ကျွန်ုပ်တို့၏ အမျိုးသားရေး ရည်မှန်းချက်ပန်းတိုင် (၁)

ဇူလိုင် ၂၃ ၊ ၂၀၁၄
M-Media

လူတိုင်းလူတိုင်းမှာ လူမှန်းသိတတ်စအရွယ်ကတည်းက ရည်မှန်းချက် ပန်းတိုင်ဆိုတာ ရှိခဲ့ကြပါတယ်။ ကလေးအရွယ်ငယ်ငယ်ကတည်းက “သားသားကြီးလာရင်ဘာလုပ်မလဲ၊ မီးမီးကြီးလာရင်ဘာလုပ်မလဲ” လို့ မေးရင် “ချရာဝန်ကြီးလုပ်မယ်၊ ချစ်ဗိုလ်ကြီးလုပ်မယ်”လို့ မပီကလာ ပီကလာလေးနဲ့ ပြန်ဖြေတတ်ကြပါတယ်။ ဒါပေမယ့်ဒီနေရာမှာ ကျွန်တော်တို့ဟာ ကျွန်တော်တို့အမှန်တကယ်လိုချင်တာဘာလဲ၊ အခုလက်ရှိအခြေအနေ မှာ ကျွန်တော်တို့အတွက် အမှန်တကယ်လိုအပ်နေတာကဘာလဲဆိုတာကိုတော့ ကွဲကွဲပြားပြား သိဖို့လိုပါ တယ်။ ပြီးတော့ ကျွန်တော်တို့ရဲ့ပန်းတိုင်ကို မပျောက်ပျက်အောင်ထားရှိဖို့လည်းလိုပါတယ်။ ဒီနေရာမှာ ကျွန်တော်အဓိကမျှဝေချင်တာက ကျွန်တော်တို့ဟာ “ကိုယ့်စိတ်နဲ့ကိုယ့်ကို” ဖြစ်နေတာသေချာရဲ့လား? (တစ်နည်း) ကျွန်တော်တို့ရဲ့အတွေးတွေ၊ ကျွန်တော်တို့ရဲ့ဖြစ် ချင်တာတွေက အမှန်တကယ် ကျွန်တော်တို့ ဖြစ်ချင်တာတွေလား၊ ကျွန်တော်တို့ရှင်သန်ကြီးထွားနေထိုင်ရာပတ်ဝန်းကျင်နဲ့ ကျွန်တော်တို့ကို ငယ်စဉ်ကတည်းက ဆုံးမသွန်သင်ခဲ့တဲ့ မိဘဆရာသမားတွေရဲ့လောင်းရိပ်တွေသင့်နေတာလား? ဆိုတဲ့မေးခွန်းပါပဲ။ ကျွန်တော် ဒီလိုပြောလို့ အနန္တောအနန္တဂိုဏ်းဝင် ကျေးဇူးရှင်တွေနဲ့ ကိုယ့်ကို သွန်သင်ဆုံးမဖူးခဲ့တဲ့လူကြီးတွေကို ပမာမခန့် လုပ်တာမဟုတ်ပါဘူး။ ဒါပေမယ့် လူ့သဘောမှာဖြစ်တတ်တာက … ကျွန်တော်တို့ငယ်ငယ်က သင်ကြားဖူးခဲ့ကြတဲ့ ကျေးညီနောင်ပုံပြင်လေးထဲကလိုပါပဲ။ “မုဆိုးနားနီးမုဆိုး၊ တံငါနားနီးတံငါ”ဖြစ်တတ်ကြပါတယ်။

