Blog

အိန္ဒိယတွင် သတင်းမှားတိုက်ဖျက်ရေး WhatsApp က လုပ်ဆောင်ချက်တစ်ခု ထည့်သွင်း

ဧပြီ ၃၊ ၂၀၁၉
M-Media

– အိန္ဒိယမှာ ရွေးကောက်ပွဲအကြို သတင်းမှားပြန့်နှံ့မှုပြဿနာကို ဖြေရှင်းနိုင်ဖို့အတွက် ဖုန်းမက်ဆေ့ဆော့ဖ်ဝဲတစ်ခုဖြစ်တဲ့ WhatsApp က လုပ်ဆောင်ချက်သစ်တစ်ခုို ထည့်သွင်းလိုက်ပါတယ်။

အဲဒီလုပ်ဆောင်ချက်သစ်ကို Checkpoint Tipline လို့ အမည်ပေးထားပြီး အသုံးပြုသူတွေအနေနဲ့ ရရှိတဲ့သတင်းတွေ မှန်၊ မမှန် ဒီလုပ်ဆောင်ချက်နဲ့ ဆန်းစစ်ဖော်ထုတ်နိုင်မှာ ဖြစ်ပါတယ်။ ဒါကို အိန္ဒိယ နည်းပညာလုပ်ငန်းသစ် Proto နဲ့ ပူးပေါင်းဆောင်ရွက်တာဖြစ်ပြီး ဒီလို သတင်းအမှားတွေကို စောင့်ကြည့်ဖော်ထုတ်နိုင်ဖို့အတွက် WhatsApp နဲ့ Proto တို့ဟာ ဒေတာဘေ့စ်တစ်ခုကို တည်ဆောက်ထားပါတယ်။

အိန္ဒိယမှာ WhatsApp အသုံးပြုသူ သန်း ၂၀၀ ကျော်ရှိပြီး သတင်းမှားပြန့်နှံ့မှုကို မထိန်းချုပ်နိုင်မှုအတွက်လည်း ဝေဖန်ခံနေရပါတယ်။

WhatsApp ကို ပိုင်ဆိုင်တဲ့ Facebook က အိန္ဒိယနဲ့ ပါကစ္စတန်မှာ အသုံးပြုနေတဲ့ အကောင့် ၇၁၂ ခုနှစ်နဲ့ ပေ့ဂ်ျ ၃၉၀ တို့ဟာ စစ်မှန်မှုမရှိတဲ့အတွက် ဖျက်ပစ်ခဲ့တယ်လို့ တနင်္လာနေ့မှာ ထုတ်ပြန်ကြေငြာခဲ့ပါတယ်။

အိန္ဒိယဟာ ဧပြီလ ၁၁ ရက်နေ့မှာ ရွေးကောက်ပွဲ ကျင်းပမှာဖြစ်ပြီး မေလ ၂၃ ရက်နေ့ကျရင် နောက်ဆုံးရလဒ် ထုတ်ပြန်နိုင်ဖို့ စီစဉ်ထားပါတယ်။

WhatsApp ကနေ သတင်းမှားတွေ ၀ါဒဖြန့်နေတယ်လို့ အဓိကနိုင်ငံရေး ပါတီကြီးတွေက အပြန်အလှန် စွပ်စွဲပြောဆိုမှုတွေ ရှိနေပါတယ်။ WhatsApp ရဲ့ အကြီးတန်းတာဝန်ရှိသူ တစ်ဦးကလည်း အိန္ဒိယက နိုင်ငံရေးပါတီတွေဟာ သူတို့ရဲ့ ပလက်ဖောင်းကို မသမာတဲ့အနေအထားနဲ့ အသုံးပြုနေတယ်လို့ ဖေဖော်ဝါရီလမှာ ပြောကြားဖူးပါတယ်။

ရွေးကောက်ပွဲနီးလာချိန် နိုင်ငံရေးပါတီတွေက WhatsApp ကို သတင်းမှားဖြန့်ဖို့အတွက် အသုံးပြုမှုဟာ ပြီးခဲ့တဲ့နှစ်ဘရာဇီးလ်ရွေးကောက်ပွဲမှာလည်း ဖြစ်ခဲ့ဖူးပါတယ်။

