ရေတပ်လေယာဉ်ကို မောင်းထုတ်မှုအတွက် တရုတ်ကို အမေရိကန် သတိပေး

မေ ၂၂၊ ၂၀၁၅
M-Media

– တောင်တရုတ်ပင်လယ် လေပိုင်နက်အတွင်း အမေရိကန်လေယာဉ်များ ကင်းလှည့်မှုအား ထိပ်တိုင်ရင်ဆိုင်မှုနှင့် ပတ်သက်၍ အမေရိကန်က တရုတ်နိုင်ငံအား ယမန်နေ့တွင် သတိပေးလိုက်သည်။

ဗုဒ္ဓဟူးနေ့က တောင်တရုတ်ပင်လယ်အတွင်းရှိ စပရက်တလေကျွန်းစုမှ ဖိုင်ယာရီကရော့စ် ကျောက်တန်များပေါ်တွင် ပျံသန်းနေသော အမေရိကန်ရေတပ်မှ ထောက်လှမ်းရေး လေယာဉ်ပျံ Navy P8-A Poseidon ကို ထိုလေပိုင်နက်မှ ထွက်ခွာရန် တရုတ်စစ်ဘက်က ၈ ကြိမ်တိုင်တိုင် တောင်းဆိုခဲ့သည်။

အမေရိကန်ရေတပ်ကမူ ယမန်နေ့က ထိုကိစ္စနှင့်ပတ်သက်သည့် ဗီဒီယို ၂ ခုနှင့် အပြန်အလှန်ပြောဆိုမှု အသံဖိုင်ကို ထုတ်ပြန်ခဲ့သည်။ အသံဖိုင်တွင် မိမိတို့မှာ တရုတ်ရေတပ်ဖြစ်ကြောင်း၊ မိမိတို့၏ စစ်ဘက်ဆိုင်ရာ သတိပေးဇုန်ကို ကပ်လာသောကြောင့်
ချက်ချင်းထွက်ခွာရန် တောင်းဆိုကြောင်း တရုတ်ဘက်က ပြောကြားခဲ့ပြီး အမေရိကန်ဘက်မှ မိမိတို့မှာ နိုင်ငံတကာရေပိုင်နက်အပေါ်တွင် ပျံသန်းနေခြင်းဖြစ်သည်ဟု ပြန်လည်တုံ့ပြန်ခဲ့သည်။ သို့သော်လည်း တရုတ်ရေတပ်က အမေရိကန် ကင်းထောက်လေယာဉ်အား ထပ်မံနှင်ထုတ်ခဲ့သည်။

ဖိုင်ယာရီ ကရော့စ် ကျောက်တန်းမှာ တရုတ်နိုင်ငံမှ စိုးမိုးရေးလုပ်ဆောင်နေသည့် နေရာလည်းဖြစ်ပြီး ယခုကိစ္စက တောင်တရုတ်ပင်လယ်၏ ၉၀ ရာခိုင်နှုန်းကို ပိုင်ဆိုင်ကြောင်း ကြေညာထားသည့် တရုတ်နှင့် ထိုကြေညာမှုကို လက်မခံသည့် အမေရိကန်တို့အကြား တောင်တရုတ်ပင်လယ်ပေါ်တွင် ထိပ်တိုက်တွေ့သည့် နောက်ဆုံးကိစ္စလည်း ဖြစ်သည်။

အရှေ့အာရှဆိုင်ရာ အမေရိကန် သံတမန် ဒန်နီယဲလ် ရက်ဆဲလ်ကမူ အမေရိကန် ကင်းထောက်လေယာဉ်များ တောင်တရုတ်ပင်လယ်ရှိ နိုင်ငံကာလေပိုင်နက်တွင် ပျံသန်းခြင်းမှာ ပုံမှန်ဖြစ်ပြီး သင့်တော်သည့်လုပ်ရပ်ဖြစ်ကြောင်း၊ မိမိတို့နိုင်ငံသာမကဘဲ နိုင်ငံအားလုံး၏
ရေကြောင်းနှင့် လေကြောင်းခရီးသွားလာမှု အခွင့်အရေးများကို ထိန်းသိမ်းသွားမည်ဖြစ်ကြောင်း ပြောကြားခဲ့သည်။

ယမန်နေ့က ပြုလုပ်ခဲ့သည့် ပုံမှန်အစည်းအဝေးတွင် တရုတ်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ ဟွန်လီက စပရက်တလေကျွန်းအား မိမိတို့ကသာ အငြင်းပွားဖွယ်မရှိ ပိုင်ဆိုင်သည်ဟု ထပ်လောင်းပြောကြားခဲ့သည်။

Ref: Foxnews