ဒီလိုပါပဲ။ ပုံစံတကျသင်ကြားပေးခြင်းကို ခံထားရတဲ့ကလေးတွေရဲ့ အတွေးတွေဟာလည်း ပုံစံနဲ့ပဲဖြစ်နေတတ်ပါတယ်။ ဥပမာ… ကျွန်တော်တို့ ငယ်ငယ်တုန်းကဆို အခုခေတ်လို နိုင်ငံခြားမှာ ပညာသွားသင်တာ၊ ကျောင်းသွားတက်တာခေတ်သိပ်မစားသေးဘူး၊ အဲဒီတော့ ကျွန်တော်တို့ သိပ်တက်ချင်ခဲ့တာ ရန်ကုန်တက္ကသိုလ်(ပင်မ)။  အခုတော့ ခေတ်ပြောင်း စနစ်ပြောင်း၊ နိုင်ငံခြား တက္ကသိုလ်က ဘွဲ့တစ်ခုလောက်ရမှ အလုပ် လုပ်ရကိုင်ရတာ ပိုအဆင်ပြေတဲ့သဘောကို တွေ့ရတယ်။ ဒါကတော့အများ သိကြပါတယ်။ အဲသည်တော့အခုခေတ်ကလေးတွေရဲ့ ရည်ရွယ်ချက်တွေက နိုင်ငံခြားတက္ကသိုလ်ကြီးတွေက သိပ္ပံဘွဲ့တွေ၊ မာစတာဒီဂရီတွေ၊ ကွန်ပျူတာမာစတာဘွဲ့၊ စီးပွားရေးပညာ၊ ဥပဒေပညာ၊ ဆေးပညာ အစရှိတဲ့အတန်းတွေကို တက်ရောက်ဖို့ဖြစ်လာပါတယ်။ ခေတ်တွေပြောင်းသလို လူတွေရဲ့အတွေးအခေါ်တွေ ကလည်း ပြောင်းလာပါတယ်။

အိန္ဒိယကကျောင်းသားလေးတွေတော်တော် များများကပြန်ဖြေတာက ကျွန်တော်တို့ ရန်သူက ပါကစ္စတန် ပါတဲ့။ ဒါပေမယ့် ကျောင်းသားလေး တစ်ယောက်က ထူးထူးခြားခြားပြန်ဖြေတာက “ကျွန် တော်ရဲ့ရန်သူကတော့ ဆင်းရဲမွဲတေမှုပါတဲ့”

ကျွန်တော်တို့ငယ်ငယ်တုန်းက ကလေးတော်တော် များများကတော့ ဆရာဝန်၊ စစ်ဗိုလ်၊ အင်ဂျင်နီယာ အစရှိတာတွေကိုစိတ်ဝင်စားကြပါတယ်။ အဲဒီတော့ စာတော်တဲ့ ကလေးက စာတော်သလို ဆယ်တန်းအောင်ရင် လိုင်းကောင်းကောင်းရသွားပေမယ့် စာမတော်တဲ့ ကလေး တွေကြတော့ သူတို့ရဲ့ ပန်းတိုင်ကိုပြောင်းလိုက်ကြပါတယ်။ ဥပမာ… “င့ါစာကျက်နှုန်းနဲ့ ဆရာဝန်၊ အင်ဂျင်နီယာ၊ စစ်ဗိုလ်မဖြစ်လည်း နိုင်ငံခြား သင်္ဘောတက်မယ်၊ စီးပွားရေးလုပ်မယ်”အစရှိသည်ဖြင့်။ စာတော်တဲ့ကလေး တချို့ကျပြန်တော့လည်း ဆရာဝန်တော့ဖြစ်ပါရဲ့၊ မိဘအကြိုက်လိုက်လုပ်ပြီး ဆရာဝန် ဖြစ်တာ၊ သူဝါသနာ ပါတာက စီးပွားရေး၊ အဲဒီတော့ ဆရာဝန်စီးပွားရေးသမားတွေကိုလည်း ကျွန်တော်တို့ ပတ်ဝန်းကျင်မှာ အများကြီးတွေ့ရပါတယ်။

