ဇူလိုင် ၃၁၊ ၂၀၁၉
M-Media
-နိုင်ငံအတွင်း မွတ်စလင်အများစု ကျင့်သုံးကျတဲ့ ‘သုံးသွလားက်’ ကွာရှင်းမှုစနစ်ကို ပိတ်ပင်ပြီး ရာဇ၀တ်မှုအဖြစ် သတ်မှတ်တဲ့ ဥပဒေကို အိန္ဒိယလွှတ်တော်က မနေ့မှာ အတည်ပြုလိုက်ပါတယ်။
ခင်ပွန်းသည်က ဇနီးသည်ကို ‘ကွာရှင်းတယ်’ လို့ ၃ ကြိမ်ပြောလိုက်တာနဲ့ တစ်ထိုင်တည်း ကွာရှင်းပြီးတဲ့စနစ်ကို ‘သုံးသွလားက်’ စနစ်လို့ ခေါ်ဆိုတာပါ။
ဒီစနစ်ပိတ်ပင်ရေးနဲ့ ရာဇ၀တ်မှုအဖြစ် သတ်မှတ်ရေး ဥပဒေမူကြမ်းကို အိန္ဒိယအထက်လွှတ်တော်က မနေ့မှာ ထောက်ခံမဲ ၉၉ မဲ၊ ကန့်ကွက်မဲ၈၄ မဲနဲ့ အတည်ပြုနိုင်ခဲ့ပါတယ်။ ဒါ့ကြောင့် ဒီစနစ်ကို ကျင့်သုံးတဲ့ ဘယ်သူမဆို အမြင့်ဆုံး ထောင်ဒဏ် ၃ နှစ်အထိ ကျခံရမှာ ဖြစ်ပါတယ်။
အောက်လွှတ်တော်က ဒီဥပဒေကြမ်းကို ပြီးခဲ့တဲ့တစ်ပတ်မှာ အတည်ပြုခဲ့ပြီး၊ အခု အိန္ဒိယသမ္မတက လက်မှတ်ရေးထိုးပြီးရင် ဥပဒေဟာ အသက်ဝင်တော့မှာ ဖြစ်ပါတယ်။
အိန္ဒိယ၀န်ကြီးချုပ် နရန်ဒရာမိုဒီက ဥပဒေပြဌာန်းနိုင်ခဲ့မှုကို ချီးကျူးပြောဆိုခဲ့ပြီး ဒါဟာ မွတ်စလင်အမျိုးသမီးတွေအပေါ်မှာ ရှိခဲ့တဲ့ သမိုင်းနဲ့ချီ မတရားမှုကို ဖယ်ရှားလိုက်နိုင်တာဖြစ်တယ်လို့ Twitter စာမျက်နှာမှာ ရေးသားခဲ့ပါတယ်။
ဘက်လိုက်မှုရှိ
‘သုံးသွလားက်’ ကွာရှင်းမှုစနစ်ကို ဟန်နဖီ ကျောင်းတော်ဝါဒကို လိုက်နာကြတဲ့ အိန္ဒိယမွတ်စလင် တော်တော်များများက လက်ခံကျင့်သုံးကြပါတယ်။
ခင်ပွန်းသည်တွေက ‘ကွာရှင်းတယ်’ လို့ ၃ ကြိမ် ပြောလိုက်တာနဲ့ ကွာရှင်းပြတ်စဲတာကြောင့် ဇနီးသည်တွေနဲ့ သားသမီးတွေမှာ လှုမှုရေး၊ စားဝတ်နေရေး အခက်အခဲတွေ၊ နစ်နာမှုတွေ ရှိတဲ့အတွက် ဒီစနစ်ကိုအပေါ် ဝေဖန်မှုတွေလည်း အများအပြား ရှိနေပါတယ်။
ကမ္ဘာ့မွတ်စလင်အများစုကတော့ တစ်ထိုင်တည်း ပြတ်စဲတဲ့ ‘သုံးသွလားက်’ စနစ်ကို မကျင့်သုံးပဲ ၃ လအချိန်ယူတဲ့ ကွာရှင်းမှုစနစ်ကိုသာ ကျင့်သုံးကြပါတယ်။
အိန္ဒိယရဲ့ အိမ်နီးချင်းနိုင်ငံတွေဖြစ်တဲ့ ပါကစ္စတန်၊ ဘင်္ဂလားဒေ့ရ်ှတို့အပါအ၀င် နိုင်ငံပေါင်း ၂၀ ကျော်မှာလည်း ‘သုံးသွလားက်’ စနစ်ကို ပိတ်ပင်ထားပြီး ဖြစ်ပါတယ်။
အိန္ဒိယက မွတ်စလင်အုပ်စုတွေက ဒီစနစ်ဟာ မှားယွင်းတယ်လို့ ပြောကြားထားပေမယ့်
အစိုးရထက်၊ လူ့အဖွဲ့အစည်း ခေါင်းဆောင်တွေကသာ ပြုပြင်ပြောင်းလဲမှု လုပ်သင့်တယ်လို့ ဝေဖန်ပြောဆိုခဲ့ကြပါတယ်။
မိုဒီဦးဆောင်တဲ့ ဟိန္ဒူအမျိုးသားရေးပါတီ BJP ဟာ လူနည်းစု မွတ်စလင်တွေအပေါ် ဖိနှိပ်နေတယ်လို့ ဝေဖန်ခံနေရတာပါ။
အတိုက်အခံ All India Majlis-e-Ittehadul Muslimeen ပါတီက လွှတ်တော်အမတ် အာဆာအူဒင် အိုဝိုင်စီက BJP ဟာ ဟိန္ဒူလူ့အဖွဲ့အစည်းကို ပြုပြင်ပြောင်းလဲဖို့ မလုပ်ဆောင်ဘဲ မွတ်စလင်လူ့အဖွဲ့အစည်းအပေါ် ပစ်မှတ်ထားနေတယ်လို့ ဝေဖန်ပြောဆိုခဲ့ပါတယ်။
Ref: Aljazeera