ကလေးသူခိုးတွေရောက်နေတယ်ဆိုပြီး WhatsApp ကနေ သတင်းဖြန့်ကာ မျက်နှာစိမ်းတွေကို အုပ်စုဖွဲ့ရိုက်သတ်မှု အများအပြား ဖြစ်ပွားခဲ့ပြီးတဲ့နောက် WhatsApp ဟာ အိန္ဒိယနိုင်ငံမှာ မက်ဆေ့ခ်ျမျှဝေနိုင်မှု အရေအတွက်ကို ပြီးခဲ့တဲ့နှစ် ဇူလိုင်လက ကန့်သတ်ခဲ့ပါတယ်။

Ref: Aljazeera

April 3, 2019
ပြင်းထန်သည့်ပြစ်ဒဏ်များပါဝင်သော ပြစ်မှုဆိုင်ရာဥပဒေအသစ်ကို ဘရူနိုင်း စတင်ကျင့်သုံး

ဧပြီ ၃၊ ၂၀၁၉
M-Media

ဘရူနိုင်းဘုရင် ဟာဆန်နဲလ် ဘိုလ်ကိုင်းယား

– အိမ်ထောင်ရေးဖောက်ပြန်သူတွေကို ခဲနဲ့ထုပြီး သေဒဏ်ပေးတာ၊ ခိုးသူတွေကို လက်ဖြတ်တာမျိုးလို ပြင်းထန်တဲ့ ပြစ်ဒဏ်တွေပေးမယ့် ပြစ်မှုဆိုင်ရာ ဥပဒေအသစ်ဟာ ဘရူနိုင်းနိုင်ငံမှာ ဒီကနေ့စတင် အသက်ဝင်လာပြီးဖြစ်ပြီး ကမ္ဘာတစ်ဝှမ်းက ဝေဖန်ရှုတ်ချမှုတွေလည်း ရှိနေပါတယ်။

ထီးနန်းသက် ၅၁ နှစ်ရှိပြီဖြစ်တဲ့ ဘရူးနိုင်ဘုရင် ဆူလ်တန် ဟာဆန်နဲလ် ဘိုလ်ကိုင်းယားဟာ ဒီလို ပြင်းထန်တဲ့ ပြစ်မှုဆိုင်ရာ ဥပဒေကို ကျင့်သုံးဖို့ ၂၀၁၃ ခုနှစ်ကတည်းက ကြေငြာခဲ့ပေမယ့် အကောင်အထည်ဖော်မှုမှာ ကြန့်ကြာခဲ့ပါတယ်။

ဥပဒေအသစ်အရ အဓမ္မကျင့်မှု၊ အိမ်ထောင်ရေးဖောက်ပြန်မှု၊ လိင်တူဆက်ဆံမှု၊ ဓားပြတိုက်မှု၊ တမန်တော် မုဟမ္မဒ်ကို စော်ကားပြောဆိုမှုတွေအတွက် အမြင့်ဆုံး သေဒဏ်အထိ ပေးနိုင်မှာ ဖြစ်ပါတယ်။ ဒီလို ပြင်းထန်တဲ့ ပုဒ်မအများစုဟာ အစ္စလာမ်ဘာသာဝင်တွေအပေါ်မှာ သက်ရောက်မှာဖြစ်ပေမယ့် ပြစ်မှုဆိုင်ရာ ဥပဒေအသစ်က တစ်ချို့ ရာဇ၀တ်မှုတွေအတွက် အစ္စလာမ်ဘာသာဝင်မဟုတ်သူတွေပါ အပြစ်ပေး အရေးယူခံရမှာ ဖြစ်ပါတယ်။

