Tag: Man U

ဖေဖော်ဝါရီ ၂၇၊ ၂၀၁၁၆
M-Media

– မိမိနေရာတွင် မော်ရင်ဟိုက အစားဝင်တော့မည်ဆိုသည့် သတင်းများမှာ ကျော်မကောင်းကြားမကောင်းသည့် မဟုတ်မမှန် သတင်းများသာဖြစ်သည်ဟု မန်ယူနည်းပြ လူးဝစ်ဗန်ဂါးလ်က ပြောကြားလိုက်သည်။

ချယ်ဆီးမှ ဒီဇင်ဘာလအတွင်းက ထုတ်ပယ်ခံခဲ့ရပြီးနောက် မော်ရင်ဟိုမှာ မန်ယူသို့ ရောက်ရှိတော့မည်ဟု သတင်းများ တောက်လျှောက် ထွက်ပေါ်နေသည်။ ဗန်ဂါးလ်ကမူ ထိုသတင်းများအတွက် ပြစ်တင်ပြောဆိုခဲ့ပြီး အသင်းအနေဖြင့်လည်း ပြန်လည်တုံ့ပြန်ခြင်း မပြုလုပ်ရန် တိုက်တွန်းခဲ့သည်။

“သူက ကိစ္စတော်တော်များများကို အကြိမ်တော်တော်များများ ပြောခဲ့ပါတယ်။ ဒါပေမယ့် ဒီကိစ္စနဲ့ပတ်သက်ပြီးတော့ ဘာမှ မပြောပါဘူး။ ဒါကြီးတစ်ခုလုံး အဓိပ္ပါယ်မရှိဘူးဆိုတာကို ကျွန်တော်တွေ့ခဲ့ပါတယ်။ မီဒီယာမှာ ကျွန်တော်ဖတ်ရတဲ့၊ လုပ်ကြံဖန်တီးထားတဲ့ ဒီကိစ္စတွေကို မန်ယူအနေနဲ့ မတုံ့ပြန်စေချင်ပါဘူး။ အသင်းနဲ့ ကျွန်တော်ကိုယ်တိုင်လည်း ဒီသတင်းကို ငြင်းပယ်ကာ မီဒီယာတွေ မျက်စိစပါးမွှေးဆူးအောင် လုပ်မှာမဟုတ်ပါဘူး။ အခု ဖြစ်ပျက်နေတာ အားလုံးက လုံးဝ မဟုတ်မမှန်သတင်းတွေပါပဲ” ဟု ဗန်ဂါးလ်က ပြောကြားခဲ့သည်။

Ref: Goal

ဖေဖော်ဝါရီ ၂၄၊ ၂၀၁၆
M-Media

– ပရိတ်သတ်များ မျှော်လင့်ထားသည့်အတိုင်း မိမိအနေဖြင့် ခြေစွမ်းပြနိုင်ခြင်းမရှိဟု မန်ယူကွင်းလယ်လူ မန်ဖစ် ဒီပေးက ၀န်ခံပြောကြားလိုက်ပြီး မကြာခင် ပြောင်းရွှေ့ကြေးနှင့်တန်သည့် ခြေစွမ်းကို ပြသနိုင်ရန် ယုံကြည်ချက်ရှိနေသည်ဟု ဆိုသည်။

ပီအက်စ်ဗွီအသင်းတွင် ခြေစွမ်းကောင်းများကို ပြသခဲ့သည့် အသက် ၂၂ နှစ်အရွယ် ဒီပေးမှာ မန်ယူသို့ ပြီးခဲ့သည့် နွေရာသီက ပေါင် ၂၅ သန်းဝန်းကျင်ဖြင့် ရောက်ရှိလာခဲ့သော်လည်း ပရီးမီးယားလိဂ်တွင် အခြေကျရန် ကြိုးစားနေရဆဲဖြစ်သည်။ ယခုနှစ် ပရီးမီးယားလိဂ် ပွဲ ၂၀ တွင် ဒီပေးမှာ ၁၂ ပွဲသာ ပါဝင်ကစားခွင့်ရခဲ့ပြီး ဗန်ဂါးလ်က ၎င်းထက် ဂျီစီ လင်ဂါ့ဒ်အား ပိုမို အသုံးပြုနေသည်။ ဒီပေးကလည်း ထိုအခြေအနေကို လက်ခံခဲ့သည်။

