News @ M-Media

Blog

  • အစွန်းရောက်များကြောင့် သာသနာမှေးမှိန်ရသည်ဟု မွတ်စလင်လိဂ်အကြီးအကဲ ပြော

    အစွန်းရောက်များကြောင့် သာသနာမှေးမှိန်ရသည်ဟု မွတ်စလင်လိဂ်အကြီးအကဲ ပြော

    သြဂယတ် ၂၉၊ ၂၀၁၈
    M-Media

    ဒေါက်တာ မိုဟာမက် ဘင် အဘ်ဒူလ်ကရင်မ် အလ်-အီဆာ

    – မကျေလည်မှုတွေ၊ ပြဿနာတွေကို အပြန်အလှန် လေးစားမှုကို အခြေခံကာ ဆွေးနွေးမှု၊ နားလည်မှုတွေနဲ့ ဖြေရှင်းဖို့လိုပြီး အစွန်းရောက် အကြမ်းဖက်တဲ့နည်းတွေကို မသုံးဖို့ ‘ကမ္ဘာမွတ်စလင်လိဂ်’ အဖွဲ့ရဲ့ အထွေထွေအတွင်းရေးမှူး ဒေါက်တာ မိုဟာမက် ဘင် အဘ်ဒူလ်ကရင်မ် အလ်-အီဆာက တိုက်တွန်းလိုက်ပါတယ်။

    အီတလီနိုင်ငံ ရီမီနီမြို့မှာ ပြုလုပ်တဲ့ ၃၉ ကြိမ်မြောက် Meeting for Friendship Among Peoples ဆွေးနွေးပွဲမှာ ကမ္ဘာ့ အစ္စလာမ်ဘာသာဝင်တွေကိုယ်စား တက်ရောက်မှုတွင်း အလ်-အီဆာက ဒီလို ပြောကြားခဲ့တာပါ။

    အီဆာက အစ္စလာမ်ဘာသာဝင်တွေအနေနဲ့ သာသနာရဲ့ သွန်သင်ဆုံးမမှုတွေဖြစ်တဲ့ ငြိမ်းချမ်းရေးနဲ့ သဟဇာတဖြစ်မှုတွေကို မြှင့်တင်ပြီး လူနည်းစုတွေ၊ အမျိုးသမီးတွေရဲ့ အခွင့်အရေး၊ ပြောင်းရွှေ့အခြေချမှုကိစ္စတွေ၊ လူကုန်ကူးမှု၊ ဆင်းရဲမွဲတွေမှု၊ ပညာမတတ်မှု စတဲ့ ပြဿနာတွေကို စုပေါင်းဖြေရှင်းသွားဖို့လည်း ဆော်သြခဲ့ပါတယ်။

    တစ်ပတ်တာကြာမြင့်မယ့် အဲဒီဆွေးနွေးပွဲမှာ ကမ္ဘာတစ်ဝှမ်းက တတ်သိပညာရှင်တွေ၊ အဖွဲ့အစည်းခေါင်းဆောင်တွေ စုစုပေါင်း ၅ ထောင်ကျော်လောက် တက်ရောက်ခဲ့ပြီး ကဏ္ဍပေါင်းစုံကို ဆွေးနွေးခဲ့ကြပါတယ်။

    နှစ်စဉ်ကျင်းပပြုလုပ်ခဲ့တဲ့ ဒီအခမ်းအနားမှာ အစ္စလာမ့်ရေးရာနဲ့ ယဉ်ကျေးမှုးဆိုင်ရာ သဘောထားတွေကို ထည့်သွင်းဆွေးနွေးဖို့ စီစဉ်တာဟာ ပထမဆုံးအကြိမ်လည်း ဖြစ်ပါတယ်။

    အလ်-အီဆာက ဘုရားသခင်ဟာ အသားအရောင်၊ ဘာသာစကား၊ အယူဝါဒ၊ အတွေးအခေါ်၊ ယဉ်ကျေးမှု မတူသူတွေအကြား ညီညွတ်စွာ နေထိုင်ကြဖို့ လူသားတွေကို တိုက်တွန်းထားတယ်လို့ ထည့်သွင်းပြောဆိုခဲ့ပါတယ်။

