သြဂုတ် ၂၇၊ ၂၀၁၈
M-Media
– ရိုဟင်ဂျာနဲ့ နိုင်ငံအတွင်းက အခြားသော တိုင်းရင်းသား လူနည်းစုတွေအပေါ် ကျူးလွန်မှုတွေအတွက် မြန်မာစစ်ခေါင်းဆောင်တွေကို စစ်ရာဇ၀တ်မှု၊ လူမျိုးတုန်းသတ်ဖြတ်မှုတွေနဲ့ တရားစွဲဆိုရမယ်လို့ ကုလ အချက်အလက်ရှာဖွေရေးအဖွဲ့က ဒီကနေ့ထုတ်ပြန်တဲ့ အစီရင်ခံစာမှာ ဖော်ပြထားပါတယ်။
အဲဒီအချက်အလက် ရှာဖွေရေးအဖွဲ့ကို ၂၀၁၇ ခုနှစ် မတ်လက ကုလ လူ့အခွင့်အရေးကောင်စီက ဖွဲ့စည်းခဲ့တာဖြစ်ပြီး ရခိုင်ပြည်နယ်အပါအ၀င် မြန်မာနိုင်ငံတစ်ဝှမ်းက တိုင်းရင်းသားတွေ၊ လူနည်းစုတွေ ကျူးလွန်ခံနေရတဲ့ ကိစ္စတွေကို စုံစမ်းစစ်ဆေး ဖော်ထုတ်ဖို့ ရည်ရွယ်ပါတယ်။ မြန်မာအစိုးရက ဒီအဖွဲ့ကို လက်မခံသလို ပြည်ဝင်ခွင့်လည်း မပေးပါဘူး။
အဖွဲ့ခေါင်းဆောင် မာဇူကီ ဒါရုစ်မန်က သူ့အဖွဲ့က စုံစမ်းစစ်ဆေးရေးမှုးတွေဟာ မျက်မြင်သက်သေတွေ၊ ကျူးလွန်ခံရသူ ၈၇၅ ဦးကို အင်တာဗျူးမှု၊ ဂြိုဟ်တုဓာတ်ပုံတွေ၊ အထောက်အထားခိုင်မာတဲ့ ဓာတ်ပုံတွေ၊ ဗီဒီယိုတွေကို အခြေခံကာ အချက်အလက် တော်တော်များများကို ရရှိခဲ့တယ်လို့ ဒီကနေ့ ဂျီနီဗာမှာ ပြောကြားခဲ့ပါတယ်။
စုံစမ်းလေ့လာမှုတွေအရ မြန်မာစစ်တပ်ရဲ့ ဆောင်ရွက်မှုတွေဟာ ‘နိုင်ငံတကာ ဥပဒေအရ အဆိုးရွားဆုံးလို့ သတ်မှတ်ထားတဲ့ ရာဇ၀တ်မှုတွေ မြောက်နေတယ်ဆိုတာ သံသယဖြစ်စရာမလိုဘူး’ လို့ အဖွဲ့ရဲ့ အစီရင်ခံစာမှာ ဖော်ပြထားပါတယ်။
ကျူးလွန်ခံရသူတွေဟာ သူ့ရဲ့ဘ၀မှာ ကြုံဖူးခဲ့သမျှ ‘အဆိုးရွားဆုံး လူ့အခွင့်အရေး ချိုးဖောက်မှုတွေကို ခံစားခဲ့ရတယ်’ လို့ မာဇူကီက ဆိုပြီး ‘ဒါတွေဟာ ကျန်လူတွေရဲ့ ဘ၀တစ်လျှောက်လုံးမှာ စိတ်အမာရွတ်အဖြစ် ကျန်ရှိသွားမှာဖြစ်တယ်’ လို့ ပြောကြားခဲ့ပါတယ်။
မြန်မာစစ်တပ်ဟာ ‘လူ့အသက်တွေကို လုံးဝ အလေးမထားခဲ့သလို’ ‘ဆိုးရွားလွန်းတဲ့ ရက်စက်ကြမ်းကြုတ်မှုတွေ’ ကို လုပ်ဆောင်ခဲ့တယ်လို့လည်း မာဇူကီက ထည့်သွင်းပြောဆိုခဲ့ပါတယ်။
