလို နောက်မျိုးဆက်သစ်များကိုလည်း ဒဏ်ရာများ မပေးချင်သည်မှာ ကျနော်ရင်ထဲက ဆန္ဒပင်ဖြစ်သည်။

  • ရခိုင်ပြည်နယ် အကျဉ်းထောင်အသီးသီးမှ INGO ၀န်ထမ်း(၁၀)ဦးအား ပြန်လွှတ်ပေး

    ရခိုင်ပြည်နယ် အကျဉ်းထောင်အသီးသီးမှ INGO ၀န်ထမ်း(၁၀)ဦးအား ပြန်လွှတ်ပေး

    မိုးဝေ ရခိုင်ပြည်နယ် (မြစ်မခ)

    သြဂုတ်၊၁၆၊၂၀၁၂

    Myit Makha Mediagroup

    ရခိုင်အရေးအခင်းတွင် ပါဝင်ပတ်သက်မှုကြောင့်အစိုးရမဟုတ်သည့်နိုင်ငံတကာအဖွဲ့စည်း(INGO) များမှ ဝန်ထမ်း(၁၀)ဦးကို ဇွန်လအတွင်းက ဖမ်းဆီးအရေးယူခဲ့ပြီး ယနေ့ စစ်တွေမြို့နယ် တရားရုံး၊ဘူးသီးတောင်မြို့နယ်တရားရုံး၊   မောင်တောမြို့နယ် တရားရုံးတို့တွင်ဖမ်းဆီးထားသည့် INGO ၀န်ထမ်းများအား စီရင်ချက်ချပြီးနောက်ပြန်လွှတ်ပေးလိုက်ပြီဖြစ်သည်။


    ဖမ်းဆီးခံထားရသည့် AZGအဖွဲ့မှ ဦးကျော်လှအောင်နှင့် ဦးဝင်းနိုင်တို့ကိုယနေ့ မြန်မာစံတော်ချိန် နေ့လည် နှစ်နာရီခွဲတွင် စစ်တွေ အကျဉ်းထောင်မှလွှတ်ပေးလိုက်ကြောင်း သိရှိရသည်။
    စစ်တွေ အကျဉ်းထောင်မှ AZGဝန်ထမ်းဦးကျော်လှအောင်နှင့်ဦးဝင်းနိုင်တို့ကို စစ်တွေမြို့နယ် တရား ရုံးမှ စီရင်ချက်ချပြီးနောက် နေ့လည်နှစ်နာရီကျော်တွင် စစ်တွေအကျဉ်းထောင်မှလွှတ်ပေး လိုက်ခြင်း ဖြစ်သည်။


    အဆိုပါ ဝန်ထမ်းများအားတရားရုံးက လွှတ်ပေးလိုက်ခြင်းနှင့်ပတ်သက်၍ရခိုင်ပြည်နယ်သတင်းနှင့်   ပြန်ကြားရေးနှင့်မှတ်တမ်းစုဆောင်းရေးဆပ်ကော်မတီဥက္ကဋ္ဌရခိုင်ပြည်နယ် ဥပဒေချုပ်ဦးလှသိန်းက ယခုကဲ့သို့ဆိုသည်။“ကင်တားနားမြန်မာနိုင်ငံကပြန်လည်ထွက်ခွာတဲ့အခါINGOတာဝန်ထမ်းဆောင်တဲ့ပြည်တွင်း အမှုထမ်း များကို ပြန်လွှတ်ပေးရန်တောင်းဆိုချက်ပါရှိကြောင်းကို သတိထားမိပါတယ်။  ထိုအချက်အပေါ်နိုင်ငံတကာကသော်လည်းကောင်း၊ ကမ္ဘာ့ကုလသမဂ္ဂကိုသော်လည်းကောင်းအလေးထားခဲ့ခြင်းနဲ့ သက်ဆိုင်တဲ့ သဘောဖြစ်ပါတယ်”ဟု ဦးလှသိန်းက ပြောသည်။
    ရခိုင်အရေးခင်းတွင်  ပါဝင်ပတ်သက်ခဲ့သည့်  INGOမှ ဝန်ထမ်းများအား  ပုဒ်မ၁၅၃-က၊၄၃၆၊ ၁၄၈၊၅၀၅ (ဂ)၊ အရေးပေါ် စီမံမှုအက်ဥပဒေပုဒ်မ (၅) ည တို့ဖြင့်အရေးယူဆောင်ရွက်ခဲ့ခြင်းဖြစ်ပြီး ၄င်းတို့အား  စစ်တွေမြို့နယ် တရားရုံး၊မောင်တောမြို့နယ်တရားရုံး၊ ဘူးသီးတောင်မြို့နယ် တရား ရုံးတို့တွင်အမှုရင်ဆိုင်ခဲ့ရခြင်းဖြစ်သည်။ရခိုင်ပြည်နယ်အရေးအခင်းတွင် UNHCRမှ ဝန်ထမ်းငါးဦး၊ AZG မှ တစ်ဦး၊ WFPမှတစ်ဦး  တို့အား ဇွန်လအတွင်းက ဖမ်းဆီးခဲ့ခြင်းဖြစ်သည်။

