ဇူလိုင် ၈၊ ၂၀၁၇
M-Media
– အီရတ်နိုင်ငံ မူဆိုးလ်မြို့ ပြန်လည်သိမ်းပိုက်နိုင်ရေး ထိုးစစ်ဆင်နေသည့် အီရတ်စစ်တပ်မှာ IS အကြမ်းဖက်အဖွဲ့၏ နောက်ဆုံးနေရာနှင့် နီးကပ်လာပြီး ရက်ပိုင်းအတွင်း မြို့မှာ လုံးဝ လွတ်မြောက်တော့မည့် အလားအလာ ရှိနေသည်။
အီရတ်တပ်ဖွဲ့များမှာ IS ၏ နောက်ဆုံး စနိုက်ပါသမားများ၊ အသေခံဗုံးခွဲသမားများကို ရှင်းလင်းရေး လုပ်ဆောင်နေသည်။ အဆိုပါ တိုက်ခိုက်မှုအတွင်း အရပ်သား ၂ သောင်းခန့်မှာ ပိတ်မိနေသည်ဟု ကုလက ပြောဆိုထားသည်။
ပြီးခဲ့သည့်တစ်ပတ်အတွင်း မူဆိုးလ်မြို့ရှိ အလ်-နူရီ ဗလီဝတ်ကျောင်းတော်ကို သိမ်းပိုက်ခဲ့ပြီးနောက်ပိုင်း IS အဖွဲ့ ကျဆုံးသွားပြီဟု အီရတ်ဝန်ကြီးချုပ် အလ်-အာဘာဒီက ပြောကြားခဲ့သည်။
အမေရိကန် ကျောထောက်နောက်ခံပြု အီရတ်စစ်တပ်နှင့် ကာ့ဒ်တပ်ဖွဲ့ဝင်များ ပူးပေါင်းကာ IS အကြမ်းဖက်အဖွဲ့၏ နောက်ဆုံးခံတပ် မူဆိုးလ်မြို့ကို သိမ်းပိုက်ရေး ထိုးစစ်မှာ ၈ လတာ ကြာမြင့်နေပြီဖြစ်သည်။
Ref: Aljazeera