ဖေဖော်ဝါရီ ၂၈၊ ၂၀၁၉
M-Media
– ကိုရီးယားကျွန်းဆွယ် နျူကင်းစင်ရေး သဘောတူဖို့ မရှိဘူးဆိုရင် အမေရိကန်သမ္မတ ဒေါ်နယ်ထရမ့်ကို ဗီယက်နမ်မှာ လာတွေ့မှာ မဟုတ်ဘူးလို့ မြောက်ကိုရီးယားခေါင်းဆောင် ကင်ဂျုံအွန်က ဒီကနေ့မှာ ပြောကြားလိုက်ပြီး နျူကင်းစင်ရေး ဆောင်ရွက်ဖို့ အဆင်သင့်ဖြစ်နေပြီလို့ ဆိုပါတယ်။
မြို့တော် ဟနွိုင်းကို ရောက်ရှိနေတဲ့ ကင်ဂျုံအွန်နဲ့ ထရမ့်တို့ရဲ့ ၂ ရက်တာ ဆွေးနွေးမှုဟာ ဒီကနေ့မှာ ပြီးဆုံးမှာ ဖြစ်ပါတယ်။
‘နျူကင်းစင်ရေးဆောင်ရွက်ဖို့ အစီအစဉ်မရှိဘူးဆိုရင် ဗီယက်နမ်လာမှာ မဟုတ်ဘူး’ ဆိုတဲ့ စကားဟာ ကင်ဂျုံအွန်ထံက ကြားရသမျှအဖြေထဲမှာ အကောင်းဆုံးဖြစ်တယ်လို့ ထရမ့်က ပြောကြားခဲ့ပါတယ်။
နျူကင်းရှင်းရေး ထိထိရောက်ရောက် ဆောင်ရွက်မလားလို့ မေးမြန်းရာမှာ ကင်ဂျုံအွန်က ‘ဒီကိစ္စကိုပဲ ဆွေးနွေးနေတာဖြစ်တယ်’ လို့ ပြန်လည်ဖြေကြားခဲ့ပါတယ်။ မြို့တော် ပြုံးယမ်မှာ အမေရိကန်ဆက်သွယ်ရေး လာရောက်ဖွင့်လှစ်မယ်ဆိုရင်လည်း လက်ခံသွားဖို့ရှိတယ်လို့ ကင်က ထည့်သွင်း ပြောဆိုခဲ့ပါတယ်။
ဆက်ဆံရေးရုံးဟာ သံရုံးထက် တစ်ဆင့်နိမ့်ပေမယ့် အရင်က ရန်ဘက်ဖြစ်ခဲ့တဲ့ အမေရိကန်နဲ့ မြောက်ကိုရီးယားတို့ ပုံမှန်ဆက်ဆံရေး တည်ဆောက်ဖို့အတွက် အရေးပါတဲ့ ခြေလှမ်းတစ်ခု ဖြစ်လာမှာ ဖြစ်ပါတယ်။
ထရမ့်ကလည်း ဆက်ဆံရေးရုံးဖွင့်မယ့် အယူအဆဟာ ကောင်းမွန်တယ်လို့ ပြောကြားခဲ့ပါတယ်။
ကိုရီးယားကျွန်းဆွယ် နျူကင်းစင်ရေး ဆောင်ရွက်ဖို့ နည်းလမ်းနဲ့ပတ်သက်ပြီး အမေရိကန်နဲ့ မြောက်ကိုရီးယားအကြား သဘောထား မတူညီမှုတွေ ရှိနေပါတယ်။ ထရမ့်ကတော့ ဒီကိစ္စကို အလျင်စလို လုပ်ဆောင်သွားမှာ မဟုတ်ဘူးလို့ ပြောထားပါတယ်။
တစ်ဦးချင်းတွေ့ဆုံမှု၊ အဖွဲ့လိုက်တွေ့ဆုံမှုတွေအပြီးမှာ ခေါင်းဆောင်နှစ်ဦးဟာ ကြေငြာချက်တစ်ခုကို လက်မှတ်ရေးထိုး ထုတ်ပြန်ဖို့ ရှိပါတယ်။ ဒီကနေ့ညနေ ဗီယက်နမ်ကမပြန်ခင် ထရမ့်ဟာ သတင်းစာရှင်းလင်းပွဲတစ်ခု ပြုလုပ်မှာ ဖြစ်ပါတယ်။
Ref: CNA
