ဇွန် ၁၊ ၂၀၁၉
M-Media
-ရမ်ဇာန်ဥပုသ်လအတွင်း အကူအညီလိုသူတွေကို ထောက်ပံ့ကူညီမှု တစ်စတ်တစ်ပိုင်းအဖြစ် လန်ဒန်မြို့ အရှေ့ပိုင်းက ဗလီဝတ်ကျောင်းတော်တစ်လုံးဟာ ဒေသတွင်း ကလေးဆေးရုံတစ်ခုကို ငွေကြေးလှူဒါန်းခဲ့ပြီး၊ လူထုအသိပညာပေးရေး လှုပ်ရှားမှုတစ်ခုကိုလည်း ဆောင်ရွက်ခဲ့ပါတယ်။
ဘာ့ကင်းမြို့ အလ်-မဒီနာ ဗလီက Richard House Children’s Hospice ကလေးဆေးရုံကို လှူဒါန်းခဲ့တဲ့ အလှူငွေ စတာလင်ပေါင် ၃ ထောင်ကို ၀တ်ပြုဖို့ လာရောက်သူတွေက ထည့်ဝင်လှူဒါန်းခဲ့ကြတာ ဖြစ်ပါတယ်။
“အားကျိုးမာန်တက် ၀န်ဆောင်မှုပေးနေတဲ့ ဒီကလေးဆေးရုံကို လှူဒါန်းခွင့်ရတဲ့အတွက် ဗလီဝတ်ကျောင်းတော်က ဂုဏ်ယူမိပါတယ်။ သူတို့ရဲ့ ကြိုးပမ်းမှုတွေကို အထောက်အကူဖြစ်စေဖို့အတွက် ကျွန်တော်တို့ တစ်ဖက်တစ်လမ်းက ကူညီပေးတာပါ” လို့ ဗလီဝတ်ကျောင်းတော်ရဲ့ အတွင်းရေးမှူး အက်ရှ် ဆစ်ဒစ်က် က ပြောကြားခဲ့ပါတယ်။
“ဒီဆေးရုံက ပေးအပ်တဲ့ ၀န်ဆောင်မှုကို မွတ်စလင်လူ့အဖွဲ့အစည်းက ကလေးငယ်တွေလည်း ခံစားရပါတယ်။ အသိပညာပေးတာ၊ တိုက်တွန်းအားပေးတာ၊ ကိုယ်တိုင်ကိုယ်ကျ ပါဝင်ဆောင်ရွက်တာတွေလို ပူးပေါင်းမှုတွေကနေတစ်ဆင့် ကျွန်တော်တို့အားလုံးရဲ့ ဘုံရည်မှန်းချက် အောင်မြင်မှာ ဖြစ်ပါတယ်”
ကလေးဆေးရုံအကြောင်း အသိပညာပေးတဲ့ လှုပ်ရှားမှုကိုလည်း အလ်-မဒီနာဗလီ တာဝန်ရှိသူတွေက အခြား ဗလီဝတ်ကျောင်းတော်တွေမှာ လုပ်ခဲ့ပြီး လူထုကို ဆေးရုံနဲ့ ဆေးရုံကပေးတဲ့ ၀န်ဆောင်မှုတွေအကြောင်း ရှင်းပြတာ၊ ပူးပေါင်းပါဝင်ဖို့ တိုက်တွန်းတာတွေ လုပ်ဆောင်ခဲ့ပါတယ်။
ဆေးရုံအကြီးအကဲ ခရစ် ဘေကာက အလ်-မဒီနာဗလီဝတ်ကျောင်းတော်ရဲ့ ဒီလို ပံ့ပိုးကူညီမှုအတွက် အလွန်ဂုဏ်ယူမိတယ်လို့ ပြောကြားခဲ့ပါတယ်။
“ကျွန်တော်တို့ သုံးစွဲရတဲ့ ငွေကြေးရဲ့ ၄ ပုံ ၁ ပုံကိုသာ အစိုးရက ထောက်ပံ့တာပါ။ ကျွန်တော်တို့ ၀န်ဆောင်မှုပေးရာမှာ ဒေသခံတွေရဲ့ ကူညီပံ့ပိုးမှုတွေက သိပ်ကို အရေးပါပါတယ်”
ဆေးရုံရဲ့ ပြည်သူ့ဆက်ဆံရေးဆိုင်ရာ မန်နေဂျာ ဂျော်ဒန် ရပ်ဆဲလ်က “ပြီးခဲ့တဲ့ သီတင်းပတ်တွေအတွင်း ဗလီရှေ့မှာ ကျွန်တော်တို့ ဆေးရုံအကြောင်း လူထုကို သတင်းစကားပါးခဲ့တဲ့ အလ်-မဒီနာဗလီရဲ့ လှုပ်ရှားမှုကို ကျွန်တော့်အနေနဲ့ အရမ်းကျေးဇူးတင်ပါတယ်။ ကျန်းမာရေးမကောင်းတဲ့ ကလေးငယ်တွေ၊ ဘ၀ရှင်သန်ဖို့ အခက်အခဲရှိတဲ့ ကလေးငယ်တွေကို ကူညီပေးဖို့ ကျွန်တော်တို့ ဒီမှာရှိနေတယ်ဆိုတာကို ဒေသခံ ပြည်သူတွေ သိရှိဖို့ လိုပါတယ်” လို့ ပြောကြားခဲ့ပါတယ်။
Ref: Barking and Dagenham Post