ကလေးဖျက်ချမှုအတွက် ကြိမ်ဒဏ်ခတ်တာ ပါဝင်သလို၊ အစ္စလာမ်ဘာသာဝင် မိဘတွေကမွေးဖွားတဲ့ ကလေးငယ်တွေကို အခြားဘာသာတွေရဲ့ အယူအဆတွေသွတ်သွင်းတာ၊ ဒါမှမဟုတ် ကျင့်သုံးခိုင်းတာတွေကိုလည်း ဥပဒေအသစ်မှာ ရာဇ၀တ်မှုအဖြစ် သတ်မှတ်ထားပါတယ်။

ဒီလိုပြစ်မှုဆိုင်ရာ ဥပဒေသစ်ကို တစ်နိုင်ငံလုံး အတိုင်းအတာနဲ့ ကျင့်သုံးတာဟာ ကမ္ဘာ့အရှေ့ခြမ်း၊ အထူးသဖြင့် အရှေ့တောင်အာရှမှာ ဘရူနိုင်းက ပထမဆုံးဖြစ်ပါတယ်။ ဒီဥပဒေတွေကို ဆော်ဒီအပါအ၀င် အရှေ့အလယ်ပိုင်းနိုင်ငံတစ်ချို့မှာ ကျင့်သုံးပါတယ်။

ဘရူနိုင်းနိုင်ငံရဲ့ ဒီဆုံးဖြတ်ချက်အတွက် ကုလသမဂ္ဂအပါအ၀င် ကမ္ဘာ့နိုင်ငံတွေ၊ လူ့အခွင့်အရေးအဖွဲ့တွေနဲ့ တက်ကြွလှုပ်ရှားသူတွေက ရှုတ်ချခဲ့ကြပါတယ်။

သက်တော် ၇၂ နှစ်ရှိပြီဖြစ်တဲ့ ဆူလ်တန် ဟာဆန်နဲလ် ဘိုလ်ကိုင်းယားက အစ္စလာမ်သာသနာရဲ့ သင်ကြားမှုကို ပြည့်ပြည့်၀၀ လိုက်နာဖို့ လိုအပ်ကြောင်း ဒီကနေ့ ရုပ်သံကနေတစ်ဆင့် တိုင်းပြည်ကိုပြောကြားခဲ့ပါတယ်။

ဘရူးနိုင်းနိုင်ငံဟာ လူဦးရေ ၄ သိန်းကျော်သာရှိပြီး ရေနံကြွယ်ဝကာ ချမ်းသာတဲ့နိုင်ငံတစ်ခု ဖြစ်ပါတယ်။ ဘုရင်စနစ်ဖြစ်ပေမယ့် အစိုးရဟာ ပြည်သူတွေကို အခွန်ကင်းလွတ်ခွင့်ပေးတာ၊ အခြားခံစားခွင့်တွေပေးတာ၊ ပညာရေး ထောက်ပံ့တာတွေ လုပ်ဆောင်ပေးထားပါတယ်။

ဆူလ်တန် ဟာဆန်နဲလ် ဘိုလ်ကိုင်းယားက သူ့နိုင်ငံဟာ မျှတပြီး ပျော်ရွှင်စရာကောင်းတဲ့ နိုင်ငံတစ်ခု ဖြစ်တယ်လို့ ဆိုပါတယ်။

“ကျွန်တော်တို့တိုင်းပြည်ကို လာရောက်လည်ပတ်တဲ့ မည်သူမဆို ချိုမြိန်တဲ့အတွေ့အကြုံကို ရရှိခံစားရမှာဖြစ်သလို၊ အန္တရာယ်ကင်းပြီး သဟဇာတဖြစ်တဲ့ လူ့အဖွဲ့အစည်းကို မြင်တွေ့ရမှာ ဖြစ်ပါတယ်”

