Tag: iraq

အောက်တိုဘာ ၁၆၊ ၂၀၁၇
M-Media

– အီရတ်နိုင်ငံမြောက်ပိုင်း ကီရ်ကွတ်မြို့တစ်ဝိုက်ရှိ ကာ့ဒ်တပ်ဖွဲ့စခန်းများကို ဦးတည်ကာ အီရတ်စစ်တပ်က ချီတက်လာသည့်အတွက် မြို့တွင်းရှိ ပြည်သူ ထောင်ပေါင်းများစွာမှာ မြို့အား စွန့်ခွာထွက်ပြေးနေကြသည်ဟု သိရသည်။

ရှီအာပြည်သူစစ်များ ကျောထောက်နောက်ခံပြုထားသည့် အီရတ်အစိုးရစစ်တပ်မှာ ကာ့ဒ်တပ်ဖွဲ့ ထိန်းချုပ်ထားသည့် ကီရ်ကွတ်မြို့ကို ပြန်လည်သိမ်းယူရန်အတွက် တနင်္လာနေ့တွင် စစ်မျက်နှာနှစ်ခုမှ ထိုးစစ်ဆင်လာခဲ့ကာ တိုက်ပွဲအချို့ ဖြစ်ပွားသည်ဟု သတင်းများက ဖော်ပြကြသည်။

အီရတ်စစ်တပ်က ၎င်းတို့မှာ ကီရ်ကွတ်မြို့အတွင်းရှိ လေဆိပ်တစ်ခုနှင့် အဓိက ရေနံတွင်တစ်တွင်းကို သိမ်းယူနိုင်ခဲ့သည်ဟု ပြောကြားခဲ့သည်။

ကာ့ဒ်တပ်ဖွဲ့ Peshmerga တပ်ဖွဲ့ဝင်များမှာ ကီရ်ကွတ်မြို့တွင်းမှ ဆုတ်ခွာကာ လေယာဉ်ကွင်းတစ်ဖက်တွင် နေရာယူထားကြသည်ဟု ဆိုသည်။

ယခုလအစောပိုင်းက ကာ့ဒ်ကိုယ်ပိုင်အုပ်ချုပ်ခွင့်ရဒေသအပါအ၀င် အစိုးရနှင့် ပိုင်နက်အငြင်းပွားမှုများရှိနေသည့် ကာ့ဒ်လူမျိုးအများစုရှိရာ ဒေသများ၌ ခွဲထွက်ရေးအတွက် ပြည်သူဆန္ဒခံယူပွဲ ပြုလုပ်ပြီးနောက်ပိုင်း ဗဟိုအစိုးရနှင့် ကာ့ဒ်ဒေသအစိုးရတို့အကြား တင်းမာမှုများ မြင့်တက်လာခဲ့ခြင်းဖြစ်သည်။

အီရန်ဝန်ကြီးချုပ် အာဘာဒီကမူ ယခုထိုးစစ်မှာ အီရတ်နိုင်ငံ၏ စည်းလုံးညီညွတ်မှုကို ကာကွယ်ရန် ဖြစ်သည်ဟု ပြောကြားခဲ့သည်။

Ref: Aljazeera

အောက်တိုဘာ ၁၊ ၂၀၁၇
M-Media

– ပြီးခဲ့သည့်တစ်ပတ်က ကျင်းပခဲ့သည့် ကာ့ဒ်ဒေသလွတ်လပ်ရေး ပြည်သူ့ဆန္ဒခံယူပွဲအား ဆန့်ကျင်သည့် အီရတ်ဗဟိုအစိုးရ၏ ဆုံးဖြတ်ချက်အားလုံးကို ကာ့ဒ် ကိုယ်ပိုင်အုပ်ချုပ်ခွင့်ရဒေသ လွှတ်တော်က ယမန်နေ့တွင် ပယ်ချလိုက်သည်။

နိုင်ငံမြောက်ပိုင်း ကာ့ဒ်ကိုယ်ပိုင်အုပ်ချုပ်ခွင့်ရဒေသ၊ ဗဟိုးအစိုးရနှင့် ပိုင်နက်အငြင်းပွားမှုရှိနေသည့် ကာ့ဒ်အများစုရှိရာ ဒေသတစ်ချို့တွင် ပြုလုပ်ခဲ့သည့် အဆိုပါဆန္ဒခံယူပွဲတွင် မဲပေးသူ ၉၀ ရာခိုင်နှုန်းကျော်က လွတ်လပ်ရေးအတွက် ထောက်ခံခဲ့ကြသည်။

