မေ ၂၂၊ ၂၀၁၉
M-Media
– ပင်လယ်ကွေ့ဒေသမှာ စစ်အင်အား ဖြည့်တင်းတဲ့ အမေရိကန်ရဲ့ လုပ်ရပ်ဟာ အန္တရာယ်ရှိတဲ့ ကစားပွဲတစ်ခုကို ကစားနေတာ ဖြစ်တယ်လို့ အီရန်နိုင်ငံခြားရေးဝန်ကြီး ဂျာဗဒ် ဇာရစ်ဖ်က သတိပေးလိုက်ပါတယ်။
အမေရိကန်ဟာ အခုလအစောပိုင်းမှာ လေယာဉ်တင်သင်္ဘောအုပ်စု၊ ဗုံးကြဲလေယာဉ်နဲ့ ပက်ထရီယော့ ဒုံးခွင်းစနစ်တွေကို ပင်လယ်ကွေ့ဒေသမှာ ထပ်မံချထားခဲ့ပြီး အီရန်ရဲ့ ခြိမ်းခြောက်မှုကို တုန့်ပြန်ဖို့ဖြစ်တယ်လို့ ဆိုပါတယ်။
ဇာရစ်ဖ်က ဒီလို ဒေသသေးသေးလေးမှာ စစ်လက်နက်ပစ္စည်းတွေ စုပြုံထားခြင်းဟာ မလိုလားအပ်တဲ့ အခြေအနေမျိုးအထိ ဖြစ်သွားနိုင်တယ်လို့ မနေ့က CNN သတင်းဌာနနဲ့ အင်တာဗျူးမှာ ပြောကြားခဲ့ပါတယ်။
“သိပ်ကို သတိထားဖို့ လိုပါတယ်။ အမေရိကန်ဟာ အရမ်းအန္တရာယ်ရှိတဲ့ ကစားပွဲကို ကစားနေတာပါ”
၂၀၁၅ ခုနှစ် နျူသဘောတူညီချက်ကနေ နှုတ်ထွက်ကြောင်း သမ္မတထရမ့်က ပြီးခဲ့တဲ့နှစ် မေလမှာ ကြေငြာခဲ့ပြီးတဲ့နောက် အမေရိကန်နဲ့ အီရန်တို့အကြား တင်းမာမှုတွေ တစ်ဖြည်းဖြည်း မြင့်တက်လာခဲ့တာပါ။ အမေရိကန်ဟာ အီရန်အပေါ် စီးပွားရေး ပိတ်ဆို့မှုတွေ ပြန်လည်လုပ်ဆောင်ခဲ့သလို၊ အခုလမှာတော့ ပင်လယ်ကွေ့ဒေသမှာ တပ်အင်အား တိုးချဲ့တဲ့အထိ ဖြစ်လာခဲ့ပါတယ်။
ဇာရစ်ဖ်က အီရန်ဟာ ၂၀၁၅ ခုနှစ် နျူသဘောတူညီချက်နဲ့ပတ်သက်လို့ မျှော်လင့်ချက်ကောင်း ထားရှိပြီး ထရမ့်အစိုးရက အီရန်အပေါ် စီးပွားရေးစစ်ပွဲ ဆင်နွှဲနေကြောင်း၊ မိမိတို့တိုင်းပြည်ကို အကျပ်ကိုင် ခြိမ်းခြောက်လို့ မရကြောင်း အင်တာဗျူးမှာ ထည့်သွင်း ပြောကြားခဲ့ပါတယ်။
အီရန်သမ္မတ ရူဟာနီကလည်း အမေရိကန်ဟာ အီရန်ကို ခြိမ်းခြောက်တဲ့အချိန်တိုင်း နိုင်ငံတကာနဲ့ ပြည်တွင်းက ဖိအားကြောင့် ၂ နာရီမပြည့်ခင်မှာပဲ နောင်တရသွားတတ်ကြောင်း မနေ့မှာ ပြောကြားခဲ့ပါတယ်။
အီရန်ဝန်ကြီးချုပ် အဒဲလ် အဘ်ဒူလ် မဟ်ဒီက အီရန်နဲ့ အမေရိကန်တို့အကြား တင်းမာမှုတွေကို ဖြေရှင်းပေးဖို့အတွက် ကိုယ်စားလှယ်အဖွဲ့နှစ်ခု စေလွှတ်မယ်လို့ မနေ့က ပြောကြားခဲ့ပါတယ်။
Ref: Aljazeera