Ref: Aljazeera

April 3, 2019
ကက်ရ်ှမီးယားတွင် အိန္ဒိယနှင့် ပါကစ္စတန်တို့ တိုက်ခိုက်မှု ပြန်ဖြစ်

ဧပြီ ၂၊ ၂၀၁၉
M-Media

ကက်ရ်ှမီးယားဒေသမှ Line of Control

– ပိုင်ဆိုင်မှုအငြင်းပွားနေတဲ့ ကက်ရ်ှမီးယားဒေသမှာ အိန္ဒိယနဲ့ ပါကစ္စတန်တို့ ဒီကနေ့ အပြန်အလှန်ပစ်ခတ်မှု ဖြစ်ပွားခဲ့တာကြောင့် အနည်းဆုံး ပါကစ္စတန်စစ်သား ၃ ဦး သေဆုံးခဲ့ပြီး နျူလက်နက် ပိုင်ဆိုင်ထားတဲ့ အိမ်နီးချင်းနှစ်နိုင်ငံအကြား တင်းမာမှု တစ်ကျော့ပြန် မြင့်တက်လာတာ ဖြစ်ပါတယ်။

ထိန်းချုပ်မျဉ်း Line of Control နားမှာ ဖြစ်ပွားခဲ့တာဖြစ်ပြီး ပါကစ္စတန်စစ်တပ်က ထုတ်ပြန်တဲ့ကြေငြာချက်မှာ စစ်သား ၃ ဦးသေဆုံးကာ တစ်ဦးဒဏ်ရာရရှိခဲ့တယ်လို့ ဖော်ပြထားပါတယ်။

အိန္ဒိယက ထိန်းချုပ်ထားတဲ့ ကက်ရ်ှမီးယားဒေသ ပူလ်ဝါမာမြို့မှာ ဖေဖော်ဝါရီလအစောပိုင်းက အသေခံကားဗုံးခွဲမှုဖြစ်ပွားပြီးတဲ့နောက် အိမ်နီးချင်းနှစ်နိုင်ငံ တင်းမာမှုတွေ မြင့်တက်လာတာ ဖြစ်ပါတယ်။ အိန္ဒိယပြည်သူ့စစ် ၄၀ ကျော် သေဆုံးခဲ့တဲ့ အဲဒီတိုက်ခိုက်မှုဟာ ပါကစ္စတန်အခြေစိုက် ကက်ရ်ှမီးယားသူပုန်အဖွဲ့ရဲ့ လက်ချက်ဖြစ်ပြီး အိန္ဒိယက ဒီကိစ္စမှာ ပါကစ္စတန်ပါဝင်တယ်လို့ စွပ်စွဲခဲ့ပါတယ်။

နောက်ပိုင်းမှာ ပါကစ္စတန်ပိုင်နက်ထဲကို အိန္ဒိယတိုက်လေယာဉ်တွေ ၀င်ရောက်တိုက်ခိုက်မှု ပြုလုပ်ခဲ့ပြီးတဲ့နောက် အပြန်အလှန်ပစ်ခတ်မှုဖြစ်ကာ အိန္ဒိယတိုက်လေယာဉ်တစ်စီးကို ပါကစ္စတန်က ပစ်ချခဲ့ပါတယ်။

မတ်လအစောပိုင်းကစလို့ တင်းမာမှုတွေ လျော့ကျခဲ့ပေမယ့် မနေ့က ပါကစ္စတန်က ထိန်းချုပ်ထားတဲ့ ကက်ရ်ှမီးယားဘက်ခြမ်းကို အိန္ဒိယက လက်နက်ကြီးတွေနဲ့ ပစ်ခတ်ခဲ့ပြီး အဘိုးအိုဦးသေဆုံးကာ ၅ ဦး ဒဏ်ရာရရှိခဲ့ပါတယ်။

ပူလ်ဝါမာမြို့က ကားဗုံးခွဲတိုက်ခိုက်မှုနဲ့ပတ်သက်လို့ ပါကစ္စတန်အာဏာပိုင်တွေက စုံစမ်းစစ်ဆေးခဲ့ပြီး အစိုးရနဲ့ ပတ်သက်မှု မရှိတာကို တွေ့ရကြောင်း ပါကစ္စတန်နိုင်ငံခြားရေးရုံးက ကြာသာပတေးနေ့မှာ သတင်းထုတ်ပြန်ပါတယ်။

