ဇူလိုင် ၂၁၊ ၂၀၁၉
M-Media
အီရန်နှင့် အိုမန်နိုင်ငံအကြားရှိ ဟော်မုဇ်ရေလက်ကြား
-ဟော်မုဇ်ရေလက်ကြားမှာ မဟာမိတ်တွေ ‘လွတ်လပ်ပြီး၊ အန္တရာယ်ကင်းတဲ့လမ်းကြောင်း’ ရရှိစေဖို့အတွက် စောင့်ကြည့်ရေးနဲ့ ထောက်လှမ်းရေး အစီအမံတစ်ခု လုပ်ဆောင်သွားမယ်လို့ အမေရိကန်က မနေ့မှာ ကြေငြာလိုက်ပြီး အီရန်က ဗြိတိန် ရေနံတင်သင်္ဘောတစ်စင်းကို ဖမ်းဆီးခဲ့ပြီးနောက်ပိုင်း ဒီလိုပြောကြားမှု ပေါ်ထွက်လာတာပါ။
Stena Impero ရေနံတင်သင်္ဘောကို အီရန် တော်လှန်ရေးအစောင့်တပ်ဖွဲ့ IRGC က သောကြာနေ့မှာ ဖမ်းဆီးခဲ့ပါတယ်။ သင်္ဘောဟာ နိုင်ငံတကာ ရေကြောင်းဥပဒေတွေကို လိုက်နာမှု မရှိဘူးလို့ ဆိပ်ကမ်းက တိုင်ကြားတဲ့အတွက် ဖမ်းဆီးရတာဖြစ်ပြီး စစ်ဆေးပြီးတာနဲ့ ပြန်လွှတ်ပေးမယ်လို့ အီရန်က ထုတ်ပြန်ထားပါတယ်။
သင်္ဘောကို ရဟတ်ယာဉ်တွေ၊ ရှပ်ပြေးဘုတ်တွေနဲ့ ဝိုင်းပိတ် သိမ်းဆည်းခဲ့ပုံ ဗီဒီယိုကိုလည်း IRGC က ထုတ်ပြန်ခဲ့ပါတယ်။ သင်္ဘောပေါ်မှာ သင်္ဘောသား ၂၃ ဦး လိုက်ပါသွားပြီး ဗြိတိန်နိုင်ငံသား ပါဝင်ခြင်း မရှိဘူးလို့ ဆိုပါတယ်။
အမေရိကန် ကာကွယ်ရေးဝန်ကြီးဌာနက တာဝန်ရှိသူ ဂျွန်ရုဒ်က ဟော်မုဇ် ရေလက်ကြားနဲ့ ပါရှန်ပင်လယ်ကွေ့မှာ လွတ်လပ်ပြီး အန္တရာယ်ကင်းတဲ့ လမ်းကြောင်းတစ်ခုပေါ်လာရေး ကင်းလှည့်မယ့် အစီအစဉ်တစ်ခုကို လုပ်ဆောင်ဖို့ ရှိတယ်လို့ မနေ့ကပြုလုပ်တဲ့ Aspen Security ဖိုရမ်မှာ ပြောကြားခဲ့ပါတယ်။
လက်ရှိမှာ နေတိုးအဖွဲ့၊ ပင်လယ်ကွေ့က အခြားနိုင်ငံတွေနဲ့ ဒီကိစ္စကို ဆွေးနွေးနေတယ်လို့ ဆိုပါတယ်။
“ဒီအစီအစဉ်ဟာ ပါရှန် ပင်လယ်ကွေ့က အခြေအနေကို ထောက်လှမ်းစောင့်ကြည့်နိုင်ရေး ထပ်တိုး လုပ်ဆောင်သွားမယ့် အစီအစဉ်ပါ။ တည်ငြိမ်ဖို့နဲ့ ပြန်လည်တုန့်ပြန်နိုင်စွမ်းရှိဖို့အတွက် ရေတပ်နဲ့ လေတပ်အင်အားတွေ ချထားတာလည်း ပါဝင်မှာ ဖြစ်ပါတယ်”
အမေရိကန်ဟာ အီရန်နဲ့ ပဋိပက္ခမဖြစ်ချင်ပေမယ့် မိမိတို့တပ်ဖွဲ့တွေ၊ ပြည်သူတွေကို ကာကွယ်ရေး အသေအချာလုပ်ဆောင်သွားမယ်ဆိုတာ အီရန်က သိထားရမှာဖြစ်ကြောင်း၊ အီရန်ဟာ ခြေလှမ်းအမှားတွေ လှမ်းလာနိုင်တဲ့အခြေအနေမျိုး မြင့်မားနေပြီး၊ ဗြိတိန်သင်္ဘောကို ဖမ်းဆီးလိုက်တာက ဟော်မုဇ်ရေလက်ကြားမှာ မရည်ရွယ်တဲ့ ပဋိပက္ခ ဖြစ်နိုင်ခြေကို မြင့်တက်စေတယ်လို့ ရုဒ်က သတိပေးခဲ့ပါတယ်။
ရှုတ်ချ
