ဧပြီ ၉၊ ၂၀၂၀
M-Media
-အစ္စလာမ်ဘာသာဝင်တွေ သောကြာနေ့ နေအိမ်တွေမှာ ဝတ်ပြုဆုတောင်းနိုင်ဖို့အတွက် အင်္ဂလန်နိုင်ငံ ဒေသတစ်ချို့က ဘီဘီစီ အသံလွှင့်ရုံတွေဟာ အာဇန် နိဗ္ဗာန်ဆော်မှုကို ထုတ်လွှင့်ပေးနေတယ်လို့ သိရပါတယ်။
ကိုရိုနာဗိုင်းရပ်စ် ပြန့်နှံ့မှုကို တားဆီးရေးအတွက် ဗြိတိန်မှာ လူစုလူဝေးလုပ်တာကို တားမြစ်ထားပြီး လှုပ်ရှားသွားလာမှု ကန့်သတ်ချက်တစ်ချို့ကိုလည်း လုပ်ဆောင်ထားပါတယ်။ ဒါ့ကြောင့် ဗလီဝတ်ကျောင်းတော်တွေ အပါအဝင် ဘာသာရေးအဆောက်အဦးတွေအားလုံး ပိတ်ထားရပါတယ်။
ဧပြီလ ၃ ရက် သောကြာနေ့က ကိုဗန်ထရီနဲ့ ဝါဝစ်ရှိုင်းယားဒေသတွေက ဘီဘီစီ အသံလွှင့်ရုံတွေဟာ ကာရီ အာဆင် (MBE) ရဲ့ အာဇန်သံကို လွှင့်ပေးခဲ့ပါတယ်။ ဒါဟာ ဗလီတွေ ပိတ်ထားတာကြောင့် အခက်အခဲဖြစ်နေတဲ့ အစ္စလာမ်ဘာသာဝင်တွေ အဆင်ပြေစေဖို့အတွက် လွှင့်ပေးတာဖြစ်ပြီး ရမ်ဇာန်ဥပုသ်လအထိ လွှင့်ပေးသွားမယ်လို့ ဆိုပါတယ်။ အပတ်စဉ် နိုင်ငံအတွင်းက ရှေ့ဆောင်အီမာမ်တွေ တစ်လှည့်စီ အာဇန်ဆိုမှာ ဖြစ်ပါတယ်။
ဘီဘီစီရဲ့ ရေဒီယိုဂျာနယ်လစ်တစ်ဦးဖြစ်ပြီး အစီအစဉ် ဖန်တီးတင်ဆက်သူလည်းဖြစ်တဲ့ ဟယ်ရီ ဖာလေက ဘီဘီစီရဲ့ ဒီအစီအစဉ်ကို ဧပြီလ ၂ ရက်နေ့က သူ့ရဲ့ Tiwtter စာမျက်နှာကနေ ကြေငြာခဲ့ပြီး ယူကေက ဆိုရှယ်မီဒီယာ အသုံးပြုသူတွေကလည်း ကြိုဆိုခဲ့ကြပါတယ်။
Ref: Business Recorder