အဲဒီတော့ ကျွန်တော်တို့ကလေးတွေဟာ ၎င်းတို့ရဲ့ ပညာရေးလမ်းကြောင်း ရွေးချယ်ရာမှာ မိဘအကြိုက်၊ ပတ်ဝန်းကျင် အနေအထား ၊ ခေတ်စနစ်ရဲ့တောင်းဆိုမှု၊ ကျောင်းပြီးရင် ဝင်ငွေကောင်းပြီး သိက္ခာရှိတဲ့အလုပ်အကိုင်ရရှိမှုစတာတွေကိုမူတည်ပြီး မိမိတို့ဝါသနာပါတာထက် မိမိတို့ ဖြစ်သင့်တာကို ရွေးကြရပါတယ်။ အဲဒီကိုယ်ဝါသနာမပါတဲ့အလုပ်ကိုလုပ်ရင်းကိုင်ရင်းတဖြေးဖြေးနဲ့ အဲဒီအလုပ်နဲ့ အသားကျပြီး ဝါသနာပါသွားအောင်လည်း လုပ်ကြရပါတယ်။ ကျွန်တော်တို့ရဲ့ရည်မှန်းချက်ပန်းတိုင်ဟာ ပုံစံအမျိုးမျိုးနဲ့ဖြစ်နေတတ်ပါတယ်။ ဘယ်လိုပဲဖြစ်ဖြစ် ကိုယ့်ရည်မှန်းချက်ပန်းတိုင်ကိုရောက်အောင်သွားတဲ့ နေရာမှာ  ဘးပယောဂမျိုးစုံလည်းတွေ့ရတတ်ပါတယ်။ ဒီနေရာမှာ ကျွန်တော့်အနေနဲ့ မျှဝေချင်တာကတော့ ရည်မှန်းချက် ပန်းတိုင်လို့ပြောတဲ့နေရာမှာ ကျွန်တော်တို့တစ်ဦးချင်းစီမှာ ကိုယ်စီကိုယ်ငှ ရည်မှန်းချက်ပန်းတိုင် ကိုယ်စီရှိတတ်ကြသလို ကျွန်တော်တို့တစ်မျိုးသားလုံးအနေနဲ့လည်း ”အမျိုးသားရေးရည်မှန်းချက်ပန်းတိုင်”ဆိုတာလည်းရှိဖို့လိုအပ်ပါတယ်။

အဲဒီတော့ ဒီနေရာမှာ ကျွန်တော်တို့တွေဟာ ကျွန်တော်တို့ရဲ့ရည်မှန်းချက်တွေက ဘာတွေလဲ? အဲဒီရည်မှန်းချက်တွေအောင်မြင်ဖို့ လုပ်ကိုင်တဲ့နေရာမှာ ကျွန်တော်တို့ကို အဓိက အဟန့်အတားလုပ်နေတဲ့အ ရာက ဘာများပါလဲ၊ Obstacle အတားအဆီး၊ အနှောင့်အယှက်တွေက ဘာတွေလဲ၊ ကျွန်တော်တို့ရဲ့ ရန်သူက ဘယ်သူလဲ?

ကျွန်ုပ်တို့၏အဓိက ဘုံရန်သူ ဘယ်သူလဲ?

ဒီနေရာမှာ အိန္ဒိယသမ္မဟောင်းအဗ္ဗဒူလ်ကလာမ် ရေးခဲ့တဲ့စာအုပ်ထဲက အချက်လေးတစ်ချက်ကို မျှဝေချင်ပါတယ်။ အဲဒီအိန္ဒိယ သမ္မတကြီးက အိန္ဒိယနိုင်ငံ တဝှမ်းမှာရှိတဲ့ ကျောင်းတွေကို လှည့်ပတ်စစ်ဆေးပြီး ကျောင်းသား/သူလေးတွေကို မေးခွန်းလေး တစ်ခုမေးပါတယ်။ အဲဒီမေးခွန်းလေးကတော့ ” သင်တို့ရဲ့ရန်သူက ဘယ်သူလဲ”တဲ့။ အဲဒီတော့ အိန္ဒိယကကျောင်းသားလေးတွေတော်တော် များများကပြန်ဖြေတာက ကျွန်တော်တို့ ရန်သူက ပါကစ္စတန် ပါတဲ့။ ဒါပေမယ့် ကျောင်းသားလေး တစ်ယောက်က ထူးထူးခြားခြားပြန်ဖြေတာက “ကျွန် တော်ရဲ့ရန်သူကတော့ ဆင်းရဲမွဲတေမှုပါတဲ့”။ ဘာဖြစ်လို့လဲဆိုတော့ အဲဒီကလေးမှာ ညီအစ်ကိုမောင်နှမတွေ ရှိတယ်။