    “မေတ္တာတရားနဲ့ အကောင်းမြင်စိတ် ကိန်းဝပ်တဲ့ နှလုံးသားရှိသူတွေသည်သာလျှင် အလ္လာဟ်အရှင်မြတ်ရဲ့ အသနားတော်ကို ရရှိခံစားနိုင်မှာ ဖြစ်ပြီး၊ ဆွေးနွေးမှု၊ အတူယှဉ်တွဲနေထိုင်မှု၊ ပူးပေါင်းဆောင်ရွက်မှုနဲ့ ငြိမ်းချမ်းရေးကို မြှင့်တင်ပေးတဲ့ လူသားဆန်မှုကို ရရှိမှာဖြစ်ပါတယ်”

    အသိပညာခေါင်းပါးပြီး၊ ဘာသာရေးအယူသည်းမှု၊ အစွန်းရောက် အယူအဆတွေ ရှိနေတဲ့ အဖွဲ့အစည်းအတွေနဲ့ ပတ်သက်ပြီးတော့လည်း အလ်-အီဆာက သတိပေးခဲ့ပါတယ်။

    “ဘာသာတိုင်းမှာ ဒီလို အစွန်းထွက်နေတဲ့အုပ်စုတွေ အရင်ကတည်းက ရှိခဲ့တာပါ။ ဉာဉ်ကိုက အစွန်းရောက်နေသူတွေမှာ ဘာသာတရားဆိုတာ မရှိပါဘူး။ ဘာသာတိုင်းမှာ အစွန်းရောက်နေတဲ့သူတွေ ရှိနေပါတယ်”

    အစ္စလာမ်ဟာ ချစ်ခြင်းမေတ္တာ၊ အတူယှဉ်တွဲနေထိုင်မှုကို အားပေးတဲ့ သာသနာဖြစ်ပြီး အစွန်းရောက်တွေကြောင့် သာသနာဟာ မှေးမှိန်နေရကြောင်း၊ လူ့သဘာဝနဲ့ မကိုက်ညီဘူးဆိုရင် အခုလို နှစ်ပေါင်း ၁၄၀၀ လောက် ရှင်သန်လာမှာ မဟုတ်ကြောင်း အလ်-အီဆာက ထည့်သွင်းပြောကြားခဲ့ပါတယ်။

    Ref: Arab News

  • ဗုဒ္ဓဟူးနေ့မနက် နိုင်ငံတကာသတင်းများ

    ဗုဒ္ဓဟူးနေ့မနက် နိုင်ငံတကာသတင်းများ

    သြဂုတ် ၂၉၊ ၂၀၁၈
    M-Media

    တမန်တော်မိုဟာမက် ရုပ်ပြောင်းကာတွန်းပြိုင်ပွဲကျင်းပရန် စီစဉ်သည့် ဂါ့တ်ဝိုင်းလ်ဒါး

    အစ္စလာမ်ဆန့်ကျင်ရေးလွှတ်တော်အမတ်အား တိုက်ခိုက်ရန်ကြံစည်သူတစ်ဦးကို နယ်သာလန်ဖမ်းဆီး
    =============
    တမန်တော်မိုဟာမက်ကို စော်ကားတဲ့ ရုပ်ပြောင်ကာတွန်းပြိုင်ပွဲ ကျင်းပဖို့ စီစဉ်နေတဲ့ လက်ယာစွန်းရောက် လွှတ်တော်အမတ် ဂါ့တ် ၀ိုင်းလ်ဒါးကို တိုက်ခိုက်ဖို့ ကြံစည်မှုနဲ့ အသက် ၂၆ နှစ်အရွယ် အမျိုးသားတစ်ဦးကို နယ်သာလန် ရဲတပ်ဖွဲ့က မနေ့မှာ ဖမ်းဆီးလိုက်ပါတယ်။ လက်ရှိမှာ သူ့ကို စစ်ဆေးမေးမြန်းမှုတွေ ပြုလုပ်နေပြီး အခုတစ်ပတ်အတွင်းမှာ တရားစွဲဆိုသွားဖို့ ရှိနေပါတယ်။ ၀ိုင်းလ်ဒါးဟာ အဲဒီ ကာတွန်းပြိုင်ပွဲကို လာမယ့်လမှာ ကျင်းပဖို့ စီစဉ်နေတာဖြစ်ပြီး တစ်ပါးသူရဲ့ ဘာသာရေးခံယူချက်ကို ထိခိုက်နစ်နာအောင်လုပ်ဖို့ ရည်ရွယ်တဲ့အတွက် ကမ္ဘာတစ်ဝှမ်းက ဝေဖန်မှုတွေလည်း ရှိနေပါတယ်။

