ဂန္ထ၀င် အစ္စလာမ့် ယဉ်ကျေးမှုများရှိ အမျိုးသမီးတို့၏ စွမ်းဆောင်ချက် (၃)

ဇူလိုင် ၁၄၊ ၂၀၁၆
M-Media

၎။ အထွေထွေ သုံးသပ်ချက်
——————————
အစ္စလာမ့်ယဉ်ကျေးမှုအတွင်း အမျိုးသမီးများ ရောက်ရှိခဲ့ကြသည့် ဂုဏ်အင်သိက္ခာက လက်ရှိပညာရှင်အသိုင်းအ၀ိုင်း၌ စတင်ပွင့်အံပေါ်လွင်လာပြီဖြစ်သည်။ ခလီဖဟ်တို့၏ ဆွေမျိုးသားချင်း အမျိုးသမီးများ၊ နန်းတွင်းသူများသည် စာပေထွန်းကားမှု၌ သူ့ထက်ငါ အပြိုင် ကြိုးစားခဲ့ကြ၏။ အန်ဒါလုစ်မှ မင်းသား အဟ်မဒ်၏သမီး အာအိရှဟ်သည် ကဗျာလင်္ကာနှင့် နှုတ်ရေးအတတ်တွင် သူမတူအောင် ထူးချွန်ခဲ့သည်။ သူမ၏မိန့်ခွန်းများသည် ကော်ဒိုဗာရှိ ခေတ်ဆွေးဒဿနရှင်များ၏ အတွေးအခေါ်တို့ကို ဂယက်ရိုက်စေခဲ့သည့်အပြင် သူမ၏စာကြည့်တိုက်မှာ ဘုရင့်နယ်မြေ၌ အကောင်းဆုံး၊ အပြည့်စုံဆုံး စာကြည့်တိုက်များအနက် အပါအ၀င်တစ်ခုဖြစ်ခဲ့၏။

အနောက်တိုင်းပညာရှင်များအကြား ဗလာဒါ ဟု လူသိများသော အလ်မိုဟက်စ်၏ မင်းသမီး ၀လာဒဟ်သည် ကဗျာလင်္ကာပညာအရာတွင် ထင်ရှားကျော်ကြားခဲ့သူဖြစ်၏။ သူမ၏ အထုံပါရမီက သူမ၏ချစ်ဖွယ်သွင်ပြင်ထက် မနိမ့်ကျခဲ့ပေ။ သူမ၏ပြောစကားတို့မှာ လေးနက်ထိရောက်လှသဖြင့် မှတ်သားဖွယ်ရာများ ဖြစ်ခဲ့သည်။ သို့သာမက အိုင်ဘာရီယန်(စပိန်နှင့်ပေါ်တူကီ)ကျွန်းဆွယ်တစ်ခွင်မှ ပညာရှိများ၊ အာဝဇ္ဖာန်းရွှင်သူများကို ဖိတ်ခေါ်ယှဉ်ပြိုင်စေသော ကော်ဒိုဘာ ပညာရှင်ပြိုင်ပွဲများ၌လည်း တစ်ကြိမ်မှ မရှုံးနိမ့်သည့်အပြင် စကားပြေရေးသားမှုတွင်ဖြစ်စေ ကဗျာစပ်ဆိုမှုတွင်ဖြစ်စေ ပြိုင်ဖက်အားလုံးထက်အလျင် ပြီးစီးအောင် ရေးသားယှဉ်ပြိုင်နိုင်ခဲ့သူဖြစ်၏။

ဆယ်ဗစ်လီ Seville မှ အလ်ဃတ်စန်နီယဟ် နှင့် ဆဖီယဟ်တို့သည်လည်း ကဗျာလင်္ကာနှင့် နှုတ်ရေးကြွယ်ကြွယ် အဟောအပြော၌ ထင်ရှားကျော်စော်လှသည်။ ဆဖီယဟ်၏ လက်ရေးပန်းချီအတတ်ပညာခန်းကို သာလွန်အောင် မည်သူမျှ မစွမ်းဆောင်နိုင်ခဲ့၊ ထိုခေတ်၏ အကျော်အမော် အနုပညာရှင်များကပင်လျှင် သူမ၏ ခမ်းနားပြောင်မြောက်သော လက်ရေးပန်းချီပညာအပေါ် လက်မှိုင်ချရသည်အထိပင်။ အလ်ဖိုင်စူလီ၏သမီး ပါရမီရှင် မီရီယမ်သည် စာပေနှံ့စပ်မှုအရာ၌ အန်ဒလုစ်တခွင် ကျော်ကြားလှသည်။ သူမ၏ ထက်မြက်ထိရောက်သော
ဇ၀နဥာဏ်နှင့် လိုတိုရှင်း သရော်ချက်များမှာ ပြိုင်ဖက်ကင်းလှကြောင်း အဆိုရှိသည်။