     

  • ကိုယ်ပိုင်ကျောင်းများနဲ့ မိဘတို့ရေ

    ကျော်ဆန်း

    သြဂုတ်၊ ၁၆၊ ၂၀၁၂

    ကိုယ်ပိုင်ကျောင်းများနဲ့ မိဘတို့ရေ

    ကိုယ်ပိုင်ကျောင်း မှတ်ပုံတင် ဥပဒေတစ်ရပ်ကို ၂၀၁၁ ဒီဇင်ဘာ (၂)ရက် နေ့က ပြဌာန်းပေးလိုက်တဲ့အတွက် ၀မ်းသာပီတိ ဖြစ်ခဲ့ရပါတယ်။ ဒိလိုရှိသင့်တာ ကြာပြီလို့ယူဆထားတဲ့အတွက်ကြောင့်လည်း မျှော်လင့်ချက်တစ်ရပ်
    ပြည့်စုံသွားတယ်လို့ ဆိုနိုင်တယ်။ ပညာရေးဝန်ကြီးဌာက မူဝါဒနဲ့ သင်ရိုးတွေချမှတ်ပေးမယ်။ ကျောင်းတစ်ကျောင်းမှာ ရှိအပ်တဲ့ အရည်အသွေးတွေ ရှိမရှိ ကြီးကြပ်ပေးမယ်။ ကိုယ်ပိုင်ကျောင်းတွေက စည်းကမ်းနည်းလမ်းနဲ့အညီ သင်ကြမယ်ဆိုတော့ နိုင်ငံတော်မှာလည်း ၀န်ထုပ်ဝန်းပိုးလျော့သွားမှာ ဖြစ်သလို ကျောင်းတွေကလည်း အရည်အသွေးရော အဆင့်အတန်းမှာ ပြိုင်ကြရမှာ ဖြစ်လို့ အနာဂတ် ပညာရေးအတွက် အလားလာကောင်းတွေ ပေါ်ထွန်းလာမယ်လို့ မျှော်လင့်ရတာပါပဲ။ မိဘတွေအနေနဲ့လည်း ရွေးချယ်စရာတွေ ပေါ်ပေါက်သလို ကျောင်းသားတွေအနေနဲ့လည်း တစ်နေကုန်စာသင် ကျုရှင်တက်ဘ၀ကနေ လွတ်ကြတော့မှာပါလားဆိုပြီး ၀မ်းသာခဲ့ရတာပါ။ လက်တွေ့မှာတော့ အထင်နဲ့အမြင်က တစ်ထပ်တည်းမဟုတ်လေတော့ ၀မ်းသာရမှာလား ၀မ်းနည်းရမလားတောင် မဝေခွဲတတ်အောင် ဖြစ်နေပါပြီ။

