News @ M-Media

Blog

  • အဆောက်အဦး ပြိုကျမှုအတွက် တရုတ်နိုင်ငံသားများ အပါအ၀င် လူ ၇ ဦးကို ကမ္ဘေ္ဘာဒီးယား တရားစွဲ

    အဆောက်အဦး ပြိုကျမှုအတွက် တရုတ်နိုင်ငံသားများ အပါအ၀င် လူ ၇ ဦးကို ကမ္ဘေ္ဘာဒီးယား တရားစွဲ

    ဇွန် ၂၅၊ ၂၀၁၉
    M-Media

    အဆောက်အဦး ပြိုကျပြီးနောက် မြင်ကွင်း

    -နာမည်ကျော် အပန်ဖြေမြို့ သီဟာနုဗီလီက အဆောက်အဦးတစ်ခု ပြိုကျမှုအတွက် တရုတ်နိုင်ငံသား ၅ ဦး အပါအ၀င် လူ ၇ ဦးကို ကမ္ဘေ္ဘာဒီးယား အာဏာပိုင်တွေက တရားစွဲဆိုလိုက်ပါတယ်။

    ပြီးစီးလုနီးပါး ရှိနေပြီဖြစ်တဲ့ အဲဒီအဆောက်အဦးဟာ စနေနေ့ မနက်ပိုင်းက ပြိုကျခဲ့တာဖြစ်ပြီး အနည်းဆုံး ဆောက်လုပ်ရေးလုပ်သား ၂၈ ဦး သေဆုံးကာ ၂၆ ဦး ဒဏ်ရာရရှိခဲ့ပါတယ်။

    ဒီအဖြစ်အပျက်နဲ့ပတ်သက်လို့ ကမ္ဘေ္ဘာဒီးယား အာဏာပိုင်တွေက အဆောက်အဦးပိုင်ရှင် တရုတ်နိုင်ငံသား ချန်ကွန်နဲ့ ဆောက်လုပ်ရေးမန်နေဂျာ ဒန့်ရှင်းဂွေ၊ အခြား တရုတ်နိုင်ငံသား ၃ ဦး၊ ဗီယက်နမ်နိုင်ငံသား ၁ ဦးနဲ့ ကမ္ဘေ္ဘာဒီးယားနိုင်ငံသား ၁ ဦးတို့ကို တရားစွဲဆိုထားပါတယ်။

    အဆောက်အဦး ဘာ့ကြောင့် ပြိုကျခဲ့သလဲဆိုတာကို အာဏာပိုင်တွေက ထုတ်ပြန်ကြေငြာခြင်း မရှိသေးပါဘူး။ ဖမ်းဆီးခံထားရသူ ၇ ဦးဟာ ထောင်ဒဏ် ၃ နှစ်ကနေ ၁၀ နှစ်အထိ ကျခံရနိုင်တဲ့ ပုဒ်မတွေနဲ့ တရားစွဲခံထားရတာ ဖြစ်တယ်လို့ Reuters သတင်းဌာနက ဖော်ပြခဲ့ပါတယ်။

    ဒီအဖြစ်အပျက်ကြောင့် ဘေးအန္တရာယ်ရှင်းရေးဆိုင်ရာ အကြီးအကဲကို ၀န်ကြီးချုပ် ဟွန်ဆန်က ရာထူးကနေ ထုတ်ပယ်ခဲ့ပြီး သီဟာနုဗီလီမြို့ တည်ရှိတဲ့ သီဟာနုပြည်နယ် အုပ်ချုပ်ရေးမှူးရဲ့ နှုတ်ထွက်စာကိုလည်း လက်ခံခဲ့ပါတယ်။

    သီဟာနုဗီလီမြို့ဟာ တရုတ် အထူးစီးပွားရေးဇုန်၊ ကာစီနိုလုပ်ငန်းတွေ အပါအ၀င် တရုတ်ရင်းနှီးမြှုပ်နှံမှု အများအပြားရှိနေတဲ့ မြို့ ဖြစ်ပါတယ်။ အခုလို အဆောက်အဦး ပြိုကျမှုကြောင့်တရုတ်လုပ်ငန်းတွေအပေါ် သင့်လျော်တဲ့ စစ်ဆေးကြပ်မတ်မှုမျိုး အစိုးရက ဆောင်ရွက်မှု မရှိခဲ့ဘူးလားဆိုတဲ့ မေးခွန်းတွေလည်းထွက်လာပါတယ်။

