ဇူလိုင် ၈၊ ၂၀၁၇
M-Media
– သြစတေးလျနိုင်ငံက ပြည်နယ်တစ်ခုမှာ လိုအပ်နေတဲ့ လျှပ်စစ်စွမ်းအင်ကို ဖြည့်ဆည်းပေးဖို့အတွက် လျှပ်စစ်ကားတွေကို ထုတ်လုပ်နေတဲ့ Tesla ကုမ္ပဏီက ကမ္ဘာ့အကြီးဆုံး လစ်သီယန်အိုင်းယွန်းဘတ္တရီကို တည်ဆောက်သွားမယ်လို့ သိရပါတယ်။
ပြင်သစ် ပြည့်ဖြိုးမြဲစွမ်းအင်ကုမ္ပဏီ Neoen နဲ့ ပူးပေါင်းဆောင်ရွက်မယ့် အဲဒီစီမံကိန်းကို ရက် ၁၀၀ အတွင်းမှာ တည်ဆောက်သွားမှာဖြစ်ပြီး မပြီးဘူးဆိုရင် အခမဲ့ လုပ်ပေးသွားမယ်လို့ Tesla ပိုင်ရှင် အေလွန်မက်စ်က မနေ့မှာ ကတိပြုခဲ့ပါတယ်။
“စွန့်စားမှုအချို့ရှိမှာ ကျိန်းသေပါပဲ။ ဘာ့ကြောင့်လည်းဆိုတော့ ဒါဟာ ကန့်သတ်မှုတစ်ခုအတွင်းမှာ လုပ်ပေးရမယ့် ကမ္ဘာ့ကြီးဆုံး ဘတ္တရီ ဖြစ်မှာမို့လိုပါ” လို့ မက်စ်က ဆိုပါတယ်။
အခုဘတ္တရီဟာ ၁၀၀ မီဂါဝပ် ထုတ်လုပ်ပေးနိုင်မှာဖြစ်ပြီး ၃၀ မီဂါဝပ်ထုတ်လုပ်ပေးနိုင်မယ့် နောက်ထပ် ကမ္ဘာ့အကြီးဆုံး ဘတ္ထရီတစ်ခုကိုလည်း မက်စ်တို့က တည်ဆောက်ဖို့ ရှိနေပါတယ်။
အခု ဆောက်သ်သြစတေးလျပြည်နယ်မှာ ဆောက်လုပ်မယ့် အဲဒီဘတ္တရီဟာ အရေးပေါ်အခြေအနေတွေမှာ ၂၄ နာရီ ဓာတ်အားပေးနိုင်မှာဖြစ်တယ်လို့ သြဇီအစိုးရက ပြောကြားခဲ့ပါတယ်။
အဲဒီပြည်နယ်ဟာ ပြီးခဲ့တဲ့နှစ် စက်တင်ဘာလကတည်းက ဓာတ်အားပြတ်တောက်မှုကို မကြာခဏ ကြုံတွေ့ခဲ့ရပြီး နိုင်ငံရဲ့ စွမ်းအင်ပေါ်လစီနဲ့ပတ်သက်လို့ နိုင်ငံရေးနယ်ပယ်မှာ ဝေဖန်မှုတွေ ဖြစ်ခဲ့ပါတယ်။
Ref : BBC