    ကိုယ်ပိုင်ကျောင်းနဲ့ သင်ကြားရေးပုံစံ

    ကိုယ်ပိုင်ကျောင်းတွေမှာ အသုးံပြုရမဲ့သင်ရိုးက နိုင်ငံတော်က ပြဌာန်းပေးထားတဲ့ သင်ရိုးဖြစ်လို့ အစိုးရကျောင်းများနဲ့ အတူတူပါပဲ။ ဒါဖြင့် မိဘတွေက ငွေကုန်ကြေးကျခံပြီး ဘာကြောင့်ကိုယ်ပိုင်ကျောင်းကို အပ်ကြမှာလဲလို့ မေးစရာရှိပါတယ်။ အဓိကကတော့ ရုပ်ဝတ္ထုပစ္စည်းတွေနဲ့ သင်ကြားရေးပုံစံမှာ ကွားခြားမယ်၊ အစိုးရကျောင်းတွေထက် အများကြီး သာလွန်လိမ့်မယ်လို့ မျှော်လင့်ပြီး ကိုယ်ပိုင်ကျောင်းတွေမှာ အပ်ကြမှာပါ။ အပ်လည်းအပ်နေကြပါပြီ။ တစ်ချို့နာမည်ကြီးကျူရှင်တွေ၊ ဘော်ဒါတွေက ကိုယ်ပိုင်ကျောင်းအဖြစ် ပြောင်းလဲ မှတ်ပုံတင်လာကြတော့ မိဘများလည်း မျှော်လင့်တစ်ကြီး အထင်ကြီးတစ်ခွဲသားနဲ့ ကျောင်းလခတွေ အများကြီးပေးပြီး ကျောင်းအပ်ကြတာပေါ့။

    ကိုယ်ပိုင်ကျောင်းတွေက အခုမှထောင်ကြတာဆိုတော့ အဆောက်အဦးအသစ်တွေနဲ့ ဆေးရောင်တွေ စိုစိုပြေပြေနဲ့မို့ အထင်ကြီးစရာပါ။ ကျောင်းလခလည်း တန်အောင်ယူထားတော့ ဆရာ၊ဆရာမ တွေလည်း ငှားရမ်းနိုင်တဲ့ အင်အားရှိကြပါတယ်။

    အစိုးရကျောင်းတွေကတော့ အခမဲ့ နီးပါးဖြစ်တာကြောင့် နိုင်ငံတော်ကချပေးတဲ့ ဘတ်ဂျက်နဲ့ပဲ လုံလောက်အောင် သုးံစွဲကြရတာပါ။ အချို့သောကျောင်းတွေမှာ ဆရာ၊ ကျောင်းသား အချိုးမညီမျှတာတွေ ရှိကောင်းရှိပါမယ်။ ဒါပေမဲ့ အစိုးရကျောင်းမှာရှိတဲ့ ဆရာ၊ဆရာမတွေအားလုးံနီးပါးဟာ ပညာရေးနဲ့ပတ်သက်တဲ့ သင်တန်းတွေကို တက်ရောက်ဆည်းပူး အောင်မြင်ထားကြသူတွေက များပါတယ်။ ကလေးတွေကို ဘာသင်ပေးရမယ်၊ ဘယ်လိုသင်ပေးရမယ်၊ ဘာကြောင့်သင်ရတယ် ဆိုတာတွေကိုလည်း လေ့လာတက်မြောက်ထားကြပါတယ်။

    ဒါဖြင့်ရင်ကျောင်းသားတွေ ဘာကြောင့် ကျူရှင်ယူနေကြရတာလည်း လို့မေးစရာရှိတယ်။ စောဒကတက်နိုင်ပါတယ်။

    ဒီအတွက် အရှင်းဆုံးနဲ့အတိကျဆုံး အဖြေပေးလို့ရပါတယ်။ နားမလည်မှုနဲ့ ဂုဏ်တုဂုဏ်ပြိုင်တွေကြောင့်လို့ပဲ ဖြေပါရစေ။
    ပုဂ္ဂုလိက ကျောင်းတွေမှာ အပ်ထားတဲ့ မိဘများနဲ့ ကျောင်းသား ကျောင်းသူတွေကို သင်ကြားရေးမှာ ဘာတွေများထူးခြား သွားပြီးလဲလို့ မေးကြည့်ချင်ပါတယ်။ လေ့လာကြည့် မိသလောက်တော့ ဘာဆိုဘာမှ မထူးခြားပါဘူး။
    ပုဂ္ဂလိကကျောင်းတွေမှာလည်း အမည်ခံ လက်တွေ့ စာသင်ခန်းတွေရှိပါတယ်။ ဘာတွေများ လက်တွေ့ သင်ပြနေပြီလဲ။ အလွတ်ကျက်၊ စာအံဆိုတဲ့ ပုံစံထက် ဘာများပိုပြီး ထူးခြားသွားပါပြီလဲ။ ကျောင်းသားတွေရဲ့ နားလည်မှု ၊ ဖန်တီးတတ်မှု၊ လက်တွေ့ဆောင်ရွက်တတ်မှုအတွက် ဘာတွေများ သင်ပေးနေပါပြီလဲ။

