News @ M-Media

Tag: SaudiArabia

  • အမျိုးသမီး စွမ်းအားမြှင့်တင်ရေးမှာ သမိုင်းသစ်ရေးထိုးလိုက်တဲ့ ဆော်ဒီအာရေဗျ

    အမျိုးသမီး စွမ်းအားမြှင့်တင်ရေးမှာ သမိုင်းသစ်ရေးထိုးလိုက်တဲ့ ဆော်ဒီအာရေဗျ

    မေ ၂၂၊ ၂၀၂၃

    M-Media


    -ဆော်ဒီအာရေဗျ အာကာသယာဥ်မှူး ရေယာနာ ဘာရ်နာ၀ီဟာ မနေ့က Space X က လွှတ်တင်တဲ့ အာကာသယာဥ်နဲ့ နိုင်ငံတကာ အာကာသစခန်း ISS ကို လိုက်ပါသွားခဲ့ပါတယ်။

    ဆော်ဒီနဲ့ အာရပ်ကမ္ဘာမှာ အာကာသကို သွားရောက်နိုင်တဲ့ ပထမဆုံး အမျိုးသမီးယာဥ်မှူးအဖြစ် ရေယာနာတစ်ယောက် သမိုင်းရေးထိုးနိုင်ခဲ့တာလည်း ဖြစ်ပါတယ်။ 

    အခြား ဆော်ဒီအာကာသယာဥ်မှူး အလ် ကာရ်နီလည်း မနေ့က ဒုံးပျံနဲ့ လိုက်ပါသွားခဲ့ပါတယ်။ ရေယာနာနဲ့ အလ် ကာရ်နီတို့ဟာ ၁၉၈၅ ခုနှစ်နောက်ပိုင်း အာကာသကိုသွားရောက်တဲ့ ပထမဆုံး ဆော်ဒီနိုင်ငံသားတွေအဖြစ် မှတ်တမ်း၀င်ပါတယ်။ 

    သုတေသနပညာရှင်တွေလည်းဖြစ်တဲ့ သူတို့နှစ်ဦးဟာ နိုင်ငံတကာအာကာသစခန်းမှာ ၈ ရက်ကြာ နေထိုင်မှာဖြစ်ပြီး သိပ္ပံသုတေသနလုပ်ငန်းပေါင်း ၂၀ လောက် ဆောင်ရွက်မှာ ဖြစ်ပါတယ်။ အဲဒီအထဲက ၁၄ ခုဟာ ဆော်ဒီသိပ္ပံပညာရှင်တွေရဲ့ မူပိုင်ဖြစ်ပါတယ်။ 

    Ref: Arab News 

  • ဆော်ဒီနဲ့ အမေရိကန် မက်ဆီဘယ်ကိုသွားမလဲ

    ဆော်ဒီနဲ့ အမေရိကန် မက်ဆီဘယ်ကိုသွားမလဲ

    မေ ၄၊ ၂၀၂၃

    M-Media 


    ဆော်ဒီရောက်မက်ဆီ

    -အသက် ၃၅ နှစ်အရွယ် အာဂျင်တီးနားတိုက်စစ်မှူး လီယွန်နယ်မက်ဆီဟာ အခုနှစ် ဘောလုံးရာသီအပြီးမှာ ပီအက်စ်ဂျီကနေ အလွတ်ပြောင်းရွှေ့ကြေးနဲ့ ထွက်ခွာတော့မှာ ဖြစ်ပါတယ်။ 

    ဘဏ္ဏာရေးညီမျှမှု စည်းမျဥ်းတွေအရ လစာမြင့်ကစားမသားတစ်ချို့ကို ပီအက်စ်ဂျီက လျှော့ချဖို့ ရှိနေချိန် မက်ဆီရဲ့ ပီအက်စ်ဂျီအနာဂတ်ကလည်း မရေမရာ ဖြစ်နေတာပါ။ 

    ဆော်ဒီကို ခွင့်ပြုချက်မရဘဲ သွားရောက်ခဲ့တဲ့အတွက် မက်ဆီကို အသင်းက ၂ ပတ်တာ ဘောလုံးကစားခွင့် ပိတ်ပင်ကာ ဒဏ်ငွေရိုက်လိုက်တဲ့ အခုရက်ပိုင်း အဖြစ်အပျက်နောက်ပိုင်း ပီအက်စ်ဂျီကနေ ထွက်ခွာတော့မယ်ဆိုတဲ့ သတင်း ခိုင်ခိုင်လုံလုံ ထွက်လာတာ ဖြစ်ပါတယ်။ 

    လက်ရှိမှာ မက်ဆီကို ဆော်ဒီ၊ အမေရိကန်နဲ့ ပရီးမီးယားလိဂ် ကလပ်အသင်းတစ်ချို့က ခေါ်ယူဖို့ စိတ်၀င်စားနေပါတယ်။ 