ကချင်ပြည်နယ်၊ ရှမ်းပြည်နယ်နဲ့ ရခိုင်ပြည်နယ်တို့က ကျူးလွန်မှုတွေအတွက် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်အပါအ၀င် စစ်ခေါင်းဆောင် ၆ ဦးကို စုံစမ်းစစ်ဆေးကာ လူမျိုးတုန်းသတ်ဖြတ်မှု၊ စစ်ရာဇ၀တ်မှု၊ လူသားထုအပေါ် ကျူးလွန်တဲ့ ရာဇ၀တ်မှုနဲ့ တရားစွဲဆိုရမယ်လို့ အစီရင်ခံစာမှာ ဖော်ပြထားပါတယ်။
အစီရင်ခံစာမှာ တပ်မတော်လို့ခေါ်တဲ့ မြန်မာစစ်တပ်ကို အဓိကထား ဖော်ပြထားပေမယ့် အခြား လုံခြုံရေးတပ်ဖွဲ့တွေလည်း ကျူးလွန်မှုတွေမှာ ပါဝင်တယ်လို့ ဆိုပါတယ်။
“တွေ့ရာမြင်ရာ သတ်ဖြတ်တာ၊ အမျိုးသမီးတွေကို အဓမ္မကျင့်တာ၊ ကလေးငယ်တွေကို ညှင်းပမ်းစော်ကားတာ၊ ရွာလုံးကျွတ် မီးရှို့ဖျက်ဆီးတာတွေကို တရားမျှတကြောင်း ပြောဆိုတာဟာ စစ်တပ်က လုပ်ရမယ့်ကိစ္စမျိုး မဟုတ်ပါဘူး။ ရခိုင်ပြည်နယ်နဲ့ မြန်မာနိုင်ငံမြောက်ပိုင်းမှာ စစ်တပ်ရဲ့ လုပ်ဆောင်ချက်ဗျူဟာတွေဟာ အမှန်တကယ် လုံခြုံရေးဆိုင်ရာခြိမ်းခြောက်မှုကို တုန့်ပြန်တာထက် အများကြီးကို ဆိုးရွားလွန်လွန်းနေပါတယ်” လို့ အစီရင်ခံစာမှာ ဖော်ပြထားပါတယ်။
စုံစမ်းစစ်ဆေးရေးအဖွဲ့ဝင်တစ်ဦးဖြစ်တဲ့ ခရစ္စတိုဖာ ဆီဒိုတီက အစီရင်ခံစာမှာ ဖော်ပြထားတဲ့ အချက်အလက်တွေကို အရေးယူဖို့အတွက် ကုလလုံခြုံရေးကောင်စီနဲ့ ကုလအထွေထွေညီလာခံကို တိုက်တွန်းခဲ့ပါတယ်။
အစီရင်ခံစာမှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုလည်း ဝေဖန်ခဲ့ပြီး စစ်တပ်ရဲ့ လုပ်ရပ်တွေကို တားဆီးမှုမရှိဘူးလို့ ပြစ်တင်ထားပါတယ်။
ကုလဆိုင်ရာ မြန်မာနိုင်ငံသံအမတ်ကြီး ဦးဟောက်ဒိုဆွမ်းကတော့ အစီရင်ခံစာဟာ တစ်ဖက်သက်အချက်အလက်ကို အခြေခံရေးထားတာဖြစ်ပြီး၊ မြန်မာအစိုးရကိုယ်တိုင်က အချက်အလက်ရှာဖွေရေးအဖွဲ့ကို လက်မခံကြောင်း၊ မိမိတို့ရဲ့ ရပ်တည်ချက်အတိုင်း ဆက်လက်လုပ်ဆောင်သွားမှာဖြစ်ကြောင်း ဘီဘီစီသတင်းဌာနကို ဖြေကြားခဲ့ပါတယ်။
Ref: Aljazeera, BBC
