အောက်တိုဘာ ၄၊ ၂၀၁၈
M-Media
– ညစ်ညမ်းဗီဒီယို ၀ဘ်ဆိုက် ၂၄၀၀၀ ကျော်ကို ပိတ်ပစ်လိုက်တယ်လို့ နီပေါနိုင်ငံက ဒီကနေ့မှာ ကြေငြာလိုက်ပြီး နိုင်ငံအတွင်း လိင်အကြမ်းဖက်မှုတွေလျော့ကျအောင် ဆောင်ရွက်မှု တစ်စိတ်တစ်ပိုင်းဖြစ်တယ်လို့ ဆိုပါတယ်။
ဇူလိုင်လက အသက် ၁၃ နှစ်အရွယ် အမျိုးသမီးငယ်တစ်ဦး အဓမ္မပြုကျင့် သတ်ဖြတ်ခံရပြီးနောက်ပိုင်း အာဏာပိုင်တွေက ထိထိရောက်ရောက် အရေးယူမှုမရှိဘူးလို့ဆိုကာ ပြည်သူတွေက နိုင်ငံတစ်ဝှမ်း အကြီးအကျယ် ချီတက်ဆန္ဒပြခဲ့ကြပါတယ်။
ရဲတပ်ဖွဲ့က အထောက်အထားတွေ ဖျောက်ပစ်တဲ့ ဗီဒီယို ထွက်ပေါ်လာသလို၊ အစိုးရက ဒီလိုဆန္ဒပြမှုဟာ အာဏာရပါတီကို ဖြုတ်ချဖို့ ကြံစည်မှုဖြစ်တယ်လို့ ပြောဆိုခဲ့တာကြောင့် ဆန္ဒပြမှုအရှိန်ဟာ ပိုမိုမြင့်တက်လာခဲ့ပြီး ၁ ဦးသေဆုံးကာ ဒါဇင်နဲ့ချီ ဒဏ်ရာရခဲ့ပါတယ်။
ဝေဖန်မှုတွေလည်း မြင့်တက်လာတာကြောင့် နီပေါအစိုးရက သူတို့အနေနဲ့ ညစ်ညမ်းဗီဒီယိုနဲ့ အရှက်မဲ့တဲ့ဗီဒီယို ၀ဘ်ဆိုက်တွေကို နှိမ်နင်းသွားမယ်လို့ ပြီးခဲ့တဲ့တစ်ပတ် သောကြာနေ့မှာ ကြေငြာခဲ့ပါတယ်။
“အင်တာနက်ကနေ ညစ်ညမ်းတဲ့ အရာတွေ၊ မယဉ်ကျေးတဲ့အရာတွေကို အလွယ်တကူ ရယူနိုင်တာဟာ ကျွန်တော်တို့ရဲ့ လူမှုတန်ဖိုးတွေ၊ လူမှုသဟဇာတဖြစ်မှုတွေကို ထိခိုက်စေပြီး၊ လိင်အကြမ်းဖက်မှုကိုလည်း အားပေးအားမြှောက်ပြုရာ ရောက်နေပါတယ်” လို့ အစိုးရက ထုတ်ပြန်တဲ့ ကြေငြာချက်မှာ ဖော်ပြထားပါတယ်။
တက်ကြွလှုပ်ရှားသူတွေကတော့ ပိတ်ထားတဲ့ အင်တာနက်စာမျက်နှာတွေကို ဖွင့်ကြည့်နိုင်တဲ့ ဆော့ဖ်ဝဲတွေ ရှိနေတာကြောင့် အစိုးရရဲ့ ဒီလိုဆောင်ရွက်မှုဟာ ထိရောက်မှာမဟုတ်ဘူးလို့ ဝေဖန်ခဲ့ကြပါတယ်။
နီပေါ အမျိုးသား လူ့အခွင့်အရေး ကော်မရှင်က အမျိုးသမီးအရေး တက်ကြွလှုပ်ရှားသူ မိုဟ်နာ အန်ဆာရီက အစိုးရဟာ အဖြစ်မှန်ကို လစ်လျူရှုနေကြောင်း၊ တကယ့်ပြဿနာက အမျိုးသမီးတွေအတွက် တရားမျှတမှု မရှိတာဖြစ်ကြောင်း ပြောကြားခဲ့ပါတယ်။
နီပေါနိုင်ငံမှာ ပြီးခဲ့တဲ့နှစ်တွေအတွင်း လိင်ပိုင်းဆိုင်ရာ စော်ကားမှု အဖြစ်အပျက်တွေဟာ သိသိသာသာ မြင့်တက်လာတယ်လို့ ရဲတပ်ဖွဲ့ရဲ့ အချက်အလက်တွေက ဆိုပါတယ်။
Ref: Aljazeera
