ဥရောပအကောင်းဆုံး လူငယ်ကစားသမားဆု လီဗာပူးလ်တိုက်စစ်မှူး စတာလင် ဆွတ်ခူး

ဒီဇင်ဘာ ၂၃၊ ၂၀၁၄
M-Media

– ၂၀၁၄ ခုနှစ် ဥရောပအကောင်းဆုံး လူငယ်ဘောလုံးသမားဆု European Golden Boy ကို ရွေးချယ်ခဲ့ရာ လီဗာပူးလ်အသင်း၏ အင်္ဂလန်တိုက်စစ်မှူး ရဟီမ်းစတာလင်က ဆွတ်ခူးရရှိခဲ့သည်ဟု သိရသည်။

အသက် ၂၀ အရွယ်သာရှိသေးသည့် စတာလင်မှာ ယမန်နှစ်က ပရီးမီးယားလိဂ် ဆုဖလားနှင့် လက်တစ်ကမ်းအကွာကို ရောက်ရှိခဲ့သည့် လီဗာပူးလ်အသင်းတွင် အကောင်းဆုံး ခြေစွမ်းပြခဲ့ပြီး ကမ္ဘာ့ဖလားနှင့် ယူရို ၂၀၁၆ ခြေစစ်ပွဲဝင် အင်္ဂလန်အသင်းတွင်လည်း အဓိက ကစားသမားတစ်ဦး ဖြစ်ခဲ့သည်။

`ဒီလိုဆုမျိုးရတာဟာ အောင်မြင်မှုကြီးတစ်ခုပါပဲ။ ဒါဟာ ကျွန်တော်နဲ့ ကျွန်တော့်မိသားစုအတွက် သိပ်ကိုပျော်ရွှင်စရာ ကောင်းပါတယ်။ ကျွန်တော် အမြဲတမ်းလိုချင်တာကတော့ ဘောလုံးကစားရာမှာ အားထုတ်မှုပြင်းထန်ဖို့နဲ့ လူတွေက ကျွန်တော့်ကို အသိအမှတ်ပြုလာအောင် ကြိုးစားဖို့ပါ။ အခု လူတွေက ကျွန်တော့်ကို ဒီလို အသိအမှတ်ပြုတဲ့အတွက် ကျေးဇူးအထူးတင်ရှိပါတယ်´ ဟု စနေနေ့က ပြုလုပ်ခဲ့သော ဆုပေးပွဲအခမ်းအနားပြီးနောက် စတာလင်က လီဗာပူးလ်အသင်း ၀ဘ်ဆိုဒ်သို့ ပြောကြားခဲ့သည်။

အသင်း၏ အဓိက တိုက်စစ်မှူးဖြစ်သော စတာလင် ထိုဆုကို ရရှိခဲ့သည့်အတွက်
ဝမ်းမြောက်ကြောင်း ၎င်းတို့၏ ဆိုရှယ်စာမျက်နှာတွင် လီဗာပူးလ်အသင်းက
ရေးသားဖော်ပြခဲ့သည်။

European Golden Boy ဆုအတွက် ဇကာတင် ၄၀ ဦးတွင် မန်ယူမှ လုခ်ရှော၊ အဲဗာတန်မှ ဂျွန်စတုန်း၊ စပါးမှ အဲရစ်ဒီယာနှင့် အာဆင်နယ်မှ ကာလမ်ချိန်ဘာတို့ ပါဝင်ခဲ့ကြသည်။

Ref: Dailymail