JeM နဲ့ LeT တို့လို့ စစ်သွေးကြွအဖွဲ့တွေကို ထိထိရောက်ရောက်နှိမ်နှင်းမှုမရှိတဲ့အတွက် ပါကစ္စတန်ဟာ နိုင်ငံတကာရဲ့ ဝေဖန်မှုကို ခံနေရပါတယ်။ ပူလ်ဝါမာတိုက်ခိုက်မှုပြီးတဲ့နောက် ပါကစ္စတန်အစိုးရဟာ စစ်သွေးကြွအဖွဲ့တွေကို နှိမ်နှင်းမှု ပိုမိုပြုလုပ်ခဲ့ပြီး ဒီအုပ်စုတွေက ဖွင့်လှစ်ထားတဲ့ အမျိုးသားရေးကျောင်းတွေကို သိမ်းတာ၊ သူတို့နဲ့ပတ်သက်တဲ့ ပိုင်ဆိုင်မှုတွေကို ထိန်းချုပ်တာတွေ လုပ်ဆောင်ခဲ့ပါတယ်။

Ref: Aljazeera

April 2, 2019
တူရကီဒေသန္တရရွေးကောက်ပွဲ၌ မြို့ကြီးများတွင် အာဏာရပါတီ ရှုံးနိမ့်

ဧပြီ ၂၊ ၂၀၁၉
M-Media

– တူရကီသမ္မတ အာဒိုဂန်ရဲ့ အာဏာရ AK ပါတီဟာ မြို့ကြီး ၃ မြို့က ဒေသန္တရရွေးကောက်ပွဲတွေမှာ ရှုံးနိမ့်ခဲ့တယ်လို့ အတည်မပြုရသေးတဲ့ ရွေးကောက်ပွဲရလဒ်တွေကို ကိုးကားပြီး နိုင်ငံပိုင်သတင်းဌာန Anadolu Agency က မနေ့မှာ ဖော်ပြခဲ့ပါတယ်။

ရွေးကောက်ပွဲကို တနင်္ဂနွေနေ့က ကျင်းပခဲ့တာဖြစ်ပြီး AK ပါတီဟာ အစ္စတန်ဘူလ်၊ အန်ကာရာနဲ့ အစ်ဇ်မီရ်မြို့တွေမှာ ရှုံးနိမ့်ခဲ့တာဖြစ်ပါတယ်။ လက်ရှိမှာ နိုင်ငံရေးပါတီတွေဖက်က ကန့်ကွက်တိုင်ကြားနိုင်ဖို့အတွက် တူရကီရွေးကောက်ပွဲကော်မရှင်က အချိန် ၃ ရက်ပေးထားပြီး ဒါတွေကို စစ်ဆေးပြီးသွားရင် တရားဝင်ရလဒ်ကို ထုတ်ပြန်မှာ ဖြစ်ပါတယ်။

အတည်မပြုရသေးတဲ့ ရလဒ်တွေအရ တူရကီရဲ့ အကြီးဆုံးနဲ့ စီးပွားရေးအချက်အခြာ အစ္စတန်ဘူလ်ရဲ့ မြို့တော်ဝန်ရွေးကောက်ပွဲမှာ ရီပက်ဘလစ်ကန် ပြည်သူ့ပါတီ CHP က ကိုယ်စားလှယ်လောင်း အက္ကရမ် အီမာမိုဂလူက အနိုင်ရခဲ့ပြီး၊ အန်ကာရာနဲ့ အစ်ဇ်မီရ် မြို့တွေမှာလည်း CHP ကိုယ်စားလှယ်လောင်းတွေက AK ပါတီ ကိုယ်စားလှယ်လောင်းတွေကို အနိုင်ရခဲ့တယ်လို့ Anadolu သတင်းဌာနက ဖော်ပြပါတယ်။

သမ္မတ အာဒိုဂန်ရဲ့ လက်ထက်မှာ တူရကီဟာ ဆယ်စုနှစ် တစ်ခုအတွင်း ပထမဆုံး စီးပွားရေး နှေးကွေးမှုနဲ့ ကြုံတွေ့ခဲ့ရပြီး တူရကီ လီရာငွေကြေးတန်ဖိုးဟာလည်း ပြီးခဲ့တဲ့နှစ်မှာ ၄၀ ရာခိုင်နှုန်းအထိ ကျဆင်းခဲ့ပါတယ်။

