ကင်းဘရစ်ဂ်ျ တက္ကသိုလ် Debate တွင် အကောင်းဆုံး စကားပြောစွမ်းရည် ဆု မလေးရှားသူ ရရှိ

ဒီဇင်ဘာ ၄ ၊ ၂၀၁၄
M-Media

ကင်းဘရစ်ဂ်ျ  တက္ကသိုလ်၏ အလွတ်တန်း အမျိုးသမီး စကားရည်လုပြိုင်ပွဲ၌ အကောင်းဆုံး စကားပြော စွမ်းရည်အဆင့်ကို မလေးရှား အပြည်ပြည်ဆိုင်ရာ အစ္စလာမစ်တက္ကသိုလ် International Islamic University Malaysia (IIUM) မှ တတိယနှစ်ဥပဒေကျောင်းသူ အသက် ၂၁ နှစ်အရွယ် အမီရာ နာတာရှာ Ameera Natasha မှ ဆွတ်ခူးလိုက်ပြီဖြစ်သည်။

ယင်းစကားရည်လုပွဲတွင် Oxford University ၊ Durham University ၊ Trinity College Dublin ၊ University College London ၊ Vienna University ၊ Berlin University ၊ St Andrews University ၊ Warwick University ၊ the London School of Economics နှင့် Tel Aviv University အစရှိသော ကျော်ကြား ထင်ရှားသည့် တက္ကသိုလ်များမှ ပြိုင်ပွဲဝင် အများအပြား ပါဝင်ကြသည်။

ပဏာမပြိုင်ပွဲအဆင့်လေးရပ်စလုံး၌ အကောင်းဆုံး စကားပြော စွမ်းရည်ရမှတ်များကို စိစစ်ပြီးသည့်နောက် အမီရာသည် IIUM မှ လက်တွဲဖော်ပြိုင်ပွဲဝင် စာရဟ် ရဟီးမ် (၁၉ နှစ်) နှင့်အတူ အမြင့်ဆုံးရမှတ်အား ဆွတ်ခူးခဲ့ခြင်းဖြစ်သည်။

အဆင့်သတ်မှတ်ချက်၌ ထပ်မံ တာသွားသည့် အရာမှာ အမီရာ၏ အပြည်ပြည်ဆိုင်ရာ စကားရည်လုပွဲမှ ထိရောက်ပြောင်မြောက်စွာ ပြောဆိုချက်များ ဖြစ်ကြသည်။

အမီရာသည် Australasian Intervarsity Debating Championship ပြိုင်ပွဲတွင် English as a Second Language (ESL) ဖြင့် ၂ ကြိမ်တိုင်တိုင် သရဖူဆောင်းခဲ့သူ၊ ၎င်းပြင် Asian English Olympics Debate Tournament 2014 တွင် အကောင်းဆုံး စကားပြောစွမ်းရည်ဆုနှင့် အိန္ဒိယတွင် ကျင်းပသည့် World Universities Debating Championship 2014 ဂုဏ်ပြုပြိုင်ပွဲ၌ ESL အကြိုဗိုလ်လုပွဲ အဆင့်ထိ တက်လှမ်းထားနိုင်ခဲ့သူဖြစ်သည်။

“ကျွန်မ အကြီးအကျယ် ကျေနပ်ဝမ်းမြောက်ပါတယ်။ ဒီပြိုင်ပွဲဟာ ခက်ခဲလွန်းတဲ့အတွက် ဒီအဆင့်ရရှိမယ်လို့ လုံးဝကို မျှော်လင့် မထားခဲ့ပါဘူး။ ဒါပေမယ့် တစ်ချိန်တည်းမှာပဲ အာရှသားပြိုင်ပွဲဝင် အဖွဲ့တစ်ခုဖြစ်ရတာရော၊ အမျိုးသမီးတွေဟာ အားကစားနဲ့ နိုင်ငံတကာအရေးတွေကို ဆွေးနွေးနိုင်စွမ်းမရှိဘူးဆိုတဲ့ ရှေးအစွဲကိုချေဖျက်နိုင်တဲ့အတွက်ပါ ကျေနပ်အားရမိပါတယ်။ ဒါဟာ ကျွန်မ ဘယ်တော့မှ မမေ့နိုင်တဲ့ အတွေ့အကြုံတစ်ရပ်ပါပဲရှင်” ဟု အမီရာမှ The Star Online သို့ ရင်ဖွင့်သည်။