    လူမည်းလူငယ်ကို ပစ်သတ်ခဲ့သည့် အမေရိကန်ရဲ ထောင် ၉၉ နှစ်အထိ ကျခံရနိုင်
    =================
    ပြီးခဲ့တဲ့နှစ် ဧပြီလက ဒါးလက်စ်မြို့ ဆင်ခြေဖုံးမှာ လူမည်းလူငယ်တစ်ဦးကို ပစ်ခတ်သတ်ဖြတ်မှုအတွက် ရဲအရာရှိဟောင်း ရိုင်အိုလီဗာဟာ အပြစ်ရှိတယ်လို့ တက္ကဆက်ပြည်နယ် တရားရုံးက မနေ့မှာ ဆုံးဖြတ်လိုက်ပါတယ်။ လူမည်းလူငယ်တစ်စုဟာ ကားနဲ့ ပါတီကနေ ပြန်လာတဲ့အချိန် အိုလီဗာရဲ့ ပစ်ခတ်မှုကြောင့် အသက် ၁၅ နှစ်အရွယ် ဂျော်ဒါန် အက်ဒ်ဝပ်ဆိုသူ လူငယ်တစ်ဦး သေဆုံးခဲ့တာပါ။ အိုလီဗာက ကားဟာ သူ့ကို ၀င်တိုက်ဖို့ကြိုးစားလို့ ပစ်ခတ်ခဲ့ရတာလို့ ပြောပေမယ့် စစ်ဆေးမှုတွေအရ ကားဟာ သူနဲ့အဝေးကို မောင်းထွက်သွားတာကို တွေ့ခဲ့ရပါတယ်။ ဒီအမှုအတွက် သူဟာ ထောင် ၅ နှစ်ကနေ ၉၉ နှစ်အထိ ကျခံရဖို့ ရှိပါတယ်။

    မြေထဲပင်လယ်တွင် ရုရှားက ရေတပ်အင်အား အကြီးအကျယ် ဖြည့်တင်း
    ===============
    ဆီးရီးယားသမ္မတ ဘာရှာ အလ်အာဆတ်ရဲ့တပ်တွေဟာ နိုင်ငံမြောက်ပိုင်း အီဒလစ်ဘ်ပြည်နယ်က သူပုန်တွေရဲ့ နောက်ဆုံးခြေကုပ်မြို့ကို တိုက်ခိုက်သိမ်းပိုက်ဖို့ ရှိနေတဲ့အချိန် အာဆတ်ရဲ့ မဟာမိတ်ဖြစ်တဲ့ ရုရှားကလည်း မြေထဲပင်လယ်မှာ ရေတပ်အင်အား အကြီးအကျယ် ဖြည့်တင်းမှုတွေ ပြုလုပ်နေပါတယ်။ အမေရိကန်ဟာ ဆီးရီးယားအစိုးကို တိုက်ဖို့အတွက် အရှေ့အလယ်ပိုင်းမှာ စစ်အင်အား ဖြည့်တင်းနေတယ်လို့ ရုရှားက စွပ်စွဲထားပြီး၊ အမေရိကန်ကလည်း အီဒလစ်ဘ်မှာ ရုရှားနဲ့ အာဆတ်အစိုးရက ဓာတုလက်နက်နဲ့ တိုက်ခိုက်မှုတွေ လုပ်မယ်ဆိုရင် တုန့်ပြန်သွားမယ်လို့ မနေ့မှာ ခြိမ်းခြောက်ထားပါတယ်။ ရုရှားရဲ့ အခုစစ်အင်အားဖြည့်တင်းမှုမှာ ရေငုပ်သင်္ဘောတွေပါ ပါဝင်လာပြီး ၂၀၁၅ ခုနှစ် ဆီးရီးယားစစ်ပွဲမှာ ပါဝင်ပြီးနောက်ပိုင်း အကြီးမားဆုံး စစ်ရေးပြင်ဆင်မှုလည်း ဖြစ်ပါတယ်။

    Ref: Aljazeera

  • စစ်အေးခေတ်နောက်ပိုင်း အကြီးမားဆုံး စစ်ရေးလေ့ကျင်မှုကို ရုရှား ပြုလုပ်မည်

    စစ်အေးခေတ်နောက်ပိုင်း အကြီးမားဆုံး စစ်ရေးလေ့ကျင်မှုကို ရုရှား ပြုလုပ်မည်

    သြဂုတ် ၂၈၊ ၂၀၁၈
    M-Media

    – ၁၉၈၁ ခုနှစ်နောက်ပိုင်း အကြီးမားဆုံး စစ်ရေးလေ့ကျင်မှုတစ်ခုကို နောက်လမှာ ပြုလုပ်ဖို့ စီစဉ်နေတယ်လို့ ရုရှား ကာကွယ်ရေးဝန်ကြီး ဆာဂျီရှီဂူက ပြောကြားလိုက်ပါတယ်။

