ဧပြီ ၇၊ ၂၀၁၉
M-Media
– အစ္စရေးဟာ သူ့ရဲ့အနာဂတ်အတွက် ကြောက်ရွံ့မှုမရှိအောင် အာရပ်နိုင်ငံတွေက လုပ်ပေးဖို့ လိုအပ်တယ်လို့ အိုမန် နိုင်ငံခြားရေးဆိုင်ရာ တာဝန်ရှိသူ ယူစွဖ် ဘင် အေလာဝီ ဘင် အဘ်ဒူလာက ပြောကြားလိုက်ပြီး ဂျော်ဒန်ကတော့ ဒီပြောကြားချက်ကို ပြင်းပြင်းထန်ထန် ကန့်ကွက်လိုက်ပါတယ်။
“အနောက်နိုင်ငံတွေက အစ္စရေးကို နိုင်ငံရေး၊ စီးပွားရေးနဲ့ စစ်ရေးတွေမှာ ကျောထောက်နောက်ခံ ပြုပေးထားတဲ့အတွက် အစ္စရေးဟာ အာဏာပါဝါအားလုံးကို ကိုင်ထားနိုင်တယ်။ ဒါပေမယ့် ပတ်ပတ်လည် သန်း ၄၀၀ သော အာရပ်တွေကြားထဲမှာ နေရတာကြောင့် အနာဂတ်အတွက် ကြောက်ရွံ့မှုတွေ ရှိနေပါတယ်” လို့ စနေနေ့ ဂျော်ဒန်နိုင်ငံမှာ ကျင်းပပြုလုပ်တဲ့ ‘ကမ္ဘာ့စီးပွားရေးဖိုရမ်’ က ပထ၀ီနိုင်ငံရေး ဆွေးနွေးပွဲမှာ အေလာဝီက ပြောကြားခဲ့ပါတယ်။
အစ္စရေးရဲ့ ဒီကြောက်ရွံ့မှုတွေ လျော့ပါးအောင် အာရပ်နိုင်ငံတွေက လုပ်ဆောင်ဖို့လိုအပ်ပြီး၊ အစ္စရေးနဲ့ သဘောတူညီမှုရအောင်လည်း လုပ်ဆောင်ရလိမ့်မယ်လို့ သူက ထည့်သွင်းပြောဆိုခဲ့ပါတယ်။
ဆွေးနွေးပွဲကို ဦးဆောင်သူက ဆယ်စုနှစ်ပေါင်းများစွာ ကြာနေတဲ့ အစ္စရေး- ပါလက်စတိုင်း ပြဿနာ ပြေလည်ဖို့ဆိုရင် အစ္စရေးနိုင်ငံကို တည်ရှိခွင့်ကို အသိအမှတ်ပြုပေးရမှာလားလို့ မေးမြန်းရာမှာတော့ အေလာဝီက အဲဒီလို အသိအမှတ်ပြုပေးစရာ မလိုကြောင်း၊ အနာဂတ်မှာ အာရပ်နိုင်ငံတွေဖက်က ခြိမ်းခြောက်မှု မရှိဘူးလို့ အစ္စရေးက ယုံကြည်လာအောင် လုပ်ဆောင်ပေးရေးဖြစ်ကြောင်း ပြန်လည် ဖြေကြားခဲ့ပါတယ်။
ကျူးကျော်မှုက ပြဿနာ
အစ္စရေးနဲ့ ငြိမ်းချမ်းရေးစာချုပ် ချုပ်ထားတဲ့ တစ်ခုတည်းသော အာရပ်နိုင်ငံ ဂျော်ဒန်က နိုင်ငံခြားရေးဝန်ကြီး အေမန် ဆာဖာဒီက အေလာဝီရဲ့ ပြောကြားမှုကို ပယ်ချခဲ့ပြီး အစ္စရေး-ပါလက်စတိုင်း ကိစ္စမှာ အာရပ်တွေရဲ့မြေကို မတရားကျူကျော်ထားတာက အဓိကပြဿနာဖြစ်တယ်လို့ တုန့်ပြန်ပြောဆိုခဲ့ပါတယ်။
“အာရပ်ကမ္ဘာက အစ္စရေးရဲ့ တည်ရှိမှုကို အသိအမှတ်ပြုပြီးသားဗျ။ ပါလက်စတိုင်းတွေကိုယ်တိုင်တောင် အစ္စရေးကို အသိမှတ်ပြုထားပြီးသား။ ဒါက ပြဿနာမဟုတ်ဘူး။ တကယ့်ပြဿနာက နယ်မြေ ကျူးကျော်သိမ်းပိုက်မှုပါ။ ဒီကျူးကျော်မှု အဆုံးသတ်မလား၊ မသတ်ဘူးလားဆိုတာကို ရှင်းရမှာပါ”
၁၉၆၇ ခုနှစ်စစ်ပွဲမှာ ကျူးကျော်သိမ်းပိုက်ခဲ့တဲ့ နယ်မြေတွေကနေ အစ္စရေးက ထွက်ခွာပေးပြီး ပါလက်စတိုင်းနိုင်ငံ တည်ထောင်မှုကို ခွင့်ပြုမှ ဒီပြဿနာ ပြေလည်မယ်လို့ ဆာဖာဒီက ဆိုပါတယ်။
“အစ္စရေးက သူတို့ စိတ်သက်တောင့်သက်သာမဖြစ်ဘူးလို့ ပြောလာရင် ဒါဟာ ကျွန်တော်တို့ကိစ္စမဟုတ်ဘူး။ အစ္စရေးဖက်က မဟုတ်တာလုပ်နေတာက ပြဿနာပါ။ (ဂါဇာမှာ) ပါလက်စတိုင်းတွေကို နေလို့မရအောင် လုပ်နေတာကလည်း ပိုမိုမှားယွင်းတဲ့ လုပ်ရပ်ပါ”
ပြီးခဲ့တဲ့လတွေအတွင်း အစ္စရေးဟာ ပင်လယ်ကွေ့နိုင်ငံတွေကို စည်းရုံးခဲ့ပါတယ်။ အစ္စရေးဝန်ကြီးချုပ် နေတန်ယာဟုဟာ ဖေဖော်ဝါရီလက ပိုလန်နိုင်ငံ ၀ါဆောမှာပြုလုပ်တဲ့ နိုင်ငံတကာ အခမ်းအနားတစ်ခုမှာ အေလာဝီနဲ့ တွေ့ဆုံခဲ့ပြီး အဲဒီအခမ်းအနားကို ဆော်ဒီ၊ ဘာရိန်းနဲ့ ယူအေအီးတို့က ကိုယ်စားလှယ်တွေလည်း တက်ရောက်ခဲ့ပါတယ်။
ပြီးခဲ့တဲ့နှစ် အောက်တိုဘာလအတွင်းကလည်း နေတန်ယာဟုဟာ အိုမန်နိုင်ငံကို ရုတ်တရက်သွားရောက်ကာ မြို့တော် မူစကတ်မှာ ဘုရင် ဆူလ်တန် ကာဘွတ်စ်နဲ့ တွေ့ ဆုံခဲ့ပါတယ်။
Ref: Aljazeera
