ပါကစ္စတန်၏ မာသာထရီဇာ အသက် ၈၇ နှစ်အရွယ်တွင် ကွယ်လွန်

သြဂုတ် ၁၀၊ ၂၀၁၇
M-Media

– အနာကြီးရောဂါ တိုက်ဖျက်ရေးတွင် ဘ၀တစ်ခုလုံးကို နှစ်မြှုပ်ခဲ့ပြီး ပါကစ္စတန်၏ မာသာထရီဇာဟု တင်စားခြင်းခံရသည့် ဆရာဝန် ရုသ်ဖောင်းမှာ ယနေ့တွင် ကွယ်လွန်သွားခဲ့ပြီဟု သိရသည်။

ခရစ်ယာန်သီလရှင်တစ်ဦးလည်းဖြစ်သည့် အသက် ၈၇ နှစ်အရွယ် ရုသ်ဖောင်းမှာ ကျန်းမာရေး ဆိုးရွာလာခြင်းကြောင့် ယမန်နေ့က ဆေးရုံသို့ တင်ပို့ခဲ့ရပြီးနောက် ယခုကဲ့သို့ ကွယ်လွန်သွားဖြစ်သည်။

၁၉၆၀ ပြည့်နှစ်တွင် ပါကစ္စတန်၌ အနာကြီးရောဂါကို တွေ့ခဲ့ရပြီးနောက် ရုသ်ဖောင်းမှာ ပါကစ္စတန်နိုင်ငံတွင် ဆေးခန်းများဖွင့်ကာ အဆိုပါရောဂါအား ကုသရန် ကြိုးစားခဲ့သည်။ သူမ၏ အားထုတ်မှုများကြောင့် ၁၉၉၆ ခုနှစ်တွင် ပါကစ္စတန်မှာ အနာကြီးရောဂါ ကင်းစင်သည့် နိုင်ငံတစ်ခု ဖြစ်လာခဲ့ပြီး ကမ္ဘာ့ပထမဆုံး အနာကြီးရောဂါ ကင်းစင်သည့် နိုင်ငံများတွင် ပါဝင်ခဲ့သည်။

ပါကစ္စတန်သမ္မတ ရှာဟစ် ခါကန် အဘ္ဘာစီက ဒေါက်တာရုသ်ဖောင်းမှာ ဂျာမနီတွင် မွေးဖွားခဲ့သော်လည်း သူမ၏ နှလုံးသားမှာ ပါကစ္စတန်နိုင်ငံတွင် အမြဲတမ်းရှိနေသည်ဟု ပြောကြားခဲ့သည်။

“ဒေါက်တာ ရုသ်ဟာ ပါကစ္စတန်နိုင်ငံရဲ့ အရုဏ်ဦးကာလမှာ ရောက်ရှိလာခဲ့ပြီး ရောဂါခံစားနေရသူတွေ ပိုမိုကောင်းမွန်တဲ့ဘ၀ဖြစ်အောင် လုပ်ပေးခဲ့ပါတယ်။ အဲဒီလိုလုပ်ရင်းနဲ့ပဲ သူမရဲ့အိမ်ကို ရှာတွေ့သွားခဲ့ပါတယ်” ဟု သမ္မတက ဆိုသည်။

ဂျာမနီရှိ Ruth Pfau ဖောင်ဒေးရှင်းမှ ဟာရာလ် မီယာ-ပေါ့ဇ်ကီကလည်း ဒေိါ၈က်တာ ရုသ်ဖောင်းမှာ သိန်းနှင့်ချီသော ပါကစ္စတန်ပြည်သူများကို ဂုဏ်သိက္ခာရှိသောဘ၀ဖြင့် အသက်ရှင်နေထိုင်နိုင်အောင် ဆောင်ရွက်ပေးခဲ့သည်ဟု ပြောကြားခဲ့သည်။

ဒေါက်တာ ရုသ်ဖောင်းမှာ ဂျာမနီနိုင်ငံ လိုင်ပ်ဇစ်မြို့တွင် ၁၉၂၉ ခုနှစ်က မွေးဖွားခဲ့ပြီး သူမ၏ နေအိမ်မှာ ဒုတိယကမ္ဘာစစ်အတွင်း ဗုံးဒဏ်ကြောင့် ပြိုကျခဲ့သည်။

ဆေးပညာသင်ယူခဲ့သည့် သူမကို Daughters of the Heart of Mary အဖွဲ့က အိန္ဒိယတောင်ပိုင်းသို့ စေလွှတ်ခဲ့သော်လည်း ရုသ်ဖောင်းမှာ ဗီဇာပြဿနာကြောင့် ကရာချီတွင် သောင်တင်ခဲ့ပြီး ပါကစ္စတန်ပြည်သူများ အနာကြီးရောဂါ ခံစားနေရမှုကို တွေ့ရှိခဲ့ခြင်း ဖြစ်သည်။

ထို့နောက် သူမမှာ ပါကစ္စတန်တွင် အခြေချကာ အနာကြီးရောဂါ တိုက်ဖျက်ရေးအတွက် ပါကစ္စတန်ဆရာဝန်များကို လေ့ကျင့်ပေးခြင်း၊ နိုင်ငံရပ်ခြားမှ ရန်ပုံငွေရှာဖွေခြင်းတို့ကို ပြုလုပ်ကာ ပါကစ္စတန် အမျိုးသား အနာကြီးရောဂါ ထိန်းချုပ်ရေးအဖွဲ့နှင့် Marie Adelaide အနာကြီးရောဂါစင်တာတို့ကို တည်ထောင်ခဲ့သည်။

သူ၏ ဆောင်ရွက်ချက်များအတွက် ပါကစ္စတန်နိုင်ငံ၏ အရပ်ဖက် ဒုတိယအမြင့်ဆုံး ဂုဏ်ပြုဘွဲ့တံဆိပ် Hilal-e-Imtiaz ဆု၊ German Staufer Medal ဆုတို့ အပါအ၀င် ပြည်တွင်းပြည်ပမှ ဆုတံဆိပ်ပေါင်းများစွာကို ရရှိခဲ့သည်။

Ref: BBC