အီရတ်ဗဟိုအစိုးရက ဆန္ဒခံယူပွဲကို ရှုတ်ချထားပြီး ကာ့ဒ်ဒေသအစိုးရ၏ လက်ထဲမှ နယ်စပ် ထိန်းချုပ်ရေးစခန်းများကို ပြန်လည်ရယူရေး၊ ကာ့ဒ်ဒေသ လေပိုင်နက်အား ပိတ်ဆို့ရေးအပါအ၀င် ဆုံးဖြတ်ချက် အများအပြားကို ချမှတ်ခဲ့သည်။

သို့သော်လည်း ထိုဆုံးဖြတ်ချက်များကို ၎င်းတို့၏ သဘောတူညီချက်မပါဘဲ ဆောင်ရွက်၍မရဟု ကာ့ဒ်ပါလီမန်က ပြောကြားခဲ့ပြီး ဗဟိုအစိုးရ၏ ထိုဆောင်ရွက်ချက်များအားလုံးကို ပယ်ချခဲ့သည်။ ထို့ပြင် နယ်စပ်နှင့် လေပိုင်နက် ပိတ်ဆို့မှု အခွင့်အဏာမှာ ဗဟိုအစိုးရတွင်မရှိဟုလည်း ထည့်သွင်း ပြောဆိုခဲ့သည်။

အီရတ်ဝန်ကြီးချုပ် ဟိုက်ဒါ အလ်အာဘာဒီကမူ ကာ့ဒ်ဒေသကိစ္စအတွက် စစ်ရေးဖြင့် ဖြေရှင်းမည်မဟုတ်ဟု စောစောပိုင်းတွင် ပြောကြားထားသည်။

Ref: Alarabiya

စက်တင်ဘာ ၂၇၊ ၂၀၁၇
M-Media

– ကာ့ဒ် ကိုယ်ပုိုင်အုပ်ချုပ်ခွင့်ရဒေသ အီရတ်နိုင်ငံမှ ခွဲထွက်ရေး ပြည်သူ့ဆန္ဒခံယူပွဲတွင် ပြည်သူအများစုက ထောက်ခံမဲပေးခဲ့ကြပြီး အီရတ်အစိုးရနှင့် ကာ့ဒ်အာဏာပိုင်များအကြား တင်းမာမှုများလည်း မြင့်တက်လာခဲ့သည်ဟု သိရသည်။

နိုင်ငံမြောက်ပိုင်းရှိ ကာ့ဒ် ကိုယ်ပိုင်အုပ်ချုပ်ခွင့်ရဒေသ၊ ဗဟိုအစိုးရနှင့် ပိုင်ဆိုင်မှုအငြင်းပွားနေသည့် ကာ့ဒ်အများစုရှိရာ ဒေသများတွင် တနင်္လာနေ့က လွတ်လပ်ရေးအတွက် ပြည်သူ့ဆန္ဒ ခံယူပွဲ ပြုလုပ်ခဲ့ခြင်းဖြစ်ပြီး မဲပေးပိုင်ခွင့်ရှိသူများ၏ ၇၂ ရာခိုင်နှုန်းက လာရောက် မဲပေးခဲ့ကြသည်ဟု ဆိုသည်။

ကာ့ဒ်ခေါင်းဆောင် မာဆူဒ် ဘာရ်ဇာနီက မဲပေးသူ ကာ့ဒ်လူမျိုး အများစုမှာ လွတ်လပ်ရေးအတွက် ထောက်ခံမဲပေးခဲ့ကြသည်ဟု ပြောကြားခဲ့သည်။

အီရတ်အစိုးရက နိုင်ငံတကာ လေကြောင်းလိုင်းများအနေဖြင့် ကာ့ဒ် ကိုယ်ပိုင်အုပ်ချုပ်ခွင့်ရဒေသသို့ ပျံသန်းခြင်းမပြုရန် တိုက်တွန်းဆော်သြခဲ့ကာ လေဆိပ်များကို အီရတ် ဗဟိုအစိုးရအား ထိန်းချုပ်ခွင့်ပေးရန်လည်း ရာဇသံပေးခဲ့သည်။

