Blog

အောက်တိုဘာ ၁၈၊ ၂၀၁၈
M-Media

ဂျာနယ်လစ်ပျောက်ဆုံးမှုအတွက် ဆော်ဒီကောင်စစ်ဝန်အိမ်ကို တူရကီ ရှာဖွေ
====================
ဆော်ဒီက အစိုးရဝေဖန်ရေးသမား ဂျာနယ်လစ် ဂျမားလ် ကာရှိုဂျီ ပျောက်ဆုံးမှုနဲ့ပတ်သက်ပြီး တူရကီ မှုခင်း စစ်ဆေးရေး အရာရှိတွေဟာ မနေ့က အစ္စတန်ဘူလ်မှာရှိတဲ့ ဆော်ဒီကောင်စစ်ဝန်ရဲ့နေအိမ်ကို ၉ နာရီကြာ ၀င်ရောက် ရှာဖွေခဲ့ကြပါတယ်။ ကာရှိုဂျီဟာ အောက်တိုဘာ ၂ ရက်နေ့က အစ္စဘူလ်က ဆော်ဒီကောင်စစ်ဝန်ရုံးထဲ ၀င်ရောက်ပြီးနောက်ပိုင်း ပျောက်သွားတာပါ။ တူရကီကတော့ ဆော်ဒီအစိုးရရဲ့ ကြေးစား ၁၅ ယောက်က ကာရှိုဂျီကို သတ်ပစ်ပြီး အပိုင်းပိုင်းလုပ်ကာ လက်စဖျောက်ခဲ့တယ်လို့ ပြောကြားခဲ့ပါတယ်။ မနေ့က ရှာဖွေမှုမှာ နမူနာအချို့ တွေ့ခဲ့တယ်လို့ ထုတ်ပြန်ပေမယ့် သွေးလား၊ DNA လားဆိုတာ တိတိကျကျ မပြောခဲ့ပါဘူး။ တူရကီအာဏာပိုင်တွေဟာ တနင်္လာနေ့ကလည်း ဆော်ဒီကောင်စစ်ဝန်ရုံးကို ၀င်ရှာခဲ့ပါတယ်။

ဘုရားကျောင်းထဲ အမျိုးသမီးများ ၀င်ရန်ကြိုးစားမှုကြောင့် အိန္ဒိယတွင် ဆန္ဒပြ
====================
အိန္ဒိယနိုင်ငံ ကီရာလာပြည်နယ်မှာရှိပြီး ဟိန္ဒူဘာသာဝင်တို့ရဲ့ အထွဋ်အမြတ်ထားရာ ဘုရားကျောင်းတွေထဲက တစ်ခုဖြစ်တဲ့ Sabarimala ဘုရားကျောင်းမှာ ဘုရားရှိခိုးဖို့ ရောက်လာတဲ့ အမျိုးသမီးတွေကို လူအုပ်ကြီးက ဆန့်ကျင်ဆန္ဒပြ တိုက်ခိုက်မှုတွေ လုပ်နေကြပါတယ်။ အရင်က အဲဒီ ဘုရားကျောင်းထဲ အရွယ်ရောက်ပြီးသား အမျိုးသမီးတွေ မ၀င်ရလို့ သတ်မှတ်ထားပေမယ့် အိန္ဒိယတရားရုံးချုပ်က ဒီကန့်သတ်ချက်ကို ပြီးခဲ့တဲ့လမှာ ပယ်ဖျက်ခဲ့ပါတယ်။ ဒါပေမယ့် မြေပြင်မှာတော့ ဒီဆုံးဖြတ်ချက်ကို လက်မခံဘဲ ဆန့်ကျင်သူတွေထဲမှာ အမျိုးသမီးတွေလည်း ပါဝင်ပြီး ဘုရားကျောင်းသွားမယ့်လမ်းတွေကို ပိတ်ဆို့ကာ အမျိုးသမီး ပါမလာအောင် တားဆီးနေကြပါတယ်။ ဆန္ဒပြမှုအတွင်း မီဒီယာသမားတွေလည်း တိုက်ခိုက်ခံခဲ့ရပါတယ်။

မြောက်ကိုရီးယားထံ ပစ္စည်းပို့သူ ၂ ဦးကို စင်ကာပူ တရားစွဲ
=======================
ကန့်သတ်ထားတဲ့ ဇိမ်ခံပစ္စည်းတွေ မြောက်ကိုရီးယားကို တင်ပို့မှုအတွက် စင်ကာပူက အမျိုးသား ၂ ဦးကို ဒီကနေ့မှာ တရားစွဲဆိုခဲ့ပါတယ်။ အသက် ၅၈ နှစ်အရွယ် စင်ကာပူနိုင်ငံသားနဲ့ အသက် ၃၀ အရွယ် မြောက်ကိုရီးယားနိုင်ငံသားတို့ဖြစ်ပြီး ၂၀၁၀ ခုနှစ် ကုလရဲ့ ဆုံးဖြတ်ချက်ကို ဆန့်ကျင်တဲ့အတွက် တရားစွဲဆိုခဲ့တာလို့ ဆိုပါတယ်။ အသက် ၅၈ နှစ်အရွယ် အမျိုးသားပိုင် ကုမ္ပဏီ ၃ ခုလည်း တရားစွဲခြင်း ခံခဲ့ရပါတယ်။ ဒီကုမ္ပဏီ ၃ ခုဟာ ၂၀၁၀ ခုနှစ် ဒီဇင်ဘာကနေ ၂၀၁၆ ခုနှစ် နိုဝင်ဘာအထိ ကျောက်သံပတ္တမြားတွေ၊ တန်ဖိုးကြီး လက်ပတ်နာရီတွေ အပါအ၀င် ပိတ်ဆို့ထားတဲ့ ဇိမ်ခံပစ္စည်းတွေကို ၄၃ ကြိမ်လောက် ပို့ဆောင်ခဲ့တာပါ။

ဟာလာလ်တံဆိပ်အတုဖြင့် ပစ္စည်းဖြန့်သည့် ကုမ္ပဏီကို မလေးရှား စီနင်းဖမ်းဆီး
================
ဟာလာလ်တံဆိပ်အတု တပ်ထားတဲ့ ကျပါတီ၊ ပလာတာ ဂျုံလုံး ၆၀၀၀ ကျော်ကို မလေးရှား ကုန်သွယ်ရေးဌာန တာဝန်ရှိသူတွေက မနေ့မှာ သိမ်းဆည်းလိုက်ပါတယ်။ စတီယာအလမ် ဒေသက ကုမ္ပဏီတစ်ခုကို ၀င်ရောက်စီးနင်းရာမှာ ဒီလို သိမ်းဆည်းနိုင်ခဲ့တာဖြစ်ပြီး အတုလုပ်တဲ့ နိုင်ငံခြားအလုပ်သမား ၈ ဦးကိုလည်း ဖမ်းဆီးခဲ့ပါတယ်။ တာဝန်ရှိသူတွေက ဒီကုမ္ပဏီဟာ အာဏာပိုင်တွေဆီမှာ ဟာလာလ် အသိအမှတ်ပြုလက်မှတ် မလျှောက်ထားဘဲနဲ့ ဟာလာလ်တံဆိပ်အတုတွေ ကပ်ကာ ရောင်းချနေတာဖြစ်တယ်လို့ ဆိုပါတယ်။ ကုမ္ပဏီဟာ ဖွင့်လှစ်တာ ၉ လပဲရှိသေးပြီး ပတ်ဝန်းကျင်က ပြည်သူတွေ တိုင်ကြားလိုက်တာဖြစ်ပါတယ်။

Ref: Aljazeera, CNA, BBC