ထိပ်တန်း အလှူဒါနရှင်များ စာရင်း၌ ဗြိတိန် မွတ်စ်လင်မ်များပါဝင်

ဇူလိုင်-၂၂၊ ၂၀၁၃
M-Media

ဗြိတိန်မှ အလှူဒါနဆိုင်ရာ နာမည်ကျော် ၀က်ဘ်ဆိုဒ်တစ်ခုတွင် တင်ထားသည့် မှတ်တမ်းကောက်ချက်တစ်ရပ်၌အခြားသောဘာသာဝင်နှင့် နှိုင်းယှဉ်သော် ဗြိတိန်ရှိ မွတ်စ်လင်မ်များသည် ထိပ်တန်းအလှူဒါနရှင်များဖြစ်ကြောင်း တွေ့ရှိရသည် ဟုဆိုသည်။

“  ဇကာ့သ်အလှူဒါန ပေးအပ်မှုများမှာ ယခုအခါ တစ်ဖြည်းဖြည်းတိုးမြှင့်လာပြီး၊ ဗြိတိန်မွတ်စ်လင်မ် အသိုင်းအ၀ိုင်းများသည် အွန်လိုင်းမှတစ်ဆင့် အလှူဒါနပေးကမ်းခြင်းကို ထိပ်ဆုံးမှ အများဆုံးပြုလုပ်သူများဖြစ်လာကြောင်း ကျွန်တော်တို့၏ အချက်အလက်များမှ တစ်ဆင့်သိရှိရသည် ”  ဟု JustGiving ၀က်ဘ်ဆိုဒ်၏ စီမံခန့်ခွဲရေးအရာရှိချုပ် ဇာရင်း ခါရတ်စ် (ZarineKharas) မှ The Times သို့ ပြောကြားခဲ့သည်။

JustGiving ၀က်ဘ်ဆိုဒ် နှင့်အတူတွဲ၍ လူ ၄၀၀၀ ပါဝင်သည့် စစ်တမ်းကောက်ယူချက်တွင် မွတ်စ်လင်မ်များသည် အခြားသောဘာသာဝင်အုပ်စုများထက်  အလှူဒါန ပိုမို ပြုလုပ်ကြောင်း သိရှိရသည်။၎င်းစစ်တမ်းကောက်ယူချက်တွင် လွန်ခဲ့သောနှစ် မွတ်စ်လင်မ်အလှူရှင်များသည် တစ်ဦးလျှင် ပျမ်းမျှ ၃၇၁ ပေါင် နီးပါးလှူဒါန်းခဲ့ကြောင်း စနေနေ့ကThe Times မှ ကြေငြာခဲ့သည်။

၎င်း လှူဒါန်းမှုပမာဏအား ဂျူးအလှူရှင်များနှင့် နှိုင်းယှဉ်သော် ၊ ဂျူးလူမျိုးတို့သည် တစ်ယောက်ကို ပျမ်းမျှ ၂၇၀ ပေါင်သာ လှူဒါန်းကြောင်း တွေ့ရှိရသည်။ ရိုမန်ကက်သလစ် (Roman Catholics) များမှာ တစ်ဦးလျှင် ပျမ်းမျှ ၁၇၈ ပေါင်အထက်၊ ခရစ်ယာန်များမှာ ၁၇၈ ပေါင်အောက် နှင့် ပရိုတက်စတင့် (Protestants) များက ၂၀၂ ပေါင်နှုန်းဖြင့် အသီးသီး လှူဒါန်းခဲ့ကြသည်။

ဘုရားမဲ့ဝါဒီများကမူ ၁၀ ဦးတွင် လေးဦးမှာ အလှူဒါနလုပ်ဆောင်ခြင်း အလျဉ်း မရှိကြောင်း၊ ထိုသူများနှင့် နှိုင်းယှဉ်ပါက မွတ်စ်လင်မ်များ၊ ကက်သလစ် နှင့် အခြားခရစ်ယာန်ဘာသာဝင်များသည် ၁၀ ဦးတွင် ၃ ဦး၊ ပရိုတက်စတင့်များသည် ၁၀ ဦးတွင် ၃ ဦးနီးပါး နှင့်  ဂျူးများတွင် ၁၀ ဦးတွင် ၄ ဦးအထက် အလှူဒါနပြုလုပ်ခြင်း မရှိကြကြောင်းကို စစ်တမ်းက ဆိုနေသည်။

