ဇန်န၀ါရီ ၁၊ ၂၀၁၅
M-Media
– ကမ္ဘာတစ်ဝှမ်းဖြစ်ပွားနေသည့် အကြမ်းဖက်မှုများနှင့် အစွန်းရောက် ၀ါဒများကို ရင်ဆိုင်ဖြေရှင်းရန် ရည်ရွယ်၍ မွတ်စလင်-ဗုဒ္ဓဘာသာ ခေါင်းဆောင်များ ဆွေးနွေးပွဲတစ်ခုကို အီရန်နိုင်ငံ၌ ပြုလုပ် ခဲ့သည်ဟု သိရသည်။
အဆိုပါ ဆွေးနွေးပွဲကို `အကြမ်းဖက်မှုနှင့် အစွန်းရောက် ၀ါဒအား ရင်ဆိုင်ရန် အတွက် မွတ်စလင်နှင့် ဗုဒ္ဓဘာသာဝင်များအကြား ပူးပေါင်း ဆောင်ရွက်ရေး´ ခေါင်းစဉ်ဖြင့် မြို့တော် တီဟီရန်တွင် ကျင်းပပြုလုပ်ခဲ့ခြင်း ဖြစ်သည်။
၂ ရက်တာကြာမြင့်သည့် ထိုဆွေးနွေးပွဲသို့ မြန်မာနိုင်ငံမှ သီတဂူဆရာတော် ဒေါက်တာ အရှင်ဥာဏိဿရ အပါအ၀င် မြန်မာ၊ သီရိလင်္ကာနှင့် ထိုင်းနိုင်ငံတို့မှာ အသိပညာရှင်များ၊ ဘုန်းတော်ကြီးများ တက်ရောက်ခဲ့ကြပြီး အီရန်နိုင်ငံမှ ပညာရှင်များလည်း ပါဝင်ခဲ့သည်။
မြန်မာနိုင်ငံ အပါအ၀င် နိုင်ငံအများအပြား၌ အစ္စလာမ် ဘာသာဝင်များမှာ အစွန်းရောက် အုပ်စုများ၏ တိုက်ခိုက်မှုများကို ခံနေရခြင်းကြောင့် ထိုပြဿနာအား ပြေလည်စေရန် ရည်ရွယ်၍ ထိုဆွေးနွေးပွဲအား ကျင်းပခြင်းဖြစ်သည်။
ကမ္ဘာပေါ်တွင် ဖိနှိပ်ချုပ်ချယ်မှု အခံရဆုံးလူမျိုးစုအဖြစ် ကုလသမဂ္ဂက သတ်မှတ်ထားသည့် မြန်မာနိုင်ငံမှ ရိုဟင်ဂျာလူမျိုး ၁.၃ သန်းမှာ နိုင်ငံသားဖြစ်ခွင့်ကို ဆုံးရှုံးနေရသည်။ ထို့ပြင် ပြီးခဲ့သည့် ၂ နှစ်အတွင်း ဖြစ်ပွားခဲ့သော အကြမ်းဖက်တိုက်ခိုက်မှုများအတွင်း ရာချီအသတ်ခံခဲ့ရကာ ရိုဟင်ဂျာ ၁၄၀၀၀၀ ခန့်မှာ အိုးအိမ်စွန့်ခွာ ထွက်ပြေးခဲ့ရသည်။
Ref : PressTV
Leave a Reply
You must be logged in to post a comment.