သမ္မတအာဒိုဂန်က သူ့ပါတီရဲ့ ကိုယ်စားလှယ်လောင်းတွေဟာ မြို့တော်တော်များများမှာ ရှုံးနိမ့်ခဲ့တယ်လို့ တနင်္ဂနွေနေ့ကပြုလုပ်တဲ့ သတင်းစာရှင်းလင်းပွဲမှာ ပြောကြားခဲ့ပြီး စီးပွားရေး ပြုပြင်ပြောင်းလဲမှုကို အဓိကထား လုပ်ဆောင်သွားမယ်လို့လည်း ကတိပြု ခဲ့ပါတယ်။

ကျွမ်းကျင်သူတွေက ဒီ ဒေသန္တရ ရေးကောက်ပွဲရလဒ်တွေဟာ အာဏာရ AK ပါတီကို ပြည်သူတွေက နှစ်သက်မှုမရှိတာကို ပြသနေတယ်လို့ သုံးသပ်ကြပါတယ်။

အတိုက်အခံ ညွန့်ပေါင်းအဖွဲ့ဟာ နိုင်ငံရဲ့ စီးပွားရေးကျဆင်းမှုအခြေအနေနဲ့ နိုင်ငံသားတွေအပေါ် ရိုက်ခက်မှုတွေကို အဓိကထားကာ မဲဆွယ်ခဲ့တာဖြစ်သလို၊ မဲဆွယ်ပွဲတွေမှာလည်း ပါတီအလံတွေအစား နိုင်ငံအလံကိုသာ အသုံးပြုခဲ့ပါတယ်။

Ref: Aljazeera

April 2, 2019
ကမ္ဘာ့ဘောလုံးလောကကို လွှမ်းမိုးနိုင်ရေး တရုတ်က နိုင်ငံအနှံ့ ဘောလုံးမူကြိုများ ဖွင့်လှစ်မည်

ဧပြီ ၂၊ ၂၀၁၉
M-Media

– လမ်းလျှောက်တတ်စအရွယ် ကလေးငယ်တွေအတွက် ဘောလုံးအခြေပြု မူကြိုကျောင်းကို နိုင်ငံအနှံ့ ဖွင့်လှစ်ပေးသွားဖို့ တရုတ်အစိုးရက စီစဉ်နေပြီး ၂၀၅၀ မှာ ကမ္ဘာ့ ဘောလုံးအင်အားကြီးနိုင်ငံ ဖြစ်လာရေး စီမံကိန်းတစ်စိတ်တစ်ပိုင်းလည်း ဖြစ်ပါတယ်။

တရုတ်နိုင်ငံဟာ လူဦးရေး သန်း ၁၄၀၀ ကျော်ရှိပေမယ့် ဘောလုံးအားကစားမှာ အောင်မြင်မှုနည်းပါးပြီး ဒါကို ကွန်မြူနစ်အစိုးရက ပြောင်းလဲချင်နေတာ ဖြစ်ပါတယ်။

နိုင်ငံပိုင် Xinhua သတင်းဌာနက ပြည်နယ်တစ်ခုဆီမှာ ဘောလုံးအခြေပြု မူကြိုကျောင်း ၅၀ ကနေ ၂၀၀ အထိ ဖွင့်လှစ်နိုင်အောင် တရုတ်ပညာရေးဝန်ကြီးဌာနက ဆောင်ရွက်ဖို့ အစီအစဉ်ရှိတယ်လို့ မနေ့က ဖော်ပြခဲ့ပါတယ်။ ကလေးငယ်တွေ ဘောလုံးအားကစားကို စိတ်ဝင်စားလာပြီး၊ ဘောလုံးယဉ်ကျေးမှုတစ်ရပ် ဖွံ့ဖြိုးလာဖို့အတွက် ဒီအစီအစဉ်ကို ဆောင်ရွက်တာဖြစ်တယ်လို့လည်း အားကစားဝန်ကြီးဌာနရဲ့ ထုတ်ပြန်ချက်မှာ ဖော်ပြထားပါတယ်။

