ဇွန် ၅ ၊ ၂၀၁၄
M-Media
– တရုတ်နိုင်ငံအနောက်တောင်ပိုင်းတွင် ကျောက်မီးသွေးမိုင်းတွင်းတစ်ခု ယမန်နေ့ ညနေပိုင်းက ပေါက်ကွဲမှုကြောင့် အနည်းဆုံး လူ ၂၂ ဦးသေဆုံးခဲ့သည်ဟု သိရသည်။
Chongqing ပြည်နယ် ယန်ရှိတိုင်း ခရိုင်တွင် ဒေသစံတော်ချိန် ညနေ ၅ ၄၀ မိနစ်က ဖြစ်ပွားခဲ့ခြင်းဖြစ်ပြီး၊ ဓာတ်ငွေ့ယိုစိမ့်မှုကြောင့်ဖြစ်မည်ဟု တာဝန်ရှိသူများက ပြောကြားခဲ့သည်။ ပေါက်ကွဲသည့်အချိန်တွင် မိုင်းလုပ်သား ၂၈ ဦး ရှိနေပြီး ၆ ဦးကို ကယ်ဆယ်ရေးသမားများက ကယ်တင်နိုင်ခဲ့ကာ ၂ ဦးမှာ ဒဏ်ရာရရှိခဲ့သည်။
ထိုမိုင်းတွင်မှာ Chongqing ပြည်နယ်တွင် အကြီးဆုံး ကျောက်မီးသွေးတူးဖော်ရေး ကုမ္ပဏီဖြစ်သည့် အစိုးရပိုင် Nantong Mining Co., Ltd မှ ပိုင်ဆိုင်သော မိုင်းတွင်းဖြစ်သည်။
တရုတ်နိုင်ငံရှိ မိုင်းတွင်းများတွင် ဘေးအန္တရာယ်ကင်းရှင်းမှု အစီအမံများ အားနည်းသောကြောင့် မိုင်းတွင်းပေါက်ကွဲ ပြိုကျမှုများ မကြာခဏ ဖြစ်ပွားလေ့ရှိပြီး ၂၀၁၃ ခုနှစ်အတွင်း မိုင်းတွင်း ပေါက်ကွဲ၊ ပြိုကျမှုကြောင့် သေဆုံးသူဦးရေမှာ ၁၀၄၉ ဦးရှိသည်။
ဆင်ဟွာ
Leave a Reply
You must be logged in to post a comment.