ဒါပေမယ့် သူ့မိဘက ဒီကလေးကို ပညာတတ်ဖြစ်စေချင်တယ်၊ သားသမီးအားလုံးကိုလည်း ကျောင်း မထားနိုင်ဘူး၊ ဆင်းရဲရှာတာကိုး၊ အဲဒီတော့အဲဒီကလေးက စာသင်ခန်းထဲမှာပညာသင်နေတဲ့အချိန်မှာ သူ့လိုပဲ စာသင်ရမယ့်အရွယ်တွေဖြစ်တဲ့ သူ့ညီအစ်ကိုမောင်နှမတွေကတော့ စာသင်ခန်း အပြင်မှာ ကြုံရာကျပန်းလုပ်ပြီး မိသားစုစားဝတ်နေရေးကို ကူညီနေရပါသတဲ့။ အဲဒါကြောင့် ဒီကလေးက သူ့လိုပဲ သူ့ညီအစ်ကိုမောင်နှမတွေကို လည်း ကျောင်းစာသင်စေချင်တော့ သူက ဆင်းရဲမွဲတွေမှု ဆိုတာကြီးကိုမုန်းသွားတာပါ။ ဒီတော့ ဒီကလေးကို ဓမ္မဓိဌာန်ကျတဲ့အမြင်ရှိတဲ့ကလေးလို့ချီးကျူးရင်လွန်တယ်လို့မဆိုနိုင်ဘူးလို့ပြောချင်ပါတယ်။  စာရေးဆရာဘိုးလှိုင် ဘာသာပြန်ထားတာရှိပါတယ်။ ”ဦးနှောက်များကို မီးညှိခြင်း”ဆိုတဲ့စာအုပ်ပါ။ မူရင်းကတော့ Ignited Mind ဖြစ်ပါတယ်။

အဲဒီတော့ ဒီနေရာမှာ ကျွန်တော်တို့ဟာ ကျွန်တော်တို့ရဲ့အမျိုးသားရေးရည်မှန်းချက်ဆိုတာနဲ့ ပတ်သက်ပြီးပြောတယ်ဆိုတဲ့အပိုင်းမှာ ကျွန်တော်တို့မြန်မာတစ်နိုင်ငံလုံးအတိုင်းအတာနဲ့ လူမျိုး/ဘာသာမရွေး၊ အသားအရောင်မရွေး လူတန်းစား ကွာဟမှုတွေကို လျှော့ချပစ်ချင်တယ်။ လူတိုင်းလူတိုင်းဟာ အနည်းဆုံးတော့ စား၊ဝတ်၊နေ ရေးအဆင်ပြေပြေနဲ့ ဘဝတစ်ခုကို သက်တောင့်သက်သာနဲ့ သိက္ခာရှိစွာဖြတ်သန်းစေချင်ပါတယ် ဆိုရင် ကျွန်တော်တို့ဘာလုပ်ကြမလဲ။

နိုင်ငံတော်အစိုးရအနေနဲ့လည်း ယခုအခါ တစ်နိုင်တစ်ပိုင်စီးပွားရေးလုပ်ငန်းတွေကို အားပေး ကူညီနေတာတွေ မရှိဘူးမဟုတ်ပါဘူး၊ ရှိပါတယ်။ အစိုးရလူကြီးမင်းများရဲ့ စေတနာကိုလေးစားပါတယ်။ ဒါပေမယ့် အခုခေတ်က ဟိုးအရင်ကလို “ကြွေးတင် ရှင်ဘုရင် ဆပ်တဲ့ခေတ်” မဟုတ်၊ ‘မိုးကျရွှေကိုယ်”မျှော်တဲ့ ခေတ်မဟုတ်တော့ပါ။ ”ဖန်ဆင်းရှင် ထာဝရဘုရားသခင်က ငှက်တွေအတွက် အစာကို ဖန်ဆင်းပေးထားပေမယ့် ငှက်တွေရဲ့အသိုက်ထဲကိုတော့ ထည့်ပေးထားတာမဟုတ်ပါဘူး”ဆိုတဲ့  စာဆိုကျော် သူတော်စင်ကြီး အိုမာခယမ်ရဲ့ အဆိုအမိန့်လေးကလည်း မှတ်သားစရာပါ။ စာရေးသူတို့မြန်မာပြည်မှာတော့ တစ်ချိန်တုန်း ကတော့ ”ကျန်းကျန်းမာမာ၊ ချမ်းချမ်းသာသာ ဘေးရန် ကာဆီးမည်၊ လူမွဲတွေကမနှေးခေတ်မီ သူဌေးဖြစ် တော့မည်” ဆိုတဲ့ နဂါးနီသီချင်းဟာ တော်တော်ရေပန်းစား လူကြိုက်များခဲ့ပါတယ်။ ကျွန်တော်တို့လည်း အခု အဲဒီ နဂါးနီသီချင်းထဲကလို ကျွန်တော်တို့အားလုံး နဂါးနီတွေဖြစ်အောင်လုပ်ကြရပါမယ်။ (နိုင်ငံရေးပါတီ ထောင်ရန်ပြောခြင်းမဟုတ်ပါ။ ကိုယ့်အားကိုယ်ကိုးကြရမည်၊ အများအကျိုးဆောင်ကြရမည်ဟု ဆိုလိုခြင်းဖြစ် ပါသည်။)  အဲဒီတော့… ကျွန်တော် တို့ဘာလုပ်ကြမလဲ။

