မလေးရှား ဂျိုဟိုး အော်ပရာစီတွင် မြန်မာ ၁၀၈ ဦး အဖမ်းခံရ

ဇူလိုင် ၁၅၊ ၂၀၂၄
M-Media

-မလေးရှားနိုင်ငံတောင်ပိုင်း ဂျိုဟိုးပြည်နယ် လူ၀င်မှုကြီးကြပ်ရေးဌာနက ဇူလိုင်လ ၁၃ ရက်နေ့မှာ ပြုလုပ်ခဲ့တဲ့ စီးနင်းမှုမှာ မြန်မာနိုင်ငံသား ၁၀၈ ဦး ဖမ်းဆီးခံလိုက်ရတယ်လို့ မလေးရှား ပြည်တွင်းသတင်းတွေမှာ ဖော်ပြပါတယ်။

ပါမစ်အထောက်အထားမရှိဘဲ နိုင်ငံခြားသားတွေကို အလုပ်ခန့်ထားတယ်လို့ ပတ်၀န်းကျင်က တိုင်ကြားမှုကြောင့် ၀င်ရောက်စစ်ဆေးခဲ့တာလို့ ပြည်နယ်လူ၀င်မှုကြီးကြပ်ရေး ညွှန်ကြားရေးမှူး ဒါတွတ် မိုဟာမက် ရူစဒီ မိုဟာမက် ဒါရွတ်စ်က ပြောပါတယ်။

နိုင်ငံခြားသား စုစုပေါင်း ၂၀၃ ဦးကို စစ်ဆေးရာမှာ ၁၄၅ ဦးက အထောက်အထားမရှိတာကို တွေ့ခဲ့ရပါတယ်။

ဖမ်းဆီးခံရသူတွေဟာ မြန်မာနိုင်ငံသား အမျိုးသား ၉၀ ဦးနဲ့ အမျိုးသမီး ၁၈ ဦး၊ နီပေါ အမျိုးသား ၂၇ ဦး၊ အင်ဒိုနီးရှားအမျိုးသား ၄ ဦးနဲ့ အမျိုးသမီး ၃ ဦး ဘင်္ဂလားဒေ့ရှ်အမျိုးသား ၃ ဦး ဖြစ်ပြီး အားလုံးဟာ အသက် ၁၈ နှစ်ကနေ ၄၄ နှစ် ရှိတယ်လို့ လူ၀င်မှုကြီးကြပ်ရေးရဲ့ ထုတ်ပြန်ချက်မှာ ဖော်ပြပါတယ်။

Ref: The Star