စက်တင်ဘာ ၂၁၊ ၂၀၁၈
M-Media
– ပါလက်စတိုင်းပိုင် ဂါဇာဒေသနဲ့ပတ်သက်ပြီး အစ္စရေးရဲ့လုပ်ရပ်တွေဟာ စစ်ရာဇ၀တ်မှုတွေ ဖြစ်တယ်လို့ ဥရောပလွှတ်တော် ကိုယ်စားလှယ်အဖွဲ့ခေါင်းဆောင်က ပြောကြားလိုက်ပါတယ်။
အစ္စရေးရဲ့ ပိတ်ဆို့ထားမှုကြောင့် ဂါဇာမှာ ဖြစ်ပေါ်နေတဲ့ လူသားချင်း စာနာထောက်ထားမှုဆိုင်ရာ အခြေအနေတွေကို လေ့လာစောင့်ကြည့်ဖို့အတွက် ဥရောပလွှတ်တော်က ကိုယ်စားလှယ်အဖွဲ့ဟာ ဂါဇာကို ၃ ရက်တာ သွားရောက်ဖို့ စီစဉ်ထားတာပါ။
ဒါပေမယ့် မနေ့က ဂါဇာကို ၀င်ရောက်ဖို့ ကြိုးစားရာမှာ အစ္စရေးက ၀င်ခွင့်မပြုခဲ့ပါဘူး။
ကိုယ်စားလှယ်အဖွဲ့ခေါင်းဆောင် နီယွတ်လစ် ဆီလီကီယိုတစ်က အစ္စရေးရဲ့ ဒီလိုဝင်ခွင့်မပြုတဲ့ အဓိကအကြောင်းအရင်းဟာ ဂါဇာမှာ ဖြစ်ပျက်နေတာတွေကို ‘ဥရောပကိုယ်စားလှယ်အဖွဲ့ မြင်သွားမှာ စိုးရိမ်တဲ့အတွက်’ ဖြစ်တယ်လို့ ပြောကြားခဲ့ပါတယ်။
“ဂါဇာမှာဖြစ်ပျက်နေတာတွေဟာ စစ်ရာဇ၀တ်မှုလို့ ကျွန်တော်မြင်ပါတယ်။ ဒါကို နိုင်ငံတကာအသိုင်းအ၀ိုင်းကသိအောင် ကျွန်တော်တို့ လုပ်ရမယ်။ အစ္စရေးရဲ့ ကျူးကျော်အိမ်ယာတွေကလည်း စစ်ရာဇ၀တ်မှု ဖြစ်ပါတယ်”
အစ္စရေးအာဏာပိုင်တွေဟာ ၂၀၁၁ ခုနှစ်ကတည်းက ဥရောပကိုယ်စားလှယ်အဖွဲ့ ဂါဇာကိုဝင်ရောက်ဖို့ ကြိုးစားမှုကို ပိတ်ပင်ခဲ့တာ ဖြစ်ပါတယ်။
ဥရောပလွှတ်တော်က စောစောပိုင်းထုတ်ပြန်တဲ့ ကြေငြာချက်မှာ ဆီလီကီယိုတစ်က ‘အစ္စရေးရဲ့ တရားမဲ့တဲ့ ဒီဆုံးဖြတ်ချက်ကို လက်မခံနိုင်ကြောင်း’ ဂါဇာက ဆိုးရွားတဲ့အချိန်အနေတွေကို ဥရောပကိုယ်စားလှယ်တွေ မြင်တွေ့မှာကို အစ္စရေးက ‘စိုးရိမ်နေကြာင်း’ ပြောကြားခဲ့ပါတယ်။
ဥရောပလွှတ်တော်ကလည်း ဂါဇာကို ပါလက်စတိုင်းအာဏာပိုင်အဖွဲ့က ပြန်လည်စီမံနိုင်ရေး ဆော်သြခဲ့ပြီး ‘ဂါဇာကို ပိတ်ဆို့ထားမှုကို အဆုံးသတ်ရေး’ အစ္စရေးကို ဖိအားပေးဖို့ နိုင်ငံတကာအသိုင်းအ၀ိုင်းကို တိုက်တွန်းခဲ့ပါတယ်။
ဂါဇာမှာ ပါလက်စတိုင်းပြည် ၂ သန်းဝန်းကျင် နေထိုင်ပြီး အစ္စရေးက ကမ်းမြှောင်ကို ပိတ်ဆို့ထားတာဟာ ၁၀ စုနှစ်တစ်ခု ကျော်လာခဲ့ပြီ ဖြစ်ပါတယ်။
Ref: RT
