Blog

နိုဝင်ဘာ ၁၊ ၂၀၁၈
M-Media

ဆော်ဒီဂျာနယ်လစ် လည်ပင်းညှစ်အသတ်ခံရဟု တူရကီ ထုတ်ပြန်
================
ဆော်ဒီဂျာနယ်လစ် ဂျမားလ် ကာရှိုဂျီဟာ အောက်တိုဘာ ၂ ရက်နေ့ အစ္စတန်ဘူလ်က ကောင်စစ်ဝန်ရုံးထဲ ၀င်သွားပြီးချင်းမှာပဲ လည်ပင်းညှစ် အသတ်ခံလိုက်ရတယ်လို့ တူရကီ ရှေ့နေချုပ်ရုံးက မနေ့မှာ ထုတ်ပြန်လိုက်ပါတယ်။ တူရကီကိုရောက်နေတဲ့ ဆော်ဒီရှေ့နေချုပ် စအွဒ် အလ်-မူဂျဘ်နဲ့ ၃ ရက်တာ ဆွေးနွေးပြီးနောက်ပိုင်းမှာ တူရကီက ဒီလို ပြောကြားလိုက်တာဖြစ်ပြီး ကာရှိုဂျီဘယ်လို သတ်ဖြတ်ခံလိုက်ရတယ်ဆိုတာနဲ့ပတ်သက်လို့ ပထမဆုံး ထုတ်ပြန်မှုလည်း ဖြစ်ပါတယ်။ သတ်ဖြတ်မှုကို မူလက စီစဉ်ထားတဲ့အတိုင်း ဆောင်ရွက်တာဖြစ်ပြီး အဲဒီနောက် အလောင်းကို တစ်စစီပိုင်းကာ ဖျောက်ဖျက်လိုက်တယ်လို့လည်း ဆိုပါတယ်။ လက်ရှိမှာ ဒီကိစ္စအတွက် ဆော်ဒီက လူ ၁၈ ဦးကို ဖမ်းဆီးထားကာ စုံစမ်းစစ်ဆေးမှုတွေ ဆက်လက် လုပ်ဆောင်နေပါတယ်။

တည်တည်ငြိမ်ငြိမ်ရှိကြဖို့ တိုင်းပြည်ကို ပါကစ္စတန်ဝန်ကြီးချုပ် မေတ္တာရပ်ခံ
==================
နိုင်ငံတစ်ဝှမ်း ဆန္ဒပြမှုတွေ အကြီးအကျယ်လုပ်ဆောင်နေကြတဲ့ လယ်ယာသမားတွေအနေနဲ့ စိတ်ထိန်းကြဖို့ ပါကစ္စတန်ဝန်ကြီးချုပ် အင်မရန်းခန်းက မနေ့မှာ တိုက်တွန်းလိုက်ပါတယ်။ အစ္စလာမ်ကို စော်ကားတယ်ဆိုတဲ့စွဲချက်နဲ့ သေဒဏ်ချခံထားရတဲ့ ခရစ်ယာန်အမျိုးသမီး အာဆီယာဘီဘီကို တရားရုံးချုပ်က မနေ့မှာ တရားသေ လွှတ်ပေးခဲ့ပြီး တရားရင်ဆိုင်မှုမှာ မျှတမှု မရှိတာကြောင့်လို့ ဆိုပါတယ်။ ဒီဆုံးဖြတ်ချက် ထွက်ပေါ်လာခဲ့ပြီးတဲ့နောက် လက်ယာစွန်း နိုင်ငံရေးပါတီ Tehreek-e-Labbaik Pakistan က ဦးဆောင်ကာ နိုင်ငံတစ်ဝှမ်း ဆန္ဒပြမှုတွေ အကြီးအကျယ် လုပ်ဆောင်နေပြီး တရားသေလွှတ်ပေးတဲ့ တရားသူကြီးတွေကို သတ်ဖြတ်ဖို့ လှုံ့ဆော်မှုတွေလည်း ရှိနေပါတယ်။ လက်ရှိ နိုင်ငံတစ်ဝှမ်းမှာ လုံခြုံရေးကို တင်းကြပ်စွာ ချထားပါတယ်။

ပျက်ကျ အင်ဒိုလေယာဉ်၏ Black Box ရှာတွေ့ပြီ
====================
အင်ဒိုနီးရှားလေကြောင်းလိုင်း Lion Air က တနင်္လာနေ့မှာ ပျက်ကျသွားခဲ့တဲ့ Boeing 737 MAX 8 လေယာဉ်ရဲ့ Black Box ကလို့ ယူဆရဲ့ အချက်ပြမှုကို ပိုပြီး ရှင်းရှင်းလင်းလင်း ကြားလာရပြီလို့ အမျိုးသား ပို့ဆောင်ရေးဆိုင်ရာ ဘေးအန္တရာယ်ကင်းရှင်းမှုကော်မတီက မနေ့မှာ ပြောကြားခဲ့ပါတယ်။ လူ ၁၈၉ ဦး တင်ဆောင်သွားတဲ့ အဲဒီလေယာဉ်ဟာ ပျံတက်ပြီး ၁၃ မိနစ်အကြာမှာ ပျက်သွားတာဖြစ်ပြီး လေယာဉ်ပေါ်လိုက်ပါသူအားလုံး သေဆုံသွားပါတယ်။ လက်ရှိမှာ Black Box ရရှိရေးအတွက် အချက်ပြရာနေရာကို အဝေးထိန်း ရေအောက်ယာဉ်ငယ်တွေ လွှတ်ထားပြီး ရေငုပ်သမားတွေနဲ့ ရှာဖွေသွားမှာဖြစ်တယ်လို့လည်း ကော်မတီက ဆိုပါတယ်။ ဒီကနေ့မနက်မှာတော့ Black Box ကို ရှာတွေ့သွားပြီလို အင်ဒိုက ထုတ်ပြန်ခဲ့ပါတယ်။ Black Box မှာ လေယာဉ်ရဲ့ ပျံသန်းမှုမှတ်တမ်းတွေကို သိမ်းဆည်းထားပြီး ပျက်ကျရတဲ့ အကြောင်းအရင်းကို ဖော်ထုတ်နိုင်မှာ ဖြစ်ပါတယ်။

ကမ္ဘာ့ဖလား ၄၈ သင်း တိုးချဲ့မှု ပုံမှန်ထက်စော၍ ၂၀၂၂ ခုနှစ်တွင် ဖြစ်လာနိုင်
=============
ကမ္ဘာ့ဖလားပြိုင်ပွဲကို ၃၂ သင်းကနေ ၄၈ သင်းအထိ တိုးချဲ့ဖို့ဟာ ၂၀၂၂ ခုနှစ် ကာတာကမ္ဘာ့ဖလားမှာ ဖြစ်လာနိုင်တယ်လို့ ဖီဖာဥက္ကဌ ဂီယန်နီ အင်ဖန်တီနိုက မနေ့မှာ ပြောကြားလိုက်ပါတယ်။ လက်ရှိ ၄၈ သင်းတိုးချဲ့ဖို့ကို ၂၀၂၆ ခုနှစ် အမေရိကန်၊ ကနေဒါ၊ မက္ကဆီကိုတို့ ပူးတွဲကျင်းပမယ့် ကမ္ဘာ့ဖလားမှာ ဆောင်ရွက်ဖို့ စီစဉ်ထားတာပါ။ အင်ဖန်တီနိုကတော့ ကာတာပြိုင်ပွဲမှာပဲ တိုးချဲ့နိုင်အောင် ကြိုးစားနေတယ်လို့ ဆိုပါတယ်။

Ref: Aljazeera, CNA