ရေနံတင်သင်္ဘော ဖမ်းဆီးတဲ့လုပ်ရပ်ကို ယူကေနဲ့ ဥရောပနိုင်ငံတွေက ရှုတ်ချလိုက်ပြီး၊ ရေလက်ကြားမှာ တင်းမာမှုတွေ လျော့ကျဖို့လည်း တိုက်တွန်းခဲ့ပါတယ်။
ဗြိတိန်နိုင်ငံခြားရေးဝန်ကြီး ဂျယ်ရီမီဟန့်က ဒီကိစ္စကို ထိထိရောက်ရောက် တုန့်ပြန်သွားဖို့ စဉ်းစားနေတယ်လို့ ပြောကြားခဲ့ပါတယ်။ အီရန်နိုင်ငံခြားရေး ၀န်ကြီးနဲ့ တွေ့ဆုံဆွေးနွေးခဲ့ပြီး တင်းမာမှုတွေ လျော့ချမယ်လို့ အီရန်က ပြောကြားခဲ့ပေမယ့် လက်တွေ့မှာ ဆန့်ကျင်ဘက်လုပ်နေတာကြောင့် စိတ်ပျက်မိတယ်လို့လည်း ဟန့်က Twitter စာမျက်နှာမှာ ရေးသားခဲ့ပါတယ်။
“ပြေလည်မယ့် နည်းလမ်းတစ်ခု ရှာချင်တယ်ဆိုရင် အပြောထက်၊ အလုပ်က အဓိက ကျပါတယ်။ ဗြိတိန် သင်္ဘောလိုင်းတွေကို ကာကွယ်ရမှဖြစ်ပြီး၊ ကာလည်းကာကွယ်သွားမှာပါ”
ဟော်မုဇ်ရေလက်ကြားဟာ ကုန်သွယ်ရေးမှာ အရေးပါတဲ့ ရေလမ်းကြောင်းတစ်ခုဖြစ်ပြီး ကမ္ဘ္ဘာ့
ရေနံတင်ပို့မှုရဲ့ ၅ ပုံ ၁ ပုံဟာ ဒီလမ်းကြောင်းက သွားနေတာ ဖြစ်ပါတယ်။
ဟန့်ကတော့ ရေနံတင်သင်္ဘောကို အီရန်က သိမ်းဆည်းလိုက်တာဟာ အန္တရာယ်ရှိတဲ့၊ မတည်ငြိမ်မယ့် လမ်းကြောင်းကို ရွေးနေတယ်ဆိုတဲ့ စိုးရိမ်ဖွယ်ရာ လက္ခဏာဖြစ်တယ်လို့ ပြောကြားခဲ့ပါတယ်။ ဂျီဘရော်တာ ရေလက်ကြားမှာ အီရန် ရေနံတင်သင်္ဘောကို ဗြိတိန်က ဖမ်းဆီးထိန်းသိမ်းခဲ့တာဟာ တရားနည်းလမ်းကျပြီး ဥရောပရဲ့ ပိတ်ဆို့မှုတွေကို ချိုးဖောက်ကာ ဆီးရီးယားကို ရေနံတင်ပို့တဲ့အတွက် ဖြစ်တယ်လို့လည်း သူက ကာကွယ်ပြောကြားခဲ့ပါတယ်။
အီရန်ကတော့ ဗြိတိန်ရဲ့ ဒီလုပ်ရပ်ဟာ ပင်လယ်ဓားပြလုပ်ရပ် ဖြစ်တယ်လို့ ပြောကြားထားပါတယ်။
မနေ့က အီရန်နိုင်ငံခြားရေးဝန်ကြီး ဂျာဗဒ်ဇာရစ်ရဲ့ Twitter မှတ်ချက်မှာ၊ အီရန်က ဗြိတိန်ရေနံတင်သင်္ဘောကို သိမ်းပိုက်တာဟာ ဗြိတိန်လို ပင်လယ်ဓားပြလုပ်ရပ်ကို လုပ်ဆောင်တာမဟုတ်ဘဲ ရေကြောင်းသွားလာရေး စည်းကမ်းတွေကို လိုက်နာအောင် ဆောင်ရွက်တာဖြစ်ကြောင်း၊
ဟော်မုဇ်ရေလက်ကြား လုံခြုံရေးကို အီရန်က အပြည့်အ၀ အာမခံကြောင်း ဖော်ပြထားပါတယ်။
အီရန် တော်လှန်ရေးအစောင့်တပ်ဖွဲ့ IRGC ပြောရေးဆိုခွင့်ရှိသူ တစ်ဦးက ရေနံတင်သင်္ဘောနဲ့အတူ ဗြိတိန် စစ်သင်္ဘောတစ်စင်း လိုက်ပါလာပြီး မိမိတို့ရဲ့ ဖမ်းဆီးမှုကို နှောက်ယှက်ခဲ့ကြောင်း၊ တရားနည်းလမ်းကျတဲ့ လုပ်ငန်းတွေပြီးရင် သင်္ဘောကို လွှတ်ပေးမှာဖြစ်ကြောင်း အလ်ဂျာဇီးရား သတင်းဌာနကို ပြောကြားခဲ့ပါတယ်။
Ref: Aljazeera