မိသားစုတစ်စုမှသည် နိုင်ငံတစ်နိုင်ငံအထိအတွက် အဓိကလိုအပ်တဲ့ အခြေခံကျတဲ့အဆောက်အအုံ တွေထဲမှာ စီးပွားရေးက အဓိကအခြေခံကျတဲ့အဆောက်အအုံဖြစ်ပါတယ်။ အဆောက်အအုံတစ်ခုကိုဆောက် လုပ်တဲ့နေရာမှာ အောက်ခြေဖောင်ဒေးရှင်းကို ခိုင်မာအောင်အရင်ပြုလုပ်ပြီးမှ အထပ်ဘယ်နှစ်ထပ်တက်မှာလဲ၊ အလှအပတွေ ဘယ်လိုမွမ်းမံမလဲ… စတာတွေဆက်လုပ်ဖို့အတွက် ကိုယ်ဆောက်လုပ်မယ့်တိုက်အလွှာအရေ အတွက်နဲ့ ထုထည်ပမာဏတွေကိုတွက်ချက်ပြီး ဖောင်ဒေးရှင်း တူးပြီးအောက်ခြေခိုင်အောင် လုပ်ရသလိုပဲ နိုင်ငံ တစ်နိုင်ငံမှာလည်း စီးပွားရေးခိုင်မာတောင့်တင်းပါမှ ကျန်းမာရေး၊ ပညာရေးအခန်းကဏ္ဍတွေ ကောင်းမွန် တိုးတက်လာမှာဖြစ်သလို အလှူကြီးအတန်းကြီးလည်းပေးနိုင်မှာဖြစ်ပါတယ်။ ဒီလိုတွေလုပ်နိုင်ဖို့ကတော့ တရား ဥပဒေစိုးမိုးရေးက အဓိကကျပါတယ်။

အမေရိကန်နိုင်ငံက စီးပွားရေးပညာရှင်/လုပ်ငန်းရှင်ကြီး Robert T.Kiyosaki ပြောတဲ့ (၄)ကွက်ကျား စီးပွားရေးဗျူဟာ

ဒီနေရာမှာအလျဉ်းသင့်လို့ မျှဝေချင်တာကတော့ Robert T.Kiyosaki ရဲ့ ၄ ကွက်ကျား စီးပွားရေး ဗျူဟာပါ။ ဒီ Robert T.Kiyosaki ဆိုတဲ့ စီးပွားရေးပညာရှင်ကြီးက လူတွေရဲ့အလုပ်လုပ်ပုံလုပ်နည်းတွေကို (၄) ကွက်ဇယားဆွဲပြီး အထက်ပါအတိုင်းရှင်းပြခဲ့ပါတယ်။ အခြမ်း(၂)ခြမ်းနဲ့ အကန့်(၄)ကန့် ရှိတယ်။ ယေဘုယျ အားဖြင့်ကတော့…

နံပါတ် – ၁ ကတော့… E – Employee (ဝန်ထမ်း)ပေါ့။ အချိန်ကန့်သတ်ချက်ရှိတယ်၊ ဝင်ငွေကန့်သတ်ချက် ရှိတယ်။  ဒါပေမယ့် သင့်မှာ အလုပ်တော့ရှိတယ်။ safe ဖြစ်တယ်လို့ပြောနိုင်ပါတယ်။