လက်ရှိတွင် လက်ဘနွန်လေကြာင်းလိုင်းတစ်ခုက ကာ့ဒ်ဒေသသို့ လေကြောင်းပျံသန်းမှုကို ရပ်ဆိုင်းခဲ့သည်။

ကာ့ဒ်ဒေသအစိုးရ (KRG) က ဗဟိုအစိုးရ၏ ရာဇသံကို ငြင်းပယ်ထားပြီး လေဆိပ်များအားလုံး ၎င်းတို့၏ ထိန်းချုပ်မှုအောက်တွင် ရှိနေသည်ဟု ပြောကြားခဲ့သည်။

ကာ့ဒ်ဒေသ လွတ်လပ်ရေး ပြည်သူ့ဆန္ဒခံယူပွဲကို အိမ်နီးချင်းနိုင်ငံများဖြစ်သည့် အီရန်နှင့် တူရကီတို့ကလည်း ဆန့်ကျင်ထားပြီး တူရကီက စစ်ရေးအရ အရေးယူမည်ဟုပင် ခြိမ်းခြောက်ထားသည်။

အီရန်အစိုးရက ကာ့ဒ်ဒေသနှင့် ပြည်မအကြား နယ်ခြားစခန်းများကိုပါ ၎င်းတို့ထံ လွှဲပြောင်းပေးရန် ကာ့ဒ်ဒေသအစိုးရကို တောင်းဆိုထားပြီး မလိုက်နာပါက အိမ်နီးချင်းနိုင်ငံများအနေဖြင့် နယ်စပ်ကို ပိတ်ထားရန် တိုက်တွန်းခဲ့သည်။

Ref: Aljazeera

စက်တင်ဘာ ၂၅၊ ၂၀၁၇
M-Media

– ဗဟိုအစိုးရနှင့် အိမ်နီးချင်းနိုင်ငံများက ကန့်ကွက်မှု ရှိနေသော်လည်း အီရတ်နိုင်ငံရှိ ကာ့ဒ် ကိုယ်ပိုင်အုပ်ချုပ်ခွင့်ရဒေသမှ ပြည်သူများမှာ လွတ်လပ်ရေး ပြည်သူ့ဆန္ဒခံယူပွဲအတွက် မဲများ စတင် ပေးနေကြသည်ဟု သိရသည်။

အဆိုပါ ပြည်သူ့ဆန္ဒခံယူပွဲကို ရေနံကြွယ်ဝသည့် ကာ့ဒ် ကိုယ်ပိုင်အုပ်ချုပ်ခွင့်ရဒေသ ကီရ်ကွတ်ပြည်နယ်အပါအ၀င် ဘဂ္ဂဒတ်အစိုးရနှင့် ပိုင်ဆိုင်မှု အငြင်းပွားနေသော ကာ့ဒ်အများစုရှိရာ ဒေသများတွင်ပါ ဒေသစံတော်ချိန် စက်တင်ဘာ ၂၅ ရက်နေ့ မနက်ပိုင်းက ပြုလုပ်နေခြင်းဖြစ်သည်။

အီရတ်ဝန်ကြီးချုပ် ဟိုက်ဒါ အလ်-အာဘာဒီ၏ ယမန်နေ့ ရုပ်မြင်သံကြားမိန့်ခွန်းတွင် ထိုပြည်သူ့ဆန္ဒခံယူပွဲ၏ တိုက်ရိုက်အကျိုးဆက်များအတွက် သတိပေးခဲ့ပြီး အီရတ်မှ ခွဲထွက်ရေးကို မည်သည့်အခါမှ လက်ခံမည်မဟုတ်ကြောင်း၊ အဆိုပါ ဆုံးဖြတ်ချက်မှာ အခြေခံဥပဒေကို ဆန့်ကျင်နေကြောင်း၊ ရလဒ်ကိုလည်း မိမိတို့က လက်ခံမည်မဟုတ်ကြောင်း ပြောကြားခဲ့သည်။

ကာ့ဒ်လူမျိုး အများစုရှိရာ အိမ်နီးချင်းနိုင်ငံများဖြစ်သည့် တူရကီနှင့် အီရန်တို့ကလည်း အဆိုပါ ပြည်သူ့ဆန္ဒခံယူပွဲကို လက်မခံကြောင်း ပြောကြားထားပြီး အနောက်နိုင်ငံများက ထိုသို့ဆောင်ရွက်မှုမှာ ဒေသအခြေအနေကို ပိုမိုဆိုးရွားစေမည်ဟု သတိပေးထားသည်။

