မိမိမှာ အလန်ရှီးယားနှင့် တူလာကြောင်း ရီးတိုက်စစ်မှူး ဘေးလ် ဖွင့်ဟ

ဒီဇင်ဘာ ၁၈၊ ၂၀၁၄
M-Media

– ခေါင်းတိုက်ဂိုးများ များလာသည့် မိမိမှာ နယူးကာဆယ်အသင်း၏ ဂန္တ၀င်တိုက်စစ်မှူး အလန်ရှီးယားနှင့် တူလာပြီဟု ရီးယဲလ်အသင်း၏ ဝေးလ်တိုက်စစ်မှူး ဂါရက်ဘေးလ်က ပြောကြားလိုက်သည်။

ကမ္ဘာ့စံချိန်ပြောင်းရွှေ့ကြေား ယူရို သန်း ၁၀၀ ဖြင့် စပါးမှ ပြောင်းရွှေ့လာခဲ့သည့် ဂါရက်ဘေးလ်မှာ ယမန်နေ့က ကစားခဲ့သည့် ကမ္ဘာ့ကလပ်များဖလား ဆီးမီးဖိုင်နယ် Cruz Azul အား ၄ ဂိုးပြတ်ဖြင့် အနိုင်ရရှိခဲ့သောပွဲတွင် ခေါင်းတိုက်ကာ တစ်ဂိုး သွင်းပေးခဲ့ပြီး ထိုဂိုးမှာ မကြာသေးမီက ကစားခဲ့သောပွဲများတွင် ခေါင်းတိုက်၍ သွင်းယူခဲ့သော ၎င်း၏ သုံးဂိုးမြောက်ဂိုးလည်း ဖြစ်သည်။

`ဒီခေါင်းတိုက်ဂိုးတွေကြောင့် အလန်ရှီးယာနဲ့ နည်းနည်းတူလာတယ်လို့ ခံစားရလာပါတယ်´ ဟု ထိုပွဲအပြီးတွင် ဘေးလ်က ၎င်း၏ Twitter စာမျက်နှာ၌ ရေးသားဖော်ပြခဲ့သည်။ ထို့ပြင် ထိုပွဲတွင် အားပေးခဲ့ကြသည့် ပရိတ်သတ်ထောင်ပေါင်းများစွာကိုလည်း ကျေးဇူးတင်ကြောင်း ဘေးလ်က ပြောကြားခဲ့သည်။

ထိုပွဲအနိုင်မှာ ရီးယဲလ်၏ ၂၁ ပွဲဆက်တိုက် စံချိန်တင်အနိုင်လည်းဖြစ်သည်။ Cruz Azul အသင်းနည်းပြ လူးဝစ် ဖာနန်ဒိုကမူ မိမိတို့အသင်းမှာ ရီးယဲလ်အား မယှဉ်နိုင်ခဲ့ကြောင်း တတိယနေရာအတွက်ပင် ကြိုးစားရတော့မည်ဖြစ်ကြောင်း ပြောကြားခဲ့သည်။