ပြိုင်ပွဲအတွင်း အမှတ်တရအတွေ့အကြုံနှင့်စပ်လျဉ်း၍ မေးမြန်းရာတွင် အမီရာက “ပထမဆင့်အဖြေ ထွက်လာတဲ့အခါ အောက်စ်ဖို့ဒ်အပါအ၀င် ပြိုင်ဖက်အဖွဲ့တွေက ကျွန်မတို့ကို အသိအမှတ်ပြုချီးကျူးကြပြီး ထိုက်ထိုက်တန်တန်ရတာပါလို့ ပြောဆိုကြပါတယ်။ ပြိုင်ဖက်ဖြစ်နေတာတောင်မှ ၀မ်းသာပေးတာကိုသိရတော့ ပြောမပြတတ်အောင် ခံစားရပါတယ်” ဟု ဖြေကြားသည်။

ဘွဲ့ယူပြီးလျှင် အမျိုးသမီးနှင့်ကလေးသူငယ်ဆိုင်ရာ အခက်အခဲများ ကူညီဖြေရှင်းနိုင်ရေးအတွက် NGO များနှင့် လက်တွဲလုပ်ဆောင်သွားရန် အမီရာမှ မျှော်မှန်းထားသည်။

အမီရာ၏ လက်တွဲဖော်ပြိုင်ပွဲ ၀င်ဖြစ်သူ အာဖဂန်နစ္စတန်မှ IIUM ၌ စီးပွားရေးဘာသာရပ် ဒုတိယနှစ်တက်ရောက်နေသော စာရဟ်က ဤသို့ဆိုပါသည်။

“လက်ရှိအစွဲဆိုးတွေကို ချိုးဖျက်နိုင်အောင် စကားပြောစွမ်းရည်ကို ပေါင်းကူးတစ်ခုအနေနဲ့ အသုံးပြုဖို့ အမျိုးသမီးတွေအတွက် အရေးကြီးပါတယ်။ အထူးသဖြင့် အမျိုးသမီးနဲ့ မိန်းမငယ်များ အခွင့်အရေး လှဲကျင်းခံထား ရတဲ့နေရာတွေမှာ စိတ် အခြေခံပြောင်းလဲရေးနဲ့ နိုင်ငံရေး၊ အလုပ်ခွင်၊ နေအိမ်မှာ မဟာဖိုဝါဒသဘောထားများ အပေါ် ရင်ဆိုင်ရေးအတွက် အလွန် ထိရောက်တဲ့ ကိရိယာတစ်ရပ်အဖြစ် စကားပြောစွမ်းရည်ကို အသုံးချနိုင်ပါတယ်”။

စကားရည်လုခြင်း၌ အမျိုးသမီးများ ရှေ့ထွက် ပါဝင်စေရန်၊ အမျိုးသမီးရေးရာများအပေါ် နိုးကြားစေရန်ရည်ရွယ်၍ ထိုပြိုင်ပွဲကြီးအား အင်္ဂလန်နိုင်ငံ၊ ကင်းဘရစ်ဂ်ျ တက္ကသိုလ်တွင် နိုဝင်ဘာ ၂၃ ရက်က ကျင်းပခဲ့ခြင်းဖြစ်သည်။ ကမ္ဘာတစ်ဝှမ်းမှ အမျိုးသမီးများသာ ပါဝင်သောအဖွဲ့ပေါင်း ၅၁ ဖွဲ့ ပါဝင်ယှဉ်ပြိုင်ခဲ့သည်။

The Star