နံပါတ် – ၂ ကတော့… S – Self Employed (တစ်နိုင်တစ်ပိုင်စီးပွားရေးလုပ်ငန်းတွေပေါ့)။ ဒီအကန့်မှာတော့ သင်ကသူများအတွက် အလုပ်လုပ်စရာမလို၊ သင့်အတွက်သင်အလုပ်လုပ်တယ်ဆိုပေမယ့် သင်ရက်ရှည်အနား ယူလို့ရပါသလား၊ သင်မရှိရင်ကော သင့်လုပ်ငန်းတွေက ပုံမှန်အတိုင်း ဆက်လက်လည်ပတ်နေမှာပဲလား။ တစ်နိုင်တစ်ပိုင်လုပ်ငန်းရှင်တွေအနေနဲ့ကတော့ ဒီလိုလုပ်ဖို့မလွယ်ပါဘူး။ အဲဒါ E နဲ့  S ၊ (၄)ကွက်ကျားဇယား ရဲ့ ဘယ်ခြမ်း။ သူကတော့ Active Income လို့ခေါ်ပါတယ်။ ပိုက်ဆံရဖို့အတွက် အလုပ်တွေကို ကိုယ်ကိုယ်တိုင် လုပ်ရတာကိုး။

ဒီလိုဆို… ပိုက်ဆံရဖို့အတွက် အလုပ်တွေကို ကိုယ်ကိုယ်တိုင်လုပ်စရာမလိုဘူးလားလို့ ခနဲ့တဲ့တဲ့မေးစရာ ရှိတယ်။ သူကဆက်လက်ပြီး ဇယားရဲ့ ညာဖက်အခြမ်းကိုရှင်းပြပါတယ်။

နံပါတ် -၃ ကတော့ …. Big Business Owner (စီးပွားရေးလုပ်ငန်းရှင်ကြီး)။ သူတို့ကို Entrepreneur လို့လည်းခေါ်ပါသေးတယ်။ ဒီအခြမ်းကိုတော့ Passive Income လို့သူကသတ်မှတ်လိုက်ပါပြီ။ ငွေရဖို့ ကိုယ်က အလုပ်ပင်ပင်ပန်းပန်းလုပ်စရာမလိုတော့ဘဲ သူများတွေက ကိုယ့်အတွက် အလုပ်ပြန်လုပ်ပေးနေတာပါပဲ။ ယုံကြည်စိတ်ချရတဲ့ ဝန်ထမ်းတွေ(တစ်နည်း) Employee လို့ ခေါ်တဲ့ E အကန့်ကလူတွေကို အလုပ်တွေပြန်ခိုင်း ထားတာပါပဲ။ ပြီးတော့ Self Employed လို တစ်နိုင်တစ်ပိုင် စီးပွားရေးလုပ်နေတဲ့ S အကန့်က လူတွေကိုလည်း ပြန်ခိုင်း ထားနိုင်ပါသေးတယ်။ ဥပမာ… ထီလုပ်ငန်းရှင်ကြီး တစ်ဦးက သူ့ရဲ့လက်ဝေခံ ထီလိုက်ရောင်းနေတဲ့ ထီသည်တွေ (တစ်နည်း)တစ်နိုင်တစ်ပိုင် စီးပွားရေးသမားတွေကို သူ့ထီလက်မှတ်တွေ လိုက်ဖြန့်ခိုင်း သလိုမျိုးပေါ့။ ဒီနေရာမှာ သူများတွေရဲ့ လုပ်ပိုင်ခွင့်တွေကို ဝယ်ယူလုပ်ကိုင်တဲ့ Franchise လို လုပ်ငန်းမျိုးတွေ လည်းလုပ်ကိုင်နိုင်ပါသေးတယ်။ ဥပမာ… ကိုယ့်ဘာသာကိုယ် ကွန်ပျူတာသင်တန်းအသစ်တစ်ခုကို နာမည် အသစ်နဲ့ စဖွင့်ရင် နာမည်ရဖို့ အပြိုင်အဆိုင်တွေကြားမှာ တော်တော်ရုန်းကန်ရမှာဖြစ်ပါတယ်။ ဒါပေမယ့် ဥပမာ… KMD လို နာမည်ရှိပြီးသား ကွန်ပျူတာလုပ်ငန်းကြီးတစ်ခုကို franchise ယူပြီး သူ့ရဲ့နာမည်နဲ့ နည်းပညာတွေ၊ သူ့ဆီက ကျွမ်းကျင် ပညာရှင်တွေရဲ့အကူအညီနဲ့ ဖွင့်မယ်ဆိုရင်တော့ ပိုကောင်းတာပေါ့။ ဒါပေမယ့် ဒါဟာလည်း KMD ကို franchise ကြေးပေးသွင်းရတယ်။