“ကျွန်တော်သိပါတယ်။ အဲဒီအတွက် တိုက်ပွဲဝင်သွားမှာပါ။ ကျွန်တော် ကိုယ့်ကိုယ်ကို အများကြီးမျှော်လင့်ထားတာပါ။ ဒါက အရေးကြီးပါတယ်။ အသင်းက အလုပ်များနေတယ်။ ဒါ့ကြောင့် ကျွန်တော်လည်း တိုးတက်အောင် ကြိုးစားရပါမယ်။ ဘယ်တော့တိုးတက်မလဲဆိုတာကိုတော့ အတိအကျ ပြောလို့မရပါဘူး။ ဒါပေမယ့် မကြာခင် ပြန်လာမှာပါ။ ယုံကြည်ချက်က အကူအညီနဲ့ အတွေ့အကြုံကို ပေးပါတယ်။ အမှားတွေကနေ သင်ခန်းစာ ယူရမှာပါ” ဟု ဒီပေးက ပြောကြားခဲ့သည်။

Ref: Goal

ဖေဖော်ဝါရီ ၁၀၊ ၂၀၁၆
M-Media

– မိမိမှာ ရာသီကုန်တွင် မန်ယူနည်းပြ ဗန်ဂါးလ်၏ နေရာကို အစားဝင်မည်ဖြစ်ကြောင်း မော်ရင်ဟိုက ၎င်း၏ မိတ်ဆွေများနှင့် လုပ်ဖော်ကိုင်ဖက်များအား ပြောကြားခဲ့သည်ဟု ဗြိတိန်သတင်းစာများ ယနေ့တွင် ဖော်ပြခဲ့ကြသည်။

အိုးထရက်ဖို့ဒ်တွင် မိမိဝင်ရောက်လုပ်ကိုင်ရမည်မှာ သဘောတူညီပြီးသား ကိစ္စဖြစ်သည်ဟု အသက် ၅၃ နှစ်အရွယ်ရှိ မော်ရင်ဟိုက ပြောကြားခဲ့ကြောင်း ၎င်းနှင့် နီးစပ်သည့် အမည်မဖော်လိုသော ရင်းမြစ်တစ်ခု၏ ပြောကြားမှုကို ကိုးကား၍ Daily Mail၊ Daily Star၊ Daily Mirror နှင့် Daily Telegraph စသည့် အင်္ဂလိပ်သတင်းစာများက ဖော်ပြခဲ့ကြခြင်းဖြစ်သည်။

ဒီဇင်ဘာလက ချယ်ဆီးမှ ထုတ်ပယ်ခံလိုက်ရသည့် မော်ရင်ဟိုမှာ မန်ယူနည်းပြဖြစ်မည်ဟု သတင်းများ ကျယ်ကျယ်ပြန့်ပြန့် ထွက်ပေါ်နေပြီး၊ ပြီးခဲ့သည့်တစ်ပတ်က အင်တာဗျူးတွင်လည်း မော်ရင်ဟိုက မကြာမီ အင်္ဂလန်တွင် နည်းပြအဖြစ် ပြန်လည် ဆောင်ရွက်သွားမည်ဟု ပြောကြားခဲ့သည်။

ဗန်ဂါးလ်ကမူ မန်ယူနှင့် မော်ရင်ဟိုတို့အကြား ဆွေးနွေးနေသည်ဆိုသော သတင်းများမှာ မီဒီယာများ၏ ဖန်တီးမှုဖြစ်သည်ဟု တနင်္ဂနွေနေ့က ပြောကြားခဲ့သည်။

Ref: Channelnewsasia