    Ref: Aljazeera

  • အာဏာသိမ်းမှုကို ခေါင်းဆောင်ခဲ့သည့် ဗိုလ်ချုပ်ကို အီသီယိုးပီးယားက အသေပစ်ခတ် ဖမ်းဆီး

    အာဏာသိမ်းမှုကို ခေါင်းဆောင်ခဲ့သည့် ဗိုလ်ချုပ်ကို အီသီယိုးပီးယားက အသေပစ်ခတ် ဖမ်းဆီး

    ဇွန် ၂၅၊ ၂၀၁၉
    M-Media

    အီသီယိုးပီးယား စစ်သားများ

    -မအောင်မြင်တဲ့ အာဏာသိမ်းမှုအတွင်း သတ်ဖြတ်ခံလိုက်ရသူတွေအတွက် အောက်မေ့ဖွယ်အခမ်းအနားကို အီသီယိုးပီးယားနိုင်ငံက မနေ့မှာ ကျင်းပပြုလုပ်ခဲ့ပြီး အာဏာသိမ်းမှုကို ခေါင်းဆောင်ခဲ့တဲ့ ဗိုလ်ချုပ်ကိုလည်း ပစ်ခတ်သုတ်သင်ခဲ့တယ်လို့ ထုတ်ပြန်ခဲ့ပါတယ်။

    နိုင်ငံမြောက်ပိုင်း အမ်ဟာရာပြည်နယ်မှာ စနေနေ့မနက်ပိုင်းက ဖြစ်ပွားခဲ့တဲ့ အာဏာသိမ်းမှုအတွင်း ပြည်နယ်ဝန်ကြီးချုပ်၊ ပြည်နယ်ရှေ့နေချုပ်နဲ့၊ ၀န်ကြီးချုပ်အကြံပေးတို့ သေဆုံးခဲ့ပါတယ်။ နာရီပိုင်းအကြာမှာ မြို့တော် အက်ဒစ် အာဘာဘာက စစ်တပ်အကြီးအကဲအိမ်မှာလည်း သက်တော်စောင့်က သေနတ်နဲ့ပစ်ခတ်လို့ စစ်တပ်အကြီးအကဲနဲ့ အငြိမ်းစားဗိုလ်ချုပ်တစ်ဦး သေဆုံးခဲ့ပါတယ်။

    အီသီယိုးပီးယားအစိုးရက တနင်္လာနေ့ကို နိုင်ငံတော် ၀မ်းနည်းဖွယ်နေ့အဖြစ် သတ်မှတ်ခဲ့ပြီး နိုင်ငံအလံကို တစ်ဝက်ချလွှင့်ထူကာ သေဆုံးသူတွေကို ဂုဏ်ပြုခဲ့ပါတယ်။ သေဆုံးသွားသူတွေကို ဗုဒ္ဓဟူးနေ့မှာ နိုင်ငံတော်အခမ်းအနားနဲ့ သင်္ဂြီုဟ်မယ်လို့လည်း ထုတ်ပြန်ထားပါတယ်။

    အာဏာသိမ်းမှုကို ခေါင်းဆောင်သူဟာ အမ်ဟာရာပြည်နယ်က စစ်တပ်အကြီးအကဲ ဗိုလ်ချုပ် Asamnew Tsige ဖြစ်ပြီး တနင်္လာနေ့က စစ်ဆင်ရေးအတွင်း အသေပစ်ခတ် ဖမ်းဆီးနိုင်ခဲ့တယ်လို့ အီသီယိုးပီးယား အာဏာပိုင်တွေက ထုတ်ပြန်ပါတယ်။ Asamnew Tsige ဟာ အရင်ကလည်း အာဏာသိမ်းဖို့ ကြိုးစားမှုအတွက် ထောင်ဒဏ်ကျခံခဲ့ရပြီး သိပ်မကြာခင်ကမှ သမ္မတ လွတ်ငြိမ်းချမ်းသာခွင့်နဲ့ လွတ်မြောက်လာတာပါ။