    ရော်နယ်ဒိုကစားနေတဲ့ အလ် နဆာရ်အသင်းရဲ့ ပြိုင်ဘက် ဆော်ဒီကလပ် အလ် ဟီလာအသင်းဟာ ပေါင် သန်း ၃၂၀ နဲ့ ခေါ်ယူဖို့ ကြိုးစားနေတဲ့ သတင်းတွေ ကျယ်ကျယ်ပြန့်ပြန့် ထွက်ပေါ်နေပါတယ်။ 

    အင်္ဂလန်ဂန္တ၀င်ကစားသမား ဒေးဗစ်ဘက်ခမ်း ပူးတွဲပိုင်ဆိုင်တဲ့ အမေရိကန်ကလပ် အင်တာမိုင်ယာမီကလည်း မက်ဆီကို စိတ်၀င်စားနေပါတယ်။ 

    အစောပိုင်းက မက်ဆီကို ပြန်ခေါ်ဖို့ စဥ်းစားနေတယ်ဆိုတဲ့ အသင်းဟောင်း ဘာစီလိုနာက အပြောင်းအရွှေ့ မဖြစ်ဖို့များတယ်လို့ မနေ့က ထုတ်ပြောထားပါတယ်။ 

    လစာနည်းပါးနိုင်တဲ့ ပရီးမီးယားလိဂ်ကို မက်ဆီက လာဖို့ ဆန္ဒသိပ်မရှိဘဲ ငွေထုတ်ပိုက်ကာ ကစားသမားဘ၀ကို အဆုံးသတ်နိုင်တဲ့အတွက် ဆော်ဒီနဲ့ အမေရိကန် ဘယ်ကိုသွားမလဲဆိုတာ ဆက်လက်စောင့်ကြည့်ရမှာ ဖြစ်ပါတယ်။ 

    Ref: Goal 

  • လူ ၂ သန်းခွဲ ပါ၀င်ခဲ့ကြတဲ့ မက္ကာက ကုရ်အာန်ခသမ်သိမ်း ၀တ်ပြုဆုတောင်းပွဲ

    လူ ၂ သန်းခွဲ ပါ၀င်ခဲ့ကြတဲ့ မက္ကာက ကုရ်အာန်ခသမ်သိမ်း ၀တ်ပြုဆုတောင်းပွဲ

    ဧပြီ ၂၀၊ ၂၀၂၃

    M-Media 

    • ع / عام / أكثر من مليونين ونصف مصل يشهدون ختم القرآن الكريم ليلة التاسع والعشرين من الشهر الكريم وسط منظومة متكاملة من الخدمات 1444-09-28 هـ(واس)
    • ع / عام / أكثر من مليونين ونصف مصل يشهدون ختم القرآن الكريم ليلة التاسع والعشرين من الشهر الكريم وسط منظومة متكاملة من الخدمات 1444-09-28 هـ(واس)
    • ع / عام / السديس يعلن نجاح خطة الرئاسة العامة لشؤون الحرمين لليلة ختم القران في المسجد الحرام 1444-09-29 هـ(واس)
    • ع / عام / أكثر من مليونين ونصف مصل يشهدون ختم القرآن الكريم ليلة التاسع والعشرين من الشهر الكريم وسط منظومة متكاملة من الخدمات 1444-09-28 هـ(واس)

    -ဆော်ဒီအာရေဗျနိုင်ငံ မက္ကာမြို့က မြင့်မြတ်ရာ မတ်စ်ဂျစ်ဒ်ဟရမ် ဗလီ၀တ်ကျောင်းတော်မှာ မနေ့က သာရာ၀ီ၀တ်ပြုဆုတောင်းမှုအတွင်း ကမ္ဘာတစ်၀ှမ်းက လူပေါင်း ၂ သန်းခွဲ ပါ၀င်ခဲ့ကြပါတယ်။ 

    ရမ်ဇာန်ဥပုသ်လ ၂၉ ရက်နေ့ ပြည့်မြောက်တဲ့ ဗုဒ္ဓဟူးနေ့ညက ညဉ့်ဦးပိုင်း သာရာ၀ီ၀တ်ပြုမှုမှာ ကုရ်အာန်ကျမ်းတော်မြတ်ရဲ့ နောက်ဆုံး စာမျက်နှာတွေကို ရွတ်ဖတ်ခဲ့ကြတာ ဖြစ်ပါတယ်။ 

    အစ္စလာမ်ဘာသာ၀င်တွေဟာ ရမ်ဇာန်ဥပုသ်လ အထူး၀တ်ပြုဆုတောင်းမှုဖြစ်တဲ့ သာရာ၀ီ၀တ်ပြုမှုမှာ တစ်လအတွင်း ကုရ်အာန်ကျန်းတော်မြတ်ကို အစအဆုံး ရွတ်ဖတ်ကြပြီး၊ ဥပုသ်လ ၂၇ ရက်၊ ၂၈ ရက်နဲ့ ၂၉ ရက်တွေမှာ ကျမ်းစာတစ်အုပ်လုံးကို အဆုံးသတ်ကြပါတယ်။ 