ကိုယ့်လုပ်ပိုင်ခွင့်ကလည်း နယ်မြေ ကန့်သတ်ခံရတယ်။ ဥပမာ… ဗိုလ်တထောင် မြို့နယ်မှာပဲဖွင့်ခွင့်ရှိမယ်။ ကျောက်တံတားမှာ သွားဖွင့်လို့မရဘူး။ ဒါမျိုးပေ့ါ။ ဒါပေမယ့် နာမည်ရပြီးသားလုပ်ငန်းကြီးတစ်ခုဖြစ်တဲ့အတွက် အခုခေတ်လို အမှတ်တံဆိပ်တွေ စားသုံးကြတဲ့ခေတ်ကြီးမှာ ကိုယ့် လုပ်ငန်းဟာ မြန်မြန်နဲ့အောင်မြင်လာနိုင်ပါတယ်။ ၂၁-ရာစု မှာအောင်မြင်ခေတ်စားလာတဲ့ စီးပွားရေးနည်းစနစ်တစ်ခုဖြစ်တဲ့ Multi Level Marketing လို့ခေါ်တဲ့ ကွန်ရက် ဖြန့်စီးပွားရေး နည်းဗျူဟာကိုသုံးပြီး ကြီးပွားအောင်မြင်လာသူတွေလည်း ဒုနဲ့ဒေးပါ။ ငွေအရင်းအနှီး ရာဂဏန်း လောက်နဲ့ ကွန်ရက်ဖြန့် ကုမ္ပဏီကြီးကိုဝင်၊ တိုက်ရိုက်ဖြန့် ကိုယ်စားလှယ်လုပ်၊ လူတွေပွားပြီး ကွန်ရက်တွေဖွဲ့၊ ကိုယ့်ကွန်ရက်တွေ အားကောင်းလာပြီ၊ ကိုယ့်ကွန်ရက်ထဲမှာ ဝယ်လိုအားများလာပြီဆိုရင် ကိုယ်ကိုယ်တိုင်ရော၊ ကိုယ့်ကွန်ရက်ထဲမှာ ပါဝင်လှုပ်ရှားနေတဲ့သူတွေရော ကုမ္ပဏီကရတဲ့ ထိုက်တန်တဲ့ ဆုကြေးငွေတွေနဲ့ သူဌေးကြီးဖြစ်လာ သူတွေလည်းရှိပါတယ်။ ခပ်လွယ်လွယ်ပြောရရင်တော့ အရင်းအနှီး ကြီးကြီးမားမား မလိုဘဲ လုပ်ငန်းရှင်ကြီးဖြစ်နိုင်တဲ့ နည်းပါ။ အတုအယောင် ကုမ္ပဏီတွေလည်းရှိပါတယ်။ ဒါပေမယ့် တကယ် အောင်မြင်နေတဲ့ကုမ္ပဏီတွေလည်းအများကြီးပါ။