    စစ်သားပေါင်း ၃ သိန်းလောက်ပါဝင်မယ့် အဲဒီ စစ်ရေးလေ့ကျင့်မှုကို Vostok-2018 လို့ အမည်ပေးထားပြီး ရုရှားနိုင်ငံ အလယ်ပိုင်းနဲ့ အရှေ့ပိုင်းတို့မှာ ပြုလုပ်သွားမှာ ဖြစ်ပါတယ်။ စက်တင်ဘာ ၁၁ ရက်နေ့ကနေ ၁၅ ရက်နေ့အထိ ကျင်းပမှာဖြစ်ပြီး တရုတ်နဲ့ မွန်ဂိုလီးယားတို့က တပ်ဖွဲ့တွေလည်း စစ်ရေးလေ့ကျင့်မှုမှာ ပူးပေါင်းဖို့ ရှိနေပါတယ်။

    ရုရှားဟာ အခုနှစ်ပိုင်းအတွင်းမှာ အမေရိကန်ဦးဆောင်တဲ့ နေတိုးအဖွဲ့နဲ့ တင်းမာမှုတွေ မြင့်တက်လာခဲ့ပြီးတဲ့နောက် စစ်ရေးလေ့ကျင့်မှုတွေကို ခပ်စိပ်စိပ် ပြုလုပ်လာပါတယ်။

    လာမယ့်လ စစ်ရေးလေ့ကျင့်မှုမှာ စစ်သုံးယဉ် ၃၆၀၀၀၊ လေယာဉ် တစ်ထောင်ကျော် သုံးစွဲသွားမှာ ဖြစ်ပြီး လေထီးတပ်ဖွဲ့တွေနဲ့ ရေတပ်တွေလည်း ပါဝင်မှာ ဖြစ်ပါတယ်။ ရုရှားရဲ့ စစ်သည်အင်အားဟာ ၁ သန်းလောက်ရှိတယ်လို့ ခန့်မှန်းရပါတယ်။

    Vostok-2018 စစ်ရေးလေ့ကျင့်မှုမှာ ပါဝင်မယ့် စစ်အင်အားဟာ ဒုတိယကမ္ဘာစစ်က ဖြစ်ပွားခဲ့တဲ့ စစ်ပွဲကြီး ၃ ပွဲက တစ်ပွဲမှာ သုံးစွဲခဲ့တဲ့ အရေအတွက်လောက် ရှိနေပါတယ်။

    Ref: BBC

  • ရှမ်းပြည်ညီညွတ်ရေးကော်မတီ၏ အစည်းအဝေးကို အစိုးရက ခွင့်မပြု

    ရှမ်းပြည်ညီညွတ်ရေးကော်မတီ၏ အစည်းအဝေးကို အစိုးရက ခွင့်မပြု

    သြဂုတ် ၂၈၊ ၂၀၁၈
    M-Media

    – ရှမ်းပြည်နယ် တောင်ကြီးမြို့မှာ ရှမ်းပြည်ညီညွတ်ရေးကော်မတီ (CSSU) က ၂ ရက်ကြာ ကျင်းပဖို့ စီစဉ်ထားတဲ့ အစည်းအဝေးကို မြန်မာအစိုးရက ခွင့်မပြုဘူးလို့ သိရပါတယ်။

    CSSU ဟာ အရပ်ဖက်အဖွဲ့အစည်းတွေ၊ နိုင်ငံရေးပါတီတွေနဲ့ ရှမ်းလက်နက်ကိုင်အဖွဲ့နှစ်ခုဖြစ်တဲ့ ရှမ်းပြည် ပြန်လည်ထူထောင်ရေးကောင်စီ RCSS၊ ရှမ်းပြည်တိုးတက်ရေးပါတီတို့ ပူးပေါင်းထားတဲ့ မဟာမိတ်အဖွဲ့တစ်ခု ဖြစ်ပါတယ်။

