ပါကစ္စတန်တွင် စက်ရုပ်စားပွဲထိုးများကို စတင်အသုံးပြု

ဇူလိုင် ၇၊ ၂၀၁၇
M-Media

စာပွဲထိုးနေသည့် စက်ရုပ်

– မွတ်စလင်သူတော်စဉ်တွေရဲ့ ဂူဗိမာန်တွေ၊ သရက်သီးခြံတွေနဲ့ လက်မှုပညာတွေကြောင့် နာမည်ကျော်တဲ့ ပါကစ္စတန်က မူလ်တန်ဆိုတဲ့မြို့လေးမှာ နိုင်ငံရဲ့ ပထမဆုံး စက်ရုပ်စားပွဲထိုးတွေကို အသုံးပြုနေပါတယ်။

ရာဘီ၊ အန်နီနဲ့ ဂျန်နီလို့ အမည်ပေးထားတဲ့ အဲဒီ အမျိုးသမီး စက်ရုပ်စာပွဲထိုးတွေဟာ နာမည်ကြီး Pizza.com ပီဇာစားသောက်ဆိုင်တစ်ခုမှာ စာပွဲးထိုးနေတာပါ။ ဒီစက်ရုပ်တွေကို တီထွင်ခဲ့တဲ့ ပီဇာဆိုင်ပိုင်ရှင် အိုစာမာ ဂျာဖာရီကတော့ စားသုံးသူတွေရဲ့ တုန့်ပြန်မှုတွေက အားရစရာကောင်းတယ်လို့ ဆိုပါတယ်။

“ကျွန်တော်တို့ ဆိုင်တွေအများကြီးကို သွားခဲ့ပါတယ်။ ဒါပေမယ့် ကျွန်တော့ ဦးလေးက ဒီဆိုင်မှာ စက်ရုပ်တွေ ၀န်ဆောင်မှုပေးနေတယ်လို့ ပြောတယ်။ စက်ရုပ်က ပီဇာလာပေးတော့ ကျွန်တော်တို့ အရမ်းပျော်ရွှင်မိပါတယ်” လို့ အသက် ၁၂ နှစ်အရွယ် စားသုံးသူ အိုစာမာ အဟ်မဒ်က ပြောကြားခဲ့ပါတယ်။

နောက်ထပ် စားသုံးသူတစ်ယောက်ဖြစ်တဲ့ ဟာမစ် ဘရှီးရ်က “ဒါဟာ တီထွင်ဆန်းသစ်မှုတစ်ခုပါ။ ဒီလိုဝန်ဆောင်မှုပေးတဲ့အတွက် ကျေနပ်သလို ကလေးတွေအတွက်လည်း ဖျော်ဖြေမှုကောင်းတစ်ခုပါပဲ” လို့ ပြောကြားခဲ့ပါတယ်။

အသက် ၂၄ နှစ်အရွယ် ဂျာဖာရီက တရုတ်နိုင်ငံမှာ စက်ရုပ်စားပွဲထိုးတွေကို အသုံးပြုတဲ့ ဗီဒီယိုတွေဟာ သူ့ကို တွန်းအားဖြစ်စေခဲ့တယ်လို့ ဆိုပါတယ်။ သူဟာ အစ္စလာမ်မာဘတ် အမျိုးသား သိပ္ပံနဲ့ နည်းပညာတက္ကသိုလ်က အင်ဂျင်နီယာတစ်ဦးဖြစ်ပြီး မိသားစုတွေရဲ့ အားပေးမှုနဲ့အတူ ဒီစက်ရုပ်တွေကို တီထွင်တာဖြစ်ပါတယ်။

“တုန့်ပြန်မှုက တကယ့်ကို မယုံနိုင်စရာပဲဗျ။ လူတွေက ဒါကိုနှစ်သက်ကြတယ်။ ကျွန်တော့်သူငယ်ချင်းတွေ၊ မိသားစုဝင်တွေနဲ့ ဒီဒေသကလူတွေလည်း နှစ်သက်ကြပါတယ်”

ဒီစက်ရုပ်တွေဟာ ပြည်တွင်းဖြစ် ဖြစ်ပြီး တစ်ရုပ်ကို ရူပီး ၆ သိန်း (ကန်ဒေါ်လာ ၆၀၀၀) လောက် ကုန်ကျခဲ့တယ်လို့ ဂျာဖာရီက ဆိုပါတယ်။

စွမ်းဆောင်ရည်ပိုမြင့်တဲ့ နောက်ထပ် စက်ရုပ်မျိုးဆက်တစ်ခုကို တီထွင်နေကြောင်း၊ အဲဒီစက်ရုပ်တွေက စားသုံးသူတွေရဲ့ မေးခွန်းကို တုန့်ပြန်နိုင်မှာဖြစ်ကြောင်း၊ ဒီစက်ရုပ်တွေကို သူတို့မိသားစုပိုင်တဲ့ ဟိုက်ဒရာဘတ်က အခြားစားသောက်ဆိုင်တွေမှာ အသုံးပြုသွားဖို့ မျှော်လင့်နေကြောင့် ဂျာဖာရီက ထည့်သွင်းပြောဆိုခဲ့ပါတယ်။

စက်ရုပ်များနှင့်အတူ တွေ့ရသည့် ဂျာဖာရီ

Ref: Phys.org