အွန်လိုင်းမှတစ်ဆင့် အလှူဒါနပြုလုပ်သူ မွတ်စ်လင်မ်ဦးရေမှာ တစ်နေ့တစ်ခြား တိုးပွားလာနေကြောင်း၊ သူတို့၏လှူဒါန်းမှုများမှာ အဓိကအားဖြင့် ဘာသာရေးဆိုင်ရာ ပရဟိတလုပ်ငန်းများ ဖြစ်သော ထောက်ပံ့ရေး နှင့် ကယ်ဆယ်ရေးလုပ်များအတွက်ဖြစ်ကြကြောင်း JustGiving က ထုတ်ဖော်ခဲ့သည်။

သို့သော်လည်း British Heart Foundation နှင့် Macmillan ရှိ ကင်ဆာရောဂါသုတေသနလုပ်ငန်း (Cancer Research)  စသည်တို့ကိုလည်း လှူဒါန်းမှု အမြောက်အများ ထည့်ဝင်ခဲ့ကြောင်းလည်း သိရသည်။

“ ဒီအလှူဒါနတွေဟာ ဗြိတိန်နိုင်ငံရှိ အစ္စလာမ်ရဲ့ စိတ်ရင်းအမှန် နဲ့သရုပ်မှန်ကို အထူးဖော်ပြနေပါတယ်။ မိမိတို့ရဲ့လူ့အဖွဲ့အစည်းကိုသာမက အခြားသော လူသားအကျိုးပြုလုပ်ငန်း နဲ့တိုင်းပြည်အရေးများကိုပါ အထောက်အကူပေးနိုင်တဲ့အထိ အလေးထားတာ တွေ့ရပါတယ် ” ဟု ဗြိတိန် မွတ်စ်လင်မ်ကောင်စီ (Muslim Council of Britain) မှ အထွေထွေအတွင်းရေးမှူး ဖာရွတ်ခ် မုရဒ် (FarooqMurad) က ပြောကြားခဲ့သည်။

ဗြိတိန်တွင်နေထိုင်သူ မွတ်စ်လင်မ်ဦးရေ ၂.၇ သန်းရှိနေသည်။

အစ္စလာမ်၏ ရှရီအဟ် (ဥပဒေ) အရ တတ်စွမ်းနိုင်သော မည်သည့်မွတ်စ်လင်မ်မဆို သူတို့၏အကျိုးအမြတ်များထဲမှ ၂.၅ ရာခိုင်နှုန်းအား ချို့တဲ့နွမ်းပါးသူ နှင့် ဒုက္ခရောက်နေသူများအား မဖြစ်မနေပေးအပ်ရမည့်တာဝန် ရှိနေ၏။

ရမဿွာန်လကုန်ဆုံးသည့်နောက်တွင်လည်း တတ်စွမ်းနိုင်သူမွတ်စ်လင်မ်များသည် ဇကာသုလ် ဖစ်သ်ွရာ (Zakat Al-Fitr) အား ပေးကမ်းကြရမည်ဖြစ်ပြီး၊ ၄င်းကျင့်ဝတ်သည် အစ္စလာမ်သာသနာ၏တတိယမဏ္ဍိုင်ပင်ဖြစ်သည်။ ၄င်းဇကာသုလ် ဖစ်သ်ွရာ အား ရမဿွာန်ဥပုသ်လမြတ်အတွင်း ကြိုက်သည့်အချိန်ပေးကမ်းနိုင်သော်လည်း အီးဒ်နေ့ဝတ်ပြုမှု မတိုင်မှီ အချိန်ထက် ကျော်လွန်ခွင့် မရှိချေ။