    အာဏာသိမ်းဖို့ ကြိုးစားမှုမှာ ပါဝင်သူ တော်တော်များများကိုလည်း အီသီယိုးပီးယားအစိုးရက ဖမ်းဆီးနိုင်ခဲ့ပါတယ်။ ဒီအဖြစ်အပျက်ဖြစ်ပွားခဲ့တဲ့ စနေနေ့ကစလို့ အီသီယိုးပီးယားနိုင်ငံတစ်ဝှမ်းမှာ အင်တာနက်ကို ဖြတ်တောက်ထားပါတယ်။

    နိုင်ငံအတွင်း လူများစုဖြစ်တဲ့ တိုင်းရင်းသား လူမျိုးစု ၂ ခု ပူးပေါင်းပြီး အစိုးရကို ဆန့်ကျင်ဆန္ဒပြမှုတွေဟာ အီသီယိုးပီးယားမှာ ပြီးခဲ့တဲ့ ၂ နှစ်အရင်ကတည်းက စတင်ခဲ့ပြီး ၀န်ကြီးချုပ်ဟောင်း Hailemariam Desalegn ရာထူးကနေ နှုတ်ထွက်တဲ့အထိ ဖြစ်ခဲ့ပါတယ်။

    လက်ရှိ ၀န်ကြီးချုပ် Abiy Ahmed လည်း ဆန့်ကျင်မှုတစ်ချို့နဲ့ ရင်ဆိုင်နေရပြီး ပြီးခဲ့တဲ့နှစ် ဇွန်လမှာ လက်ပစ်ဗုံးနဲ့ လုပ်ကြံခံရပေမယ့် အသက်ဘေးကနေလွတ်မြောက်ခဲ့ပါတယ်။ အောက်တိုဘာလအတွင်းက စစ်သားတစ်ချို့ဟာ လစာကိစ္စ မကျေနပ်တဲ့အတွက် Abiy Ahmed ရဲ့ ရုံးခန်းကို အတင်းဝင်ရောက်လာမှုတွေ ရှိခဲ့ပေမယ့် အခြေအနေကို ထိန်းသိမ်းနိုင်ခဲ့ပါတယ်။

    Abiy Ahmed ဟာ ၂၀၁၈ ခုနှစ် အာဏာရပြီးနောက်ပိုင်း ဖမ်းဆီးခံထားရတဲ့ အတိုက်အခံတွေကို လွတ်ငြိမ်းချမ်းသာခွင့်ပေးတာလို နိုင်ငံရေး ပြုပြင်ပြောင်းလဲမှု တော်တော်များများ လုပ်ဆောင်ခဲ့ပါတယ်။

    Ref: Aljazeera

  • မွတ်စလင်တစ်ဦးကို ဘာသာရေးအကြမ်းဖက်၍ သတ်ဖြတ်ခဲ့သည့် လူအုပ်မှ တစ်ဦးကို အိန္ဒိယဖမ်းဆီး

    မွတ်စလင်တစ်ဦးကို ဘာသာရေးအကြမ်းဖက်၍ သတ်ဖြတ်ခဲ့သည့် လူအုပ်မှ တစ်ဦးကို အိန္ဒိယဖမ်းဆီး

    ဇွန် ၂၅၊ ၂၀၁၉
    M-Media

    အုပ်စုဖွဲ့ ရိုက်နှက်သတ်ဖြတ်မှုကို ဆန့်ကျင်သည့် ဆန္ဒပြမှုတစ်ခု

    -နိုင်ငံအရှေ့ပိုင်း ဂျာ့ခ်ဟန်းပြည်နယ်မှာ မွတ်စလင်တစ်ဦး ဘာသာရေးအရ အကြမ်းဖက် ရိုက်နှက်သတ်ဖြတ်ခံရမှုမှာ ပါဝင် ပတ်သက်သူတွေထဲက တစ်ဦးကို ဖမ်းဆီးထားတယ်လို့ အိန္ဒိယရဲတပ်ဖွဲ့က ထုတ်ပြန်ပြောကြားလိုက်ပါတယ်။