    နာမည်ကြီးပုဂ္ဂလိက ကျောင်းတစ်ခုခုက ကျောင်းသားတွေကို လေ့လာကြည့်လိုက်စမ်းပါ။ တစ်နေ့တစ်နေ့ စာကျက်စရာ 4/5 ပုဒ် ပါလာတာ တွေ့ရပါလိမ့်မယ်။ ကျောင်းမှာ သိပ္ပံလက်တွေ့ချိန် ဘာလုပ်ရသလဲမေးကြည့်တော့ ပြိုင်ရတယ်လို့ ဖြေပါတယ်။ ၀မ်းသာစရာပါ။ ဘာပြိုင်ရတာလဲ မေးကြည့်တော့ ယောက်ျားလေးနဲ့မိန်းကလေး စာအလွတ်ရွတ်တာ ပြိုင်ရတာတဲ့။ ၀မ်းသာမိစောလေခြင်းလို့ နောင်တရ လိုက်မိပါတယ်။
    ပထ၀ီကို အလွတ်ကျက်မှတ်နေလို့ ကမ္ဘာလုံးပုံကြီးရှေ့ချပေးပြီး မေးကြည့်ပါတယ်။ ဘယ်နေရာ၊ ဘယ်ဒေသဘာဆိုတာ ကမ္ဘာ့မြေပုံပေါ်မှာကြည့်ပြီး ဖြေကြားနိုင်စွမ်း မရှိပါ။ ကြက်တူရွေးလို နှုတ်တိုက်ချ၊ အလွတ်ကျက်၊ ပြန်ဆို ဆိုတဲ့သင်ကြားမှုထက် ဘာတစ်ခုမှ ပိုလာတာကို မတွေ့ရပါ။

    နားမလည်မှုနဲ့ ဂုဏ်ပြိုင်မှု

    မိဘများကို မေးချင်ပါတယ်။ မနက်လင်းကနေ ညနေ မိုးချုပ်တဲ့ထိ ကလေးတွေကို ဘာကြောင့်များ စာသင်ခန်းတွေထဲ ထည့်ထားချင်ရတာပါလဲ။ အိမ်မှာ စောင့်ရှောက်မယ့်လူ မရှိလို့လား။ ဒါမှမဟုတ် ဒီလိုတစ်နေကုန်သင်မှ ပညာတတ်ကြီး ဖြစ်လာမယ်လို့ထင်လို့လား။ မိမိရှေ့ကလူတွေ၊ မိမိနဲ့ခေတ်ပြိုင်တွေကို နှိုင်းယှဉ်ကြည့်စမ်းပါ။ ကမ္ဘာတစ်လွှားခေါင်းပြူကြည့်စမ်းပါ။ ဘယ်သူတွေ ဘာကြောင့် တိုးတက်အောင်မြင် နေသလဲ နားလည်အောင် ကြည့်ကြစေချင်ပါတယ်။

    ကျောင်းစာသင်ခန်းထဲမှာ အမှတ်(၁၀၀)ရရုံနဲ့ လူ့လောကကြီးထဲမှာ ဘာမှဖြစ်မလာနိုင်ပါဘူး။ လူဆိုတာ မွေးကတည်းက ချိနဲ့စွာ မွေးဖွားလာတာပါ။ ရုပ်ပိုင်း၊ အသိပိုင်း၊ ညဏ်ရည်ပိုင်းဘာသာစကားပိုင်း ချိနဲ့စွာ မွေးဖွားလာတဲ့အတွက် အကူအညီလိုအပ်ပါတယ်။ ဒါတွေကို ဖွံ့ဖြိုးလာအောင် အကူအညီပြုတာကို ပညာရေးလို့ခေါ်တာပါ။ စာသင်ခန်းမှာရော အိမ်မှာပါ စာတွေကို အလွတ်အော်ကျက်နေတာ ပညာရေး မဟုတ်ပါဘူး။
    a
    ခန္ဓာကိုယ်ကြံ့ခိုင်ကျန်းမာအောင် ဘယ်လိုတည်ဆောက်ရမယ်။ လူမှုပေါင်းသင်းဆက်ဆံရေး ဘယ်လို ဖွံ့ဖြိုးအောင် လုပ်ရမယ်။ အချင်းချင်းဆက်သွယ်ဖို့ ဘာသာစကားဖွံ့ဖြိုးအောင် ဘယ်လိုလေ့ကျင့်ရမယ်။ တွေးတတ်၊ ခေါ်တတ်၊ တီထွင်ဖန်တီးတတ်ဖို့အတွက် ညဏ်ရည်ဖွံ့ဖြိုးအောင် ဘယ်လိုလေ့ကျင့်ပျိုးထောင် ရမယ်ဆိုတာ ပညာရေးပါ။ ဒီလိုအခြေခံကောင်းတွေ ရနိုင်မယ့်နေရာတွေကိုသာ မိမိရဲ့သားသမီးတွေကို အပ်နှံ သင်ယူစေသင့်တယ်။ ပြောင်ပြောင်မြင်တိုင်း ရွှေထင်နေရင်တော့ ငွေနဲ့အချိန်တွေပဲ ကုန်သွားရမှာပါ။