ကာ့ဒ်လူမျိုးများမှာ တူရကီတွင် ၁၄ သန်း၊ အီရတ်နှင့် အီရန်တို့တွင် ၆ သန်းစီ၊ ဆီးရီးယားတွင် ၂ သန်း၊ အာမေးနီးယားတွင် ၂ သန်း စုစုပေါင်း သန်း ၃၀ ခန့်ရှိနေပြီး အဆိုပါ နိုင်ငံများတွင် လူနည်းစုအနေဖြင့် ဖိနှိပ်ချုပ်ခြယ်ခံဘ၀၌ နေထိုင်နေရသူများဖြစ်သည်။

Ref: Aljazeera

စက်တဘာ ၂၄၊ ၂၀၁၇
M-Media

– အီရတ်နိုင်ငံမြောက်ပိုင်းရှိ ကာ့ဒ်ဒေသ လွတ်လပ်ရေးအတွက် ပြည်သူဆန္ဒခံယူရန် ၁ ရက်သာ လိုတော့သည့်အချိန်တွင် နိုင်ငံတစ်ဝှမ်း ထိုကိစ္စကို ဆန့်ကျင်နေကြပြီး တင်းမာမှုများလည်း မြင့်တက်လာခဲ့သည်ဟု သိရသည်။

ယနေ့မနက် နိုင်ငံအရှေ့ပိုင်း ဘာကူဘာမြို့တော်ကောင်စီရှေ့တွင် အီရတ်ပြည်သူများမှာ စက်တင်ဘာ ၂၅ ရက်နေ့တွင် ပြုလုပ်မည့် ကာ့ဒ်ဒေသ လွတ်လပ်ရေး ပြည်သူ့ဆန္ဒခံယူပွဲကို ရှုတ်ချသည့် ဆိုင်းဘုတ်များကို ကိုင်ဆောင်ဝှေ့ယမ်းခဲ့ကြပြီး အဆိုပါ ဆန္ဒခံယူပွဲကို ပိတ်ပင်ရန် အာဏာပိုင်များကို တိုက်တွန်းခဲ့သည်။

ကာ့ဒ်ဒေသအစိုးရ (KRG) က ထိန်းချုပ်ထားသော ဒေသများ၊ ဘဂ္ဂဒတ်အစိုးရနှင့် ပိုင်ဆိုင်မှု အငြင်းပွားနေသော ဒေသတစ်ချို့ ပါဝင်သည့် အဆိုပါ ပြည်သူ့ဆန္ဒခံယူမှုမှာ ဥပဒေကြောင်းအရ တရားမ၀င်သော်လည်း ကာ့ဒ်လူမျိုးများ ၎င်းတို့၏ ကိုယ်ပိုင်ကံကြမ္မာကို ဖန်တီးခွင့်ရရေးအတွက် ပထမဆုံးခြေလှမ်း ဖြစ်လာမည်ဖြစ်သည်။

အီရတ်အစိုးရ၊ တူရကီ၊ အမေရိကန်၊ အီရန်နှင့် ကုလတို့မှာ အဆိုပါ ပြည်သူ့ဆန္ဒခံယူပွဲကို ဆန့်ကျင်ကြောင်း လူသိရှင်ကြား ပြောကြားခဲ့ပြီး ထိုသို့ဆောင်ရွက်မှုမှာ လက်ရှိ IS အကြမ်းဖက်အဖွဲ့ကို တွန်းလှန်နေရမှုမှ သွေဖည်သွားစေကာ ဒေသတွင်း ပိုမို မတည်မငြိမ်ဖြစ်စေမည်ဟု ပြောကြားခဲ့သည်။

စနေနေ့ကလည်း ကီရ်ကွတ်မြို့တွင် ပေါက်ကွဲမှုတစ်ခုကြောင့် ကာ့ဒ်တပ်ဖွဲ့ဝင် ၄ ဦး သေဆုံးခဲ့ကာ ၇ ဦး ဒဏ်ရာရရှိခဲ့သည်။ ထိုတိုက်ခိုက်မှုအတွက် မည်သည့်အဖွဲ့မှ တာဝန်မယူသေးပေ။

Ref: Aljazeera