    အသက် ၂၄ နှစ်အရွယ် မွတ်စလင်အမျိုးသား တက်ဘ်ရက် အန်ဆာရီဟာ ပြီးခဲ့တဲ့တစ်ပတ်က ဂျာ့ခ်ဟန်းပြည်နယ် ခါဆာဝမ်ဒေသမှာ သူခိုးလို့ စွပ်စွဲခံရပြီး ဟိန္ဒူ လူအုပ်စုကြီးရဲ့ ရိုက်နှက် နှိပ်စက်မှုကို ခံခဲ့ရတာပါ။ လူအုပ်စုက သူ့ကို ဟိန္ဒူနတ်ဘုရားကို ပူဇော်တဲ့စာသား Jai Shri Ram ကို ရွတ်ဆိုခိုင်းကာ ဘာသာရေးအရ အကြမ်းဖက်မှုလည်း ပြုလုပ်ခဲ့ပါတယ်။

    ဟိန္ဒူလူအုပ်ဟာ အန်ဆာရီကို ၁၂ နာရီကြာ ညှင်းပမ်းရိုက်နှက်ခဲ့ပြီး ဒီလိုညှင်းပမ်းနေတဲ့ ၁၀ မိနစ်စာ ဗီဒီယိုကိုလည်း ဆိုရှယ်မီဒီယာတွေမှာ လွှင့်တင်ခဲ့ပါတယ်။ နောက်ပိုင်း အန်ဆာရီကို ရဲတပ်ဖွဲ့က လာရောက်ခေါ်ဆောင်ကာ ဆေးရုံပို့ခဲ့ပေမယ့် ရရှိတဲ့ဒဏ်ရာတွေကြောင့် ၄ ရက်အကြာမှာ သေဆုံးသွားခဲ့ပါတယ်။

    ပြည်နယ်ရဲတပ်ဖွဲ့အကြီးအကဲ ကာရ်တစ် အက်စ်က သတ်ဖြတ်မှုမှာပါဝင်တဲ့ အဓိက သံသယရှိသူကို ဖမ်းဆီးနိုင်ခဲ့ပေမယ့် ဒါဇင်နဲ့ချီတဲ့လူတွေ လွတ်မြောက်နေသေးတယ်လို့ ပြောကြားခဲ့ပါတယ်။

    ဂျာ့ခ်ဟန်းပြည်နယ်တွင် ရိုက်နှက်သတ်ဖြတ်ခံရသည့် မွတ်စလင်အမျိုးသား
    တက်ဘ်ရက် အန်ဆာရီ

    လူအုပ်ဖွဲ့ ရိုက်နှက်သတ်ဖြတ်မှုအပါအ၀င် အကြမ်းဖက်ခံရသူတွေဖက်က လိုက်ပါကာ အမှုမှန်ပေါ်အောင် ဆောင်ရွက်ပေးနေတဲ့ Karwan-e-Mohabbat အဖွဲ့ကို တည်ထောင်သူ ဟာ့ရှ် မန်ဒါက ဒီလိုအကြမ်းဖက်မှုတွေကို ကျူးလွန်ဖို့ အားပေးအားမြှောက်ပြုနေတဲ့ ရေခံမြေခံတွေ တိုင်းပြည်အတွင်းမှာ ရှိနေပြီလို့ ပြောကြားခဲ့ပါတယ်။

    “ကျူးလွန်သူတွေက သူရဲကောင်းအဖြစ် သတ်မှတ်ခံရတဲ့ အနေအထားမျိုးပါ။ အန်ဆာရီသေဆုံးမှုဟာ လူအုပ်စုဖွဲ့ ရိုက်နှက်ခံရမှုသက်သက်သာ မဟုတ်ပါဘူး။ ဟိန္ဒူနတ်ဘုရား ပူဇော်စာကို ရွတ်ဆိုခိုင်းခဲ့တဲ့အတွက် ဒါဟာ ဘာသာရေးမုန်းတီးမှုဆိုတာ သိပ်ကို ထင်ရှားပါတယ်”

    အန်ဆာရီဟာ မသေဆုံးခင်မှာ ရဲတပ်ဖွဲ့ရဲ့ အမှုဖွင့်ခြင်းကို ခံခဲ့ရပြီး မန်ဒါက ကျူးလွန်သူကို အမှုမဖွင့်ဘဲ၊ ကျူးလွန်ခံရသူကို အမှုဖွင့်တာဟာ အိန္ဒိယရဲ့တပ်ဖွဲ့ရဲ့ ထုံးစံလိုဖြစ်နေကြောင်း၊ ဘက်လိုက်မှုကို တရားဝင်လုပ်ဆောင်နေတာဖြစ်ကြောင်း ဝေဖန်ခဲ့ပါတယ်။