    ဒီအဖွဲ့ဟာ နိုင်ငံရေး၊ စီးပွားရေး၊ လူမှုရေး၊ လုံခြုံရေးဆိုင်ရာ ကိစ္စတွေ၊ မြေယာနဲ့ သဘာဝပတ်ဝန်းကျင်ဆိုင်ရာ ကိစ္စတွေကို ပုံမှန် ညှိနှိုင်းဆွေးနွေးလေ့ ရှိပါတယ်။

    စက်တင်ဘာ ၃ ရက်နဲ့ ၄ ရက်နေ့တွေမှာ ပြုလုပ်ဖို့ စီစဉ်ထားတဲ့ အစည်းအဝေးအတွက် CSSU က ပြီးခဲ့တဲ့တစ်ပတ်မှာ ခွင့်ပြုချက်တင်ခဲ့ပေမယ့် ဒါကို အစိုးရက လုပ်ခွင့်မပြုဘူးလို့ အစိုးရရဲ့ အမျိုးသား ရင်ကြားစေ့ရေးနဲ့ ငြိမ်းချမ်းရေးစင်တာ NRPC က မနေ့မှာ အကြောင်းကြားခဲ့ပါတယ်။

    “တွေ့ဆုံပွဲလုပ်ဖို့ ကျွန်တော်တို့ကို ခွင့်မပြုဘူး။ ဘာ့ကြောင့် ခွင့်မပြုရလဲဆိုတာကိုလည်း မပြောပါဘူး” လို့ CSSU ရဲ့ ဥက္ကဌ စိုင်းအိုက်ပိုက ပြောကြားခဲ့ပါတယ်။

    ဒီအတွက် ဖြေရှင်းချက်တစ်စောင်ကို NRPC က မကြာခင် ပေးအပ်မယ်လို့ သိရကြောင်းလည်း သူက ပြောပါတယ်။

    “ဆွေးနွေးပွဲအတွက် ဟိုတယ်တွေလည်း စီစဉ်ထားပြီးပါပြီ။ ကျွန်တော်တို့ တော်တော်လေး စိတ်ပျက်ရပါတယ်။ ကျွန်တော်တို့ကို ဘာ့ကြောင့် ခွင့်မပြုလဲဆိုတာ နားမလည်ပါဘူး။ ကျွန်တော်တို့တွေဟာ တိုင်းရင်းသား ညီအစ်ကိုမောင်နှမတွေပါပဲ”

    ပြီးခဲ့တဲ့ ဇူလိုင်လက ထိုင်းနိုင်ငံ ချင်းမိုင်မြို့မှာ ပြုလုပ်ဖို့ စီစဉ်ထားတဲ့ CSSU ရဲ့ အစည်းအဝေးကို မြန်မာအစိုးရက ကန့်ကွက်တာကြောင့် ထိုင်းအာဏာပိုင်တွေက ပိတ်ပင်ခဲ့ပါတယ်။

    စိုင်းအိုက်ပိုက NLD အစိုးရ အာဏာရပြီးတဲ့နောက်ပိုင်း CSSU ရဲ့ အစည်းအဝေး ၃ ကြိမ် ပြုလုပ်ဖို့ ခွင့်ပြုချက်တောင်းရာမှာ တစ်ကြိမ်သာ ခွင့်ပြုချက်ရခဲ့ပြီး၊ လက်ရှိအစိုးရဟာ ယခင် ဦးသိန်းစိန်အစိုးရလောက် ဆက်ဆံလို့မကောင်းဘူးလို့လည်း ဆိုပါတယ်။

    ဒီလို ပိတ်ပင်မှုအတွက် အခြား ရှမ်းခေါင်းဆောင်တွေကလည်း မြန်မာအစိုးရကို ပြင်တင်ပြောဆိုခဲ့ပါတယ်။

    Ref: Irrawaddy

  • ဇာတ်နိမ့်များ၏ အခွင့်အရေး တောင်းဆိုသူများကို အိန္ဒိယက ပစ်မှတ်ထား ဖမ်းဆီး

    ဇာတ်နိမ့်များ၏ အခွင့်အရေး တောင်းဆိုသူများကို အိန္ဒိယက ပစ်မှတ်ထား ဖမ်းဆီး

    သြဂုတ် ၂၈၊ ၂၀၁၈
    M-Media

    မိမိတို့အခွင့်အရေး ရရှိရန် ဒါလစ်များ ဆန္ဒပြမှု မြင်ကွင်း

    – အိန္ဒိယနိုင်ငံအနောက်ပိုင်း မဟာရက်ရ်ှထရာပြည်နယ်မှာ အခုနှစ်အစောပိုင်းက ဖြစ်ပွားခဲ့တဲ့ ဇာတ်မတူသူတွေအကြား အကြမ်းဖက်မှုနဲ့ ဆက်စက်ပြီး အိန္ဒိယက ထင်ရှားတဲ့ တက်ကြွလှုပ်ရှားသူ ၃ ဦးကို ဖမ်းဆီးလိုက်ပါတယ်။