အွမ္မုလ် စအဒ်သည် မွတ်စ်လင်မ်ထုံးဓလေ့များ၌ ကျွမ်းဝင်မှုကြောင့် ကျော်ကြားသည်။ “Labana of Cordoba” အား တိကျသောသိပ္ပံအချက်အလက်များဖြင့် သီကုံးထားသည်ကို ကြည့်၍ ရှုပ်ထွေးနက်နဲသည့် ဂျီသြမေတြီနှင့် အက္ခရာသချာင်္များကို အဖြေရှာခြင်း၌ သူမ၏စွမ်းရည် ထက်မြက်လှကြောင်း တွေ့ရ၏။ အထွေထွေ စာပေအနုပညာဖက်တွင်လည်း ကျယ်ပြန့်စွာ လေ့လာလိုက်စားထားနိုင်စွမ်းကြောင့် ခလီဖဟ် ဒုတိယမြောက် အလ်ဟကမ်က မိမိ၏အတွင်းလူယုံအဖြစ်ပင် အရေးပါသောနေရာ၌ ခန့်အပ်ခဲ့သည်။

အိဘ်နု နဒီးမ် ရေးသားသော AI-Fihrist ၌ အထူးထူးသောနယ်ပယ်ရှိ ကျွမ်းကျင်သူ အမျိုးသမီးတို့ကို မှတ်တမ်းပြုဖော်ပြထား၏။ အရဗီဘာသာစကား အထူးကျွမ်းကျင်ခြင်းနှင့် ဆက်နွှယ်နေသည့် သဒ္ဒါပညာရပ်တွင် ကျွမ်းကျင်သူ နှစ်ဦး ပါဝင်သည်။ တစ်ဦးသည် အာရဗ်မျိုးရင်းနွယ်စုမှ ဆင်းသက်လာပြီး အာရဗ်တို့၏ဒေသိယဘာသာစကားဆိုင်ရာ ပညာရှင်ဖြစ်၏။ နောက်တစ်ဦးမှာ အာရဗ်ရိုးရာပုံပြင်များနှင့် ဆိုရိုးစကားများကို ကျွမ်းဝင်သူဖြစ်သည်။ တတိယမြောက်တစ်ဦးမှာ “ဝေါဟာရ၏ရင်းမြစ်များနှင့် ရှားပါးပုံစံများ” အမည်ရှိ စာအုပ်ကို ရေးသားခဲ့ပြီး စာဆိုကြီး အဘူ န၀ါ့စ် အတိုင်း ကန္တာရနေ မျိုးနွယ်စုများအကြား လှည့်လည်၍ အသိပညာများအား ဖြန့်ဝေပေးခဲ့သည်။ မတူကွဲပြားသည့် အခြားနယ်ပယ်တစ်ခုတွင်လည်း ပါးနပ်လိမ္မာသောအဆိုအမိန့်များဖြင့် ကျော်ကြားသူ အရ်ဝါ အကြောင်း ဖော်ပြထားပြီး သူမသည် “ဓမ္မဒေသနာ၊ ကိုယ်ကျင့်သီလနှင့် အသိဥာဏ်စဉ်” ဟူသော ကျမ်းကို ရေးသားခဲ့၏။

