စက်တင်ဘာ ၅၊ ၂၀၁၈
M-Media
– နိုင်ငံတကာက ပြုပြင်ပြောင်းလဲရေးဝါဒီတစ်ဦးလို့ သတ်မှတ်ထားတဲ့ နာမည်ကျော် အစ္စလာမ့်ဓမ္မပညာရှင် ဆလ်မန် အလ်-အောင်ဒါကို ဆော်ဒီအစိုးရရှေ့နေတွေက သေဒဏ်ပေးဖို့ တရားရုံးမှာ တောင်းဆိုလိုက်ပါတယ်။
မနှစ်က အိမ်ရှေ့မင်းသား မိုဟာမက် ဘင် ဆလ်မန်တစ်ယောက် သူနဲ့သဘောထားကွဲလွဲသူတွေကို နှိမ်နှင်းမှုအတွင်း အလ်-အောင်ဒါဟာ စက်တင်ဘာလမှာ ဖမ်းဆီးခံလိုက်ရတာ ဖြစ်ပါတယ်။
မနေ့က တရားစွဲဆိုမှုအတွင်း အစိုးရရှေ့နေတွေက စွဲချက်ပေါင်း ၃၇ ခု တင်ခဲ့ပြီး အသက် ၆၁ နှစ်အရွယ် အလ်-အောင်ဒါကို သေဒဏ်ပေးဖို့ တောင်းဆိုခဲ့ပါတယ်။
လန်ဒန်အခြေစိုက် ဆော်ဒီလူ့အခွင့်အရေးအဖွဲ့ ALQST နဲ့ အခြား တက်ကြွလှုပ်ရှားသူတွေက စွဲချက်တွေထဲမှာ တော်ဝင်မိသားစုကို ဆန့်ကျင်အောင် လှုံ့ဆော်မှု၊ ကွဲလွဲတဲ့ သဘောထားတွေ ဖြန့်ဝေမှု စတာတွေ ပါဝင်တယ်လို့ ပြောကြားခဲ့ပါတယ်။
အလ်-အောင်ဒါရဲ့ သားဖြစ်သူ အဘ်ဒူလာက သူ့ဖခင်ကို ဆော်ဒီအစိုးရက တရားစွဲဆိုမှုတွေထဲမှာ တမန်တော်မိုဟမ္မဒ်သခင်ရဲ့ ကိုယ်ကျင့်တရားတွေကို မြှင့်တင်ဖို့ရည်ရွယ်တဲ့ Al-Nusra အဖွဲ့ ကူဝိတ်မှာ တည်ထောင်မှု၊ ဥရောပ ဖသ်ဝါဓမ္မသတ်နှင့် သုတေသနကောင်စီမှာ ပါဝင်မှု၊ နိုင်ငံတကာ မွတ်စလင်ဓမ္မပညာရှင်များ သမဂ္ဂမှာ ပါဝင်မှု၊ Twitter မှာ စာရေးသားမှုတွေနဲ့ ပတ်သက်တဲ့ စွဲချက်တွေ ပါဝင်တယ်လို့ ပြောကြားခဲ့ပါတယ်။
နိုင်ငံတကာ လူ့အခွင့်အရေးအဖွဲ့ Amnesty International ရဲ့ ဆော်ဒီအရေး တက်ကြွလှုပ်ရှားသူ ဒါနာ အဟ်မဒ်က ဆော်ဒီရဲ့ ဒီလိုတရားစွဲဆိုမှုဟာ စိတ်ပျက်စရာကောင်းပြီး အုပ်ချုပ်သူမိသားစုနဲ့ အမြင်မတူကြောင်း ပြောရင် သေဒဏ်ကျခံရမယ်ဆိုတဲ့ ကြောက်စရာ သတင်းစကားတစ်ခုကို ပေးလိုက်တာဖြစ်တယ်လို့ ပြောကြားခဲ့ပါတယ်။
ဆော်ဒီ တော်ဝင်အသိုင်းအ၀ိုင်းဖြစ်တဲ့ အလ်-ဆာအွဒ် မိသားစုဟာ သူတို့နဲ့ သဘောထား မတူသူတွေကို ပြင်းပြင်းထန်ထန် နှိပ်ကွပ်လေ့ရှိပါတယ်။
အလ်-အောင်ဒါဟာ နိုင်ငံရေး ပြုပြင်ပြောင်းလဲမှုလုပ်ဖို့ ဆော်သြတိုက်တွန်းတဲ့အတွက် ၁၉၉၄ ခုနှစ်ကနေ ၁၉၉၉ ခုနှစ်အထိ ထောင်ချခံခဲ့ရပါတယ်။ ၂၀၁၁ ခုနှစ်မှာလည်း အလ်-အောင်ဒါက ရွေးကောက်ပွဲ ကျင်းပရေး၊ အာဏာခွဲဝေရေး ဆော်သြတိုက်တွန်းခဲ့ပါတယ်။
၂၀၁၇ ခုနှစ်အတွင်း အိမ်ရှေ့မင်းသား မိုဟာမက် ဘင် ဆလ်မန်ဟာ ပြုပြင်ပြောင်းလဲရေးသမားတွေကို အကြီးအကျယ် ဖမ်းဆီးခဲ့ပြီး အဲဒီအထဲမှာ ထိပ်တန်း အစ္စလာမ့်ဓမ္မပညာရှင်တွေဖြစ်တဲ့ အ၀ဒ် အလ်-ကာရ်နီ၊ ဖာရ်ဟန် အလ်-မာလ်ကီ၊ မိုစတာဖာ ဟာဆန်၊ ဆာဖရ် အလ်-ဟာဝါလီတို့လည်း ပါဝင်ခဲ့ပါတယ်။
Ref: Aljazeera