    ပြီးခဲ့တဲ့တစ်ပတ် အမေရိကန်အစိုးရက ထုတ်ပြန်တဲ့ ဘာသာရေးလွတ်လပ်မှု အစီရင်ခံစာမှာ အိန္ဒိယဟာ ဘာသာရေးသည်းခံနိုင်မှု အနည်းဆုံးတိုင်းပြည် စာရင်းမှာ ပါဝင်နေပြီး ဟိန္ဒူအမျိုးသားရေးပါတီ BJP လက်ထက်မှာ လူနည်းစုတွေအပေါ် အကြမ်းဖက်မှုတွေ မြင့်တက်လာတယ်လို့ ဆိုပါတယ်။ အိန္ဒိယကတော့ အမေရိကန်ရဲ့ ဒီအစီရင်ခံစာကို ပယ်ချခဲ့ပါတယ်။

    ၂၀၁၄ ခုနှစ် ၀န်ကြီးချုပ်မိုဒီ အာဏာရပြီးတဲ့နောက် အိန္ဒိယမှာ နွားကယ်တင်ရေး ခေါင်းစဉ်နဲ့ ဟိန္ဒူလူအုပ်စုရဲ့ အကြမ်းဖက်တိုက်ခိုက်မှု အရေအတွက်ဟာ မြင့်တက်လာခဲ့ပါတယ်

    Ref: Aljazeera

  • အမေရိကန်၏ ဆိုက်ဘာတိုက်ခိုက်မှု မအောင်မြင်ဟု အီရန်ပြော

    အမေရိကန်၏ ဆိုက်ဘာတိုက်ခိုက်မှု မအောင်မြင်ဟု အီရန်ပြော

    ဇွန် ၂၄၊ ၂၀၁၉
    M-Media

    -မိမိတို့ ကွန်ပျူတာကွန်ယက်တွေအပေါ် အမေရိကန်က ပြုလုပ်တဲ့ ဆိုက်ဘာတိုက်ခိုက်မှုတွေဟာ မအောင်မြင်ခဲ့ဘဲ ဘယ်လိုထိခိုက်မှုးမျိုးမှ မရှိခဲ့ဘူးလို့ အီရန်နိုင်ငံက ပြောကြားလိုက်ပါတယ်။

    ပိုက်နက်ကျော်လာတဲ့ အမေရိကန် ထောက်လှမ်းရေး ဒရုန်းတစ်စင်းကို အီရန်က ပြီးခဲ့တဲ့တစ်ပတ်မှာ ပစ်ချခဲ့ပြီးတဲ့နောက် အီရန်ရဲ့ ဒုံးကျည်ထိန်းချုပ်ရေးစနစ်တွေ၊ သူလျှို ကွန်ပျူတာ ကွန်ယက်တွေကို ကြာသာပတေးနေ့က အမေရိကန်က ဆိုက်ဘာတိုက်ခိုက်မှုတွေ ပြုလုပ်ခဲ့ပါတယ်။

    အီရန် ပြန်ကြားရေးနဲ့ သတင်းအချက်အလက်ဝန်ကြီး မိုဟာမက် ဂျာဗဒ် အေဇာရီ ဂျာရိုမီက တိုက်ခိုက်မှု မအောင်မြင်ခဲ့ဘူးလို့ ပြောကြားခဲ့ပါတယ်။

    “သူတို့ ကြိုးစားခဲ့ကြပေမယ့် အောင်မြင်တဲ့တိုက်ခိုက်မျိုးဖြစ်အောင် ဆောင်ရွက်နိုင်ခြင်း မရှိပါဘူး”

    အီရန်ဟာ ဆိုက်ဘာအကြမ်းဖက်မှုဒဏ်ကို အချိန်အတော်ကြာကတည်းက ခံစားခဲ့ရပြီး ပြီးခဲ့တဲ့တစ်နှစ်တည်းမှာပဲ တိုက်ခိုက်မှုပေါင်း ၃၃ သန်းလောက်ကို နိုင်ငံရဲ့ Firewall စနစ်က ကာကွယ်နိုင်ခဲ့တယ်လို့ ဂျာရိုမီက ထည့်သွင်း ပြောကြားခဲ့ပါတယ်။

