ဇူလိုင် ၁ ၊ ၂၀၁၄
M-Media
– ကမ္ဘာ့ဖလားပြိုင်ပွဲတွင် အာဂျင်တီးနားအသင်းဗိုလ်စွဲရေး မိမိပေါ်တွင် မူတည်ခြင်းမရှိဟု အားထားရသည့် တိုက်စစ်မှူး မက်ဆီက ပြောကြားလိုက်သည်။
အာဂျင်တီးနားအသင်း၏ ကြယ်ပွင့်ကစားသမားဖြစ်ပြီး၊ အုပ်စုပွဲစဉ်များတွင် ၄ ဂိုးသွင်းယူပေးထားနိုင်ကာ အသင်းအောင်မြင်ရေးအတွက် အရေးပါသော ကစားသမား ဖြစ်နေသည်ဟု ပြောဆိုနေမှုများအပေါ် မက်ဆီက ယခုကဲ့သို့ တုံ့ပြန်ခဲ့ခြင်းဖြစ်သည်။
“အသင်းဟာ ကျွန်တော့်အပေါ်မှာ တော်တော်မှီခိုနေတယ်လို့ ကျွန်တော်မထင်ပါဘူး။ ကျွန်တော်တို့ဟာ အရည်အချင်းရှိတဲ့အသင်းပါ။ ကျွန်တော်ကတော့ ဒီအသင်းရဲ့ အစိတ်ပိုင်းတစ်ခုပါပဲ။ အသင်းတစ်သင်းအနေနဲ့ပဲ ကျွန်တော်တို့ ဗိုလ်စွဲနိုင်ပါတယ်” ဟု Times of India သတင်းစာသို့ မက်ဆီက ပြောကြားခဲ့သည်။
ထို့ပြင် ယခုပြိုင်ပွဲတွင် ဗိုလ်စွဲချင်ကြောင်း၊ ဘာစီလိုနာအသင်းဖော်များ စပိန်အသင်းနှင့်အတူ ကမ္ဘာ့ဖလားကိုင်မြှောက်နိုင်ခဲ့ခြင်းကို အားကျမိကြောင်း မက်ဆီက ထပ်လောင်းပြောကြားခဲ့သည်။ အာဂျင်တီးနားအသင်းမှာ ၁၆ သင်းအဆင့် ရှုံးထွက်ပွဲအဖြစ် ဆွဇ်လန်အသင်းနှင့် ယနေ့ညတွင် ကစားရမည်ဖြစ်သည်။
Leave a Reply
You must be logged in to post a comment.