ပြီးခဲ့တဲ့နှစ် အောက်တိုဘာလက တရုတ်ဘောလုံးအဖွဲ့ချုပ်ဟာ နိုင်ငံတစ်ဝှမ်း ဘောလုံးမူကြို တစ်သောင်းလောက်အထိ ဖွင့်လှစ်မယ့် အစီအစဉ်ကို ထုတ်ပြန်ခဲ့ပါတယ်။

၂၀၅၀ မှာ ကမ္ဘာ့ ဘောလုံးအင်အားကြီးနိုင်ငံဖြစ်လာရေး စီမံကိန်းတစ်ခုကိုလည် တရုတ်က ၂၀၁၆ ခုနှစ်မှာ ချပြခဲ့ပြီး၊ ၂၀၂၆ ခုနှစ်အရောက်မှာ နိုင်ငံတစ်ဝှမ်း ဘောလုံးကစားသမား သန်း ၅၀၊ ဘောလုံးသင်တန်းကျောင်း ၅ သောင်း ရှိလာရေး ပစ်မှတ်ထား ဆောင်ရွက်နေပါတယ်။

တရုတ်သမ္မတ ရှီကျင့်ဖျင်ဟာ ဘောလုံးအားကစားနည်းကို နှစ်သက်ခုံမင်သူဖြစ်ပြီး ကမ္ဘာဖလားကို အိမ်ရှင်အဖြစ် လက်ခံကျင်းပနိုင်ဖို့နဲ့ ဗိုလ်စွဲနိုင်ဖို့ ရည်မှန်းချက်လည်း ရှိနေပါတယ်။

တရုတ်ဟာ ၂၀၀၂ ခုနှစ်မှာ ကမ္ဘာ့ဖလားခြေစစ်ပွဲ တစ်ကြိမ်သာ အောင်မြင်ခဲ့ပြီး အုပ်စုအတွင်း ၃ ပွဲလုံးရှုံးနိမ့်ကာ တစ်ဂိုးမှမရဘဲ ထွက်ခဲ့ရပါတယ်။ ဖီဖာရဲ့ အဆင့်သတ်မှတ်ချက်မှာ တရုတ်က အဆင့် ၇၂ နေရာမှာ ရှိနေပါတယ်။ တရုတ်နိုင်ငံမှာ ဘောလုံးအားကစားဟာ လူကြိုက်များတဲ့ အားကစားနည်းတစ်ခု ဖြစ်ပါတယ်။

တရုတ်အစိုးရရဲ့ ဘောလုံးမူကြိုအစီအစဉ်ဟာ ကာတာရဲ့ Aspire Academy အစီအစဉ်ကို တုပ ဆောင်ရွက်တာဖြစ်ပါတယ်။ ကာတာရဲ့ ဒီအစီအစဉ်မှာ ဘောလုံးပါရမီရှိတဲ့ လူငယ်တွေကို နိုင်ငံတစ်ဝှမ်း မူလတန်းကျောင်းတွေကနေ ရှာဖွေကာ ဘောလုံးအခြေပြုတဲ့ အထက်တန်းကျောင်းတွေကို ပို့ဆောင်သင်ကြားစေတာ ဖြစ်ပါတယ်။

အခုနှစ်အစောပိုင်း ယူအေအီးနိုင်ငံမှာကျင်းပတဲ့ အာရှဖလားဘောလုံးပြိုင်ပွဲမှာ ဗိုလ်စွဲခဲ့တဲ့ ကာတာဘောလုံးအသင်းသား ၂၃ ဦးမှာ ၁၃ ဦးက Aspire Academy အစီအစဉ်ကနေ ပေါ်ထွက်လာတာ ဖြစ်ပါတယ်။ ကာတာဟာ ၂၀၂၂ ကမ္ဘာ့ဖလားပြိုင်ကို ကျင်းပဖို့လည်း ရှိနေပါတယ်။

Ref: Aljazeera

April 2, 2019