    ၂၀၁၅ ခုနှစ် နျူသဘောတူညီချက်နေ နှုတ်ထွက်ကြောင်း အမေရိကန်က ပြီးခဲ့တဲ့နှစ် မေလမှာ ကြေငြာခဲ့ပြီးတဲ့နောက်ပိုင်း အီရန်နဲ့ အမေရိကန်တို့အကြား တင်းမာမှုတွေ မြင့်တက်လာခဲ့ပြီး အမေရိကန်က ပင်လယ်ကွေ့ဒေသမှာ စစ်အင်အား ဖြည့်တင်းတာတွေ လုပ်ဆောင်ခဲ့ပါတယ်။

    အီရန်က အမေရိကန်ရဲ့ RQ-4A global Hawk ဒရုန်းလေယာဉ်ကို ပစ်ချခဲ့ပြီးတဲ့နောက် တင်းမာမှုက အမြင့်ဆုံးကို ရောက်ခဲ့ပါတယ်။ ဒီကိစ္စကို လက်တုန့်ပြန်တဲ့အနေနဲ့ အီရန်မှာရှိတဲ့ ပစ်မှတ်တစ်ချို့ကို တိုက်ခိုက်ဖို့ ထရမ့်က ပြီးခဲ့တဲ့တစ်ပတ်မှာ အမိန့်ပေးခဲ့ပေမယ့် နောက်ပိုင်းမှာ ဒီအမိန့်ကို ပြန်လည်ရုပ်သိမ်းခဲ့ပါတယ်။

    အမေရိကန် နိုင်ငံခြားရေးဝန်ကြီး မိုက် ပွမ်ပီယိုဟာ အီရန်နဲ့တင်းမာမှုကို လျှော့ချနိုင်ရးအတွက် ဆော်ဒီအာရေဗျနဲ့ ယူအေအီးတို့ကို သွားရောက်ညှိနှိုင်းဖို့ ရှိနေပါတယ်။

    Ref: Aljazeera

  • ၂၀၃၄ ကမ္ဘ္ဘာ့ဖလားပြိုင်ပွဲ ပူးတွဲကျင်းပခွင့်ရရန် အာဆီယံနိုင်ငံများ လျှောက်ထားမည်

    ၂၀၃၄ ကမ္ဘ္ဘာ့ဖလားပြိုင်ပွဲ ပူးတွဲကျင်းပခွင့်ရရန် အာဆီယံနိုင်ငံများ လျှောက်ထားမည်

    ဇွန် ၂၄၊ ၂၀၁၉
    M-Media

    -၂၀၃၄ ခုနှစ် ကမ္ဘ္ဘာ့ဖလား ဘောလုံးပြိုင်ပွဲကို အိမ်ရှင်အဖြစ် ကျင်းပနိုင်ရေးအတွက် အာဆီယံနိုင်ငံတွေ ပူးပေါင်း လျှောက်ထားသွားမယ်လို့ ထိုင်းဝန်ကြီးချုပ် ပရာယွတ် ချန်အိုချာက မနေ့က အာဆီယံခေါင်းဆောင်များ ထိပ်သီးအစည်းအဝေး အပြီးမှာ ပြောကြားလိုက်ပါတယ်။

    ၄ နှစ်တစ်ကြိမ်ကျင်းပတဲ့ ကမ္ဘ္ဘာ့ဖလားပြိုင်ပွဲကို အာရှတိုက်က တစ်ကြိမ်သာ လက်ခံကျင်းပထားပြီး ၂၀၀၂ ခုနှစ်က တောင်ကိုရီးယားနဲ့ ဂျပန်တို့ ပူးတွဲကျင်းပခဲ့တာ ဖြစ်ပါတယ်။ ၂၀၂၂ ခုနှစ် ကာတာ ကမ္ဘ္ဘာ့ဖလားပြိုင်ပွဲဟာ အာရှမြေမှာ ဒုတိယအကြိမ်မြောက် ကျင်းပတဲ့ပြိုင်ပွဲ ဖြစ်လာမှာပါ။