    မိဘတွေကို နောက်ထပ်မေးချင်တဲ့ မေးခွန်းတစ်ခုရှိပါသေးတယ်။ မိမိသားသမီးတွေကို ပုဂ္ဂလိကကျောင်းတွေမှာ အပ်နှံလို့ ကုန်ရတဲ့ငွေကြေးပမာဏရဲ့ တစ်ဝက်လောက်ကိုများ အစိုးရကျောင်းတွေမှာ အကုန်ခံဘူးပါသလား ဆိုတာကိုပါ။ အစိုးရကျောင်းများရဲ့ပညာရေး တိုးတက်ကောင်းမွန်ဖို့အတွက် ဘယ်လောက်များ ပံ့ပိုးပေးခဲ့ဘူးသလဲဆိုတာ ပြန်ဆန်းစစ်ကြည့်စေချင်ပါတယ်။ ကျောင်းတွေကို မကောင်းဘူးလို့ အပြစ်ပြောနေမဲ့အစား တတ်နိုင်တဲ့ဘက်က ပါဝင်ပံ့ပိုးပေးရင် ကျောင်းတွေကို ရွှေချထားနိုင်မယ်လို့တောင် ထင်မိပါတယ်။

    ကလေးတွေကို ကျူရှင်ပို့ကြတဲ့ အခြားအကြောင်းတစ်ရပ်ကတော့ ဂုဏ်တုဂုဏ်ပြိုင်ကိစ္စပါ။ မိဘချင်း၊ ကလေးချင်းတွေ့ဆုံတဲ့အခါ ဘယ်ကျောင်းမှာနေတယ်၊ ဘယ်လောက်တောင်ပေးရတယ်ဆိုတာ အပြိုင်ပြောပြီး ဂုဏ်ယူကြတာပါ။ ကျူရှင်မတက်နိုင်ရင် မျက်နှာငယ်တယ်လို့ ထင်ကြတဲ့ အခြေအနေပါ။ အိမ်မှာ ဘယ်ဆရာခေါ်သင်တယ်၊ တစ်လ ဘယ်လောက်ပေးရတယ် ဆိုတာလည်း ကြွားလုံးတစ်ခုပါပဲ။
    ဒီလိုပြောနေခြင်းက အပြစ်တင်လိုခြင်း မဟုတ်ပါ။ ပြန်လည်စဉ်းစားစေလိုတဲ့ စေတနာကြောင့်ပါ။

    ကလေးတွေပျော်ပျော်ရွှင်ရွှင် ဆော့ကစားပြီး၊ အေးအေးချမ်းချမ်းသင်ယူကာ၊ မိသားစုနဲ့ နွေးနွေးထွေးထွေး နေစေချင်တဲ့ စေတနာကြောင့်ပါ။
    ပညာရေးပြောင်းလဲတယ်ဆိုတဲ့ နေရာမှာ မိဘများကလည်း အဓိကအခန်းကဏ္ဍက ပါဝင်ပါတယ်။ မိဘတွေကိုယ်တိုင်က ဘယ်ဟာအကောင်း/ ဘယ်ဟာအညံ့ဆိုတာ မခွဲခြားနိုင်ရင် သားသမီးတွေအတွက် ဘာတွေမှ ပြောင်းလဲလာမှာမဟုတ်ကြောင်း အသိပေးလိုက်ပါရစေ။

     

    စာရေးသူ ဦးကျော်ဆန်း၏ ခွင့်ပြုချက်ဖြင့် ကူးယူဖော်ပြပါသည်။