မေ ၂၂၊ ၂၀၁၅
M-Media
– ပါလက်စတိုင်းအား လွတ်လပ်သော အချုပ်အခြာအာဏာပိုင် နိုင်ငံအဖြစ် အသိအမှတ်ပြုရန်အတွက် လွှတ်တော်အတွင်း မဲခွဲမှုကို ဂရိအစိုးရက မကြာမီ ပြုလုပ်သွားမည်ဟု သိရသည်။
“ပါလက်စတိုင်းအား အသိအမှတ်ပြုရေးဟာ လာမယ့်သီတင်းပတ်တွေမှာလုပ်မယ့် လွှတ်တော်အစည်းအဝေးကဏ္ဍမှာ ပါသွားမှာပါ” ဟု ဂရိအာဏာရပါတီ ဆီရီဇာ၏ သတင်းရင်းမြစ်ကို ကိုးကား၍ Spuntnik သတင်းဌာနက ယမန်နေ့တွင် ဖော်ပြခဲ့သည်။
အဆိုပါ မဲခွဲမှုတွင် ပါလက်စတိုင်းသမ္မတ မဟ်မူဒ်အဘတ်စ်လည်း ပါဝင်ရန် မျှော်လင့်ထားသည်ဟု အာဏာရပါတီက ဆိုသည်။ ယခုလအစောပိုင်းက ဗာတီကန်မှာ နိုင်ငံအချင်းချင်း သဘောတူစာချုပ်တွင် ပါလက်စတိုင်းအား အချုပ်အခြာအာဏာပိုင်နိုင်ငံအဖြစ် တရားဝင် အသိအမှတ်ပြုခဲ့သည်။
အမေရိကန်၊ အစ္စရေးနှင့် ဥရောပ နိုင်ငံအချို့မှလွဲ၍ တစ်ကမ္ဘာလုံးနီးပါးမှာ ပါလက်စတိုင်းအား အချုပ်အခြာအာဏာပိုင် နိုင်ငံအဖြစ် အသိအမှတ်ပြုထားသည်။ သို့သော်လည်း ပြီးခဲ့သည့် နှစ်အနည်းငယ်အတွင်း ဥရောပ နိုင်ငံအချို့မှာလည်း သဘောထားများ ပြောင်းလာကြသည်။
၂၀၁၂ ခုနှစ် နိုဝင်ဘာ ၂၉ ရက်နေ့တွင် ကုလသမဂ္ဂ အထွေထွေညီလာခံ၌ ပါလက်စတိုင်းအား အဖွဲ့ဝင်မဟုတ်သည့် လေ့လာသူနိုင်ငံအဖြစ် မဲခွဲကာ အသိအမှတ်ပြုခဲ့သည်။
ဆွီဒင်နိုင်ငံကမူ ၂၀၁၄ ခုနှစ် အောက်တိုဘာ ၃၀ ရက်နေ့တွင် ပါလက်စတိုင်းအား တရားဝင် အသိအမှတ်ပြုခဲ့ပြီး၊ နိုဝင်ဘာနှင့် ဒီဇင်ဘာလများတွင် ပြစ်သစ်နှင့် စပိန်တို့ရှိ လွှတ်တော်အမတ်များက ပါလက်စတိုင်းအား အသိအမှတ်ပြုရေးအတွက် အစိုးရအား တိုက်တွန်းခဲ့ကြသည်။ ထို့ပြင် ဂျာမနီအပါအ၀င် ဥရောပနိုင်ငံအချို့တွင်လည်း ပါလက်စတိုင်းအား အချုပ်အခြာအာဏာပိုင်နိုင်ငံအဖြစ် အသိအမှတ်ပြုရေး တိုက်တွန်းဆော်သြမှုများ မြင့်တက်လာသည်။
ဒုတိယကမ္ဘာစစ်ကြောင့် အရှေ့ဥရောပမှ ထွက်ပြေးလာခဲ့သည့် ဂျူးများမှာ အမေရိကန်နှင့် အနောက်နိုင်ငံတစ်ချို့၏ အကူအညီဖြင့် ပါလက်စတိုင်းနယ်မြေအတွင်း ၁၉၄၈ ခုနှစ်တွင် အစ္စရေးနိုင်ငံ ထူထောင်ခဲ့ပြီး ထိုအချိန်မှစ၍ ပါလက်စတိုင်းများမှာ မိမိတို့၏ နယ်မြေအတွင်းမှာပင် နိုင်ငံမဲ့ ဖြစ်ခဲ့ရသည်။
နောက်ပိုင်းတွင် အစ္စရေးက ပါလက်စတိုင်း၏ နယ်မြေများကို နိုင်ငံတကာအသိုင်းအ၀ိုင်း၏ ကန့်ကွက်မှုများကြားမှပင် နည်းမျိုးစုံဖြင့် တိုးချဲ့သိမ်းပိုက်ခဲ့သည်။
ပါလက်စတိုင်းကမူ ၁၉၆၇ စစ်ပွဲအပြီး နိုင်ငံတကာအသိုင်းအ၀ိုင်းမှ သတ်မှတ်ပေးခဲ့သည့် နယ်မြေများကို စုပေါင်းကာ နိုင်ငံတစ်နိုင်ငံအဖြစ် ထူထောင်ရန် ကြိုးစားနေသော်လည်း အစ္စရေးက နည်းအမျိုးမျိုးဖြင့် အနှောက်အယှက်ပေးနေသောကြောင့် ကြန့်ကြာနေရသည်။
Ref: PressTV
Leave a Reply
You must be logged in to post a comment.