    “၂၀၃၄ ခုနှစ် ကမ္ဘ္ဘာ့ဖလားပြိုင်ပွဲ အာဆီယံမှာ ကျင်းပဖို့ကိစ္စကို ခေါင်းဆောင်တွေက သဘောတူကြပါတယ်။ ဖြစ်နိုင်ရင်ပေါ့။ ဒီအိပ်မက် အမှန်တကယ် ဖြစ်လာရေးအတွက် သက်ဆိုင်ရာ ဘောလုံးအဖွဲ့ချုပ်တွေကို ထောက်ခံအားပေးကျဖို့ အာဆီယံပြည်သူတွေကို တိုက်တွန်းလိုပါတယ်” လို့ ထိုင်းဝန်ကြီးချုပ် ပရာယွတ် ချန်အိုချာက မနေ့က အပိတ်မိန့်ခွန်းမှာ ပြောကြားခဲ့ပါတယ်။

    အာဆီယံအဖွဲ့ရဲ့ အဓိကအဖွဲ့ဝင်တစ်ဦးဖြစ်တဲ့ မလေးရှားနိုင်ငံကလည်း ဒီကိစ္စကို ကြိုဆိုခဲ့ပါတယ်။

    “တစ်နိုင်ငံတည်းဆိုရင် ကမ္ဘ္ဘာ့ဖလားပြိုင်ပွဲကို ဘယ်တော့မှ ကျင်းပခွင့်ရမှာ မဟုတ်ပါဘူး။ အာဆီယံနိုင်ငံတွေအားလုံး ပေါင်းလိုက်ရင်တော့ ကျင်းပနိုင်မှာပါ” လို့ မဟာသီက မလေးရှားသတင်းဌာန Ther Star ကို ပြောကြားခဲ့ပါတယ်။

    ကမ္ဘေ္ဘာဒီးယား၊ အင်ဒိုနီးရှား၊ လာအို၊ မလေးရှား၊ မြန်မာ၊ ဖိလစ်ပိုင်၊ စင်ကာပူ၊ ထိုင်း၊ ဗီယက်နမ်နဲ့ ဘရူးနိုင်းတို့ပါဝင်တဲ့ အာဆီယံဒေသမှာ လူဦးရေ သန်းပေါင်း ၆၄၀ ကျော် ရှိပြီး အများစုက ဘောလုံးအားကစားကို ရူးသွပ်ကြသူတွေ ဖြစ်ပါတယ်။

    အာဆီယံဒေသမှာ ကမ္ဘ္ဘာ့ဖလားပြိုင်ပွဲ ကျင်းပရေး သဘောထားဟာ ၂၀၁၁ ခုနှစ်လောက်ကတည်းက စတင် ပေါ်ပေါက်လာတာဖြစ်ပြီး ဒေသရဲ့ ပုံရိပ်ကို မြှင့်တင်ဖို့နဲ့ ပိုမိုပေါင်းစည်းစေဖို့ ရည်ရွယ်တာဖြစ်ပါတယ်။ ဒါပေမယ့် ကျွမ်းကျင်သူတွေက ၁၀ နိုင်ငံစလုံးမှာ ပြိုင်ပွဲကို အဆင်ပြေပြေ ကျင်းပနိုင်ရေး၊ ဒေသအတွင်း အကောင်းဆုံးကစားသမားတွေ စုစည်းပြီး ပြိုင်ပွဲမှာ အသင်းတစ်သင်းအဖြစ် ပါဝင်ယှဉ်ပြိုင်နိုင်ရေး ကိစ္စတွေမှာ အခက်အခဲတွေ အများကြီး ရှိနိုင်တယ်လို့ သုံးသပ်မှုတွေ ရှိနေပါတယ်။

    အာဆီယံအဖွဲ့ဝင်နိုင်ငံတွေဖြစ်တဲ့ မြန်မာနဲ့ ထိုင်းနိုင်ငံတို့ဟာ ၂၀၂၁ ယူ-၂၀ ကမ္ဘ္ဘာ့ဖလားပြိုင်ပွဲကို ပူးတွဲကျင်းပနိုင်ရေး စိတ်ဝင်စားနေတယ်လို့ ဖီဖာက ပြီးခဲ့တဲ့လမှာ ထုတ်ပြန်ထားပြီး အင်ဒိုနီးရှားနိုင်ငံကလည်း ဒီပြိုင်ပွဲကို တစ်နိုင်ငံတည်း ကျင်းပနိုင်ဖို့ စီစဉ်နေပါတယ်။

    Ref: Aljazeera