နံပါတ်-၄ ကတော့ ရင်းနှီးမြှုပ်နှံသူတွေ (တစ်နည်း) Investor တွေဖြစ်ပါတယ်။ ဒီအကန့်ကတော့ လူက ငွေရဖို့ အတွက် အလုပ်လုပ်စရာမလိုဘဲ ငွေကို ငွေနဲ့ပြန်ရင်းပြီး ငွေကို လူအတွက် အလုပ်ပြန်လုပ်ခိုင်းတဲ့အကန့်ပါပဲ။ အောင်မြင်နေတဲ့ စီးပွားရေးရင်းနှီးမြှုပ်နှံသူကြီးတွေပါပဲ။ ဥပမာ.. နာမည်ကြီးအနုပညာရှင်တစ်ယောက်၊ သူ့အနု ပညာလုပ်ငန်းတွေ ဆက်မလုပ်နိုင်တော့ပေမယ့် သူက ရေသန့်စက်ရုံကြီးတွေထူထောင်ထားတယ်။ သူ့လုပ်ငန်း တွေက ပုံမှန်လည်ပတ်နေတယ်။ အိမ်၊ ခြံ၊ မြေ လုပ်ငန်းတွေမှာ ရင်းနှီးမြှုပ်နှံထားတယ်… အစရှိသည်ဖြင့်။ အဲဒီတော့ သူမှာ အားလပ်ချိန်တော်တော်များနေတယ်။ ငွေတွေကလည်းဝင်နေတယ်။ သူကတော့ ဂေါ့ဖ်သီး လေးရိုက်လိုက်၊ အနားယူအပန်းဖြေစခန်းတွေမှာနားလိုက်နဲ့ ဖြစ်နေတော့တာပါပဲ။ ဒါပေမယ့် သူအနားယူနေတဲ့ အချိန်မှာလည်း သူ့ဘဏ်အကောင့်ထဲကို ငွေတွေကဝင်နေတာပါပဲ။ ဒီလိုမျိုး ရင်းနှီးမြှုပ်နှံသူကြီးတွေ လည်းရှိပါတယ်။ သူတို့ရင်းနှီးမြှုပ်နှံထားတဲ့ငွေတွေက သူတို့အတွက် အလုပ်ပြန်လုပ်ပေးနေလို့ပါပဲ။

အထက်ဖော်ပြပါ လုပ်ငန်းအမျိုးအစားတွေကတော့ လူတွေအားလုံးပါဝင်ပတ်သက်လုပ်ကိုင်နေကြတဲ့ လုပ်ငန်းမျိုးတွေပဲဖြစ်ပါတယ်။ ကိုယ်ဘယ်အကန့်မှာပါနေသလဲဆိုတာ အဲဒီအကန့်(၄)ကန့်နဲ့ချိန်ထိုးကြည့်စေချင် ပါတယ်။ တချို့တွေကျတော့ အကန့်တစ်ခုမှ တစ်ခုသို့ပြောင်းပြီး ရှေ့ဆက်မသွားဘဲ နောက်ပြန်လှည့် သွားတာတွေလည်း ရှိပါတယ်။ ဥပမာ.. လူတစ်ယောက်၊ နိုင်ငံခြားသွား အလုပ်လုပ်တယ်။ ဝန်ထမ်းဆိုတော့ Employee – (E) အကန့် ပေါ့။ ပြီးတော့ မြန်မာပြည်ပြန်လာပြီး ကိုယ့်ကိုယ်ပိုင် တစ်နိုင်တစ်ပိုင် စီးပွားရေးလုပ်တယ်။ စားသောက်ဆိုင်လေး တစ်ခုဖွင့်တယ်ထားပါတော့။ ဒါပေမယ့် မြန်မာပြည်မှာ စားသောက်ဆိုင်ဖွင့်ရတာ တစ်လနဲ့တစ်လ အမြတ်မရရုံ အပြင် အရင်းထဲကပါ ပါလာတော့ သူမခံနိုင်တော့ဘူး။ သူလုပ်ငန်းမကျွမ်းကျင်တာလည်းပါမှာပေါ့လေ။ အဲဒီတော့ နောက်ဆုံး နိုင်ငံခြားပဲပြန် ထွက်သွားပြီး (E) အကန့်ထဲပြန်ရောက်သွားတာမျိုးတွေလည်းရှိပါတယ်။ ဘယ်လိုပဲဖြစ်ဖြစ် နိုင်ငံခြားမှာ အလုပ်သွားလုပ်တာက ဒီမြန်မာပြည်မှာလုပ်နေတဲ့ ကိုယ်ပိုင်စီးပွားရေးထက်ကို ပိုဝင်ငွေကောင်းတာကိုး။

ဆက်လက်ဖော်ပြပါမည်။