    ဆူဒ်ဟာ ဘာရဒ်ဝဂ်ျ၊ ဂေါက်သမ် နဗ်လာခါနဲ့ ဗာရာဗရာ ရာအိုတို့ဖြစ်ပြီး သူတို့ရဲ့ နေအိမ်တွေမှာ ဖမ်းဆီးခံခဲ့ရတာ ဖြစ်ပါတယ်။

    ဒီလို အကြမ်းဖက်မှုအတွက် အိန္ဒိယရဲတပ်ဖွဲ့ဟာ လက်ဝဲ၀ါဒီ ရှေ့နေတွေနဲ့ ပညာရှင်တွေရဲ့ အိမ်တွေကို ၀င်ရောက်စီးနင်းခဲ့သလို၊ ဇွန်လက လူ ၅ ဦးကို ဖမ်းဆီးခဲ့ပါတယ်။

    ၂၀၁၇ ခုနှစ် ဒီဇင်ဘာမှာ ဒါလစ်ဇာတ်နိမ့်တွေဟာ ဇာတ်မြင့်တွေရဲ့ ဖိနှိပ်ချုပ်ခြယ်မှုကို ပထမဆုံးတွန်းလှန်နိုင်ခဲ့မှု နှစ် ၂၀၀ ပြည့်အခမ်းအနားကို ပူနေးမြို့မှာ လူစုလူဝေးနဲ့ ကျင်းပခဲ့ကြပါတယ်။ အဲဒီနောက်ပိုင်းမှာ ဇာတ်နိမ့်တွေနဲ့ ဇာတ်မြင့်တွေအကြား တိုက်ခိုက်မှုတွေ ဖြစ်ပွားခဲ့ကာ လူတစ်ဦး သေဆုံးခဲ့ပါတယ်။

    ရဲတပ်ဖွဲ့က အဲဒီ တက်ကြွလှုပ်ရှားသူ ၃ ဦးဟာ ဒါလစ်ဇာတ်နိမ့်တွေကို လှုံ့ဆော်ခဲ့တယ်လို့ ဆိုပါတယ်။

    လေ့လာဆန်းစစ်သူတွေကတော့ ဒီလို စီးနင်းဖမ်းဆီးမှုဟာ အာဏာရ ဟိန္ဒူ အမျိုးသားရေးပါတီ BJP အပေါ် ဆန့်ကျင်မှုကို နှိမ်နှင်းတာ ဖြစ်တယ်လို့ ပြောကြားခဲ့ပါတယ်။

    Booker Prize ဆုရ စာရေးဆရာ အေရွန်ဒါတီရွိုင်းက အိန္ဒိယအာဏာပိုင်တွေဟာ တရားမျှမှုအတွက် လှုပ်ရှားသူတွေ၊ ဟိန္ဒူကြီးစိုးမှု ဆန့်ကျင်သူတွေကို ဒုက္ခပေးတာဖြစ်တယ်လို့ ဆိုပါတယ်။

    “လူတွေကို လူပုံအလယ်မှာ ရိုက်သတ်တဲ့သူတွေကို ဖမ်းဆီးရမယ့်အစား ရဲတွေဟာ ဒါလစ်ဇာတ်နိမ့်တွေရဲ့ အခွင့်အရေးအတွက် တိုက်ပွဲဝင်နေတဲ့ ရှေ့နေတွေ၊ ကဗျာဆရာတွေ၊ စာရေးဆရာတွေကို ဖမ်းဆီးနေပါတယ်။ အိန္ဒိဟာ ဘယ်လမ်းကြောင်းကို သွားနေလဲဆိုတာ ဒါက ပြသတာလည်း ဖြစ်ပါတယ်”

    ဒါလစ်အရေး တက်ကြွလှုပ်ရှားသူတွေကို ဖမ်းဆီးမှုနဲ့ပတ်သက်ပြီး အိန္ဒိယက ထင်ရှားကျော်ကြားသူအချို့ကလည်း ဆိုရှယ်မီဒီယာကနေ ဝေဖန်ခဲ့ကြပါတယ်။

    Ref: BBC