ဇူလိုင် ၁၉၊ ၂၀၁၈
M-Media
– ၂၀၁၄ ခုနှစ်မှာ ကျောင်းသူ ၂၇၀ ကျော်ကို ပြန်ပေးဆွဲမှုမှာ ပါဝင်ခဲ့တဲ့ ဘိုကိုဟရမ် အဖွဲ့သား ၈ ဦးကို ဖမ်းဆီးနိုင်ခဲ့တယ်လို့ နိုက်ဂျီးရီးယားရဲချုပ်က ပြောကြားလိုက်ပါတယ်။
နိုင်ငံမြောက်ပိုင်း ချီဘွတ်မြို့မှာ ဖြစ်ပွားခဲ့တဲ့ အဲဒီပြန်ပေးဆွဲမှုကြောင့် နိုက်ဂျီးရီးယား နိုင်ငံတစ်ဝှမ်း အုပ်အော်သောင်းနင်းဖြစ်ခဲ့ပြီး ဘိုကိုဟရမ် အကြမ်းဖက်အဖွဲ့ကို ထိထိရောက်ရောက် ချေမှုန်းခြင်းမရှိတဲ့အတွက် နိုက်ဂျီးရီးယားအစိုးရကို ပြစ်တင်ပြောဆိုမှုတွေလည်း ရှိခဲ့ပါတယ်။
အခုဖမ်းဆီးခဲ့တဲ့ ၈ ဦးက သူတို့ဟာ ကျောင်းသူတွေကို ပြန်ပေးဆွဲမှုမှာ တက်တက်ကြွကြွ ပါဝင်ခဲ့ကြောင်း၊ အသေခံဗုံးခွဲမှု ၅၀ ကျော် ပြုလုပ်ဖို့ စီစဉ်ထားကြောင်း ထွက်ဆိုခဲ့ပါတယ်။
နိုင်ဂျီးရီးယား ရဲတပ်ဖွဲ့ဟာ ပြီးခဲ့တဲ့ သီတင်း ၂ ပတ်အတွင်းမှာ ဘိုကိုဟရမ်အဖွဲ့သား ၂၂ ဦးကို ဖမ်းဆီးနိုင်ခဲ့ပါတယ်။
၂၀၁၄ ခုနှစ်ကစပြီး ဘိုကိုဟရမ်က ပြန်ပေးဆွဲခဲ့တဲ့ မိန်းလေးငယ်တွေနဲ့ ယောက်ျားလေးငယ်တွေရဲ့ အရည်အတွက်ဟာ ၂၀၀၀ ခန့် ရှိနေပြီ ဖြစ်ပါတယ်။ အများစုဟာ လိင်ကျွန်တွေ၊ တိုက်ခိုက်ရေးသမားတွေ၊ အသေခံဗုံးခွဲသမားတွေအဖြစ် အသုံးချခံနေရတယ်လို့ Amnesty International က ပြောကြားထားပါတယ်။
၂၀၀၉ ခုနှစ်က စတင်ပေါ်ပေါက်လာခဲ့တဲ့ ဘိုကိုဟရမ်အဖွဲ့ရဲ့ တိုက်ခိုက်မှုကြောင့် လူပေါင်း ၂ သောင်းလောက် သေဆုံးခဲ့ပြီး ၂.၃ သန်းလောက်ဟာ အိုးအိမ်စွန့်ခွာ ထွက်ပြေးခဲ့ရပါတယ်။
Ref: Aljazeera