အသုံးချသိပ္ပံပညာ၏ အဆင့်မြင့်အကိုင်းအလက်တစ်ခုဖြစ်သည့် အာကာသလေ့လာရေးအတွက် သုတေသနစမ်းသပ်ခန်းကို အလ်အိဂ်ျလီယဟ် ဘင့်န်သိ အလ်အိဂ်ျလိ အတ်စတူလာဘီမှ ဖော်ဆောင်ခဲ့သည်။ သူမသည် အလက်ပိုမှ ဖခင်၏သက်မွေးပညာရပ်ကို အမွေဆက်ခံထားခြင်းဖြစ်သည်။ အေဒီ ၁၀ ရာစုနှစ် ဘိုင်ဇန်တိုင်းအင်ပါယာ၏ နယ်စပ်ကျူးကျော်မှုအန္တရာယ်ကို ကာကွယ်ခဲ့သူ ဆီးရီးယားမြောက်ပိုင်း ဟမ်ဒါနီဘုရင်များ(ဟိဂ်ျရီ ၃၃၃-၉၄၄၊ ခရစ် ၃၅၇-၉၆၇)အနက် တစ်ဦးဖြစ်သော စာအိဖ် အလ်ဒေါင်လဟ် ၏ နန်းတွင်း၌ အမှုတော်ထမ်းစေခြင်း ခံရသည်။

လက်ရေးပန်းချီအတတ်ပညာထွန်းကားတိုးတက်ရေးတွင် အနည်းဆုံး အမျိုးသမီးတစ်ဦး ပါဝင်နေသည်။ အဘ္ဘာစစ်မင်းဆက် ခလီဖဟ် မန်ဆူးရ်၏သားတစ်ဦးကို အလွတ်သင်ဆရာအဖြစ် ဆောင်ရွက်နေသူ အိဘ်နု ကိုင်ယူမဟ် မိသားစု၌ ဆနာအ် အမည်ရှိ ကျွန်မ တစ်ဦး ရှိ၏။ အိဘ်နု ကိုင်ယူမဟ်သည် ဆရာကောင်းပီသလှသူ ဖြစ်ရကား မိသားစုပိုင် ကျွန်စေမလေးကို သစ္စာရှိတပည့်တစ်ဦးအဖြစ် ကျေးဇူးပြုခဲ့သူဖြစ်၏။ သူသည် ထိုခေတ်ကာလ ထိပ်တန်း လက်ရေးပန်းချီပညာရှင် အစ္စဟာ့က် ဘင်န် ဟမ္မာ့ဒ်ထံ ပညာသင်ရန် လူနှစ်ဦးကို စေလွှတ်ခဲ့သည်။ ၎င်းတို့အနက်တစ်ဦးမှာ ဆနာအ် ဖြစ်၏။ ၎င်းတို့၏ မူရင်းလက်ရာများကို တူညီအောင် မည်သူမျှ မရေးသားနိုင်သေးကြောင်း အိဘ်နု နဒီးမ်က ရေးသားတင်ပြထားသည်။ (Foot Note -1 )

ဆက်လက်၍ အနာဂတ်သုတေသနနှင့် ရှေ့ဆက်စူးစမ်းမှုအတွက် စံပြနမူနာများအဖြစ် ဆေးဝါး၊ သချာင်္၊ အာကာသလေ့လာရေး၊ ပစ္စည်းထုတ်လုပ်ရေး စသည့်ကဏ္ဍများ၌ ကျွမ်းကျင်သူအမျိုသမီးများအချို့အကြောင်းအား အကျဉ်းချုပ် တင်ပြပါမည်။

Ref : The Muslim Heritage

(ဆက်လက်ဖော်ပြပါမည်)

1- (ကြည့် – Waddy Charis, Women in Muslim History, London and New York: Longman Group, 1980, p. 72.)

ဂန္ထ၀င် အစ္စလာမ့်ယဉ်ကျေးမှုများရှိ အမျိုးသမီးတို့၏စွမ်းဆောင်ချက် (၁ ) ဖတ်ရန်

ဂန္ထ၀င် အစ္စလာမ့်ယဉ်ကျေးမှုများရှိ အမျိုးသမီးတို့၏စွမ်းဆောင်ချက် (၂)  ဖတ်ရန်

ဂန္ထ၀င် အစ္စလာမ့်ယဉ်ကျေးမှုများရှိ အမျိုးသမီးတို့၏စွမ်းဆောင်ချက် (၃) ဖတ်ရန်

ဂန္ထ၀င် အစ္စလာမ့်ယဉ်ကျေးမှုများရှိ အမျိုးသမီးတို့၏စွမ်းဆောင်ချက် (၄) ဖတ်ရန်