    မနေ့က ၀တ်ပြုဆုတောင်းမှုကို ထိပ်တန်း အစ္စလာမ့်ပညာရှင် ကာရီ ဆူဒိုက်က ဦးဆောင်ခဲ့ပါတယ်။ 

    Ref: Arab News 

  • ဆော်ဒီ-အီရန် ဆက်ဆံရေး ခေတ်သစ်တစ်ခုကိုရောက်လာ

    ဆော်ဒီ-အီရန် ဆက်ဆံရေး ခေတ်သစ်တစ်ခုကိုရောက်လာ

    ဧပြီ ၈၊ ၂၀၂၃

    M-Media 


    -နှစ်နိုင်ငံဆက်ဆံရေး ပြန်လည်ထူထောင်ဖို့ ပြီးခဲ့တဲ့လမှာ သဘောတူခဲ့တဲ့ ဆော်ဒီနဲ့ အီရန်နိုင်ငံတို့ဟာ ပြီးခဲ့တဲ့ရက်ပိုင်းမှာ အသေးစိတ်အချက်အလက်တွေကို လက်မှတ်ရေးထိုးခဲ့ကြပါတယ်။ 

    ဆော်ဒီနိုင်ငံခြားရေး၀န်ကြီး ဖိုင်ဆဲလ် ဘင် ဖာရ်ဟန်နဲ့ အီရန်နိုင်ငံခြားရေး၀န်ကြီး အမီရာဒိုလာဟင်တို့ရဲ့ ဘေဂျင်းတွေ့ဆုံမှုမှာ လေယာဥ်တွေ အပြန်အလှန် ပြေးဆွဲဖို့၊ နှစ်ဖက်ပြည်သူတွေကို ဗီဇာခွင့်ပြုဖို့ စတာတွေကို ဆွေးနွေးခဲ့ကြပါတယ်။ 

    ဆော်ဒီက ဂျစ်ဒါနဲ့ အီရန်က မက်ရှ်ဟဒ်တို့မှာ သံရုံးတွေ ပြန်ဖွင့်မှာဖြစ်ပြီး အီရန်ပြည်သူတွေကို ဆော်ဒီက အွမ္မရာဟ် ဘုရားဖူးဗီဇာ ထုတ်ပေးရေး သဘောတူခဲ့ကြောင်း ပူးတွဲထုတ်ပြန်တဲ့ ကြေငြာချက်မှာ ဖော်ပြထားပါတယ်။  

    လွန်ခဲ့တဲ့ နှစ်ပေါင်း ၂၀ အရင်က နှစ်နိုင်ငံ လက်မှတ်ရေးထိုးထားတဲ့ စီးပွားရေးနဲ့ လုံခြုံရေးဆိုင်ရာ ပူးပေါင်းဆောင်ရွက်ရေး သဘောတူညီချက်ကို အသက်ပြန်သွင်းဖို့ သဘောတူခဲ့ကြပါတယ်။ 

    ဒေသတွင်း တည်ငြိမ်အေးချမ်းရေးနဲ့ လုံခြုံရေးအတွက် ပူးပေါင်းဆောင်ရွက်မှု၊ နှစ်နိုင်ငံ ယုံကြည်မှုတွေ တိုးမြှင့်ဖို့ အရေးကြီးကြောင်း ကြေငြာချက်မှာ အလေးထားဖော်ပြထားပါတယ်။ 

    Ref: Arab News 

  • ဆော်ဒီတွင် မောင်းသူမဲ့ကားများကို မြင်ရတော့မည်

    ဧပြီ ၅၊ ၂၀၂၃

    M-Media 


    -မောင်းသူမဲ့ကားတွေကို စတင်စမ်းသပ်နေပြီး မကြာခင် နိုင်ငံတစ်၀ှမ်းက လမ်းတွေမှာ မြင်တွေ့ရတော့မယ်လို့ ဆော်ဒီ ပို့ဆောင်ရေး၀န်ကြီးဌာနက ထုတ်ပြန်ပါတယ်။

    နိုင်ငံအတွင်း သယ်ယူပို့ဆောင်ရေးကဏ္ဍ အဆင့်မြင်စေဖို့၊ ယာဥ်တိုက်မှုတွေကို လျှော့ချဖို့၊ သဘာ၀ပတ်၀န်းကျင်ကို ထိန်းသိမ်းဖို့ ရည်ရွယ်ကာ မောင်းသူမဲ့ကားအသုံးပြုမှု ထွန်းကားလာအောင် ဆော်ဒီက ဆောင်ရွက်နေတာပါ။ 

    အသစ်ဆောက်နေတဲ့ အနာဂတ်မြို့ NEOM မှာ မောင်းသူမဲ့ကား၊ ပို့ဆောင်ရေးစနစ်တွေကို အဓိက သုံးစွဲမှာဖြစ်ပြီး၊ ကာဘွန်ထုတ်လွှတ်မှု လုံး၀မရှိစေဖို့အတွက် ပြည့်ဖြိုးမြဲစွမ်းအင်ကို ရာနှုန်းပြည့် အသုံးပြုမှာလည်း ဖြစ်ပါတယ်။ 

    Ref: Arab News