အာဇာနည်နေ့ ဝမ်းနည်းခြင်း အထိမ်းအမှတ်အဖြစ် ဗ-လ-မ ဋ္ဌာနချုပ်မှ ပေးပို့ခဲ့တဲ့စာ (၁၉၄၇)

ဇူလိုင် ၁၈ ၊ ၂၀၁၄
M-Media

ဗမာနိုင်ငံလုံးဆိုင်ရာ လူငယ်များ အစည်းအရုံးမှ ရှမ်းကရင် ဗမာမွတ်စလင် လူငယ်ထုမှ တဆင့် ရှမ်းကရင် ဗမာမွတ်စလင် လူထုသို့ ပေးပို့သော ၀မ်းနည်းခြင်း အထိမ်းအမှတ်နှင့် တိုင်းရင်းသားချင်း ပိုမိုသွေးစည်းရေး စာလွှာ

သို့
ရှမ်းကရင် ဗမာ-မွတ်စလင် လူငယ်အပေါင်းနှင့် ရှမ်း-ကရင်-ဗမာ-မွတ်စလင် လူထုအပေါင်းတို့….

အသင်တို့နှင့် ကျွန်ုပ်တို့မှာ သွေးရင်းသားချင်း ဖြစ်ခဲ့ကြသည့် အလျောက် ကျွန်ုပ်တို့၏ ကျဆုံးလေပြီးသော ခေါင်းဆောင်ကြီး ဗိုလ်ချုပ်အောင်ဆန်း၏ မွန်မြတ်ကြည်လင်သော စိတ်ထားနှင့် အလုပ်တို့ကြောင့် တဦးနှင့်တဦး ချစ်ကြည်လေးစား ယုံကြည်မှုများကား ပွားများ၍လာခဲ့ကြသည်။

ထိုကဲ့သို့ တဦးနှင့်တဦး ယုံကြည်အားထား လေးစားမှုများကြောင့် ကျွန်ုပ်တို့၏ အင်အားစုမှာ တနေ့တခြား ကြီးမား၍ လာခြင်းအားဖြင့် ကျွန်ုပ်တို့ အသီးသီး၏ ရည်မှန်းတောင့်တရာ ဖြစ်သော လုံးဝလွတ်လပ်ရေး ဆုထူးဆုမြတ်ကြီးကား ကျွန်ုပ်တို့၏ လက်ဝယ်သို့ မလွဲဧကန် သက်ဆင်းရတော့မည့် အမှန်ဖြစ်သည် ထိုဓနရှင် နယ်ချဲ့ ဗြူရိုကရက်တို့ကား၊ မည်သည့် နည်းနှင့်မျှ ရှနက် ညွှတ်ရက်တော့မည် မဟုတ်ကြောင်း။

ဤသည်ကို အကြောင်းပြု၍ ကျွန်ုတို့၏ သွေးစည်းမှု အင်အားစုံကို ပျက်ပြယ်စေသောအားဖြင့် (၀ါ) အားနည်းစေသော အားဖြင့် အသင်တို့ ကျွန်ုပ်တို့ အသီးသီး၏ ခေါင်းဆောင်ကြီးများအား လက်ပါးစေ အကြံပက်စက်သည့် လူ့တိရစ္ဆာန်များနှင့် ပေါင်းဖက်၍ ရက်စက်စွာ သတ်ဖြတ်လိုက်သဖြင့် ကျွန်ုပ်တို့ ခေါင်းဆောင်ကြီးများတွင် အပါအ၀င်ဖြစ်သော သင်တို့၏ ကိုယ်စားလှယ် ခေါင်းဆောင်ကြီး မိုင်းပွန်စော်ဘွားကြီး စောစံထွန်း-မန်းဘခိုင်-မစ္စတာ ရာဇတ် စသည့် အသီးသီးတို့အား သွေးစိမ်းပွက်ပွက် ချင်းချင်း ထွက်၍ မရှုမလှ ကျဆုံးခဲ့ရလေသည်ကို ကျွန်ုပ်တို့ လူငယ်ထုမှာ နှမြောတသ ကြေကွဲဝမ်းနည်းလှပါတော့သည်။

၎င်းတို့အသီးသီး၏ မိဘဆွေမျိုး၊ ဇနီးသားမယားများအတွက်လည်း ထပ်လောင်း၍ ယူကျုံးမရရှိပါတော့သည်။

သင်တို့အား သင်တို့၏ ခေါင်းဆောင်ကြီးတယောက် လက်လွှတ်လိုက်သဖြင့် မည်မျှ ကြေကွဲဝမ်းနည်း အားငယ်ကြမည်ကို ကျွန်ုပ်တို့ မှန်းဆကြည့်ခြင်းအားဖြင့် သင်တို့အတွက်လည်း ကျွန်ုပ်တို့သည် မချိတင်ကဲ ၀မ်းနည်းမိပါတော့သည်။
အို-သွေးချင်းတို့

သင်တို့ ကျွန်ုပ်တို့သည် ကျဆုံးလေပြီးသော သင်တို့ ကျွန်ုပ်တို့၏ ခေါင်းဆောင်ကြီးများအား ချုပ်ခင်ခြင်း၊ ကြင်နားခြင်း၊ လေးစားခြင်းတို့ကို စိတ်ဓာတ်အားဖြင့် ပြရုံနှင့် အရာထင်မည် မဟုတ်၊ ၎င်းတို့၏ မြင့်မြတ်သန့်ရှင်းစင်ကြယ်လှသော စိတ်ထားကို သင်တို့ ကျွန်ုပ်တို့ အသီးသီး အသဲစွဲထားရှိပြီး ၎င်းတို့ခေါင်းဆောင် အချင်းချင်း သွေးမြေခ-ခန္ဓာကြွေသည်အထိ ရင်းနှီးစွာ ဆောင်ရွက်၍ လုံးဝ လွတ်လပ်ရေးတို့တွင် ၀င်ချီတက်ကြသည့် အမွေအနှစ်ပို သင်တို့နှင့် ကျွန်ုပ်တို့က လက်တွေ့ခံယူကာ ကျွန်ုပ်တို့ အချင်းချင်း ယခင်ကထက် ဆထက်တံပိုး ပိုမိုရင်းနှီးလျက် မလျော့သော စိတ်ဇွဲလုံ့လနှင့် တဦးအားတဦး သီးခံရင်းနှီးစွာ လုံးဝလွတ်လပ်ရေး အမွေအနှစ်ကို ခံယူကြပါစို့။

တိုင်းရင်းသားချင်း ချစ်ခင်ရင်းနှီးရမည်။

ဗဟိုရ်အမှုဆောင်
ဗ-လ-မ ဋ္ဌာနချုပ်
ရန်ကုန်မြို့။

၉-၈-၁၉၄၇ ဖဆပလ သတင်းစဉ်မှ